لأصحاب البكالوريا. خطوات مهمة أرجو الدخول

[منى الاسلام]

اولا مبروك عليها ولعقوبة ليك وليها الليسانس نشاء الله

اختك الله يبارك حطمت الرقم القياسي ههههههه
15 راها مقبولة في كل الشعب
ننصحها بصيدلة (معدل القبول النهائي 13.89 )
بيولوجيا خاصة فالنظام ل م د تفوت للماستر والدكتوراه بدون مشاكل او عراقل
هندسة معمارية
حقوق (اكيد رايحة تقولي مانحبش حقوق انا نقولها يلا تزيد تقرا بعد الليسانس يعني تزيد الماجستير بعد التخرج يمكن تكون موثقة notaire )
هادي 4 شعب عندها مستقبل مليح
ادا كان هناك اشكال تعاود تطرحو رحنا هنا نعاونوها

​

على حسب معرفتي هذا المعدل كان العام الماضي لا

 

[anissa 13]

جبت الباك 12.25


شعبة ادب ولغات اجنبية وش ندير بيها الله يسترك​

مرحبا حبيبتي اكرام
مبروك عليك الباك ولعقوبة لليسانس نشاء الله
بالنسبة ليك راني قلت للاخت وداد واش نقدرو نعملو فالجامعة
بما انك كنت لغات اجنبية نقترح عليك ترجمة لانها تضم عدة شعب مرة واحدة
فيها 4 لغات
العربية+الفرنسية+الانجليزية+الاسبانية
وراني شرحت للاخت وداد طريقة القبول فيها
وادا ماحبيتيهاش ننصحك بحقوق لكن في نظام ل م د أفضل
المهم ماتعمليش علم نفس او علم اجتماع او علوم سياسية .... ماعندها حتى مستقبل
ادا كان هناك اشكال آخر قوليلي



​

بارك الله فيك انا راني حابة ندير فرنسية او المانية واش رايك

وداد اكيد فرنسية افضل ومتوفرة تقريبا بكل الولايات
اما اللغة الألمانية ماعندهاش مستقبل كبير وموجودة غير جامعة العاصمة+جامعة وهران​

 

[anissa 13]

مممممممممممممممممممممممممممم
المانية نضن كاينة في وهران

المشكل
انا وين نسكن ...كاين فرنسية ...ادب عربي...انجليزية ....وهاداماكن:busted_red:
ومانيش حابة وحدة فيهم:tears:


راهي في خاطري ترجمة او علم النفس
بصح كاين برك في وهران..............
وتجرمة قاليلي عدنا بصح عيانة

ي يااااااااااا ماما اتهنينا من حمى الباك ولينا في حمى الاختيارات
وش نعمل

قوليلي من اي ولاية انت بالضبط بالاك نفيدك​

 

[anissa 13]

اختى انيسة واش معانتها lmd

نظام ل م د هو نظام جديد وهو نظام عالمي كل الدول راها تعمل بيه خاصة الدول الاوربية
قرايتو شوية صعيبة على النظام الكلاسيكي
نظام ل م د عندك 3 سنوات تاخدي الليسانس بعدها 2 سنة تاخدي الماستر بعدها 3 سنوات تاخدي دكتوراه
3 سنوات= ليسانس
2 سنة= ماستر
3 سنوات= دكتوراه
المج= 8 سنوات
والمليح فيه انو بعد الليسانس بلا كونكور رايحة تكملي للماستر عكس النظام الكلاسيكي اللي تفوتي الكونكور ويلا ربحتي تفوتي للماجستير
والنظام الكلاسيكي الليسانس في 4 سنوات اما ل م د في 3 سنوات فقط تاخديها
ل= ليسانس
م= ماستر وليس ماجستير
د= دكتوراه​

 

[anissa 13]

السلام عليكم و رحمة الله تعالى و بركاته

اختي في الله اشكرك على المبادرة الطيبة جزاكي الله خيرا
فيما يخص انشغالي ، انا مقبلة على شهادة الباكالوريا مطلع العام الدراسي المقبل ان شاء الله و ارجو من المولى عز و جل ان يوفقني و جميع الممتحنين ، لكنني بصراحة ، الى ذلك الحين مترددة نوعا ما في اختيار الشعبة التي ادرسها بالجامعة ، رغم ميولاتي الكبيرة نحو الطب ، الا ان الكثير من الناس يقولون لي نفس الكلام و هو ان الطب شعبة صعبة و مدتها طويلة جدا و حتى يجب ان تتخصصي و الا لن يكون لشهادتك معنى و انك تدرسين دون انقطاع صباحا و ليلا و لا تجدين الوقت حتى للخروج او الاستجمام اضافة الى ان اقل مدة تدرسيها هي 10 سنوات "مع العلم اني لا آبه للوقت بقدر التعب الناجم عن هذه الشعبة"
سؤالي لكي اختي الحبيبة :
1- ما رأيك في الطب كمهنة و في طب كشعبة للدراسة؟
بالنسبة لي كطالبة الطب اعتبرها أفضل شعبة على الاطلاق
وعندها مستقبل كبير ومضمون جدا وانت تعرفين هدا
دراسة الطب صعبة لكن ممارسة مهنة الطب ليست صعبة بالمرة
2- هل صحيح ما يقال عنها و عن مدى صعوبتها و انه لا يوجد حتى وقت للراحة بسببها؟
اكيد صعبة لكن حبيبتي بمجرد مرور الأشهر الاولى ستألفين هده الشعبة
وكل شيء يولي يبانلك ساهل انت مازالك ماوصلتي لهدا راكي متخوفة
واللي يقولك ماعندكش الوقت راه غالط بالعكس نفسها نفس الشعب الأخرين عندك الوقت المشكل في شعبة الطب هو الامتحانات دائما متاخرة
فالامتحان الثاني ديما يكون في اواخر جوان علما ان دراسة هده الشعبة تنطلق باكرا يعني مع اواخر شهر سبتمبر
هدا هو الممل اما عن الوقت لديك مايكفي
3- ما هو المعدل الذي يجب ان احصله في شهادة الباكالوريا لاختيار هذه الشعبة؟
على الأقل معدل 14.50
فمعدل القبول يتغير كل سنة
4- و ما هي احسن الجامعات في الجزائر فيما يخص شعبة الطب و اذا اظطررت للاختيار بين جامعتي الباز الجديدة بسطيف والعاصمة فأيهما احسن؟ "مع العلم ان والدي حفظه الله اقترح علي جامعة بلعباس "
و انا ممتازة باللغات الاجنبية و العلوم الطبيعية و جيدة في الفيزياء و متوسطة في الرياضيات
بما انك ممتازة فالمواد الأساسية اكيد رايح يكون عندك معدل مليح انشاء الله
وبالنسبة للجامعة اختاري الجامعة الأقرب اليك
لان دراسة الطب لاتختلف من ولاية لاخرى عكس الشعب الاخرى ​

لا شكر على واجب حبيبتي
انت المشكورة
ربي يوفقك نشاء الله ونباركولك العام الماجي
​

 

[anissa 13]

انا ديتو ب13.59 شعبة علوم تجريبية
وحابة ندير حاجة مافيهاش العوام نتاع القراية بزاف
ونكون فيها الخدمة لاوماعرفتش واش ندير
دبري عليا ومشكورة مسبقا

مبروك عليك اختي لعقوبة لليسانس انشاء الله
راكي مقلقة هههههه
دونك نقترح عليك تاخدي نظام ل م د لان اليسانس فيه ف 3 سنوات تاخديها
عكس النظام الكللاسيكي اليسانس 4 سنوات
اختاري علوم و تقنيات ل م د
بما ان معدلك مرتفع اكيد راكي مقبولة فهاد الشعبة
وهي عندها مستقبل كبير فالخدمة لانها فيها تخصصات كثيرة
او بيولوجيا ل م د اكيد رايحة تكوني مقبولة
تفدري تعملي بيها استادة علوم طبيعية او تعملي في مصنع مواد غدائية او... حسب التخصص الي تعمليه​

 

[anissa 13]

انا شعبة تسيير واقتصاد جبت الباك 12.17 مارانيش حابة نروح لجامعة دالي براهيم

زعما حبيت نخيرinc .hec بصح ما علاباليش ادا المعدل التاعي يسمحلي بالدخول ليها

مبروك عليك حبيبتي فاطمة لعقوبة لليسانس نشاء الله
مامعنتها inc. hec حامي سمعت بهاد الرمز​

 

[anissa 13]

السلام عليكم
ااريد التخصص في جراحة الاسنان و عندي معدل 13.77
قال البعض انه يلرزم 14 هل هذا صحيح من معلوماتكم
و ما هي الخيارات المتاحة طبعا شعبتي علوم تجريبية
و مسكوورة اختي على الموضوع

مبروك عليك اختي منى لعقوبة لليسانس انشاء الله
يمكن هاد العام يكون ارتفع لاني فالباك تاعي 2007 كانو يقبلو من 12،50 فما فوق
يمكن يكون ارتفع هاد العام
مي 14 بزاف نظن بلي انت مقبولة فالشعبة
لان الطب والصيدلة هاد العام راه 14 فما فوق
جراحة الأسنان متوفرة ب:
جامعة الجزائر
تيزي وزو
البليدة
قسنطينة
عنابة
سطيف
وهران
تلمسان
سيدي بلعباس
انت اختاري الاقرب اليك
وبما انك علوم تجريبية ومعدلك مليح لديك الحق في اختيار كل الشعب ماعدا الطب والصيدلة والبيطرة وعلم الطيران
اشكال آخر انا في الخدمة
موفقة

​

 

[قَطٌر❀ الٌنَـدَى]

نظام ل م د هو نظام جديد وهو نظام عالمي كل الدول راها تعمل بيه خاصة الدول الاوربية

قرايتو شوية صعيبة على النظام الكلاسيكي
نظام ل م د عندك 3 سنوات تاخدي الليسانس بعدها 2 سنة تاخدي الماستر بعدها 3 سنوات تاخدي دكتوراه
3 سنوات= ليسانس
2 سنة= ماستر
3 سنوات= دكتوراه
المج= 8 سنوات
والمليح فيه انو بعد الليسانس بلا كونكور رايحة تكملي للماستر عكس النظام الكلاسيكي اللي تفوتي الكونكور ويلا ربحتي تفوتي للماجستير
والنظام الكلاسيكي الليسانس في 4 سنوات اما ل م د في 3 سنوات فقط تاخديها
ل= ليسانس
م= ماستر وليس ماجستير

د= دكتوراه​

بارك الله يك انوسة هذا وين فهمتو مليح ربي يعطيك ماتتمناي​

 

[ninette0]

السلام عليكم اختي العزيزة
انا شعبة علوم تجريبية ..جبت ال bac ب 12.98 ما عرفتش واش ندير..
و شكرا ع المساعدة......​

 

[anissa 13]

أختي أنسية انت متأكدة ان معدل القبول في الهندسة هو 11 وهل هو بنظام lmd​

هندسة معمارية في نظام ل م د متواجدة فقط بجامعة قسنطينة+وهران
وانت مقبول هنا لان معدل القبول يساوي او يفوق 11 (عندما يكثر الطلب على شعبة ما الادارة ترفع معدل القبول)
هندسة معمارية في النظام الكلاسيكي
متواجدة بتيزي وزو+البليدة+الاغواط+قسنطينة+عنابة+سطيف+باتنة+بسكرة+تبسة+جيجل+وهران+تلمسان+بشار+مستغانم
ايضا هنا معدل القبول= او يفوق 11
هندسة معمارية بالمدرسة المتعددة التقنيات للهندسة المعمارية (الحراش الجزائر)
معدل القبول هنا = او يفوق 12​

L=laisse
M=moi
D=dormir​

وهدا وش تعني

هههههههه سمعتها هادي عندنا فالجامعة
تعرف تاع deua
d=dernier
e=etudiant
u=unniversitaire
a=algerien​

L: Licence

M: Master
D: Doctorat​

merci
​

 

[anissa 13]

السلام عليكم اختي العزيزة

انا شعبة علوم تجريبية ..جبت ال bac ب 12.98 ما عرفتش واش ندير..

و شكرا ع المساعدة......​

مبروك عليك حبيبتي نينات لعقوبة لليسانس نشاء الله
راه عندك معدل مقبول ماشاء الله
يمكنلك تختاري اللي تحبي الا الطب والصيدلة
قوليلي اي مجال راكي حاباتو وانا نعاونك
يعني راكي حابة مجال الاقتصاد او مجال العلوم او .....
اي واحد وتحبي نظام ل م د او الكلاسيك؟​

 

[ninette0]

اولا ... شكرا بزاف بزاف...
ثانيا ...انا نحب مجال العلوم و نفضل نظام lmd
ونحبك منك حنونتي ترتبيلي الاختيارات من الاحسن .......للاسوء
وجعل الله هذا العمل في ميزان حسناتك​

 

[FATIMA2]

مبروك عليك حبيبتي فاطمة لعقوبة لليسانس نشاء الله
مامعنتها inc. Hec حامي سمعت بهاد الرمز

هدا المعهد العالي للتجارة في بن عكنون
شكرا لك​

 

[ملكة زماني]

مبروك عليك اختي لعقوبة لليسانس انشاء الله

راكي مقلقة هههههه
دونك نقترح عليك تاخدي نظام ل م د لان اليسانس فيه ف 3 سنوات تاخديها
عكس النظام الكللاسيكي اليسانس 4 سنوات
اختاري علوم و تقنيات ل م د
بما ان معدلك مرتفع اكيد راكي مقبولة فهاد الشعبة
وهي عندها مستقبل كبير فالخدمة لانها فيها تخصصات كثيرة
او بيولوجيا ل م د اكيد رايحة تكوني مقبولة

تفدري تعملي بيها استادة علوم طبيعية او تعملي في مصنع مواد غدائية او... حسب التخصص الي تعمليه​

يبارك فيكي اختي ومشكورة
حابة نسقسيك علوم وتقنيات هذي واش نخرج نخدم من بعد في اي ولايات كاينة الجامعات لي يقريوها
كاينة في او البواقي وقسنطيينة ولا باتنة هذو هوما لي نقدر نروحهم
وبيولوجيانقدر نخدم من بعد في التحاليل الطبية ولالا

 

[AnGeL*dZ]

جبت الباك 12.25
شعبة ادب ولغات اجنبية وش ندير بيها الله يسترك​

حتى انا اختي دات الباك لغات اجنبية ب12 ونص
وكامل الاسآتدة اللي يقربولي
قالولها احسن حاجة تدير المدرسة العليا معدل القبول 12 فما فوق
في فرونسي او اونجلي خاطر لغات اجنبية
واذا النقطة تاعك في الباك مش مليحة في لفرونسي والانجليزية ديري اي مادة المهم مدرسة عليا فيها مستقبل تخرجي ديراكت عندك بلاصتك استآذة في ليسي
ومليحة ترجمـــــــــــــة
***************************************************
مشكورة اختي انيسة على الالتفاتة الطيبة
بارك الله فيك
​

 

[Nàf!ssaà]

بارك الله فيك اختي انيسة و يعطيك الصحة
وربي يوفق الجميع لاختيار الافضل و ربي يجيب لي فيه الخير

 

[مـــــلاك]

لا شكر على واجب حبيبتي

انت المشكورة
ربي يوفقك نشاء الله ونباركولك العام الماجي​

اللهم آآمين
اللهم احفظها و وفقها و ثبت خطاها و أنر دربها و ارزقها من حيث لا يحتسب
الله يجازيك يا اختي بارك الله فيك​

 

[خطاب 03]

أنا ربحت الباك ب 18 المعدل شعبة علوم رياضي واش ندييير :tears::tears::tears:​

 

[** غزال الصحراء **]

السلام عليكم , أنيسة على حساب ما قريت راكي مازال شادة في العام اللي ديتي فيه الباك ههه

خطراش راني نقرى في دليل الطالب و الخرطي هاذاك و شي من اللي قلتيه ماهو صحيح ,, راني نضحك معاك برك

أنا ديت الباك ب 12.71

خيرت المدرسة العليا تاع الإعلام هي اللولى , مي راني سور ما تصحليش //

أصلا طالبين ( رياضيات + فيزيك + المعدل العام / 3 == 14 )

و البيلتان مازال ما شفناهاش , يعني معدل القبول و مابانش , بلا ما نهدرو على الكلاسمون اللي رايح يدير فينا حالة العام هاذا ..

إذا خلات نديروها (LMD Mathématique et Informatique ) و خلاص ..

حقا قوليلي واش رايك في هاذي : ( Génie électrique et Informatique idustreille ) ؟؟

مليحة زعمة ؟

راني مبعد نقولكم الخيارات العشرة و قوليلي لا ملاح و لا لا

سلام .