ماش تدير لوكنت في بلاصتي

[مغرورة بأنوثـتي]

صبــــــــــــــــــــــــــــــــــــــــــــــاح
مســـــــــــــــــــــــــــــــــاء
الخيــــــــــــــــــر

المهم نبدا في الموضوع بلا مقدمات
عندي مشــــــــــــــــــــــــــــــــــــــــــــــــــــــــكل
ومعرفتش نوفق في حلو بين
قلبي .........و...........عقلي
وهو تاني
لكن في الفترة الاخيرة تسيبارينا
باسكو دارنا معجبهمش وخيروني بينو وبين قرايتــــــــــــي
في الحقيقة ان خيرتو هوا مي كي حكيت معاه
قالي لا لا خيري قرايتك باسكو حنا ادا تسيبارينا اكيد نولو لبعضنا
مي قرايتك لالا
انا درت برايو وبعدت عليه
مي صراحة انا مقدرتش بلابيه
سوغتو نهار نشوفو قريب مني
و منقدرش نحكي معاه
وخايفة ادا تجي وحدة جديدة وتسكن في بلاصتي
لانو لبنات راهم يخطفو سومبيتي
ومن جهة اخرى الاحوال في دارنا ماهيش تبشر بالخيـــــــــــــــــر
كل يوم العيـــــــــــــــــــاط والمشـــــــــــاكل
ادا مصبحناش عليهم
نباتو عليهم
وهاد الشيء اللي خلاني
نفكر باش نولي ليه
ماقري باللي علابالي بالي عواقبو
وخيمــــــــــــــــــــــــــــــــــــــــــــــــــــــــــــــة
ونخلصها غالــــــــــــية
وهنا صبتوني حايرة
اسكو نتبع قلبي ونروح ليه
ولا نعفس على قلبي ونستحمل لعداب ونسكت
ولا نخلي نهار يضمن نهار حتى يطير الحمام
والله غير كرهت وما صبتش ليمن نفرغ قلبي

ساعدوني بليز
لكن دون مثالية وسخرية
اشياء كيما هادي ​

 

[شجـ الروح ـون]

والله ياحبوبة
هدا السيد باين يحبلك الخيرعلى هديك قلك متسمحيش في قرايتك
قرايتك ولا قرايتك
شدي فيها وادا كان ربي كاتبلك تكوني معاه راح تكوني.
داركم وقرايتك حنونة
هداك وش ينفعك

 

[ASMA17]

اختي انا شفتك دايرة في عمرك 17 عام
مازلتي صغيرة
كملي قرايتك
و هو يلا يبغيك جامي يلا يخلي وحدة تجي في بلاصتك​

 

[himina]

صح القرايا وثم القرايا هي جسر نجاحك والسيد هذا باين ناس اتملاح شهدي واستغفري واتاخذي قرار عقلك وحكم قلبك الغيه

 

[اماني12]

انا بعد ما كملت من قراءة الموضوع شفت شحال في عمرك .........لقيتك مازلتي صغيرة وهو منعرف شحال في عمرو تاني

انت من جهتك تشوفي انه هو الدنيا وما فيها . ومنكذبش عليك ممكن الكل فاتت عليهم ... ومن بعد عرفو وين هو الصح ..
انت لازم تحطي في بالك انك عايشة فترة مراهقة . وتكوني حساسة بزاف وتشوفي زعمة بالي ركي تعرفي حاجات بزاف وماكيش صغيرة .
وهو ولا خلاص .. خممي شوية في عائلتك في يماك وباباك . مهما عيطو عليك راهو في صلاحتك ......
ومن الاحسن تندمي على حاجة مدرتهاش خير الف مرة من الي تندمي على حاجة درتيها ....
واذا يحبك ممكن يستناك وعلاه لالا ...
زدي خممي شوية ودرك مع الصيف والعايلة وصحابتك . راح تلقاي معمن تفوتي وقت شباب
وانت رافعة راسك .. وداركم ديرين في الثقة وانت قدها .
ان شاء الله برك ما نكونش كلامي ثقيل عليك. اتهلاي في روحك
​

 

[@marwa@]

يا ختي لو كان يحبك متديه حتى واحده وأنا نقلك قرايتك قرايتك نورمالمون واحدك تخممي هو يحبني وقرايتي مزالني مكملتهاش
يعني خليك معه وكوني مع قرايتك
الله يعينك سلام ​

 

[ρriηсєѕѕ]

شوفى خيتى نقلك حاجه

انتى خيرى قرايتك ختريكش هى الى رايحه تفيدك

وهو لو كان يحبك صح راح يستناك كى تخلصى قرايتك


​

 

[امينة00]

و الله يااختي حكايتك تقيس بصح ماتكبريش الموضوع و ماترجعيهش مشكل بدون حل
راح يفرج عليكم ربي باذنه ماتعمريش راسك وديري في بالك بلي كاين لي كتر منك
كملي قرايتك وهو اذا يحبك ماراح تديهولك حتى طفلا

 

[abdou23]

سلام اختي
انتي طلبتي نصيحة انا رايح ننصحك لأني مجرب تقريبا نفس التجربة أول ملاحظة أنك صغيرة 17 سنة بما انك قلتي تشوفيه قريب ليك يعني يقرا معاك يعني قريب ليك في السن و هادي غلطة كبيرة
ثاني حاجة لازم تعرفي على اي أساس حبيتيه وش الحاجة المميزة فيه اللي خلاتك تتعلقي بيه بينك و بين نفسك فكري تلقايه حب من أجل الحب لا غير
الحاجة الثالثة انو في هاذ العمر كل طرف يحب يبين للآخر أنو وفي لأقصى درجة و أنو مستحيل يتخلى علية يعني فيلم هندي -ديف داس- تحسبو في الثواني باش تشوفو بعضاكم و هو كلش مبني على وهم
نجيو للصح الكل قالك بلي إذا يحبك يرجعلك لكن العقل يقول انسايه لأنو قريب ليك في السن و العلاقة محكوم عليها بالفشل من الأول و كيما الكل يعرف الحب الأول ديما فاشل و ما تتعلقيش بيه لأقصى درجة و من بعد تغيبلك
ولا نقولك يا النتشة ما تكسري راسك ما والو كيما بدا الحب بتمسخيرة درك يفض بتمسخيرة

 

[مغرورة بأنوثـتي]

مشكورين للمساعدة
شكراااااااااااااا

 

[مغرورة بأنوثـتي]

سلام اختي
انتي طلبتي نصيحة انا رايح ننصحك لأني مجرب تقريبا نفس التجربة أول ملاحظة أنك صغيرة 17 سنة بما انك قلتي تشوفيه قريب ليك يعني يقرا معاك يعني قريب ليك في السن و هادي غلطة كبيرة
ثاني حاجة لازم تعرفي على اي أساس حبيتيه وش الحاجة المميزة فيه اللي خلاتك تتعلقي بيه بينك و بين نفسك فكري تلقايه حب من أجل الحب لا غير
الحاجة الثالثة انو في هاذ العمر كل طرف يحب يبين للآخر أنو وفي لأقصى درجة و أنو مستحيل يتخلى علية يعني فيلم هندي -ديف داس- تحسبو في الثواني باش تشوفو بعضاكم و هو كلش مبني على وهم
نجيو للصح الكل قالك بلي إذا يحبك يرجعلك لكن العقل يقول انسايه لأنو قريب ليك في السن و العلاقة محكوم عليها بالفشل من الأول و كيما الكل يعرف الحب الأول ديما فاشل و ما تتعلقيش بيه لأقصى درجة و من بعد تغيبلك
ولا نقولك يا النتشة ما تكسري راسك ما والو كيما بدا الحب بتمسخيرة درك يفض بتمسخيرة

مشكووور بس انا مشكل السن ماعتدو دخل باسكو كبير عليا باكثر من 7 سنين


مشكور

 

[@R@ZIK]

أنا نقولك قرايتك هي الاول والأهم والمكتوب عمرو ما ينحيه حد وإذا هذا الانسان صح يحبك يستناك ونهار ليفرج ربي يكون بحذاك ما تتقلقيش وركزي في قرايتك
ربي يعطيك واش تتمناي​

 

[ملاك الليل]

كملتي قرايتك اختي واللي كتبها ربي مكاش مفر منها
ربي يسهلك​

 

[messikimo]

كرهت الإختيارات
مي كل واحد يحوس على مصلحته وفقط​

 

[lalochka]

الصح في قريايتك حنونة بالك انت راكي تحبيه و هو يحبك و مايكونش من نصيبك اللي ماهو ليك غير يعيك انت فان كوني فاطنة مع عمرك و ماشي الريح اللي جا يقيسك

 

[فراشة الايمان]

انا نقلك المكتوب على الجبين تشوفو العين
ما تخميش بزاف خليها على ربي​

 

[مغرورة بأنوثـتي]

مشكورين للمنصيحة والمساعدة
شكرااااا

 

[سجل أنا جزائري]

قريتك هي اللي تعطيلك قيمة في هذا الوقت بلاك تفرطي فيها

و الحب هذا راكي مزلتي صغيرة عليه و هذا اللي تحبيه اسكو راه قادر يجي يخطبك ؟؟

و ضامنة انو مش راح يخليك مبعد ؟؟ خمي بعقلك شوي تعرفي الطريق الصحيحة

ربي يوفقك ان شاء الله
​