يوميات أعضاء اللمة مع اختبارات نهاية السنة الدراسية

[mina009]

حنا رانا مع الباك بلون اليوم صباح جوزت فلسفة خدمت شوية شوية و عشية عندي فرنسية و ربي يجيب الخير
​

 

[ميسومة الدلوعة]

ههههههههههههه كيما قالوا الحمد لله كي خرجنا بخير منهم
في ليوم لول عستنا وحدة جايحة ولا مانعرف كيفاه ولاعبتها اي منها ما كانش في الساعتين لولين شافتني نعت لواحد جنبي بدلتلي لبلاصة و الساعتين الي موراها برجعت لبلاصتي كلي مكا كاين والو وهكاك مازلت نبوجي ونعت ومبعد ما فهمتش سؤال قلت نذير ابعتهولي بعتهولي و انا قاعدة نعتلو في سؤال خلاف ومبعد جات هزتلي لورق تاعي من فوق طابلة و شافت لورقة تاع لكوبياج تحتها زادت هزتها انا حسبتها نحاتلي لورق و تسنيلي فيهم قلبي حبس حتان شفتها راحت حطتهم في لبلاصة لةلة وقاتلي ارواحي كملي و فرشتلي الورقة تاع لكوبياج
و تاني في لمواد لخرين نعتو لبعضانا كلشي نخدمو يد وحدة باه نطلعو كامل واحد ما يبقا في لبرومياراني
وتاني في العلوم نقراو على الهجونة نذير قالي اعطيني تمرين1 كتبتهولو ورقة الوسخ و كان كامل لاكلاس دات 2 ورق باه تكمل الحل خاطر وحدة ما تكفيش شيخة راحت تجيب كوريكتار من لكلاصة الي جنبنا انا مديتلو الورقة شافتني كي مديتهالو خلات هو رما ورقة من تاعو في الارض وتاعي حكمها وانا ناقصتني ورقة راحت هزت الورقة الي في الارضوقاتلي تاعك انا خاطيها تاعي هاه ماشي كتبتي قاتلي علابالي بلي تاعك اغفلوا وراحت قالتلنا نورمال و مبعد لغاشي كامل يبعت في لورق هبلناها و كي قلقت سنياات لزوج غاضوني
ولا نذير كملي ميمي معروفك ونديرلك كادو ومبعد قالي واش تحبي انا والوا قالي والله ننجح لعام لجاي نجيبلك كادو من لكبار و اليوم الاخير كان عندنا فيزياء واجتماعيات وكنا معتامدين على بعضانا و الفيزياء عندنا قليل الي يحرك ستيلو فيها جات عستنا الشيخة تعنا تاع المات خلات حنا نقادروها وتاني شوية واعرة جات بدلتلنا لبلايص واحد في الشرق واحد في الغرب قولنا قبل ما نشوفو الورقة بلي رايحين نديو 0 يعني 0 كي عطاتلنا لورق كلي ديزانشتاين راهم في لكلاسة كامل حطينا ريسانا مع لورق ما هزيناهمش نحسبو ون عاودو عمرنا لورق كي خرجنا ميتين بالضحك على بعضانا عمرنا الورق بالغالط بصح خدعونا اليوم الخر بصح كملناها روعة وضحك وتمسخير وان شاء الله نتلاقاو مع بعض في تانية ثانوي وان شاء الله كامل نطلعوا سيونس ونقعدو كلاسة وحدة
وان شاء الله ما كنتش قلقتكم خاطر نحكي بزاف

 

[MIDO.DODO]

صاحيت خو موضوع هايل
انا كملت الإمتحانات البارح .. تهنيت منهم
ايا ضرك نبدا نحكيلكم واش صرا كل يوم حكاية
بدينا اليوم اللول دخلت الأستاذة و كانت شوية مريضة
ايا وزعتلنا الورق تاوع الأدب و راحت قعدت و رقدت بديت نقرى في
القصيدة لقيتها تحكي على الحب يامحاينكم لتم رجع وجهي حمر و بداو كامل يضحكو عليا ايا بديت نجاوب و من بعد كي وصلت للفقرة حصلت قالك أكتب على الحب العذري و أنا مانفهم والو فيه ايا عيطت لواحد صاحبي كتبلي فقرة و بعثهالي و الأستاذة هاذيك اي راقدة ولا علابالها و من بعد كملنا الأدب دخلنا للإنجليزية و كي شفت النص فرحت و جاوبت مليح ..
اليوم الثاني درنا الرياضيات أيا عستنا أستاذة شوية واعرة التحريكة بحقها
بديت نجاوب و من بعد حصلت و فكني صاحبي مع ان الأستاذة قريب مدتلنا كارت روج انا و هو طلعنالها لاتونسيو:busted_red:
و من بعد دخلنا للعلوم الإسلامية انا ماحافظ والو و صاحبي تاني و لتم حصلنا في زوج و مالقينا كيفاه نتحركوا الحراسة مشددة تقول رانا في سجن
بصح و مع أن الحراسة مشددة جبدت بورتابلي و كنت مصور الدروس فيه ايا كتبت كلشي و مديت الورقة لصاحبي كي مديتهالو شافتني الأستاذة نحاتهالو و قالتلي كي نتلاقى ماماك نقولها :music_whistling: وفي هاذيك اللحظة ماقدرتش نحكم روحي من الضحك قعدت نضحك كي قالتلي نقول لماماك كي شغل ماما رايحة تضربني
ايا ياسيدي ماعليناش جا اليوم الثالث و الفيزيا صعيبة بزاف
حليت التمرين الثاني و الثالث و اللول مافهمت فيه والو و المزية جا واحد يقرى في الباك جوز معانا نعتلنا شوية و من بعد درنا إجتماعيات و كي العادة كانوا الدروس في البورتابل جبدتهم و كتبتهم :closedeyes:
و اليوم الرابع درنا علوم دخلت روطار ب:نص ساعة على الإمتحان علاخاطرش كنت ماشي طريق كي دخلت لقيت الورق خلصو حتى رحت نحوس في الأقسام وعلى زهري المعوج زادت فاتت نص ساعة ايا لقيت ورقة و بديت نحل و كنت حاط على كتاب خارجي تاع العلوم فيه الحل تاع التمارين بصح فاقلي الأستاذ قريب نحالي الورقة تاع الإجابة :surrender: و كي كملنا العلوم دخلنا للفرونسي و كي ساهلة بزاف كملت في ساعة و لأول مرة نكتب 15 سطر في فقرة بالفرنسية
و هاكذا خلص الإمتحان و تهنيت من الثانوية والهم تاعها
طولت عليكم بزاف
سلام
​

 

[الميزان]

السلام عليكم
انا مازال انا مع جماعت الشهادة
مي واش نقوليكم غير اليوم كملنا الشهادة التجريبية
فاتت هايلة
والكوبياج داير حالة مي انا خاطيني
والله راك تحكي على البرنامج ماكاين والو برنامجي هو الرقاد وفي وقت الفراغ الانتيرنات
والي جات فيها الخير
زعماك انا راني محضرة من زمان

 

[fadila16]

احنا مازال بعد 06جوان نحكيلكم متقلقوش

 

[dana1993]

مشكور على الموضوع
حنا ليزيقزاما جوزناهم الاسبوع الماضي
بما انو العام فارغ و مرفدنا منو والو انا تاني مرفدتش الكراس بزاف
نروح ندخل نورمال كلي ماكان لا امتحان لا والوا نريح يحطو السيجي ندير واش فهمت ونخرج منريفيزيش حتى الورقة هههه
الفيزياء 3 سواعي انا درت فيها 1 ساعة ههه
مي والله الادب لالحقت على 10 ماكاش قدي قصيدة وانا نخربط ماعلاباليش حتى على واه تهدر ههه
الاعراب هلكتو هه
العلوم تاني اسئلة تحوم ماشي موباشرة ههه
المهم العام هاذا فات ادعولنا العام الجاي ندو الباك
يعطيك الصحة لبلاد توجور بجديدك​

 

[dana1993]

اليوم كان اول يوم في اختبارات نهاية العام زعما نفوت ادب حديث على16.00 حتى 17.30 مي رحت بكري باه نراجع فالجامعة قبل الامتحان و اثناء المراجعة وانا وصاحبي زعما مركزين فالرواية الفنية و اذا بالطاولة تروح و تجي انا مافهمت والو و البنات ناضو يعيطو نثم فهمت بلي هزة ارتدادية ايا كووووول حاجة طلعتلي المورال زلزلة قبل الامتحان حاجة فور:yahoo::yahoo:المهم هبطنا من البلوك نلقاو فالناس يحكيو واحد قالك كنت راقد فالاقامة مي حسيتها صراتلي فالمنام lol​

واحد قال حسيت روحي راني ندور ولا الدنيا اللي دور
وضرك نرجعو للموضوع
لحقت 16.00 دخلنا للونفي فوتنا في 3 افواج يعني 130 تراس و تراسة مدونا الاسئلة و الحمد لله جاتنا مقالة على البحث نتاعي :yahoo::yahoo::yahoo: كتبت اللي فهمتو و جيتى خارج
الموعد نهار الاربعاء ان شاء الله​

مع تحيات أسمراني للنقل الجامعي:santa_1::santa_1:​

زيزو متقوليش برك الزلزلة ولات رانا حسينا بيها البارح و قبيل راح التريسيتي كيما المرة لي فاتت و قبيل تاني حسيت شوي بيها مي خفاف ماشي قاويين
وووووو هه
ربي يوفقك لبلاد​

 

[اماني بشرى]

حنا كملنا الامتحانات نهار الخميس بصح هاداك النهار مايتنساش.........

دخلنا حكمنا بلايصنا ...... انا و زوج صحاباتي.....جات الشيخة اللي تعسنا زربعتنا كل وحدة وين حطتها , و وحدة فينا قصيرة

بزاف حطتها مور زوج طوال , كانت تسقسي بصوت عالي , سمعت الهدرة ناضت تعيط على اللي قبلها , كانت مغطيتها , و

كلما تطل عليها تلقاها تكتب , مافاقتلهاش , اومبعد زادت صحبتي الاخرى حصلت , و كانت بعيدة , مالقيتش كيفاه نوريلها , و
ليت كتبت الجواب في ورقة , و قعدت نخمم كيفاه نبعتهالها , خرج واحد من زملائي حط ورقتو وراح , انا كنت لميت دوزاني و
خارجة كي كنت جايزة على صحبتي طاحت ورقة الطفل , هي حبطت الشيخة تجبدها انا حطيتلها الورقة وخرجت نرجف
....عمري في حياتي لادرتها , نوري بصح غير بالهدرة جامي لاكتبت فالورق , و زدت خفت كي نادو الدراري اللي يقراو معايا يعيطو :بابابابا ......اومبعد قالتلهم وشكاين , قالولها والو , قعدت ندعي باه ماتفيقش حتان خرجو , و ضحكتني لقصيرة منهم , خرجت فرحانة و طريق كاملة و هي تقوللنا مزيا فادني لقصر في حاجة .......

 

[السلطانة]

حنا ماكانش كيفنا
تاجيل الامتحانات الى حين

 

[الجزائري05]

صباح البونجور عليكم يا جماعة الخير
انا اليوم نوضتني ميمة زعما على 4.00 نتاع الصباح باه نراجع:wink: راني كملت على 07.30 المراجعة :no_1::no_1:
و نفوت لعشية على 12.00 كي نرجع نحكيلكم واش صرالي اليوم :u_pc::u_pc:
ايا سلام الله عليكم
:yahoo::yahoo::yahoo:
​

 

[mina009]

حنا اليوم جوزنا شريعة وحد الصماطة على حساب الحال كيفاش راهو اليوم .. دخلت خيرت sujet شباب خدمت في ربع ساعة و خرجت

 

[معاك يا الخضراء]

صحيت معتز
نحيكلك:yahoo:
هادا يا عمو نهار الثلاثاء عقبت lexicologie جابتلنا واحد ال sujet يا جدك تحير فيه:tears::tears:
ما علينا كاين سؤال شوي ساهل:glare:
هو انك تحط كل اسم في الفئة تاعو
les reptiles
les oiseaux
les poissons
و ارواح تشوف هادوك الاسامي انا حرت:wink::wink:
ما علينا شادي بادي وبديت نحط:closedeyes::closedeyes:
كي خرجت سقسيت واحد وش دار فيها:mellow:
قالي يا اسكتي عليا
crocodile درتو مع الطيور :scared::scared:
و احكمني انا بالضحك:angel::angel:
نهارين ما سكتش:yahoo::yahoo:
قالي والله غير تعطيني وراقيك نقرا شوي درتي :music_whistling:
جبد وراقيا...يقرا فيهم ...لقيت روحي درت crocodile مع الاسماك .......:music_whistling::music_whistling::music_whistling:
هو صح العبد كي يجوع ياكل كروكوديل :closedeyes::closedeyes::closedeyes:​

 

[الجزائري05]

هدا اختبار مدارس لسانية اللي رهجنا بيه الاستاذ

​

 

[السلطانة]

ياه اللسانيات تعكم تشطح امعتز
عينيا خرجو كي شفت الميضوع
قبيل وان بديت نريvيزي فيها
حصلت مع تشومسكي
بسيف لافهمت القواعد التوليدية
مازلتلي القواعد التحويلية والقواعد الصوتية الصرفية

 

[محبة الاستطلاع]

واش راح نقولكم جامي ولا مشاتلي حاجة
كيما نبغي انا قريت بزاف حتى عدت نودر
حتى نسيت الوقت لي نعقب فيه ورحت
روطار و ما عقبتش الكونترول

​

 

[♥SaMoù Là MoDèsTe♥]

أنا غدوة ان شاء الله عندي أول إمتحان module bio -vég

وراني قاعدة هنا

الله غالب المنتدى شباب


وزيد ماني قابضة والو

يكثر خير هذا النت جبت منو شوية رسومات ودروس لاقيباش ماعنديش cahier




إلى اللقاء في الحلقة القادمة

ما تنساوش تدعولي نخدم فالاختبار

وادعولي فان باش يحرسوني أساتذة حلاليين وقلوبهم حنان باش تتريgل الأمور في حالة ما إذا

"طحت أونبان"

​

 

[shahrazad]

و الله موضوع شباب
جوزت نهار الاربعاء ولخميس الي فاتو
اللول مليــح يزهي :yahoo:
بصح الزاوج والله ماعرفت نقراه
عمبالي غلطو فالسوجي!!:scared:
حسيــت روحي حابسة وانا ليل ونهار ناكل فالكايي:cra_zy:
الله لا تربحها هاديك لبروف هادا مانقول
:crying_1:
رههههههج
****
ان شاء الله حتا الثلاثاء الجاية باه نجوزو probabilité
ربـــي يوفق الجميـع ​

 

[الجزائري05]

وادعولي فان باش يحرسوني أساتذة حلاليين وقلوبهم حنان باش تتريgل الأمور في حالة ما إذا

"طحت أونبان"
​

أميــــــــــــــــــــــــــــــــــــــــــــــــــــــــــــن
:fish::fish:

​

 

[ايمي03]

ايه كملت الحمد لله
بصح هادوك اليامات نتاع الاختبارات يفوتو عليا واعرين بزاف الحفاظة والضغط
المهم يفوتو ...شكرا على الموضوع

 

[iméne09]

راني عيانة لنحكيلك كامل على واش صرالي المهم جوزت كامل ليزيكزامان وقاع ماخدمتش فيهم طاحو فينا غير الاساتدة لي يعسو مليح مكانش كفاش تكوبيي مالا هردناها هدا الفصل
خليها على ربي​