كلنا إخوة ~ وضع الشعار في محله الحقيقي ~ ..

[همس الوُرود]

السلام عليكم ورحمة الله وبركاته

أهلا ناس وش راك تهدر وشراكم شويآ؟؟ اللمة هدي الفترة ناشطة تع الصح ما شاء الله :d ربي يحفظهالنا إن شآء الله ويخلينا لبعضانا

نورمالمو ترحبوا بيا شويا بالقهوة والقاطو :d


بصح ماعليش راني جبتلكم قاطو حصري درتو أنا :$ راني مازينتوش هههه ~ بلاكو برك تقولو عليه محروق ولا مشي بنين راهو جا بنين هايل :p

هدا درتو البارح وصورتو وليكم لافوطو الحصرية كولو حتى تشبعوا هههه
​

ههههههههه بصحتكم

واقيلا كترت فالهدرة ومزال ماكتبتش الموضوع :p" حتى نسيت على وش كنت رايحة نهدر ههههه"


المهم اليوم جيت نحكيلكم على وحد الشعار داروه فوحد المنتدى وسمو على ما أظن منتدى اللمة الجزائرية لالا هذا المنتدى مشي الشعار

الشعار وسمو كلنا إخوة

ودارولو وحد لا فوطو​

​

​

بصح نظن بلي رغم أنو الأغلبية دارو الموضوع إلآ أنهم مزالو مافهموش معناه

فنلقى أعضاء يكتبوا كلنا إخوة و يتقابضوا فنفس الوقت ولا في مشاركتهم يكون كاين إستهزاء ورايحة نركز على كلمة إستهزاء أو أنتم ركزوا على هذي الكلمة على خاطر مضمونها قوى بزاف فهذا المنتدى

نلقاو عضو مثلا يقرا موضوع وراهو يحوس فيه غير على الزلات والأخطاء بش يرد ويقول وأنتم وأنتم ويستهزئ

ونركز على مواضيع أصحاب المشاكل مثلا فمنتدى مشكلتي ولا فمنتدى فرغ وش كاين في قلبك

الإنسان الي جا و فرغلكم قلبو و حكالكم همو و سرو وهو بلاك مايرقدش فالليل في جال هداك البروبلام مالقاش حل غير بش يكتب موضوع ويلقى تدعيم ونصائح من عند أشخاص

لما يدخل يقرى الردود يلقاها باردة و يلقى الإستهزاء وربما تكذيب

حنا فاللمة أعضاء وقبل ما نكونوا أعضاء افتراضيين رانا عباد و ناس عندنا مشاعر عندنا حاجة يسموها قلب عندنا حاجة يسموها دمعة وحاجة يسموها ابتسامة

علاش الإنسان المهموم الي حكالكم سرو و دار فيكم لامان تقابلوه بذاك الجفاء؟ مانيش نحكي على إنسان معين ومارانيش نقصد ولا شخص ولكني نحكي عموما فقط

نتمنى كل إنسان قبل ما يكتب كلمة يعرف بلي كاين ملائكة تسجلو كل أفعالو حت الكتابة وتتسجل ربما كلامك رايح يدمر إنسان وأنت ماتعرفش علابيها لازم علينا ننتقيو كلماتنا قبل مانهدرو و نراقبو أنفسنا قبل مانراقبو غيرنا

إما نقولوا حاجة حلوة ولا مكالاه نقولوا أصلا و إذا حسينا بلي صاحب المشكلة يستحق بعض اللوم على الأقل ننصحوه ننصحوه ونحاولوا قدر الإمكان كلماتنا ماتكونش جارحة

لأنو فالدنيا هادي كاين ناس يتألمو وناس عندهم ألف مصيبة كاين ناس تاني عندهم مشاكل متعرفوهاش يدخلو ينحوا على خاطرهم تجو نتوما بدون تفكير تبعتو سمعات توجع الإنسان هذاك؟؟ لالا يا إخوتي في الله صدقوني أنا وحدة من الناس وغلطت و أحيانا نكتب أمور ونندم نقول علاش قلت هكا ؟؟ و بلاك جرحتهم وبلاك وبلاك ديفوا نطلب السماح ديفوا مانقدرش ونحشم ونمعني من بعيد بالسماح

فالأخير نقوللكم نتمنى صح نكونوا إخوة و نعرفوا وش معناه هذا الشعار ~ ندخلوا هنا ننحوا على خاطرنا و نعاونوا بعضانا نرفدوا اللي عندو مشكلة ونشجعوا بعض ننصحوا الي غالط ونعيشوا في راحة

ربي يفرج على كل مهموم ~و يشفي كل مريض



وأسمحولي على كش غلطة في حقكم

ونصارحكم بلي كاين ناس حابة نطلب منهم السماح لأني نظن أني غلطت معاهم في يوم ما ومنيش قادرة نطلب السماح بيسك حتى هوما جرحوني

علابالي من المفروض نبادر أنا بطلب الصفح بش ندي الأجر مي معليش منا أسمحولي ياك ؟؟ والله ماني نحمل ولا ضغينة لحتى شخص فيكم

تهلاو في روحكم و تحياتي واحترامي لكم

" إعتمدولي الموضوع بسرعة كون تطولوا نفهم بلي تحبوا تاكلو الكعكة ليكم وحدكم :pههههه "

في رعاية الله وحفظه ​

 

[الورد الأحمر]

رد: كلنا إخوة ~ وضع الشعار في محله الحقيقي ~ ..

السلام عليكم ورحمة الله وبركاته

أهلا أختي بلي جا وجاب في يدو جيتي برك بيدك آآه قصدي بوجك أو نستقبلوك ما تخافيش ... مي أصبريني كي طحت ع الموضوع أنا اللولة ناكل حتى نشبع وسع نعتمد راني نضت نتغذا لقيتهم كلاولي غذاي واكتشفت في دارنا بلي اللخر ما يلحقش هههه .

نرجعو للموضوع والله يا أختي عندك الحق مؤخرا شوية كثرت المشاحنات بين الأعضاء ومرات كي شغل نفرغو تعبنا ولا غشنا في إنسان ما يستاهلش اللول لي نطيحو فيه تطفر فيه مسكين وأنا شخصيا تصرالي مرات نكون مكرفصة ندخل للمة نطيح في موضوع ولا ونقلق من المحتوى نصهّد لبنادم بنشعة ربي يغفرلي برك وان شاء الله كل انسان حس إني ظلمتو يسامحني وسماح من عندي للجميع ولكل واحد شاك في روحو ظلمني .

تعرفي واش تفكرت ؟ تشفاي زمان كان اسمك سلسبيل ؟ وتقابضنا في موضوع ؟ ههههه درنا حالة داك الوقت وزعفنا من بعض :p مي تبانلي المشاحنات هذي تصرا برك بصح لقلوب تصفى غير ما تفوت لحكاية .

ان شاء الله شعار كلنا إخوة نطبقوه بمعناه وبما يحمله من متطلبات ولا نحبسو علينا الزهو هذا والتظاهر وان شاء الله تبقى ديما متجسدة روح الأخوة بيناتنا لي تعبر على اسم المنتدى {اللمة} والله يديم لمتنا ويدمنا لبعض .

مغسي ع الموضوع الهادف بارك الله فيك .

 

[همس الوُرود]

رد: كلنا إخوة ~ وضع الشعار في محله الحقيقي ~ ..

السلام عليكم ورحمة الله وبركاته

وعليكم السلام ورحمة الله وبركاته ~
​

أهلا أختي بلي جا وجاب في يدو جيتي برك بيدك آآه قصدي بوجك أو نستقبلوك ما تخافيش ... مي أصبريني كي طحت ع الموضوع أنا اللولة ناكل حتى نشبع وسع نعتمد راني نضت نتغذا لقيتهم كلاولي غذاي واكتشفت في دارنا بلي اللخر ما يلحقش هههه .

أهلا أختي مون لايت ~ هههههه شفتي كيفاش نحسلك أنا؟ نحاولك الغداء جبتلك قاطو بنين ويشهي :$ كولي أختي بصحتك :d
​

نرجعو للموضوع والله يا أختي عندك الحق مؤخرا شوية كثرت المشاحنات بين الأعضاء ومرات كي شغل نفرغو تعبنا ولا غشنا في إنسان ما يستاهلش اللول لي نطيحو فيه تطفر فيه مسكين وأنا شخصيا تصرالي مرات نكون مكرفصة ندخل للمة نطيح في موضوع ولا ونقلق من المحتوى نصهّد لبنادم بنشعة ربي يغفرلي برك وان شاء الله كل انسان حس إني ظلمتو يسامحني وسماح من عندي للجميع ولكل واحد شاك في روحو ظلمني .

السماح أختي السماح ههههه حتى أنا أسمحيلي كش ما غلطت في حقك ولا

صح تصرا وعلابيها قلت لازم على الإنسان يراقب كلامو قبل ما ينطق بيه لأنو ماتدريش هدا الإنسان الي معاك وأحوالو الشخصية ​

تعرفي واش تفكرت ؟ تشفاي زمان كان اسمك سلسبيل ؟ وتقابضنا في موضوع ؟ ههههه درنا حالة داك الوقت وزعفنا من بعض :p مي تبانلي المشاحنات هذي تصرا برك بصح لقلوب تصفى غير ما تفوت لحكاية .

ههههههههههه إيه نشفالها مليح مليح أسكتي برك في هاديك تقلب الموضوع كلو ديناها غير بالتقابيض و خلي وخلي اللمة كامل استقرت فالموضوع و المهاجمة هههههههه
وفالأخير خرجت سلامات فالرسائل الخاصة ههههههه

ماعليش السماح بيناتنا برك:$​

ان شاء الله شعار كلنا إخوة نطبقوه بمعناه وبما يحمله من متطلبات ولا نحبسو علينا الزهو هذا والتظاهر وان شاء الله تبقى ديما متجسدة روح الأخوة بيناتنا لي تعبر على اسم المنتدى {اللمة} والله يديم لمتنا ويدمنا لبعض .

آميييييين يآ رب
إن شآء الله كل واحد يفهم معناها الحقيقي ونكونوا قدوة لبعضانا نتكلمو ولما نتكلمو كلامنا يكون بقيمة دواء للإنسان الآخر

ربي يهدينا و يسترنا ويثبت قلوبنا على دينه يااا رب

​

مغسي ع الموضوع الهادف بارك الله فيك .

وفيك بارك الله أختي

ربي يحفظك أختي و بارك الله فيك على الإعتماد هههه
​

 

[الامين محمد]

رد: كلنا إخوة ~ وضع الشعار في محله الحقيقي ~ ..

نونونونونو
مكانش منها و انا فيّ سكر ما ناكل
و الله غير ناكل و كيما جات تجي ههههههههههههه
شوفي أختي انا نعتذر في حاجتين
اولهما الادارة تسمح لي كسّرت ليهم روسهم بالرسائل
خصوصا أم ياسمين و صاحبة القبعة الحمراء

و أخت اخرى
اللي هيّ ليليا
و الله نفرح و نحس بالسعادة كي
نعايرّها بالكحلوشة
و الله هي أختي التوأم ربي يخليها و يعطيها على قد نيّتها
و يخليكم كامل

 

[همس الوُرود]

رد: كلنا إخوة ~ وضع الشعار في محله الحقيقي ~ ..

نونونونونو
مكانش منها و انا فيّ سكر ما ناكل
و الله غير ناكل و كيما جات تجي ههههههههههههه
شوفي أختي انا نعتذر في حاجتين
اولهما الادارة تسمح لي كسّرت ليهم روسهم بالرسائل
خصوصا أم ياسمين و صاحبة القبعة الحمراء

و أخت اخرى
اللي هيّ ليليا
و الله نفرح و نحس بالسعادة كي
نعايرّها بالكحلوشة
و الله هي أختي التوأم ربي يخليها و يعطيها على قد نيّتها
و يخليكم كامل

السلام عليكم

آسفة على الصورة والله ما قصدت بيها شيء

من المفروض مانحطهاش لأنو كاين ناس ميقدروش ياكلو هدي الأمور ~


إن شآء الله يسامحوك يآ رب


و ربي يهدينا و يسترنا و يجعلنا من عباده الصالحين يآ رب

بارك الله فيك على الرد ​

 

[نبض الحياة]

رد: كلنا إخوة ~ وضع الشعار في محله الحقيقي ~ ..

السلام عليكم ورحمة الله وبركاته
اهلا اهلا بعبوورتي الحلوة وجابت الحلو
اممممم يعطيك الصحة حبووبتي
التفاتة طيبة منك غاليتي وفي الصميم
ربي يبارك فيك على النصائح حنونتي
لكن احيانا فيه ناس تتمادى في الخطأ تعيي تتسامحي وتفوتي لكن يتجرؤوا ويواصلو في عنادهم
نظن هنا لازم توقفيهم عن حدهم ماشي بالدبزة او الكلام السيئ ولكن بطريقة سلمية
ربي يدوم المحبة بين اعضاء اللمة
مشكورة غاليتي

 

[همس الوُرود]

رد: كلنا إخوة ~ وضع الشعار في محله الحقيقي ~ ..

السلام عليكم ورحمة الله وبركاته

وعليكم السلام ورحمة الله وبركاته
​

اهلا اهلا بعبوورتي الحلوة وجابت الحلو

وبيك تحلى يا الغالية رقية :$ حشمتيني هههه​

اممممم يعطيك الصحة حبووبتي
التفاتة طيبة منك غاليتي وفي الصميم
ربي يبارك فيك على النصائح حنونتي

وفيك بارك الله فيك أختي الغالية ربي يحفظك
​

لكن احيانا فيه ناس تتمادى في الخطأ تعيي تتسامحي وتفوتي لكن يتجرؤوا ويواصلو في عنادهم
نظن هنا لازم توقفيهم عن حدهم مشي بالدبزة او الكلام السيئ ولكن بطريقة سلمية

صح كاينين أختي ~ نتمنى ربي يهدينا ويهديهم يا رب ~ إن شآء الله كلهم يفهموا بلي لازم على الإنسآن ما يجرح الآخرين لأنو اللسان لحمة صغيرة مي تقدر تفرح بيها ناس و تقدر تقتل ناس أخرين بيها و لسان الإفتراض هوما الأنامل​

ربي يهدينا يا رب
ربي يدوم المحبة بين اعضاء اللمة
مشكورة غاليتي

آمييين يآ رب

وشكرا على مرورك اللطيف أختي العزيزة والله فرحت بوجودك هنا و طلتك عليا نتمنى يكون عجبك القاطو هههههههههه :d​

 

[لؤلؤة قسنطينة]

رد: كلنا إخوة ~ وضع الشعار في محله الحقيقي ~ ..

السلااااام عليكم
ومساؤكم سعيد ولذيذ مع هذه الحلويات من يد عبورة من المفروض تمدي القاطو لمشرفي منتدى واش راك تهدر برك :p
غير نضحك برك
صار هكا ماعجبكش التصميم وهو من اختراعي :cray02: وانا تعبت عليه قلت نفرح بيه اللمة صار هكا يا عبورة؟ هلاص زعفت درك نغادر اللمة
(كاميرا خفية فقط :p)
المهم نوليو للموضوع المهم ولي يشبه بزااف لموضوع حبيبتي بيرل بلونش لي عندها عام من لي مابانتش ربي يكون معاها وين ماكانت ويحفظها من كل شر ان شاء الله
وكانت تكلمت في موضوعها تقريبا على نفس فكرتك، أولا نتكلمو على الاخوة لي بيناتنا كافراد لأسرة واحدة وكأعضاء للمة واحدة لأنو يربطنا في هاد المكان
اكبر وأجمل واروع من انو يعبر عليه شعار ولا يعبر عليه لسان، والشعار كان مجرد حاجة رمزية تزيد التحام وتعاون وترابط هاد الاسرة تماما كإبتسامة في وجه صديق
ولا احتضان لأخ ولا اخت هكا تاني الشعار هو رمزية بسيطة تبين بلي رانا اخوة وما يفرقنا والو ان شاء الله
واذا تشاجرنا ماش معناها نكرهو بعضانا وإذا تشاجرنا ماش معناها بطلنا نكونو اخوة لأنو كلمة اخ راهي اكبر بكثير ورانا خاوة من نفس الاب والام ونتشاجرو ونعايرو
بعضانا بصح كن يتأذى واحد فينا الآخر يحرق الدنيا على خوه والشجار بالعكس ماراهو إلا محبة لأنو مايحبش الآخر مايديرش عليه خلاص ومايتكلم معاه ما يتشاجر
وانا رمضان لي فات برك تشاجرنا انا وختي ليليا ماش شجار كبير ولكن سوء فهم برك ولما تشاجرنا ماش معناها نكرهو بعضانا بالعكس كنت كل ليلة نوض نصلي فيها
تغيضني روحي ونشبع بكا ونقول عيب اني نصلي ونقابل ربي ونزعف اخت عزيزة عليا على حاجة ماعندها حتى معنى وحتى هي لقيتها في موضوع كاتبة عليا غير الخير
مع انو متشاجرين زعما ههههه وتصالحنا وزادت محبتنا كتر وكاين حتى اخوة لي تدخلو وقالولنا عيب راكم خواتات يعني ماشاء الله هادا ماراهوش عالم افتراضي لأنو
العالم الافتراضي كل واحد يهتم بنفسو وبرك لن لما تلقاي ناس تشاركك تعبك وفرحك وتنصحك وتقولك هادا غلط وكلشي تما تعرفي بلي صح جامعتنا اخوة
اما فيما يخص مواضيع مشكلتي، شوفي نقولك حاجة هي لكل مقام مقال الانسان كل وضع يعرف واش يتكلم فيه، كاين لي جاي طالب النصح ومقفولة في وجهو
ننصحوه بهدوء ونحاولو نكسبوه خاطر راهو منهار .. كاين لي مراهقة ماتعرفش صلاحها رايحة تضيع لازم نجبدوها بالكلام الهادىء باه نربحوها وكاين لي يتطلب
نزيدو في النبرة تاعنا معاه، حبيبتي ماش كامل النصائح لازم تتمد بهدوء وماش لأنهم ناس افتراضيين انا ختي في الدار كاين نصائح نمدهوملها بلعقل وكاين نصائح
نعيط عليها ونتكلم معاها بغضب يعني حسب الموقف وكن ماجاوش اصحاب المشكلة في مقام الاخوة مانتعامل معاهم بغضب ولا ننفعل خاطر لي عزيز عليك هو
لي تنفعل معاه اما البراني تكتبلو زوج حروف وتطيشو، يعني الموقف الصارم احيانا راهو لمصلحتهم ولا واش داني ندخل لقسم مشكلتي من الاساس ونولي ننفعل
كلشي كن ماجاوش عزاز، وهنا رانين تكلم على نفسي صراحة واذا اي شخص جا لهاد القسم وجاوبتو بنرفزة ولا تمسخرت بيه نقولولو يسمحلنا لأنو ماكانش لي
يغلط وحنا هدفنا ننصحو ونوعيو فقط خاطر كي نتمسخر بشخص مارايحة نربح والو في النهاية
ونقول في الاخير ربي يحفظلنا لمتنا وربي يحميها وان شاء الله كيما ملتقانا هنا نتمناو نلتقيو في الجنة اجمعين
شكرا عبورة على الموضوع ربي يحفظك حبيبتي
تحياتي

​

 

[همس الوُرود]

رد: كلنا إخوة ~ وضع الشعار في محله الحقيقي ~ ..

السلااااام عليكم

وعليكم السلام ورحمة الله وبركاته
​

ومساؤكم سعيد ولذيذ مع هذه الحلويات من يد عبورة من المفروض تمدي القاطو لمشرفي منتدى واش راك تهدر برك :p
غير نضحك برك

ههههه ياماما على مريومتي ماكنتش علابالي بيك بلي أكولة هههه ولا كون درتلك كعكة خاصة ليك وحدك :$
​

صار هكا ماعجبكش التصميم وهو من اختراعي :cray02: وانا تعبت عليه قلت نفرح بيه اللمة صار هكا يا عبورة؟ هلاص زعفت درك نغادر اللمة
(كاميرا خفية فقط :p)

ههههه والله والو يا أختي راني نحكي على الناس الي مفهموش الشعار بمعناه الحقيقي أما شعارك هايل و حتى رسمتك هاديك تع اللمة والله هايلة وعجبتني بزاف لدرجة أني رحت لماما قلتلها شوفي هادي العضوة وسمها مريم و عضويتها لؤلؤة قسنطينة قلتلها شوفي الرسمة تعها شحال هايلة قالتلي ماما ما شاء الله هادي صح تعرف ترسم :$بصح شحال تحبو تضيعوا وقتكم فارغات شغل هههههه " ها نورمال البخصة من عند ماما تفاحة ياك ":d​

المهم نوليو للموضوع المهم ولي يشبه بزااف لموضوع حبيبتي بيرل بلونش لي عندها عام من لي مابانتش ربي يكون معاها وين ماكانت ويحفظها من كل شر ان شاء الله

يا ربي وتكون بخير هاديك العضوة والله حيرتنا معاها ~ ربي يشفيها ويحفظها يا رب
​

وكانت تكلمت في موضوعها تقريبا على نفس فكرتك، أولا نتكلمو على الاخوة لي بيناتنا كافراد لأسرة واحدة وكأعضاء للمة واحدة لأنو يربطنا في هاد المكان
اكبر وأجمل واروع من انو يعبر عليه شعار ولا يعبر عليه لسان، والشعار كان مجرد حاجة رمزية تزيد التحام وتعاون وترابط هاد الاسرة تماما كإبتسامة في وجه صديق
ولا احتضان لأخ ولا اخت هكا تاني الشعار هو رمزية بسيطة تبين بلي رانا اخوة وما يفرقنا والو ان شاء الله

صح يا أختي وربي يحفظنا لبعضنا يا رب إن شاء الله كل الأعضاء يفهموا هذا المعنى والهدف من الموضوع و الشعار والمنتدى
​

​

واذا تشاجرنا ماش معناها نكرهو بعضانا وإذا تشاجرنا ماش معناها بطلنا نكونو اخوة لأنو كلمة اخ راهي اكبر بكثير ورانا خاوة من نفس الاب والام ونتشاجرو ونعايرو
بعضانا بصح كن يتأذى واحد فينا الآخر يحرق الدنيا على خوه والشجار بالعكس ماراهو إلا محبة لأنو مايحبش الآخر مايديرش عليه خلاص ومايتكلم معاه ما يتشاجر
وانا رمضان لي فات برك تشاجرنا انا وختي ليليا ماش شجار كبير ولكن سوء فهم برك ولما تشاجرنا ماش معناها نكرهو بعضانا بالعكس كنت كل ليلة نوض نصلي فيها
تغيضني روحي ونشبع بكا ونقول عيب اني نصلي ونقابل ربي ونزعف اخت عزيزة عليا على حاجة ماعندها حتى معنى وحتى هي لقيتها في موضوع كاتبة عليا غير الخير

ما شاء الله مام أنا و ليليا تشاجرنا شجار بسيط بصح نسيت علاواش هههههههه وديراكت نسينا ولينا نحكو ونتمهبلو ممبعد حتى هي نسات عليا لكان نيكزيستي فالعالم هههههه
​

مع انو متشاجرين زعما ههههه وتصالحنا وزادت محبتنا كتر وكاين حتى اخوة لي تدخلو وقالولنا عيب راكم خواتات يعني ماشاء الله هادا ماراهوش عالم افتراضي لأنو
العالم الافتراضي كل واحد يهتم بنفسو وبرك لن لما تلقاي ناس تشاركك تعبك وفرحك وتنصحك وتقولك هادا غلط وكلشي تما تعرفي بلي صح جامعتنا اخوة

ربي يخلينا لبعضنا يا رب ويدوم محبتنا وأخوتنا يا رب
​

​

اما فيما يخص مواضيع مشكلتي، شوفي نقولك حاجة هي لكل مقام مقال الانسان كل وضع يعرف واش يتكلم فيه، كاين لي جاي طالب النصح ومقفولة في وجهو
ننصحوه بهدوء ونحاولو نكسبوه خاطر راهو منهار .. كاين لي مراهقة ماتعرفش صلاحها رايحة تضيع لازم نجبدوها بالكلام الهادىء باه نربحوها وكاين لي يتطلب
نزيدو في النبرة تاعنا معاه، حبيبتي ماش كامل النصائح لازم تتمد بهدوء وماش لأنهم ناس افتراضيين انا ختي في الدار كاين نصائح نمدهوملها بلعقل وكاين نصائح
نعيط عليها ونتكلم معاها بغضب يعني حسب الموقف وكن ماجاوش اصحاب المشكلة في مقام الاخوة مانتعامل معاهم بغضب ولا ننفعل خاطر لي عزيز عليك هو
لي تنفعل معاه اما البراني تكتبلو زوج حروف وتطيشو، يعني الموقف الصارم احيانا راهو لمصلحتهم ولا واش داني ندخل لقسم مشكلتي من الاساس ونولي ننفعل
كلشي كن ماجاوش عزاز، وهنا رانين تكلم على نفسي صراحة واذا اي شخص جا لهاد القسم وجاوبتو بنرفزة ولا تمسخرت بيه نقولولو يسمحلنا لأنو ماكانش لي
يغلط وحنا هدفنا ننصحو ونوعيو فقط خاطر كي نتمسخر بشخص مارايحة نربح والو في النهاية

يا أختي أنا ما نقصدش الصرامة فالجواب صح كاين مشاكل يحتاجو صرامة ولكن ميحتاجوش السب و الشتم لدرجة تلقاي عضو يقول لعضو آخر أنت جبان أو أنت فيك وفيك هذا أمر غير مقبول نهائيا أنا نحكي على الكلام الجارح منيش نحكي على النصح الصارم ياك أختي؟؟ ​

​

ونقول في الاخير ربي يحفظلنا لمتنا وربي يحميها وان شاء الله كيما ملتقانا هنا نتمناو نلتقيو في الجنة اجمعين
شكرا عبورة على الموضوع ربي يحفظك حبيبتي
تحياتي

​

آميييييين يا ربي ربي يحفظك أختي مريم ومشكورة على ردك الجميل والله توجور تفرحيني أنتي بردودك الحلوة والله

ربي يخليك أختي

في رعاية الله​

 

[ليليا مرام]

رد: كلنا إخوة ~ وضع الشعار في محله الحقيقي ~ ..

السلام عليكم اختي اهلا وسهلا
شوفي يا مخلوقة اول شي راح ندي هذيك الصنيوة نتاع القاطو وواحد ما ياكل على خاطر انا اول ما حطو الشعار قتلهم ماناش خاوة وواحد ما امني وراكي جيتي معايا انو تكون خويا لازم تحس بيا مش لازم تعيش معايا باه تكون خويا لالا قادر تتفاعل مع مشكلتي تحس بيا فرد تطلبلي الشفا من قلبك انو مش فالظهر تحب تعشق فيا وقدام العين رانا خاوة عندك الحق انو اخوة خاوة نتاع الصح
اما الاستهزاء شوفي مثلا انا كل كلامي ضحك وتمسخير علاه لانو نعرف هنا قلوب معمرة بالهموم وانا اول وحدة لو جات لواحد يخرج همو والله بحر نتاع دموع يفيض هنا مي انا نحب نخرج روحي ونخرجكم من الهم ولو بالشي بالسيط لو ابتسامة انا نخمم انو الابتسامة صدقة هنا مش استهزاء مرات ندخل قسم مشكلتي ننصح بلاما نجرح نجرب ما نجرحس مي مرات لازم تكوني قاسية حتى تعاوني صاحبة المشكلة انو تفطن لروحها كانو تنصحي فاختك الحقيقية هنا الفرق بين الاستهزاء وبين نية الشخص لما يرد
واش نقولك راس المشكل السي امين وكلمة رانا خاوة هذي انا قلت مامانش خاوة
مي نقولك اللمة من الاحسن المنتديات اللي شفتها والناس اللي فيها قلبوهم ما فيهمش الغش كاين وكاين مي ما تخميش كل نية تفضح مولاها
بالتوفيق للجميع

 

[همس الوُرود]

رد: كلنا إخوة ~ وضع الشعار في محله الحقيقي ~ ..

السلام عليكم اختي اهلا وسهلا

وعليكم السلام أختي ليليا ~ وبيك تحلى أختي
​

​

شوفي يا مخلوقة اول شي راح ندي هذيك الصنيوة نتاع القاطو وواحد ما ياكل على خاطر انا اول ما حطو الشعار قتلهم ماناش خاوة وواحد ما امني وراكي جيتي معايا انو تكون خويا لازم تحس بيا مش لازم تعيش معايا باه تكون خويا لالا قادر تتفاعل مع مشكلتي تحس بيا فرد تطلبلي الشفا من قلبك انو مش فالظهر تحب تعشق فيا وقدام العين رانا خاوة عندك الحق انو اخوة خاوة نتاع الصح

بارك الله فيك أختي ههههه و السني هذاك راحت بيه مون لايت ههه قبل ما تعتمد الموضوع خلصتهولكم روحي أشكي بيها :p
​

اما الاستهزاء شوفي مثلا انا كل كلامي ضحك وتمسخير علاه لانو نعرف هنا قلوب معمرة بالهموم وانا اول وحدة لو جات لواحد يخرج همو والله بحر نتاع دموع يفيض هنا مي انا نحب نخرج روحي ونخرجكم من الهم ولو بالشي بالسيط لو ابتسامة انا نخمم انو الابتسامة صدقة هنا مش استهزاء

يا أختي هادي أصلا ماتدخلش فالإستهزاء راني نحكي على الناس الي يستهزاو بمشاكل الآخرين ربي يحفظك أختي ويخفف عليك يآ رب
​

​

مرات ندخل قسم مشكلتي ننصح بلاما نجرح نجرب ما نجرحس مي مرات لازم تكوني قاسية حتى تعاوني صاحبة المشكلة انو تفطن لروحها كانو تنصحي فاختك الحقيقية هنا الفرق بين الاستهزاء وبين نية الشخص لما يرد

لالا أختي كاينة قسوة من قسوة كاين قسوة في الكلام يكون كلام حاد لكن أنو توصلي تجرحي بكلام سيء و تسيئي للشخص هذا أبدا غير مقبول لأن الإنسان الي راكي تكتبيلو جا ليك يشكيلك همو بش تنصحيه بهدوء وتخففي عليه مشي تزيدي عليه

وتاني تخيلي أنك أنتي الي تضحكي تكوني مهمومة في حالة وتجي هنا تنحي على خاطرك وتكتبي موضوع بش تخلي البسمة تترسم على وجوه الناس ونيتك صافية ويجي واحد يرد عليك كلام ويسيء ليك هنا أنت تتقلقي وتخيلي في بداية كلامه يقول كلنا إخوة ويبد يسيء هههههه لتم نتي تتنارفاي تع الصح ~ صدقيني أختي أنا وحدة من الناس هنا الي كنت ديما نبكي فالليل من كلام يكتبوه أعضاء هنا ويمشو شغل مادارو والو مي أنا يجرحني

علابيها لازم عل الإنسان يعس نفسو ويعرف وش يدير اكي فاهمتيني أختي؟ ​

واش نقولك راس المشكل السي امين وكلمة رانا خاوة هذي انا قلت مامانش خاوة

هههههههههههههه مهبولة :p
​

مي نقولك اللمة من الاحسن المنتديات اللي شفتها والناس اللي فيها قلبوهم ما فيهمش الغش كاين وكاين مي ما تخميش كل نية تفضح مولاها
بالتوفيق للجميع

صح أختي ربي يحفظهالنا يا رب

ربي يخليك أختي و مشكورة على مرورك الحلو يا عصفورة :$​

 

[Hakan]

رد: كلنا إخوة ~ وضع الشعار في محله الحقيقي ~ ..

السلام عليكم يعني ماشاء الله راني نشوف في اللمة زاهية
والبروبلام كي تزهى اللمة كي شغل نرقد انا مي الله غالب مشاغل حياة
المهم موضوعك كبير وعندو مغزى كبير يكن الاخوة يااختي
لا تعني انو ماكانش شجارات لكن تعني انو الانسان لازم يتخطى هذيك المشاجرات
ويتقبل النقد البناء ويحكي بعقلو وقلبو يحطو اكوتي الا في حالات التجاوز والعفو لثم لازم يخدم القلب
نتاع الانسان وكثير هما الشجارات نتاعنا في اللمة مالغري مانشفاش انو تناشعت مع عضو معين لكن
لالا كاين خخخخ زوج وقيلا تناشعت معاهم مي الحاجة المميزة فيا وماشفتهاش في اعضاء اخرين
نهار نزعف من عضو ما نروحش نحلو الجام هههه وما ندخل لمواضيعو
بالعكس كي يحط موضوع تلقايني اول اللي يردو
مالغري راني مخالفو في جهة وحد اخرى مي هذي هي العقلية
اذا شفت حاجة مليحة نحطلو سمعة مي كاين اعضاء هنا تخالفو يا بن عمي ينحي عليك الغاز والتريسيتي لا جام لا سمعة لا رد لاو والو كي شغل
اعلان حداد مي لازم الانسان يكبر بالو وخلاص ربي يهنيك وخاوة خاوة
​

 

[همس الوُرود]

رد: كلنا إخوة ~ وضع الشعار في محله الحقيقي ~ ..

السلام عليكم يعني ماشاء الله راني نشوف في اللمة زاهية
والبروبلام كي تزهى اللمة كي شغل نرقد انا مي الله غالب مشاغل حياة

وعليكم السلام ورحمة الله وبركاته ~ وي صح هههه راهي زاهية وأنت مغيبها ~ ليسونسيال كي تدخل تطل هاديك هي كلش

ربي يوفقك إن شآء الله​

المهم موضوعك كبير وعندو مغزى كبير يكن الاخوة يااختي
لا تعني انو ماكانش شجارات لكن تعني انو الانسان لازم يتخطى هذيك المشاجرات
ويتقبل النقد البناء ويحكي بعقلو وقلبو يحطو اكوتي الا في حالات التجاوز والعفو لثم لازم يخدم القلب

صح كاينة منها ولكن مام يكون كاين إختلاف ملازمش الإنسان يقول الكلام الجارح يحاول يكون هادئ في كلامه ~
​

نتاع الانسان وكثير هما الشجارات نتاعنا في اللمة مالغري مانشفاش انو تناشعت مع عضو معين لكن
لالا كاين خخخخ زوج وقيلا تناشعت معاهم

ههههه أحمم كاين
​

مي الحاجة المميزة فيا وماشفتهاش في اعضاء اخرين
نهار نزعف من عضو ما نروحش نحلو الجام هههه وما ندخل لمواضيعو
بالعكس كي يحط موضوع تلقايني اول اللي يردو
مالغري راني مخالفو في جهة وحد اخرى مي هذي هي العقلية
اذا شفت حاجة مليحة نحطلو سمعة مي كاين اعضاء هنا تخالفو يا بن عمي ينحي عليك الغاز والتريسيتي لا جام لا سمعة لا رد لاو والو كي شغل
اعلان حداد مي لازم الانسان يكبر بالو وخلاص ربي يهنيك وخاوة خاوة
​

حاجة مليحة الإنسان يصفي قلبو ومايخليش الضغائن هاديك

بارك الله فيك أخي على المرور و القاطو تمروا عليه شغل ماكانش الله

هههههههههه ماعليش

سلام​

 

[لؤلؤة قسنطينة]

رد: كلنا إخوة ~ وضع الشعار في محله الحقيقي ~ ..

السلام عليكم يعني ماشاء الله راني نشوف في اللمة زاهية
والبروبلام كي تزهى اللمة كي شغل نرقد انا مي الله غالب مشاغل حياة
المهم موضوعك كبير وعندو مغزى كبير يكن الاخوة يااختي
لا تعني انو ماكانش شجارات لكن تعني انو الانسان لازم يتخطى هذيك المشاجرات
ويتقبل النقد البناء ويحكي بعقلو وقلبو يحطو اكوتي الا في حالات التجاوز والعفو لثم لازم يخدم القلب
نتاع الانسان وكثير هما الشجارات نتاعنا في اللمة مالغري مانشفاش انو تناشعت مع عضو معين لكن
لالا كاين خخخخ زوج وقيلا تناشعت معاهم مي الحاجة المميزة فيا وماشفتهاش في اعضاء اخرين
نهار نزعف من عضو ما نروحش نحلو الجام هههه وما ندخل لمواضيعو
بالعكس كي يحط موضوع تلقايني اول اللي يردو
مالغري راني مخالفو في جهة وحد اخرى مي هذي هي العقلية
اذا شفت حاجة مليحة نحطلو سمعة مي كاين اعضاء هنا تخالفو يا بن عمي ينحي عليك الغاز والتريسيتي لا جام لا سمعة لا رد لاو والو كي شغل
اعلان حداد مي لازم الانسان يكبر بالو وخلاص ربي يهنيك وخاوة خاوة
​

هههههههه هادي انا قاطعة التريسيتي والغاز :p
نهار تقابدت مع ليليا حاولت نتجنب مواضيعها ماش لأني نكرها ولا حاشا
لكن باه نعطيها فرصة تكون بينها وبين روحها وباه مانديرونجيهاش ولا نحرجها
بصح الاعجابات نمد نورمال هههه يعني هنا تجوز عندي هههه
بصح نهار وضعت موضوع في قسم واش راك تهدر رديت نورمال :$ تبا لتواضعي ههه

​

 

[Hakan]

رد: كلنا إخوة ~ وضع الشعار في محله الحقيقي ~ ..

حاجة مليحة الإنسان يصفي قلبو ومايخليش الضغائن هاديك

بارك الله فيك أخي على المرور و القاطو تمروا عليه شغل ماكانش الله

هههههههههه ماعليش

سلام​

احي القاطو كي شغل خلاولي الجماعة اللي سبقوني
ماخلاوناش حتى نديرو سوفونير الله يبارك ربي يحفظلك اليد وان شااء الله
تجيبلي حقي وحدي :pخخخ
بارك الله فيك عبير​

 

[همس الوُرود]

رد: كلنا إخوة ~ وضع الشعار في محله الحقيقي ~ ..

احي القاطو كي شغل خلاولي الجماعة اللي سبقوني
ماخلاوناش حتى نديرو سوفونير الله يبارك ربي يحفظلك اليد وان شااء الله
تجيبلي حقي وحدي :pخخخ
بارك الله فيك عبير​

ههههه أيا مليح

حتى فالدار وهبلتهم كل مانديرلهم حاجة لازم يعلقو عليها كامل ولا منتفاهموش سما ماتلومونيش هههه

إن شاء الله

وفيك بارك الله​