الكوبيااااج.....(ب=p)

  • كاتب الموضوع كاتب الموضوع aidouch
  • تاريخ النشر تاريخ النشر
لالا خويا ماتظلمناش كيما هاك
بسكو كاين اللي جامي نقلوا
انا في القسم في الاختبارات او الفروض نحب نتاكد من الاجابة اللي وصلتلها
 
السلام عليكم
الغش ركن من اركان الدراسة عند الكثير من الطلبة
واذا غاب هذا الركن يعني الاعادة
وهناك الكثير من الطرق
من التقليدية الى الالكترونية الحديثة المسايرة للتطور الذي ييشهده العالم
هههه
وعلى ما اظن انه حتى الاساتذة اصبحوا يشاركو في هذا
خاصة في البكالوريا

وربي يهدي

شكرا على الموضوع
وفقك الله​
 
صراحة جامي غشيت ودوك في لباك كي جيت باه نغش ماعرفتش كيفاه وخفت وولى وجهي كوليرات حتان وليت نبكي
الله غالب مانيش انتاع تنقال جامي نقلت
باسكوا مانعرفش كيفاه ينقلوا الناس​
 
نهدرو بصراحة
انا شخصيا نقل و نعت للاخرين
لانو الكوبياج يقوي المحبة و روح التعاون و الحسن الجوار بين التلاميذ ههههههههه
احنا هاذ العام في البيام درنا حالة بالكوبياج
و بكل الطرق بصح ههههههههه سر المهنة مانخرجوهمش
مرسي على الموضوع الرائع
 
الله ينعلني لا ننقل و الله لا ينجحني
كيفاه انا قراية كيفاه ننقل
حابة تباصيني و لا
هههههه
شكرا
و لكن انا ما نحب ننقل ما نحب النقالين
​
 
على ما اضن الاغلبية فينا
راهي تنقل
و انا عجبتني بزاف ردودكم تقتل بالضحك
و نقةل لهادوك اليماينقلوش
يديرو شوية كوراج و ينقلو
ههههههههههههههه
نتمسخر
المهم
نورتو الموضوع
​
 
السلام عليكم
الصح الصح جامي حرزت ولا وجدت قبل هه
مي اثناء ههه كاين عمل جماعي انا وصديقتي هيمي عندنا ورقة بيناتنا ورتو فالمات و الفيزيك نتناقشو نورمال كانو ماكانش الاستاذ هههه زيدي من الفوق نخرجو فاهمين ههه نستفادو من النقاش هذاك ههه
مي باه نريسكي بروحي نكوبي فالامتحان نو نوجد روحي بيا لي عرفتو نديرو لي معرفتوش نخليه ماينزلش عليا الوحي هاذي هيا
لانو عقوبة الغش فالتيكنيكوم تاعنا تخلصيها غالية كيما يقولو نقطة سوداء فالملف+0 في المادة وتحرمي منها+ اعلان في قاعة الاساتذة انو احذرو من التلميذ هذا راه غشاش ههه
مشكورة
 
مــــــــــــــكـــــــــــرر
:busted_red:
https://www.4algeria.com/forum/t/222078

:heh:

أنتي اللولة راكي تنقلي ههههههههههه :u_pc:


بصحتك أختي
:sneaky2:
​
 
الصراحة تقال
تصدقوا فوتنا الامتحانات ومازال مانقلت تعرفوا علاه ؟
لان الكل في الكلاصة كان حابس ههههههههه
+ الللي كانوا يعرفوا (فقط في تلك المادة ) كانوا يقعدوا في الطرف الثاني من الكوكب
والاهم من ذلك كله هو انك على الاقل تكون حااااااااااااااافظ
و............. القصص طويلة
اما من نقل انتقل فتفسيرها انه ينتقل الى الخاااااااااارج (برا )
اما من اعتمد على نفسه بقي في قسمه فتفسيرها انه يبقى في المؤسسة محافظا على بقاءه فيها

شكرااااااااااااا على طرح الموضوعععععععع
 
يا سيدي انا نكوبي في الالة الحاسبة من الوراء نكتب فيها المواد الادبية عل خاطر انا علمية ونكتب في بابي مشوار وزيد في الايد اما الكراس والله مزال ما جربي نخرجو ورقة الاجابة تانى كى تكتب فيها من الوراء بصح ننصح هادى في الفروض وجربة 100/100 مضمونةهههههههههههه
 
هههه ماشي بزاف تاع حاجة خفيفة المشكل نخاف والله تبهديلة كون يفيقو بيا يااايما وين نخبي وجهي


موضوع رائع


ننتظر جديدك
​
 
سلام
صح ماكانش لي ما ينقل بصح توص الصح والله ت9اري
كاين في الباك هدا العام جاو لا عبينها ينقلو لقاو رواحهم مسيسبوندي خمس سنين
الور ندير واش عندي ونخرج خير
صح نتاع الاطوار الاخرين من غير الشهادات ممكن ينقلو وهاذوك هوما لي ينجحو
وكيما قلتي ما كانش لي ما نقلش
 
يا حصراه الكوبياج داير كراعو كن نحكيلكم واش صرا نهار الباك شفت العجب سيرتو في الشريعة والفلسفة
انا الحمد لله حافطة مى ذراري للي معايا دارو المستحيل باه يكوبو في الشريعة متلا جابو الزوم حاطينو في يديهم وواحد مافقلهم انا قاعدة غير نشوف خلعوني ولا في الفلسفة معندى منحكي الامانة نتاع لليسي لي نعقب فيه لاعبينها فايقين وش راحو دارو زعما للي كان يعقب بورقة وسخ صفراء قلبوهالو عطاوهالو حمراء ونتاع الحمرا ولاتلو صفراء زعما قالولنا راكم جايبين معاكم من داركم وصح مغلطوش بصح هذا الجيل فايق كثر منهم وواش راحو دارو بدلو لبعضاهم للي جايب الصفرا عطاها لصاحبو وصاحبوا عطالوا الحمرا للي جايبها معاه ههه
عملو المستحيل بصح والله غير كوباو وواحد قال للاستاذ للي يحرس قالوا روح جيبلي ورقة من عند صاحبي ياخى ياخى يديرو كلش باه يربحوا

اسمحولى طولت عليكم​
 
آخر تعديل:
الغاية تبرر الوسيلة

هههههههه هذاك الغش تع العاقلين برك

​
 

بالهدرة مع صحبتي برك ههههههههههه
مي فالباك والله والو الخوف ما قدرتش

حاجة باينة ماكاش لي ما نقلش ولو مرة في حياتو ​
 
هههه ماشي بزاف تاع حاجة خفيفة المشكل نخاف والله تبهديلة كون يفيقو بيا يااايما وين نخبي وجهي


موضوع رائع


ننتظر جديدك
هههههههه ماتخمميش تسلك هادي تسرالك المرة الاوالى برك ممبعد تتوالفي
انت الاروع حنونتي سلافة
لا تحريمينا من ردودك
​
 
سلام
صح ماكانش لي ما ينقل بصح توص الصح والله ت9اري
كاين في الباك هدا العام جاو لا عبينها ينقلو لقاو رواحهم مسيسبوندي خمس سنين
الور ندير واش عندي ونخرج خير
صح نتاع الاطوار الاخرين من غير الشهادات ممكن ينقلو وهاذوك هوما لي ينجحو
وكيما قلتي ما كانش لي ما نقلش
ouiiiiiiiiiiiiiiiiiiiiiiiiiiiiiiiiiiii
صح راني معاك في هادي مالزمش نريسكيو في ال bac ولا ال bem
مي كيما الفروض و الاختبارات معليش
نورتي الموضوع اختي
​
 
انا زعما هي الشاطرة تاع الكلاصا
لهذا يلزم نوريلهم بصح انا ما عندي شكون
يوريلي.........تاكلة على روحي
*فالامتحانات نص الوقت كامل يروح
مع ولاد كلاصتي ......و الكوبياج الحرفة
تاعي سورتو تاع نبدل السوجي
هاذي نخدم بيها بزاف
ههههههههههه
يعطيك الصحة
​
 
يا حصراه الكوبياج داير كراعو كن نحكيلكم واش صرا نهار الباك شفت العجب سيرتو في الشريعة والفلسفة​

انا الحمد لله حافطة مى ذراري للي معايا دارو المستحيل باه يكوبو في الشريعة متلا جابو الزوم حاطينو في يديهم وواحد مافقلهم انا قاعدة غير نشوف خلعوني ولا في الفلسفة معندى منحكي الامانة نتاع لليسي لي نعقب فيه لاعبينها فايقين وش راحو دارو زعما للي كان يعقب بورقة وسخ صفراء قلبوهالو عطاوهالو حمراء ونتاع الحمرا ولاتلو صفراء زعما قالولنا راكم جايبين معاكم من داركم وصح مغلطوش بصح هذا الجيل فايق كثر منهم وواش راحو دارو بدلو لبعضاهم للي جايب الصفرا عطاها لصاحبو وصاحبوا عطالوا الحمرا للي جايبها معاه ههه​

عملو المستحيل بصح والله غير كوباو وواحد قال للاستاذ للي يحرس قالوا روح جيبلي ورقة من عند صاحبي ياخى ياخى يديرو كلش باه يربحوا​

​

اسمحولى طولت عليكم
ايه مساكن الله غالب عليهم
لواحد مايقدرش يشد كلشي في راسو
ربي ينجحك حنونتي
نورتي الموضوع
​
​
 
الغاية تبرر الوسيلة

هههههههه هذاك الغش تع العاقلين برك
ايه ماكاش العاقل في هاذ الوقت
هاديك بكري ههههههههههههه
اسعدني مروركي العطر
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

I
جبتلكم ضاهرة عادت عليكم كلكم هههه
المشاركات
14
المشاهدات
2K
liliha
L
M
جايبتلكم ظاهرة sur كـــــامل عديتو عليهـــا
3 4 5
المشاركات
96
المشاهدات
5K
M!ss D!or
M
العودة
Top Bottom