يوميات بنات اللمة في الصيف

[H_OUSSAMA_DZ]

هههههههههههههههه
واش هذه غير لبنات برك والداري مايحوش شويا على رواحهم
هههههههههههههه
ربي يعنكم يابنات الجزائر مع الصيف الدار و الشغل و القدام
1.2.3 فيفا الصيف والشغل للبنات
ههههههههه

 

[نتــــــــــاشا]

عليكم السلام ورحمــة الله وبركــــــاته

يا سيدي أنـــــا ننوض الصباح جوايه 9ولا10 على حساب الgوسطـو:shiny: نستقهوا بيـان ممبعد نروح نخمًل الدار ونغسل لماعن ، surtout ختي مزالها فالجاميعة وأختي لخرى راهي مع الخدمة يعني شغل الدار كامل عليــا :sadwalk:، المهم كي نكمًـل لماعن خطرات نطيًب لغدا وخطرات تطيبو مــاما، ومبعد نتغداو ونزيد نغسل هاذوك لماعن،ونـروح نتوضى ونصلي الظهـر.
وااااااااااااااو مبعد تجي فترة الراحة:sheer: ، نجي نكونيكتــي ولا ندير la sieste ومبعد ننوض نشرب القهوة ديالي ونغسل لماعن اذا كانت دالتي ونعاون ماما شوية في لعشا:scared: ونطلع نزيد نخنتش شوية في الميكرو، حتى توصل جوايه 8 نصلي المغرب ونحبطوا نتعشاو امبعد اذا كانت دالتي نغسل لماعن :schmoll:واذا ماكنتش دالتي نتفرج شوية يا اما نشوف حلقات تاع ناس ملاح سيتي في A3 ولا نشوف كاش عفسة وحد أخرى ، مبعد نروح ندوش ونرقد:santa_1:، وغدوة من داك نهار جديد ونفس الشـىء طبعا.
ماتنساوش بلي كاين يامات وين نسيًق ولا نغسل حوايجي يعني ماشي روتين 100 بالمية ههههههههههههه:shay:

المهم يعطيك الصحة يا مولات الموضوع
تحياتي...​

 

[la_safa]

توحشت لقرايا
:tears:

اوموا العبد يتهنى من الدار شوي
:crying_1:

مرسي ختي عالموضوع
:yahoo:
​

 

[البخالدي]

راكم كيفي
حتى انا الصباح دير معايا ان و خواتاتي 4جولات باش نوضو
ايا نتقهوى و من بعد نسيق ونكونكتي شوية
ومن بعد نروح نتغدى وختي هي اللي تغسل الماعن
وانا نصلي الظهر وندير امبيسي اكشن نتفرج ومن بعد تجي العشوية ايا نغسل الماعن ونجمع شوية ويجي العشا نتعشا

 

[*ايمان*]

ربي يعينا احنا لبنات

ماما كل يوم تنوضنا على 8 و لا 9 هذا كي تخلينا نرقدو بزاف

نروح نغسل وجهي و مبعد نفطر ومبعد ندير صباح الخير نتفرج شوي ومبعد نسمع ماما ايمان يالله نوضي نهز السينية ونغسل الماعن ومبعد نسيق الكوزينة ونروح للهول وهولنا وحدو يدير دار اخرى كبير بزاف ظهري يتكسر منو ومبعد نعاود نعدلو ونزيد كشما نمسح غبرة ونجي نكونيكتي شوي ومبعد نتغدا ونزيد نهز السينية وساعات نغسلهم وساعات نخللي اختي

ونروح للاتيلي نتفرج كاش فيلم ونعاود نرجع هنا وساعات نوض نخلط كاش ماكلة نجبدها منا ونجربها

وهكذا كل يوم

​

 

[زهرة الجنوب9]

من صباح وانا في مناج دار ولدرتو امس نديرو اليوم كرهنا من نفس روتين

 

[الورد الأحمر]

نوض على 9 ... وساعات أكثر
نشرب حليبي
وندير حاجة من 3
يا نسيق يا نعبي لفراش يا نغسل لماعن
يعني كيستيو نص ساعة نكون درت
وخدا من هذو ...
ونجي ديغاكسيو ميكرو ...
نبقى فيه وما نوضش غير
وقت لغدى ولعشا ...
ونرجعلو بعد ...
وكي كنت نقرا أو كنت
نروح للجامعة الصباح
ولعشية نجي بعد نكوناكتي
ايه ونرقد مع الصبح ...
هذي هي يومياتي
مغسي
سلامو
​

 

[wafa16]

انا عمبالي غير انا اللي الصيف تاعي صامط
بين الميناج لاتيلي و الانترنت وشويا عراس
بصح راني معولة ندير بروgلرام شباب باش نستفاد
بالاك ستاج خياطة ولا ديكوراسيون ولا نسجل في الجامع تعنا تحفيظ القران
وما تنساوش بلي لي فاكونس يطيحو مع رمضان

 

[*Sarah Dz*]

نوض بين 8 و 9 ...
نبداها مينااااج ختى يحي وقت الفطور .. نفطر .. نغسل الماعن
...
نقلبها انترنت ..
التليفيزيو نشوفه ديفوا
عندي مسلسل واحد متبعاته ..
يلعب خميس خميس ... ايزل

..
نسهر تى 1 .. 2 تاع الصبااح

و تتكرر الحكاية
​

 

[sissi-jijlya]

سلام خيتو أنا نوض على 11 نلقا ختي فوق راسي *يا الفنيانة نوضي *و بالجيجلية تقولي * نوضي يا مزود النعاس* لووول ايه مالا نوض نلقا الميناج خلااااص نشرب حليبي و نكونيكتي ممبعد كي ياذن نوض نصلي و نغسل المواعن و نشعل نتفرج الأرض الطيبة و سيلا نزيد نوض كي ياذن نصلي و نروح نكونيكتي ما نوضش حتى 6 نتفرج الأفلام التركية و نزيييد نروح نكونيكتي ما نتعشاش زعما زعما ريجيم أحم أحم ايييه نزيد نقعد حتى 1 تاع الصبح و نزيد نتفرج أفلام تاع الخوف في top movies نجيبها حتى 2 ولا 3 تاع الصبح باش نرقد و نزيد في اليوم التالي ندير لا ميم شوز هادو هوما اليوميات ديالي مي زعما رايحا تتبدل العقلية هادو اليمات و يتوبوا علينا الرجال تاع الدار و يهبطونا لبحر هاهاها
تقبلي مروري

 

[الجريئة]

ممممممممم نوض على 8نتقهوى نعاون ماما في الفريز و الميناج نتغدى نكونيكتي متى سمحت الفرصة
نغسلوا لماعن نتاع لغدى نتفرج فيلمات
انا اونتي مسلسلات
نرقد على 1 ولا 12 وقت ما كتب ربي
سلام