مازلنا نشوفو مع بنات بلادي ...............

[عفاف الجزائرية]

سلام شوشو
امالا كون نحكيلك على الضرب نتاع البنات حنا صلو وين يضربو لي زاجون نتاع الاقامات كون ما يخليهاش تخرج سيرتو في الليل كي يكون عندها رونديفو
ياو ربي يسترنا برك
مرسي حنونة
​

 

[sandoussa3000]

وهادي معندهاش 15يوم من لي سمعنا بطفلة ضربت طفل بموس على وجهو فورماطاتهولو :blink:ياه الحالة وعارت

اشوووووووومي
عبالك راني نقرا ومشوكية توصل للموس هذي ولات ماشي طفلة
ربي يلطف بينا فهاذ الزمان
اعايشة ختي وش نقولك ربي يهدي بناتنا برك
صح الحالة ولات ماتشكرش
ولينا في زمان الطفلة ولات واعرة عالطفل
ميضوع يهبّل
شكرا لكِ:u_pc:

 

[عفاف الجزائرية]

خليني يا عفاف نشطح شوي على الرد هادا
:lolo::sheer::yahoo:
بنيتي عندها رونديفو على 10تاع الليل مخلاهش لاجون تخرج ظربتو
​

يوا انا شطحت كي سمعتها وكملت
واله خويا عادل غير انا وحده من الناس تشوكيت غير وانا نسمع في الاخبار هاذو
ويعجبك تجي تحكيهم عادي كلي راها فازة بالفنك الذهبي
تقوللك ما خلانيش نخرج ضربتو نورمال
​

 

[AnGeL*dZ]

عيشة راكي متاكدة بللي راهم بنات ههههه
عجبتني هاذي لي ضربتو بموس كملت
الطفل لازم تكون راتبة ومتربية ولطيفة مش عنيفة
و ملازمش توصل روحها لهادو لحكايات حتى تولي تضرب
وكي تضرب هي الطفل طيحت من قدرو لازم يرجعلها الصرف
لو كان انا طفل في بلاصتو نديرلها كثر
مدام مش هو اللي ضربها الاول
​

 

[DARINE05]

هههههههههههه فكرتيني في صحبتي نهار تقابضت مع وحدة حلتها بريزوار خلتلها وجها يسيل بدم



هذا الرد برعاية كار عيشوش للسياحة والسفر

 

[مروة MARWA]

مازالني على ديداني ماازااااااااال مازالني بخير وبشاني :music_whistling: :music_whistling:
---
ياه نندب على تهز الموس وتضرب طفل وقيلا الدنيا راح تفنى ولا تتgد ضربة وحدة
وشي صحنيت الوجه هادي لي عند البانيت الناس حكمها الهبال ضربة وحدة والوخيدة مالقاوش شكون يحطلهم كلمات ملاح في وذنيهم
ربي يستر
---
يعطك الصحة شوشو موضوع قيم
​

 

[touffik]

ههههههههه
مين كاين شرطية انا عليه نخف

الله يحفظنا منكم وبرك خوفتنى

 

[الشلفي02]

و عليكم السلام
شكرا على التحذير
راهم لبنات واعرات قاوي من جيهتكم
الله يبعدنا عليهم
إيه واش كان رد شرطية اللمة ماديتيهمش للحبس ولة خليتي الخاوة يقومو بيهم
علابالي أنت تخدمي في الخفاء
تقبلي مروري
سلامي

 

[°~Kenza_02~°]

والله غير رانا نسمعو غير فالعجب المعجب هاذ الدنيا ما نعرف وين راهي رايحة
الله يستر برك
مشكور شرطية اللمة ربي معااااك
​

 

[امل فلسطين]

اه ربي يهدي بنات الوقت

سيرتو لعقل خلاه معادش فيهم

اكثر شيء انا نخاف منو اني نواجه شب وخصوصا لو يطيح ولا ينزل من قيمتك

بصح كاين بنات وجوها بيرده ربي يسترنا

 

[sad_pb]

واش راح نقلكم ربي يسترنا و فرات

 

[BOUSS]

والله امساكن كيما قالو الي ضرباتو يدو ما يقول احححححححح
جنس اللطيف بالموس ما شكيتش

 

[نسمة حب]

الفتيات الخارقات

ههههههههههههههه


عيييش تشووووف
​

 

[وردة جزائرية فواحة]

السلام عليكم عيوش...
والله مواضيعك ديما فوووووووور...ومن الواقع اللي رانا عايشينو..
واش تحبي هذي حالتنا اليوم كل يوم نسمعو عجبة جديدة تنسينا فاللي قبلها...
بصح يا عيوش علاه ما فكيتيهمش...على اساس انك شرطية...هههههههه
ولا نقولك خليك بعيدة عليهم لا يفسدولك وجهك بضربة و نتوخدو فيك...هههههه...صلاحياتك فاللمة و بسسسسسس
سلام

​

 

[ღحنين الروحღ]

هههههههههههه
راكي متفكرتهااااااااااااااااااااااااا
رانا في عالم خارق
كل شئ عادي
ياو كاين الي ضربوا والديهم
ربي يستر

 

[دحمان الحراشي]

البوووكس مليح وحل من الحلووول الي ترجع كلشي لبلاصتو

 

[السلطانة]

يا حسراه عليك يادنيا
واحد الوقت كانت الطفلة تحشم باه تمشي قدام الطفل
درك راهي تضربه وترفد الموس
البنات كلهم راهم حابين يديروا كيما لارا كرافت !!!!
الله يهدي بنات اليوم

ايه خويا واش تحب
كاين بنات تقول بنات طرزان :tears:
الله يهدي الجميع انشالله
شكرا على مرورك الطيب

 

[السلطانة]

السلام عليكم

​

عارفين ليمن راني نصفق
نصفق للفحل هاداك نستعرف بيه..والله بردلي على قلبي و الطفلة هاديك تستاهل
طفلة تتجرأو ترمي ايدها تظرب راجل ممكن باباه مظربوش:busted_red:
والله عيب قلة تربية و تعيديــــــــــــــر هذا يسموه
ونقلكم الطفلة الي تظرب راجل راها .............
مهما كان هذا السيد
قادرة تقيسو بكلمة و تخليه اما تهز ايدها :thumb_down:
- في معشر الرجال كاينة قاعدة تقول:
عيب تظرب طفلة و انا مطبقها
لاني منحبش الحقرة
وانما كي طفلة توصل روحها كما هك و تهز ايدها عليــــــك هنا....:santa_1:
تتبدل العقلية و ممكن يصرالها اكتر من الي صرا للي شفتيها ياعيشة
أخر زمن... تهز الموس
الله يرحمك يا الأنوثة و التربية​

وعليكم السلام سيدي
ياه واش نقلك عطاها وحد الطريحة زرقة
ههه راحت عليك
لي توصل روحها هاداك مادواها
شكرا على المرور تحياتي

 

[azzedine02]

هههههههههههههههههههههههههههه
فتيات خارقات
راهم قاع على عيني في الجامعة
انا الاستاذ تاعهم

 

[السلطانة]

سلام شوشو

امالا كون نحكيلك على الضرب نتاع البنات حنا صلو وين يضربو لي زاجون نتاع الاقامات كون ما يخليهاش تخرج سيرتو في الليل كي يكون عندها رونديفو
ياو ربي يسترنا برك
مرسي حنونة​

اهلا عفوفة
ياه هادو ماخلاوش للدجاج وين يقاقي
يصربو على لي زاجون خلاه :scared::closedeyes::wink:
ياه الله يستر
شكرا على المرور الطيب افيفي