يوميات بنات اللمة في الصيف

[فتاة حساسة]

السلام عليكم

اليوم حبيت نحكيلكم على يوميات البنات في الصيف
ايا اللي يدخل يقولنا واش قاعد يدير
نبدا بروحي
:heh::heh::heh:

ايه
:closedeyes::closedeyes::closedeyes:نوض على 9 على خاطرش تاع دارنا مايخليوش العبد يرقد راكح اوووووووووه :busted_red::busted_red::busted_red::busted_red::sneaky2::sneaky2:
ايه بعدا نلقى ماما في وجهي
تقولي
صباح الخير كي نجي اني نلقى الدار مسيقا و مفروزة واللماعن مغسولين :scared::scared:
_ العبد صباح ربي بعدا يبداه بالتسياق :scared::scared:_

ايه راكم تعرفو نخلص جوايه 12
نتغدى و مبعد نكونكتي
الله غالب ماعندك ماتدير:surrender::glare::surrender::surrender الصيف سامطة تقتل )
نسنى حتى 6 توصل و يبداو الافلام التركية :yahoo::yahoo::yahoo:

ايه من 6 و انا نتفرج حتى 9

ومبعد نتفرج كاش فيلم هندي يخلص جوايه 12 تاع الليل و روح نرقد :closedeyes::closedeyes::closedeyes:

والله غير توحشت الهرج تاع القرايا :heh::heh::heh::heh:
ايه كيما قلتلكم اللي يدخل من النات يدرنا يومياتو اوكي
تاع دكورا اني منبعد ندير موضوع خاص ليهم
ملاحظة , طاطا هيلدا اقبلينا الموضووووووووووع :tears::tears::tears: و ما تجيفينيش
:music_whistling::music_whistling:

 

[نبض الحياة]

سلام حنونة
هاداك الميناج رانا كيفكيف واش نديرو الميناج كل يوم فوق الراس :surrender::surrender:
وهاديك الكونكسيون مشقاش نحكيلك عليها كل يوم :busted_red::busted_red:

 

[M!ss D!or]

أنا مازالني نقرا مي كي عرفت بلي راكم en vacance وليت مانروحش و كل يوم يبعتو ليما في لبريات بلي لازم نروح مي أنا مليــــت مانقدرش نصبر حتى 27 juin​

 

[THE GNAWIE]

امممممممممممممم
ااااااااااااااا
ما تفكرينيش فالميناج
و الله فيف يامات لقراية​

 

[نكهة مطر]

قاع رانا هكذا شوفي نوض 9وديفوا 10نكون نسخن في الحليب ماما تقولي:صبرينة كوزينا راهي تسنا فيك نقوها ياماما اصبري نشرب حليبي برك ممبعد نفرز ونغسل المعان ونسيق اون +2سا نو يلزم روح لافيل نشري خبز من المخبزة جديد وسخون ولا ماكش وزيد نشري الحليب والقازوز....... توصل 12نتغدى نغسل لماعن ونطرف ونتوضا ني تكون 1نشوف "صبايا" تعرفوه ممبد "الارض الطيبة" حتى 3 نكونكتي حتى ل6باش نخرج من اللمة وبابا يديلي الميكرو ممبعد نغسل ماعن القهوة على 7نكمل ندي الطنيبر ونقعد في شمبرتي وراني نبرودي ونتفرج "قلوب منسية "من بعد "امي"حت ل9 باش نخرج نروح نتعشا نغسل لماعن ونتوضا نصلي لعيشا ونقرش في خويا شوية من بعد روح لشمبرتي نفرج فيلم هندي في زي افلام ولا امبيسي ماكس نجيب بيهم01 ومبعد يعيط العياط نجب 3 ونرقد .........وهذا ايام صبرينة شكرا على الموضوع نشالله منكنش طولت عليكم

 

[dana1993]

السلام
يا طفلة حابا تبهدلينا من اللول هههه
ماعليش الماكلا والقعاد والتعوال على لجداد هههه
ماعليش عندي جوايه 15 جور وانا مريحة نت وتلفزيون ورقاد بلا مننسا التقفاض و الدار و...الخ
ايه نضال نجري على الخياطة تخيطلي حوايجا شاب راسي وهي مازال
ليسونسال ماكانش حاجة مفيدة لحد الآن هههه
مرسيتو​

 

[rima29]

انا نوض على 10 نقفض لفراش ومباعد نروح نغسل لماعن قولي نكمل على 12 وماما تطيب لغدا ومباعد نجي نقعد قدام الميكرو حتى يوجعوني عينيا هذي هي يوميات سوسو

 

[فتاة حساسة]

ههههههههههههه
مشكوووووووورين على المرور

 

[Mafia-beo16]

تعرفي حالة البنات في الدار
انا خطرات نوض على 7 نروح نقعد في الميكرو حتى 8 ونبدا الشغل راكي تعرفي واش هوا نكمل على 11و30 نقعد نكونيكتي ايلا ماكاين حتى واحد فيه ولا نقعد نتفرج حتى 13 نروح نتغدا ونغسل الماعن ومبعد نروح نتفرج حتى 4نتاع لعشية نروح نخرج نشري وخطرات نطيب العشا و نغسل الماعن ونروح نتفرج حتى 2 نتاع الصبح ومبعد نرقد ونفس الشي كي نوض غدوة من داك
نفس الروتين
مرسي ختي على ميضوع

 

[روعة الأخلاق]

السلام عليكم
الحمد لله المهم خلصنا الامتحانات
كي خلصتهم بديت نخطط للصيف تاعي
دخلت مدرسة تحفيظ القرءان
و زيد الميناج المزعج تاع الدار و لكيب ناسيونااال لازم نتبعوووها
هذا مكان لحد الآن​

 

[AnGeL*dZ]

انا الصيف تاعي فايحة تقتل ههههههههه

نوض على 10 ساعات 11 وساعات 9 ههههههههههه

ننوض نلقا فطوري وجدتو ماما وتحاولني باش نفطر وانا نتعلل

مبعد انا نخلص لفطور الآية تنعكس

دركا راني فطرت بصح مازل ماغسلتش لماعن ههههههههههههه

نزيد نتغدا و نغسل لماعن

وماما ديري هاذي اراوحي لهنا

ومبعد ختك نقعد ف net ل 10 ونص تاع الليل

نروح نغسل لماعن تاع لعشــــــــآ ههههههههه وبابا يهاوش فيا

وجهي مقزدر انا

بصحح راني نخمم نسجل في اللي يحفظو القرآن

ودركا قرب موسم لعراس نولي ديما برا ههههههه
​

 

[فراشة المنتدى]

سلامــــــــ

انا تاني راني كيفكم يعني في الدار برك الصيف كامل
ونوض على 8:30ولا 9:00 اول شيء للمعاعن والتسياق والغسيل و.... وراكم عارفين شغل الدار ومنبعد نوجدوا لغدا وتجي وقت 13:00 صلاة الظهر ومنبعد نتفرج شوية حتى16:00 وتجي القهوة نتاع العشية وبعدها الماعن يعني حتى 17:00 باه نكونكتي حتى 19:30 نروح نتفرج مسلسلات التركية ويزيد مراهم العشا وماعن الي ولاو روتين في حياتنا ,نتفرج شوية, ومنبعد نرقد حتى يجي نهار اخر كيف الي فات يعني الماعن والتسياق والغسيل والماعن
مي درك جاو لعراس ولخرات شوية ينحي الواحد على خاطرو

سلامــــــــــــــــــــــــــــ
​

 

[SOUHA]

والله اكل رانا كيفكيف
غير القعاد

 

[nassim007]

مليحة ليكم

 

[بنـ MaPa ـت]

واش ختيتو كاش خرجات قولولي برك الدراهم عليا​

 

[samifa31]

راكي كيفي والله حتى انا هاكا ديقوطاج تاع صح
مرسي على الموضوع حنونة

 

[Amir nini]

aya sidi mala mli7alkoum sayf ...b111.........
​

 

[din@ c00l]

مساء الخير عليكم وش راكم دايريين مع الفاكونس
امممم انا دورك نحكيلكم يوميات HIBET في الصيف
انا نوض على 9 تع الصباح سي سUر مش وحدي نوض على العياط تع اختي الصغيرة Bèbè الله غالب ما نقدر نديرلها والو صغيرة مسكينة المهم من بعد نفطر و نلقى الميناج تع الدار يستنا فيا اففففففففففففف و اكم تعرفو يعني غسيل الماعن و التزياق و الغبرة و الفريزة............. اييييييييييه انكمل جواية 12 نزيد شوية يأذن الظهر يا سيدي نصلي و من بعد نقابل التيلي نتفرج على الافلام التركية حتان ل 4 نوض نصلي العصر و من بعد نكوووووووووووووووووناكتي حتان 7 نوض نقعد شوية مع بابا و ماما بعد ما نصلي المغرب و نسانا العشاء و نعاود نكوناكتي حتان 11.30 و ساعات 12 و يفض النهار نرقد و نزيد نعاود النهار

 

[همس الوُرود]

ههههههههههه والله نفس اليوميات تقريبا خدمة وتفراج المهم ختي تسنيم راكي تعرفيني وتعرفي يومياتي
هههههههههههههه وشكرا على الموضوع الرائع

 

[manita_a]

مرسي ختيتو على ميضوعك الباهي...

في الصيف ياماتي كامل كيف كيف
نسهر حتى 2 ولا 3 نتاع صباح....و في النهار نوض على 11 minimum
و الخدمة نتاع الدار تسياق و طياب و و و هاذي كاتبهالي الطبيب ههههه
و بيانسور نكونيكتي هادي لمة و هذا فيسبوك و هذا امسن و les jeux و و و
و في الليل نحب نتفرج كاش فيلم و ممبعد نقرا شوي من كتاب....
و هكذا ديما هههه نسيت البورتابل مممم
هذا هو يومي...​