°°تطبيقي المحروق لوصفة ام ندوووش،،من كوزينتي^_^~°°

[هــــيلدا]

السلام عليكم حبيباتي،،

نشالله كلكن تكن انتيك وبشبش:yahoo::yahoo:

رجعت للكوزينة بعد طوول غياب،، وراني حالفة منزيدش نرجعلها غير بعد ليكونترول،،:closedeyes:

عندي شهر ونا نقول كل جمعة ندير الكروكي،، ندير الكروكي،،:glare:

اليوم قلت والله غير مدايراتو،،:music_whistling:

ايا لقيت لحوايج،، درتو عادي،، وحطيتو يطيب،، وجيت كي الفحلة هنا للمة،،

وبقيت نسوج هنا،،:no_1::no_1: زمان تفكرت ،، رحت نجري:glare::glare: لقيتو راح فيها:surrender::surrender:

يرحم بابات الحبات للي جاو في الحواشي،، لميتهم في صحن وجبتهملكم،مبانش فيهم الحريق ، تذوقو وتقولو مرين من الحريق نجيفكم:sneaky2:

ومرة اخرا نشالله منزيدش نحرق:surrender:

الحمد لله للي جيت بلا راجل يعيط عليا:yahoo::yahoo: بابا المغبون يسلك ويسكت:yahoo::yahoo:

وبصحتكم:yahoo::yahoo:



وهذه الوصفة الاصلية من مطبخ ام ندوشة،، ربي يحفظها:yahoo:

https://www.4algeria.com/forum/t/223289
​

 

[sandoussa3000]

وش نقلك الله يبارك عليك هههههههههههه
ماتقوليليش عديتك برك هههههههههههههه
اشووووووووووووومي
تزيدي تحرقي نجيفك
يعطيك الصحة حبوبتي والله باين بنين حتا ومحروق بنين امممممممممممم
ربي يحفظك حبوبتي

 

[Farnanita Ida]

سلامت راسك حنونتي:laugh: مزية كي جات فالكروكي هاكذا ولا اكثر الخوف لوكان نحرقت الكوزينة كامل:scared:

:thumb_up1:​

 

[ibtesem]

طفي اللمة مرة خلاف كي تعودي طيبي

بصح والله ابانو هايلين

اصلا الكروكي لازم اكون محمر انت جبتيها قدقد

شمخيه مع القهوة اجي هايل هلودة

سلامات جات في الكروركي

هههههههههه

 

[nada242008]

لالا جاء لاباس بيه
كيما قاتلك بسومة هو يجي طايب احمر
نظن عداتك سندوسة هههههههههه
يعطيك الف صحة حبوبة

 

[nawal1980]

هههه
سلامة راسك يا هيلدا
الحمد لله على سلاك شي حبيبات وقبلو تصوريهم
ههههه
نتمسخر معاك يعطيك الصحة حبوبة اسرا وما تحلرميناش من وصفاتك المحروقة

 

[هــــيلدا]

وش نقلك الله يبارك عليك هههههههههههه
ماتقوليليش عديتك برك هههههههههههههه
اشووووووووووووومي
تزيدي تحرقي نجيفك
يعطيك الصحة حبوبتي والله باين بنين حتا ومحروق بنين امممممممممممم
ربي يحفظك حبوبتي

هههههه،، سنيدسة قولهم الحاجة لبنينة هي المحروقة،،:yahoo::yahoo:

اخاه عديتيني،، اسمعي بعدي عليا خليني نوصل وين وصلتي ونحرق هههه،، ياك فهمتيني:yahoo:

الله يسلمك حبوبتي الغالية،، ووالله منزيد نحرق:tears:

:yahoo::yahoo:
​

 

[هــــيلدا]

سلامت راسك حنونتي:laugh: مزية كي جات فالكروكي هاكذا ولا اكثر الخوف لوكان نحرقت الكوزينة كامل:scared:

:thumb_up1:​

الله يسلمك حبوبتي :laugh:،، ايه الحمد لله كي جات في الكروكي مجاتش في شعري :yahoo::yahoo:

ربي يخليك غاليتي،، شكرا لمرورك:yahoo:
​

 

[هــــيلدا]

طفي اللمة مرة خلاف كي تعودي طيبي

بصح والله ابانو هايلين

اصلا الكروكي لازم اكون محمر انت جبتيها قدقد

شمخيه مع القهوة اجي هايل هلودة

سلامات جات في الكروركي

هههههههههه

ههه،، والله يا بسومة المرة الجاية نقطع خط المودم وندخل للكوزينة:yahoo:

راني غير انا للي نشمخ فيه مع القهوة:glare: واحد محب يذوقو:glare:

ربي يخليك حبوبتي،، ومرورك اسعدني :yahoo::yahoo:
​

 

[هــــيلدا]

لالا جاء لاباس بيه
كيما قاتلك بسومة هو يجي طايب احمر
نظن عداتك سندوسة هههههههههه
يعطيك الف صحة حبوبة

هههـ،، اهلا طاطا الزينة تاعي :yahoo::yahoo:

ههه،، تفاهمت انا وسندس نعودو نحرقو برك ههه:yahoo::yahoo:

بصح راه حمر وناكل فيه غير انا :glare:

الله يسلمك غاليتي،، والمرة الجاية نجي نطيب عندك:yahoo::yahoo: باش نديرلك شوي ريحة شياط في الدار Looool :yahoo::yahoo:
​

 

[هــــيلدا]

هههه
سلامة راسك يا هيلدا
الحمد لله على سلاك شي حبيبات وقبلو تصوريهم
ههههه
نتمسخر معاك يعطيك الصحة حبوبة اسرا وما تحلرميناش من وصفاتك المحروقة

ههه،، الله يلمك حبوبتي،،

ايه عندك الحق،، وليت نقلب ونحسب بالحبات،، الحمد لله للي كفاوني في الصحن :yahoo::yahoo:

ههه،، خلاص المرة الجاية ندير تطبيق محروق من كوزينتك،، الفايدة شوفيلي مقادير خفيفة يعودو يحاوزوني من الدار:yahoo::yahoo:

ربي يخليك حبوبتي الغالية:yahoo:​

 

[imane27]

tatbik moumtaz hilda rahou yban hayal ou hadak houwa tahmar taou

 

[كوثر الوهرانية]

معليش اختي هليدا كلنا نحرق لينا الطياب و هادي هي الدنيا رانا نتعلموا فيها غير بشويا و الحمد الله كي نجحولك حبات هكدا باباك يدوق منهم بارك الله فيك و في انتضار الجديد من طبخاتك الحلوة:yahoo:

 

[حكيك]

بارك الله فيك اختي جاك
يهبل يعطيك الصحة

 

[mamouka]

تطبيق ممتاز يعطيك الصحة

 

[بنت الـــ سـوف ـــواد]

يعطيك الصحة اختي هيلدا على كروركي جاك هايل
والحمدالله جاتك خفيفة الحرقة في القاطو مش فيك انتي
تسلمي حبوبة
ننتظرو جديدك​

 

[هــــيلدا]

tatbik moumtaz hilda rahou yban hayal ou hadak houwa tahmar taou

ربي يخليك امونة حبوبة،،

هههه:music_whistling: هاذو الحبات للي صورتهم برك،، للي بقاو:heh::heh:

مارسي حبوبتي نورتيني:yahoo:
​

 

[حاملـة المسك]

و عليكم السلام حنونا
بارك الله فيك و يعطيك الصحة خيتوالمهم طيبتيهم
نحيي فيك شجاعتك و تواضعك انك قدمتيهم لينا بلي كانت
المرة الجاية باذن الله يكونو أكيد و لا أروع
تسلم يديك حبوبة​

​

 

[عفاف الجزائرية]

لوووووووووووووووووووووووووووول
مليح يا طاطا كي وليتي تحرقي
كون تزيدي تنساي الماكلة نتاعك وتحرقيها نحرقك
المهم جاك تحفة وعجبتني النوارة تقول راكي حاطاتو في معرض
يعطيك الصحة يا الغالية
​

 

[zohra09]

يعطيك الصحة jak melih besahtkom