لأصحاب البكالوريا. خطوات مهمة أرجو الدخول

[programmeur]

يعطيك الصحة اختي انيسة
على الافادة
صراحة ماكنت نعرف والو حتا قريت واش قلتي
بالنسبة ليا انا جبت 16 فالباك
قوليلي واش الاختيارات اللي تناسب المستوى تاعي
واذا كانت صعيبة ولا لالا
وبارك الله فيك اختي
ربي يوفقك في حياتك ان شاء الله
سلاآآم
​

يا اختي مبروك عليك الباك ومبروك عليك 16
بهدا المعدل تقدري تروحي واش حبيتي
بصح واش هو برونش تاعك علمي ولا ادبي ؟؟

 

[programmeur]

شكرا حنونتي انيسة الغالية
نتمنالك الشفاء العاجل انشاء الله وترجعيلنا باسرع وقت بصحة و عافية.​

الله يجعل الشفاء العاجل

 

[programmeur]

والله يااخي في بلادنا راه يتمشى غي العرف والنفود
يكدبو علينا بالقوانين والاجراءات
حنا في تلمسان الليسانس والله ماراهم يستعرفو بيها
تبانلهم الليسانس وbem غير كيفكيف
لازمك الماستر وبالاك عاد يقبلوك
كلش عرف
واللي عندو عرف مايحتاجش الليسانس والباك
بلا قراية عليه يحكم بلاصتو
​

يا اختي انتم السنة هادي عندكم ماستر كيما يقولو مجاني
لخاطرش عددكم قليل بصح السنة القادمة حسابات أخرى
انا عندي لافامي يقراو في تلمسان وفي نفس اختصاصك وفي نفس السنة ربما راهم يقراو معاك
وخبروني على حالة تاع اختصاص تاعهم

حنا تانيك السنة الماضية كانو الطلبة قلال وكلهم راحو للماستر والسنة هادي رانا قلال وبالاك فيها ماستر للكل ان شاء الله عددنا راه 34 طالب
من ناحيتي راني مع الاوائل وفي حياتي ماشفت الرتراباج .... راني ضامن كرسي
بصح غاضوني صحابي و البنات اللي يقراو معانا
كذبو علينا ومن بعد خرجو خرجة من القصب

 

[anissa 13]

يا اختي انتم السنة هادي عندكم ماستر كيما يقولو مجاني
لخاطرش عددكم قليل بصح السنة القادمة حسابات أخرى
انا عندي لافامي يقراو في تلمسان وفي نفس اختصاصك وفي نفس السنة ربما راهم يقراو معاك
وخبروني على حالة تاع اختصاص تاعهم

حنا تانيك السنة الماضية كانو الطلبة قلال وكلهم راحو للماستر والسنة هادي رانا قلال وبالاك فيها ماستر للكل ان شاء الله عددنا راه 34 طالب
من ناحيتي راني مع الاوائل وفي حياتي ماشفت الرتراباج .... راني ضامن كرسي
بصح غاضوني صحابي و البنات اللي يقراو معانا
كذبو علينا ومن بعد خرجو خرجة من القصب

نشاء الله يخلوني غير نفوت ويلا حبو يعملو كونكور هههههه
انا chef departement قالي نفوتك امالا يدبر راسو نفوت للماستر ههههه
انا اصلا النهار الاول عملت ل م د على جال هاد العفسة تاع الماستر هوما طمعونا قالونا تفوتو بلا كونكور وهاد العام رحنا 600 واحد فالبرومو بالاك نفوتو
اصلا ماشي كامل يزيدو كاين اللي يحبس عند الليسانس
الله يجيب الخير
عجبتني حاجة هههههه انت ريك ترد على الردود في بلاصتي هههههç
شكرا على المساعدة​

 

[anissa 13]

ملاحظة
اعزائي تعلمون انني سؤجري عملية جراحية
لدلك من الممكن ان اغيب عنكم لأيام قليلة
وانتم تعلمون انني لا استطيع أن اترككم بدون مساعدة
لهدا وكلت شخصين ليتكفلا بالامر ويساعدانكما
هما
الاخ programmeur حفظه الله
والمشرف chemssou007 حفظه الله
اي استفسار هم من سيقدمون لكم المساعدة
ويردون على اسئلتكم
اما من احتاجني انا بالضبط فليراسلني على الخاص
موفقين انشاء الله​

 

[** غزال الصحراء **]

على حساب معريفتي المدرسة العليا يروحولها غيل صحاب 14 وفوق وكل عام تتبدل الحية
كي وحد العام راحولها ب 16 كادنى معدل

أما بخصوص رياضيات + فيزيك + المعدل العام / 3 == 14 مكانش قاع منها
لوكان جاو يطبقو كيما هكدا لوكان راني في الاختصاص اللي حبيته
هوما يديرو على المعدل تاع الباكالوريا فقط

ولوكان نحكيلك واش دارولي انا تموت بالضحك
نهار اللي شفت واش هو الاختصاص اللي عطاوهلي كتبولي معدل القبول هو 9.50 في اختصاص اقتصاد ..... ههههههههههه تم عرفت بلي بلادنا يسيروها جهلة تاع الصح

وكنصيحة ماديرش على الاساتذة عندما يستقبلوكم في الجامعة راهم غيل كذب * كذب
كيما اصحاب lmd وانا واحد منهم كذبو علينا كذبة العمر
قالك ماستر حق لكل طالب جامعي
لكن كي طلعنا قالك لا لا كاين شروط باش تروح للماستر
وكل جامعة عندها شروط تاعها واللي تليق بيها وكاين جامعات اللي دير كلاسمون على المعدل لكل سنة وكاين اللي دير على اللي دخل لراتراباج ولي مادخلش وكل سنة تتبدل الشروط يعني ماتفهم حاجة

بارك الله فيك طيحتلي المورال :no_1:

 

[meryouma1992]

مبروك عليك انت وصاحبتك ولعقوبة لليسانس نشاء الله ​

انت راه عندك معدل مليح ماشاء الله ومقبولة في معظم الشعب
خاصة وانكم كنتم علوم تجريبية
لكن ماهو المجال اللي راكم حابينو باه نقدر نقترح عليكم
مجال علوم او اقتصاد او .....
الشعب كثيرة ​

انتظر ردك​

شكــــــــــــــــــــرا أختي على الردّ حـــــــــــنا رانـــــــــــــا باغيين أي اختصاص يكون عنده مستقبل
و الاولوية تكون للعــــــــــــــــلوم
أنــــــــــــــــــــــــــــا راني بــــــــــاغية صيدلة مي قــــــالولي ما يعطوهالكش

 

[programmeur]

بارك الله فيك طيحتلي المورال :no_1:

يا خويا هدا هو الواقع اللي شفته في الجامعة
والجامعة محد ذاتها طيح المورال ..... تكون تقرا مع طلبة عادي كي تروح للمطعم على 12 تصيب وحوش ماشي طلبة يديرو حرب على اللوبيا و الخبز هههههههههه
تقول عندنا مجاعة في الجزائر

مانكذب عليك .. مانقولك بلي الجامعة حاجة كبيرة ..... امور كبيرة غادي تتبدل عليك
وتولي تحن لايام الليسي ..... هدا هو الواقع اللي شفناه
بصح الواحد يتعود على تلك الضروف و يكمل دراسته وكل شيئ ماشي والتوفيق من عند لله

وكيما يقول المثل الباك نشوة .... والجامعة حشوة هههههههههههههه

غيل بشوية وبشوية ونشوفو غزال الصحراء بشهادة ان شاء الله

 

[farida91]

يا اختي مبروك عليك الباك ومبروك عليك 16
بهدا المعدل تقدري تروحي واش حبيتي
بصح واش هو برونش تاعك علمي ولا ادبي ؟؟

الله يبارك فيك خويا
انا علمية طبعا شعبة علوم تجريبية​

 

[منى الاسلام]

ملاحظة
اعزائي تعلمون انني سؤجري عملية جراحية
لدلك من الممكن ان اغيب عنكم لأيام قليلة
وانتم تعلمون انني لا استطيع أن اترككم بدون مساعدة
لهدا وكلت شخصين ليتكفلا بالامر ويساعدانكما
هما
الاخ programmeur حفظه الله
والمشرف chemssou007 حفظه الله
اي استفسار هم من سيقدمون لكم المساعدة
ويردون على اسئلتكم
اما من احتاجني انا بالضبط فليراسلني على الخاص
موفقين انشاء الله​

ربي يشفيك ان شاء الله
و ترجعي عن قريب معافاة سالمة غانمة يا رب

 

[منى الاسلام]

يا خويا هدا هو الواقع اللي شفته في الجامعة
والجامعة محد ذاتها طيح المورال ..... تكون تقرا مع طلبة عادي كي تروح للمطعم على 12 تصيب وحوش ماشي طلبة يديرو حرب على اللوبيا و الخبز هههههههههه
تقول عندنا مجاعة في الجزائر

مانكذب عليك .. مانقولك بلي الجامعة حاجة كبيرة ..... امور كبيرة غادي تتبدل عليك
وتولي تحن لايام الليسي ..... هدا هو الواقع اللي شفناه
بصح الواحد يتعود على تلك الضروف و يكمل دراسته وكل شيئ ماشي والتوفيق من عند لله

وكيما يقول المثل الباك نشوة .... والجامعة حشوة هههههههههههههه

غيل بشوية وبشوية ونشوفو غزال الصحراء بشهادة ان شاء الله

:scared::scared::surrender:
يقلي راسي ندير استقالة قبل التوظيف ههههههههه

 

[soheib1990]

ربي يشفيك يا الأخت أنيسة​

 

[مارجوري]

ربي يشفيك ياختي انيسة و يشفي كل مريض​

 

[nassim007]

نسقسيكم

نتوما فرع المحروقات شحال يطلب المعدل ادا علابالكم
​

 

[nassim007]

ربي يشفيك يا اخت انيسة
​

 

[meryouma1992]

نسقسيكم ​

نتوما فرع المحروقات شحال يطلب المعدل ادا علابالكم​

محروقـــــــــــــات و كيميــــــــــاء طالبين 13 فما فوق بالنسبة رياضيات و تقني رياضي
و14 فما فوق بالنسبة للعلميين
هادا و زيد يتم الترتيب على حسب (م ع باكالوريا+ع فيزياء+رياضيات)/3

 

[وداد2]

انا جبت فالالمانية 16 نقدر ندير ترجمة مع العلم ان معدلي العام هو 11.76

 

[programmeur]

انا جبت فالالمانية 16 نقدر ندير ترجمة مع العلم ان معدلي العام هو 11.76

على حساب معلوماتي تقدري ديري ترجمة
لكن شوفي معدل القبول تاع السنة هادي فاش راه

 

[مـــــلاك]

بسم الله
السلام عليكم و رحمة الله و بركاته
اختي انا اريد ان اسالك عن جارتي تحصلت على معدل 10.55 شعبة لغات اجنبية و تحصلت على 11 في الانجليزية و 12 في الفرنسية و تسألك عن الاختيارات العشرة التي تكتبها في بطاقة التوجيه من التسجيلات الاولية مع العلم انها تحبذ الانجليزية او الفرنسية و هي تقطن ببريكة ولاية باتنة و تريد ان تدرس اما بباتنة او ببسكرة لكي تلتحق باختها
سؤالي : ما هي الاقتراحات العشرة التي تقترحينها عليها ، مع الترتيب ؟
جزاكي الله خيرا و شكرا مسبقا​

 

[programmeur]

بسم الله
السلام عليكم و رحمة الله و بركاته
اختي انا اريد ان اسالك عن جارتي تحصلت على معدل 10.55 شعبة لغات اجنبية و تحصلت على 11 في الانجليزية و 12 في الفرنسية و تسألك عن الاختيارات العشرة التي تكتبها في بطاقة التوجيه من التسجيلات الاولية مع العلم انها تحبذ الانجليزية او الفرنسية و هي تقطن ببريكة ولاية باتنة و تريد ان تدرس اما بباتنة او ببسكرة لكي تلتحق باختها
سؤالي : ما هي الاقتراحات العشرة التي تقترحينها عليها ، مع الترتيب ؟
جزاكي الله خيرا و شكرا مسبقا​

وعليكم السلام ورحمة الله وبركاته
يا اختي الاخت صاحبة الموضوع ماهيش هنا وادعيلها ربي بالشفاء العاجل
وهي قاتلي جاوب على الأسئلة تاع الأعضاء

يا اختي أولا مبروك على جارتك
اذا حبت دير فرنسية أو الانجليزية تقدر ديرهم في لاليست تاع الاختيارات وتشوف وينها اللي تحبها بزاف و قلبها اللي يرتاح ليها

أما بالنسبة لقائمة الاختيارات يا اختي غيل جارتك اللي تقدر تعمل هادي الاختيارات لانها هي اللي تعرف نقاط ضعفها ونقاط قوتها وتعرف واش تحب وواش تكره وهي الوحيدة اللي تقدر تخير طريق مستقبلها

تقدر تخير 10 اختصاصات وتقولنا واش هوما وحنا نقولولها رأينا