**والله ألف فرنك ماني مديها معاك...كل شي نفاق**

[BeSt GlAdiAtOr]

السلام وعليكم ورحمة الله تعالى وبركاته
نتمنى لخاوتي يكونو بخير وأنتيك * عندي بزاف ماقعدتش القعدت الزينة معاكم*
المهم خوكم وائل عاد يعمل * ودبر فيها عمل *التبزنيس * وكيما يقولك الخدمة خير من القعاد
أيا دخلت هد المجال *صرف الأورو وبيع لي بورطابل وفليكسي أكري الملينيوم*...
المهم أسيدي كل 3 .4 أيام نروحو نسوقو للأسواق تا الجملة *العلمة * عين مليلة
وعلابالنا بقاع لي prix تا السلعة *يعني سومة الجملة و سومة الحبة
أمالا يا الحباب مع الأيام عرفت عفايس وطوايش وديقات كبار وحيل يستعملوها الناس في التجارة املا هد لي خدام معاه راهو خالي
جا ليه واحد السيد راح يشري بورطابل
مساء الخير
مساء النور
معليكمش
وائل: والله الحمد لله خويا نحمدو ربي
وجزاه الحمد
لسيد لخالي شحال هد البورطابل خويا
خالي 100000 دج lمليون**
أنا:mellow::mellow: علابالي أو البورطابل شارينو ب 83000دج :scared:واش الخويلة راح يفيد فيه 1700 دج؟


أيا مليح :yahoo:كشما نطيرو معاه صوارد
المهم هداك السيد قال للخويلة *خالي * شحال تخليهونا ؟
قالو والله يا خويا أن ع
عطيتك سومة مفيد غير ليك نتا علا خاطر ناس ملاح:santa_1:
والبورطابل هدوك هوما صواردو
والله ألف فرنك ماني مديها معاك:music_whistling:





أنا
تشوكيت
تعوقت
تشوكت






ومبعد تفاهم خالي معا السسيد وباعولوا بمليون



أيا أنا :surrender: : واش خالي راك تكذب؟
علاه قلتلو هداك هو حق البورطابل وزدت حلفت له؟
قالي ما تتقلقش...
هدي عفسة ولازمك تتعلمها.





:sneaky2: أشنو هي؟
يا وائل ...أنا السيد قلتلو ألف فرنك ماني*لست* مديها معاك


وأنا راح ندي معاه 1700 دج



سالهة برك
نتا تحلف على الألف فرنك برك ..ويعني نتا مدي قيمة واحد آخرة
وقالي ماتقولها لحتى واحد
أنا قلتلو علاه قالي باش تربح في ساعة...:scared:
مافهمت فيها واللو





ياخي ميتي ياخي.......:wink:


نتمنى خاوتي تشاركونا في نقاشكم وآراكم وتعليقتك سون تقرعيج





​

 

[ملاك النور]

حتى خالك طلع فيها واعر بزااااااااااااف
المهم اذا جيت باش نشري من عندك ماتحلفش لانو مش راح نصدقك​

 

[zagane]

السلام عليكم
كون غير تشوف خالك يفهمني تجار لي يقولوا و الله غور فيها حاجة قليلة

 

[bob16]

متتشوكا ما والو مزالك مشفت والو ​

 

[AnGeL*dZ]

التجآر واعرين بزاف
معظمهم يديروا هكا ويحلفو بالباطل
ربي يهدينا
​

 

[Badech]

ـبسم الله الر ـحم ــن الرحيمــ
وَ اَللهِ لَوْ قَطَعُوْ يَمِينِيْ لَنْ اَتَخَلَىْ اَبَدًا عَنْ دِينِي
السلام عليكم ورحمة الله وبركاته

...ـوشبت النار في خيمتنا :]

ربي يجيبها في الصواب وصايي

وربي يعينك خو

.. اللهم يا ع ـالي انـ صر منتخ ـبنا الغاليـ ..
الَلهُمَ صَلِيْ عَلَىْ سَيِدِنَا مُحَمِدْ وَ عَلَىْ آلِهِ وَسَلَمْ
.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله
.. ــSilent Hunterــ ..​

 

[DARINE05]

ايه ماشي غير خالك الحوانت اوكل يديرو هكا باه يكسبو

حتى اللي يشري ماشي مع يقولو سوما يجبد الحبات من جيبو ينحيلو شوية

 

[فراشة الايمان]

هادي هي التجارة
​

 

[mina009]

ايه هذا هو التبزنيس ... مشكور اخي على موضوعك

 

[بنـ MaPa ـت]

دخلت قرعج عليك نقولك انا هاد الصيف راني فارغة نجي نخدم كاش مانصيد حتى 90 الف وراني نعرف عفايس ونزيد نجيبلكم ليكليون ههه....ايا في لمان سلام..​

 

[HWK4ALGERIA]

وعليكم السلام
الربح ف الحوايج الحساسة يكون ساعات اكثر من النص،،، وهكاك يمكن اتكون خاسر؟؟؟
اما الربح ف العادة يكون 30 بالمائة من السعر الاصلي للسلعة وبالمقياس هاذا خالك ماهو مفيد والو،،، والسعر هاذاك راح امليح،،، 1700 دينار يعني في بورتابل تاع مليون راهو باس باس يعني صح ماهو امفيد فيه والو،،، لوكان انا انبيعو بمليون ومائة والا اقل بشوي،،، على خاطر كي انجيب 10 كعبات،،، راخ اتكون فيهم على الاقل وحدة فيها ديفو،،، وكين الريسك تاع تناقص الاسعار.
شكرا ليك.

 

[sami19280]

ياخويااا كلش ي بالنية مكاش منها هذي نحلف على حاجة وزعما انا قاصد حاجة اخرى.

الله يهديناااااااااااا.
​

 

[BeSt GlAdiAtOr]

حتى خالك طلع فيها واعر بزااااااااااااف​

المهم اذا جيت باش نشري من عندك ماتحلفش لانو مش راح نصدقك

راهو أأونسيان في هد الحوايج ختي
مي كي جي تشري والله ألف مانديها معاك:music_whistling:

​

شرفني مرورك

السلام عليكم
كون غير تشوف خالك يفهمني تجار لي يقولوا و الله غور فيها حاجة قليلة

إيه خويا مرحبا بيك وتتعلم كل شي
تسلم على مرورك الحلو​

متتشوكا ما والو مزالك مشفت والو ​

صح ماخفي كان أعظم
شرفني مرورك

​

التجآر واعرين بزاف

معظمهم يديروا هكا ويحلفو بالباطل
ربي يهدينا
​

صح وهدي من خبايا مهنتهم
شرفني إبداعك في الرد
​

ـبسم الله الر ـحم ــن الرحيمــ

وَ اَللهِ لَوْ قَطَعُوْ يَمِينِيْ لَنْ اَتَخَلَىْ اَبَدًا عَنْ دِينِي
السلام عليكم ورحمة الله وبركاته

...ـوشبت النار في خيمتنا :]

ربي يجيبها في الصواب وصايي

وربي يعينك خو

.. اللهم يا ع ـالي انـ صر منتخ ـبنا الغاليـ ..
الَلهُمَ صَلِيْ عَلَىْ سَيِدِنَا مُحَمِدْ وَ عَلَىْ آلِهِ وَسَلَمْ
.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله

.. ــSilent Hunterــ ..
​

تسلم يا الغالي فخير الكلام ماقل ودل
شرفني ردك الحلو يا حلو

ربي يهدي خويا نتا حلفت بنيه وقلت للرجل نيه اذا تقلو هكاك معلش مي تروغو بالحليف ربي يهدينا
واك تشوف ربي كي راه غاضب علا عبادو غير زلزال ورا خوه والسخانه وجو مكرفص لا مطر لا ريح الا سعات برك يرحمنا ربي يهدينا برك هذا نفاق بعينه يا وائل

صح يا خويا هد الظواهر راهي بسبب غضب الله علينا وسخطو
ربي يجيب الخير
تسلام خويا بلالو
​

 

[BeSt GlAdiAtOr]

دخلت قرعج عليك نقولك انا هاد الصيف راني فارغة نجي نخدم كاش مانصيد حتى 90 الف وراني نعرف عفايس ونزيد نجيبلكم ليكليون ههه....ايا في لمان سلام..​

مرحبا بكل المقرعجين ختي راكي على العين والراس
و نتي لازملك تخدمي في الحانوت تا جارنا -الكوسميتيك- تخرج عليك :heh:​

وعليكم السلام
الربح ف الحوايج الحساسة يكون ساعات اكثر من النص،،، وهكاك يمكن اتكون خاسر؟؟؟
اما الربح ف العادة يكون 30 بالمائة من السعر الاصلي للسلعة وبالمقياس هاذا خالك ماهو مفيد والو،،، والسعر هاذاك راح امليح،،، 1700 دينار يعني في بورتابل تاع مليون راهو باس باس يعني صح ماهو امفيد فيه والو،،، لوكان انا انبيعو بمليون ومائة والا اقل بشوي،،، على خاطر كي انجيب 10 كعبات،،، راخ اتكون فيهم على الاقل وحدة فيها ديفو،،، وكين الريسك تاع تناقص الاسعار.
شكرا ليك.

نعم خويا ياريس راني فاهم الفائدة حاجة منطقية لأنها1700 فقط ومعا الضمان وأنا عجبتني هد الفايدة
مي الخويلة راهو حلف وقالو هداك هو البري تا الجملة
فهمت:santa_1:ني؟هههههههههههه
تسلم خويا على مرورك العطر​

ياخويااا كلش ي بالنية مكاش منها هذي نحلف على حاجة وزعما انا قاصد حاجة اخرى.​

الله يهديناااااااااااا.​

ربي يهدي الجميع خويا سامي
صح الحلف صعيب
*ولا تجعلوا الله عرضة لإيمانكم*



سلمت الكلافي ديالك وأناملك خويا سامي على المرور​

 

[BeSt GlAdiAtOr]

ناقشونا خاوتي الله يعيشكم​

 

[BeSt GlAdiAtOr]

ناقشونا خاوتي الله يعيشكم​

نورمل وائل درك نناقشوك​

 

[hind*alg-]

اممممممممممممممم
علابيها لحوانت كامل يديروها

هههههههههه ياخي شعب ياخي...........تقبل مروري

 

[BOUSS]

هدي هيا سر التيجارة المهم ايعمر جيبو برك مع انو الحليف
ماهوش امليح كون صادق والرزق علي ربي

 

[BeSt GlAdiAtOr]

اممممممممممممممم
علابيها لحوانت كامل يديروها

هههههههههه ياخي شعب ياخي...........تقبل مروري

نعم ختي هند للسف هدي هي حيلهم​

هدي هيا سر التيجارة المهم ايعمر جيبو برك مع انو الحليف
ماهوش امليح كون صادق والرزق علي ربي

 

[ĜąМę ǒVĕŗ]

دي و لا خلي خويا ​