السلام عليكم
وشراكم خاوتي لاباس؟أنتيك؟
أنا جيت نحكي على وحد البروبلام صرالي مع وحدة راكم تشوفوا المواضيع هنا ممعمرة بالحكايات هادوا بصح ماعليه ماتلوموش حتى أنا جامي جات فبالي نحكي على وحدة بصح اليوم تبدل كلش ,الطفلة هادي داتلي عقلي هي عرفتها غير فالطريق كانت تجي من المسيد للدار نشوفها طفلة متربية بنت ناس شابة حلوة كيما يبغيها الخاطر عجبتني فالبداية حسبتو إحساس ويجوز مادرتهاش فبالي مليح مي مع الوقت تأكدت بلي صح ناوي هدي الطفلة تكون حلالي أيااا رحت قصدت خوها حكيت معاه السيد قالي نشوف مع الدار راح لدارهم حكاو عليا أيا هي جابت النيميرو تاعي بالسرقة وأنا معلاباليش منين جابتو عيطتلي ريبونديت عليها هدرت معايا قالتلي أنا فلانة بنت فلان نتا هو الي جيت خطبتني قلتلها إيه أنا هو قالتلي يا أخي اسمحلي مانقبلش بيك قلتلها إيه وعلاش تعيطيلي كيماقبلتيش روحي قولي لوالديك ورفضوني علاش تجيبي فالنيميرو وتشقي فروحك بش تحكي معايا وتقوليلي بلي رافضتيني؟ قالتلي رافضتك وحشمت نقوللهم هوما قبلو بيك ونتا عجبتهم ضحكت وقلتلها هههه حشمتي تقولي لأهلك وماحشمتيش تجي لوجهي تقوليهالي ماعليه هكاك قلتلها شوفي يا بنت الناس أنا عندي كلمة مديتها مانرجعش فيها أنتي رافضة قوليلهم مشي رافضة ميهمش سلام وكوبيت عليها صح الطفلة شوكاتني وشبيها تعيط عليا ياك أنا الي راجل كي حبيتها ماحوستش على النيميرو تاعها المهم نكمللكم الحكاية 15 يوم منداك رد عليا باباها قالي موافقين أنا غاضتني الطفلة قلت بلاك منيش عاجبها ولا ونسيف عليها ماجاياش رحت حكيت مع خوها قلتلو سقسيتوها وهي وافقت؟ قالي إيه قلتلو شفتو معاها بلاك حشمت تقوللكم راني رافضة ولا السيد تشوكا فيا قالي وشبيك نتا خاطبها وتحوس عليها ترفض؟ روح ماعليه بعد سمانة هكاك الطفلة زادت عيطتلي مي بنيميرو آخر آلو آلو قالتلي حابة نحكيلك حكاية هاشكون معايا قالتلي أنا فلانة قلتلها وش تاني؟ قالتلي بلي الحكاية وما فيها صاحبتها تحبني هههههه إيه إيت هادي هي حكايتها صاحبتها تحبني و كيما أنا خطبتها تقابضت معاها وقالتلها نتي كنتي تمشي معاه وماقلتيليش وبلابلابلا قلتلها شوفي يا بنت الناس خلينا من صاحبتك هادي وأنت خممي فيا ديريني في بالك إدا قابلة أقبلي دوك مشي قابلة أنا نحبسها هنا ماتكسريليش راسي بحكاياتكم قالتلي أعطيني فايسبوك تاعك نحكيو فيه مليح قلتلها لالا مانمدلك والو أنا مانيش تع حكايات مع البنات ولو كنتي في بالك بلي ملكتيني ديري في بالك مازلتي ماوليتيش لا مخطوبتي ولا مرتي ردي قابلة ولا لالا؟ قالتلي قابلة بيك أيا أنا ضحكت حيرتني يا جدكم قلتلها راكي سيريو؟ كلمة أخيرة؟ قالتلي إيه الطفلة وافقت و نورمال قريب تجوز خطبتنا مي البروبلام فيا أنا دروك بانتلي بلي تسرعت يا ودييي هي صح طفلة شابة ومليحة بصح لي جاست والخرجات الي خرجتهملي هدي الفترة قبل الخطوبة حيروني فيها وزيد قلت نوررمال الطفلة هكا طبيعتها متسرعة وتحب تكتشف الي خطبها كيفاش داير هكا
نزيدلكم البارح عيطتلها أيا هنا أنا الي غلطت كنت مديرونجي و قلت عندي نيميرو تع مخطوبتي هههه والصوت الحنين ويا دلالي داتني الدنيا يا ناس حكيت معاها وضحكنا الطفلة قالتلي حبيتك وزدمت لقلبها بش مانكدبوش حتى أنا حبيتها ميماعرف راني متوتر الي متزوجين يقولولي توتر عادي ولا التوتر تع النسا برك ولاراني تسرعت؟ زيد هادي الطفلة حكاتلي البارح كان عندها حبيب و مات أياا أنا قلت نورمال الطفلة المهم مراهيش مع حتى حد دوك بصح راني محير شويا والله ياو ردو عليا خلوني نرقد طرونكيل :tongue02::tongue02:
حكيت معاكم بالضحك والزهو على خاطر خاطيني الأحزان ههههه مي ردو عليا راني محير من هدي الطفلة وش رايكم
وشراكم خاوتي لاباس؟أنتيك؟
أنا جيت نحكي على وحد البروبلام صرالي مع وحدة راكم تشوفوا المواضيع هنا ممعمرة بالحكايات هادوا بصح ماعليه ماتلوموش حتى أنا جامي جات فبالي نحكي على وحدة بصح اليوم تبدل كلش ,الطفلة هادي داتلي عقلي هي عرفتها غير فالطريق كانت تجي من المسيد للدار نشوفها طفلة متربية بنت ناس شابة حلوة كيما يبغيها الخاطر عجبتني فالبداية حسبتو إحساس ويجوز مادرتهاش فبالي مليح مي مع الوقت تأكدت بلي صح ناوي هدي الطفلة تكون حلالي أيااا رحت قصدت خوها حكيت معاه السيد قالي نشوف مع الدار راح لدارهم حكاو عليا أيا هي جابت النيميرو تاعي بالسرقة وأنا معلاباليش منين جابتو عيطتلي ريبونديت عليها هدرت معايا قالتلي أنا فلانة بنت فلان نتا هو الي جيت خطبتني قلتلها إيه أنا هو قالتلي يا أخي اسمحلي مانقبلش بيك قلتلها إيه وعلاش تعيطيلي كيماقبلتيش روحي قولي لوالديك ورفضوني علاش تجيبي فالنيميرو وتشقي فروحك بش تحكي معايا وتقوليلي بلي رافضتيني؟ قالتلي رافضتك وحشمت نقوللهم هوما قبلو بيك ونتا عجبتهم ضحكت وقلتلها هههه حشمتي تقولي لأهلك وماحشمتيش تجي لوجهي تقوليهالي ماعليه هكاك قلتلها شوفي يا بنت الناس أنا عندي كلمة مديتها مانرجعش فيها أنتي رافضة قوليلهم مشي رافضة ميهمش سلام وكوبيت عليها صح الطفلة شوكاتني وشبيها تعيط عليا ياك أنا الي راجل كي حبيتها ماحوستش على النيميرو تاعها المهم نكمللكم الحكاية 15 يوم منداك رد عليا باباها قالي موافقين أنا غاضتني الطفلة قلت بلاك منيش عاجبها ولا ونسيف عليها ماجاياش رحت حكيت مع خوها قلتلو سقسيتوها وهي وافقت؟ قالي إيه قلتلو شفتو معاها بلاك حشمت تقوللكم راني رافضة ولا السيد تشوكا فيا قالي وشبيك نتا خاطبها وتحوس عليها ترفض؟ روح ماعليه بعد سمانة هكاك الطفلة زادت عيطتلي مي بنيميرو آخر آلو آلو قالتلي حابة نحكيلك حكاية هاشكون معايا قالتلي أنا فلانة قلتلها وش تاني؟ قالتلي بلي الحكاية وما فيها صاحبتها تحبني هههههه إيه إيت هادي هي حكايتها صاحبتها تحبني و كيما أنا خطبتها تقابضت معاها وقالتلها نتي كنتي تمشي معاه وماقلتيليش وبلابلابلا قلتلها شوفي يا بنت الناس خلينا من صاحبتك هادي وأنت خممي فيا ديريني في بالك إدا قابلة أقبلي دوك مشي قابلة أنا نحبسها هنا ماتكسريليش راسي بحكاياتكم قالتلي أعطيني فايسبوك تاعك نحكيو فيه مليح قلتلها لالا مانمدلك والو أنا مانيش تع حكايات مع البنات ولو كنتي في بالك بلي ملكتيني ديري في بالك مازلتي ماوليتيش لا مخطوبتي ولا مرتي ردي قابلة ولا لالا؟ قالتلي قابلة بيك أيا أنا ضحكت حيرتني يا جدكم قلتلها راكي سيريو؟ كلمة أخيرة؟ قالتلي إيه الطفلة وافقت و نورمال قريب تجوز خطبتنا مي البروبلام فيا أنا دروك بانتلي بلي تسرعت يا ودييي هي صح طفلة شابة ومليحة بصح لي جاست والخرجات الي خرجتهملي هدي الفترة قبل الخطوبة حيروني فيها وزيد قلت نوررمال الطفلة هكا طبيعتها متسرعة وتحب تكتشف الي خطبها كيفاش داير هكا
نزيدلكم البارح عيطتلها أيا هنا أنا الي غلطت كنت مديرونجي و قلت عندي نيميرو تع مخطوبتي هههه والصوت الحنين ويا دلالي داتني الدنيا يا ناس حكيت معاها وضحكنا الطفلة قالتلي حبيتك وزدمت لقلبها بش مانكدبوش حتى أنا حبيتها ميماعرف راني متوتر الي متزوجين يقولولي توتر عادي ولا التوتر تع النسا برك ولاراني تسرعت؟ زيد هادي الطفلة حكاتلي البارح كان عندها حبيب و مات أياا أنا قلت نورمال الطفلة المهم مراهيش مع حتى حد دوك بصح راني محير شويا والله ياو ردو عليا خلوني نرقد طرونكيل :tongue02::tongue02:
حكيت معاكم بالضحك والزهو على خاطر خاطيني الأحزان ههههه مي ردو عليا راني محير من هدي الطفلة وش رايكم
