صور حلويات من مطبخي

[nawal1980]

بسم الله الرحمان الرحيم
هد الحلوى الي خدمتها لخطوبة خويا
نتمنى تعجبكم













عملت المخبز صنفين قلوب ومعينات
وعملت مقروط اللوز
عملت الياسمينات
وعملت الدزيريات
نتمنى يكونو عجبوكم

 

[momoude]

يعطيك الصحة نوال هايلين
طلب منك مقروط اللوز ان امكن

 

[nawal1980]

شكرا مامود على المرور والرد الطيب
بالنسبة لمقروط اللوز
500غ لوز مرحي رقيق جدا
250غ سكر رطب
2حبات بيض
فاني
قشور ليمون
نضع اللوز والسكر رطب في الميكسور ونعاود نرحيهم مليح+فاني +قشور ليمون
نضع الغبرة المتحصل عليها في جفنة او اناء للعجن ونضيف البيض بالتدريج يعني نضيف البيضة الاولى ونحاول جمع العجينة تم صفار البيضة التانية ونحاول جمع العجينة وان لم تتلم عندنا نضيف بياض البيض بتروي
نشكل المقروط ونضعه في سينية مرشوشة بالنشا او الطحين ونتركةو ينشف شوية قيس ما تسخن الكوشة ونطيبوه في كوشة 180°قيس ما يحمار من التحت اي يتطلب 10 د
نحضر السيرو 1/2ل ماء +250غ سكر نتركه فوق النار يطيب شوية قيس ما يعقد شوية برك ونضيف شريحة فارص وما زهر رشة
نغطسو المقروط في السيرو ونخلوه يقطر من بعد نرمدوه في سكر قلاص مرتين الى تلات مرات

 

[احلى لمة]

شكراااااااااااااا كتير على صور حلو

 

[بنت البهجه]

هايلين يعطيك الصحه

كي يكون عندك الوقت حطينا لا روسات تاع كل وحده والخطوات

شكرااا لك

ومبروك على خوك لعقوبه للعرس و الله يهنيه

ولعقوبه ليك الا مازال

وكامل العازبات والعازبين تاوعنا

قولي آمين 0___+

وتقبلي مروري

 

[حكيك]

اولا مبروك الخطوبة
تانيا يعطيك الصحة روووووووعة
تقولي تاع المحلات
:thumb_up2::thumb_up2::thumb_up2:

 

[imane27]

3atik saha nawal khedamtihoum tkouli t3a lhanout mabrouk ala khouk rabi yhanih insh3a alah

 

[zohra09]

اولا مبروك لخوك لعقوبة لمازالوا ثانيا يعطيك صحة على هادوك الحلوى متنسايش تصورنا حلوى تع العرس ب صاح هاذي مارة ب وصافات شكرا ورابي يهنيه

 

[كوثر الوهرانية]

الف بروك عاى الخطوبة و الف شكر لكي عزيزتي نوال على لحويات الرائعة ماء الله عليك اختي راكي ساجية تاع الصح عجبتني بزاف الحلويات

 

[nada242008]

يعطيك الصحة نوال على الحلويات الرائعة
شكلها جميل جدا عزيزتي تسلم الايادي
مبروك على خوك ربي يهنيه ويكملو على خير ان شاء الله

 

[nawal1980]

شكرا لكم على المرور الطيب والجميل
ان شاء الله قريبا
نحط الوصفات مع الخطوات لاني نسيت ما صورتش هد المرة الخطوات كنت مزروبة

 

[Djazaire-El-Ghalia]

elyassminates in amkane merci Nawel

 

[nawal1980]

ان شاء الله جزائر الغالية نعاود نخدمها بالخطوات ونحطهالكم

 

[Djazaire-El-Ghalia]

:yahoo:ya3tik al khir wa al mal alkatiiiiiiiiiiir

 

[assia11]

شابو نوال حلويات روعة يعطيك الصحة و ألف مبروك لخوك سؤال صغير كيفاه عملتي الطلية شكرا لك مسبقا

 

[nawal1980]

الشكرليك خيتو اسيا على المرور
بالنسبة للطلية
ناخد بياض بيض
بالنسبة ليا 3 بياض بيض الصفار نجمع بيه عجينة المخبز
بواسطة فرشيطة نخلط البياض +3م-طما زهر -3 م-ط عصير قارص +1م-ط زيت المائدة +فاني +السكر لرطب والمغربل حتى نتحصل على طلية عاقدة شوية نجرب على الحبة الاولى ونشوف والا عجبنا القوام نحبس اضافة السكر الرطب

 

[كوكب الشمس]

تسلم الأيادي
بارك الله فيك
​

 

[زهرة الندى]

يعطيك الصحة ختي هايلييييييييييييييييييييييين

ومبروك لخوك الخطبة وربي يهنيه​

 

[nawal1980]

شكرا ليك اختي زهرة الندى على تواجدك الرائع وردك الطيب

 

[assia11]

الشكرليك خيتو اسيا على المرور
بالنسبة للطلية
ناخد بياض بيض
بالنسبة ليا 3 بياض بيض الصفار نجمع بيه عجينة المخبز
بواسطة فرشيطة نخلط البياض +3م-طما زهر -3 م-ط عصير قارص +1م-ط زيت المائدة +فاني +السكر لرطب والمغربل حتى نتحصل على طلية عاقدة شوية نجرب على الحبة الاولى ونشوف والا عجبنا القوام نحبس اضافة السكر الرطب

شششكرا أخيتي على ردك