اين الاخلاق يا لبنات

[FARDOUSS]

نتوما مزال مشفتوا والوا

اطلعوا للجامعة تقول كون ديتش الباك خير

اني نحير

مرة سمعت طفلة قالت للصحبتها اني عملاتوا باس تو برك

حرت انا وليت نقول للصحبتي وشبيهم لبنات هدوما كاش وحدة ادير واحد باس تو وصمعتها وينني هدي

هدي وحدة منا برك بنت فامليا يجي واحد يقلها اكي تعجبني وهي ثاني يعجبها خلاه وتمشي معاه في الطريق هذي والندامة قتلتها ختان يجي نهار يقللها كلمة تجرح وتردلوا كلام اكثر منوا لانها بنت فامليا ودافع على روحها ولي يقللها اكي طيحتلي قدري سبحان الله العلي العظيم

ربي بقي الستر علينا

ربي يحفظكم يا لبنات اني هنا اكبر منكم كما خاوتكم كشما تسحقوا قلولي

سلام​

سلام عليك
راكي تشوفي ختي الفئة هده كيفاه راهي تتمشى على جسر هش من الامال واذا طاحوا فالبحر ربي ينجيهم من الغرق,مشاركتك طيببة فربي يهنيك ويحفك لوالديك
بارك الله فيك
​

 

[يسرى 2008]

والله يا خويا الجمال الحقيقي هو جمال الاخلاق
شوف وين وصلنا الطفلة الي تحط لافوتو تاحا في الفايس بوك
وتخرج مع الدراري وتحكي معاهم وتتمسخر
تولي هي الاحسن
والطفل الي يسبها ويرخسها هو الاحسن ربي يهدي وش نقولو
انا نظرتي انو هي مش متربية لازم تعيد التربية من جديد قبل فوات الاوان

 

[abc.imane2009]

عند حق يا اختي بصح ماشى قاع ناس كيف كيف ربي يهديهم

 

[da3boulla]

مش متربية ومش محترمة والديها
​

 

[souhila_95]

ربي يهدي ولا يدي لجهنم انشاء الله .عايشين فب احلام حب المسلسلات التركية مساكن

 

[algerienne1060]

[size="5" التربية تبدي من الدا ر و المراقبة لهاد البنات ماكانش بصح حنا نقولو ربي يهديهم و يستر علي كامل البنات
][/size] بصح ديما نقولو البنات مشي كيف كيف كما الاولاد مشي كامل مربيين

​

 

[FARDOUSS]

والله يا خويا الجمال الحقيقي هو جمال الاخلاق
شوف وين وصلنا الطفلة الي تحط لافوتو تاحا في الفايس بوك
وتخرج مع الدراري وتحكي معاهم وتتمسخر
تولي هي الاحسن
والطفل الي يسبها ويرخسها هو الاحسن ربي يهدي وش نقولو

انا نظرتي انو هي مش متربية لازم تعيد التربية من جديد قبل فوات الاوان ​

السلام عليكم حنونة
اولاا انا بنت وليس ولد
هي صحيح والله غير الاخلاق الجمال الجمالي للشيرة
بصح شكون هده الفئة كيفاش رح تفهم هاد العنوان
راهم بعااااااد بزااااف وما شي فايقين كي نشوف وحدة تهدر على واحد بلي عيط والالا فليكسا والا مانيش عارفة واش دار لها وتكون فرحانة بهاد الشيء نت مسكينة تشفني عبالك هو يحشيلها وهي مامنة الله يثبتنا على العقل والدين
ربي يسترك ويعزك ختي على المرور الطيب
بارك الله فيك.
​

 

[FARDOUSS]

عند حق يا اختي بصح ماشى قاع ناس كيف كيف ربي يهديهم

لالا عبالي حنونتي بصح يعني الموضوع لما تشوفيه يهدر هكا تعرفيه بلي على هاد الفئة المعنيية
​

والله يهدي لبنات ويييين راهم رايييحين بهد السلوك...
فرحتيني بطلتك المنورة ربي يعزك و يهينيك ويحفك لوالديك
بارك الله فيك.

​

 

[amouna.dz]

ما يهمكش في جدهم خليك منهم ما تهدري معاهم ما تخسري كلمتك مع عباد كيما هادو
انا صراحة والله راني مشوكيا في وحدة صاحبتي .....خانتني و شفتها بعيني.....
ايه مانحكيش خير ....ظرك مانعرفها ماتعرفني بعدت عليها خلاص وهاك احسن
ربي يستر يا اختي من هاذ الوقت
و ربي يهدينا اجمعين
شكرا موضوعك رائع يعطيك الصحة
​

 

[star boky]

صح والله الحالة ولات متعجبش خلاص

ربي يستر وهاذ ما كان

 

[FARDOUSS]

شكرا لكم على المشاركات الطييبة من امونة وستار بوكي
الله يهيدنا وش نقول حتى انا مليت يا رتني حتى مكتبتش الموضوع
كنا نقروا حتى ولينا نشوفو الله يستر اقسم باله اليوم ...والا منقولش عفوك يا رب
الله يسترنا وينجحنا
​

 

[chemssou007]

ولاو لي مشي متربياتـ أكثر بكثير من المتربياتـ
و الواقع يحكي مانيش نجيب من عنديـ
تقدر تروح للجامعاتـ و الاقامات و تروح برا و تشوفـ بعينك اللبسا و الهدرا و المشيا و الحالا كيفاه ولاتـ
على الأقلـ حنا رجالـ كي نديرو معصية نستعرفو بيها
mais للأسفـ الكثيراتـ يديرو في حوايج حاطين رواحم Style و وصلو
و هوما Au Fond علا بالهم بلي راهم 000​

 

[hard_way1990]

أنا ثاني حاير فهاذ البنات تلقى وحدة باباها زوالي يجري و يعثر على جالها و هي تجيبلو فالعار ......تغيضني كي نشوف حالات كيماكا .........واش راح نقلكم أنا راني حاير واش كاين في راسهم باه يخممو ............

هاذي صح خويا تهلكني وتضربني فالصميم .. يا خويا ربي يهدي ما خلق .. رانا نحصدو واش زرعنا .. الحرية المطلقة .. البنت خارجة داخلة من المنزل وماكانش ألي يقول وين رايحة .. و الرفقة السيئة و ووووو والأسباب كثيرة .. وهي رايحة .. ربي يجيب الخير ويسترنا ويستر عائلاتنا ..
​

 

[نهى28]

الله يهدي جميع البنات للطريق الصح
ولي راها مهدية والحمد لله ان شاء الله ربي يثبتها على الطريق الصواب ​

 

[somi]

أنا نقولك أهلهم ماشي سامعين بيهم مستحيل الأهل يقبلوا هذه الأمور ولازم يتلاموا على عدم المعرفة واعلا هذه الذرية المطلوقة في الطرق
شكرا على الموضوع
والله يهدي من أخلق

 

[{مُدَلَّلَتُهُ}]

يا ختي ما عدنا ما نقولو ربي يهدي ما خلق مي مشي لبنات قاع كيف كيف كاين بنات الفاميليا الله يبارك

 

[nana1996]

والله غير هذا مشكل يعاني منو كامل المجتمع الجزائري
ولات الطفلة طيح بروحها وتخرج مع هذاك الي تقلو صاحبي .حبيبي..........الخ وشكون الخاسر ؟؟ الطفلة اكيد

 

[صفحة بيضاء]

اللي محيرني انا كل بنات المنتديات تلقايهم
يحكو بواحد الطريقة تقولي مزال الدنيا بخير
وكأنو اللي يدخلوا منتديات فقط الشريفات
حتى الشباب تحسبي بصح
انتي تتوقعي شي بنت تدخل تقول انا هاك ابدا
ياك راني نشوف بعض المواضيع من بعض البنات
شفتهم يشكو في منتدى فرغ واش كاين في قلبك
تحشمي غي باش تقراي واش راهم كاتبي
كانو هديك الشكوى حلال تهدرها افففف
قصص حب وخرفات وتجي تهدر وتديرنا
في محاظرة عن الاخلاق
لست اتكلم عن صاحبت الموضوع راني نهدر
عن كل بنت تهدر وتشكي في فرغ واش كاين في قلبك
وتجي هنا تورينا في روحها ...تحسبي بصح
الله يهدينا جميعا ..مكانش لي فلجزائر راه يمشي
في طريق المستقيم
يا غشاش يا سراق يا اللي قلتي عليه
يا كداب ..الخ يلا بقيت نهدر صفحة ما بتكفيني
مشكورة ع الموضوع​

 

[tita20]

انا نقول الله يسر من لي راه جاي كي لبنات كي اولاد الله يهدي ما خلق امين
​

 

[Nina's]

hmd ana machi menhoum
ellah yahdihoum berk rahoum 7armou 3lina el kherjat​