هل كل ما يهم فتياتنا في الاعراس هو رؤية العروس ام تمضية وقت مسل ؟؟؟؟؟

[برنســ اللمة ـيسة]

صباح الخير و لا مساء الخير عليكم ما يهمش
واش راكم؟؟؟


sava???

ايا سيدي نبدا ندخل في الموضوع direct

بلا ما نطول عليكم


كاين واحد ال question يدور ​

في بالي tjr و حابة نعرف رأي البنات كامل ​

كيف كيف و لالالا؟؟؟
.
.
.

الquestion للي هو .
.
.
.
.
هل ما يهم فتياتنا في الاعراس هو رؤية العروس ام تمضية وقت مسل؟؟؟؟؟
.
.
.
بالنسبة ليا نروح للاعراس sur tout في ​

الصيف psk فيهم نكهة speciale ​

نحب نشوف la mode و اللبسة نتاع ​

العرايس ​

mème نحب l'ambiance تاع ​

الاعراس حاجة foooooooooort ​

مالا قولولي يا بنات علاش تحبو تروحو للأعراس؟؟؟؟؟؟؟​

تحياتي لكم ​

 

[BeSt GlAdiAtOr]

هههههههههههههههههههههههه
ظحكتيني
وبالاك تحبي العراس على جال الشخاشخ والبرابش
والماااااااااااااااااااكل؟




مي ديري في حسابك الحاجة لي نكرهها في الصيف هي العراس
مرض مرض مرض
برك وتكسار الراس
الناس تزوج وأنا نشطش ونتهيبل
غير هدي حمي تدخل لراسي






ياخي طفلة ياخي



ظد عليها الحال وعادت تخرف برك


شوفي ميتي لروحك خير من تهبلي تاني ونعودو حاصلين

​

 

[Sârsoùra L'mkàlChà]

وش من عروس آآآ طفلة .. ما ندورش ليها طوول

نقعد نقصر شوي ... و كاش ما نقرعج و نمنشر يااسر
و هاذو هوما عراسي
لعرايس ما يهمونيش
​

 

[سميحة1]

انا نروح للعراس باش نحي على خاطري . باش نعقب وقت مليح ونرجع . والباقي ما يهمنيش .
شكرا اختي

 

[برنســ اللمة ـيسة]

هههههههههههههههههههههههه
ظحكتيني
وبالاك تحبي العراس على جال الشخاشخ والبرابش
والماااااااااااااااااااكل؟​

مي ديري في حسابك الحاجة لي نكرهها في الصيف هي العراس
مرض مرض مرض
برك وتكسار الراس
الناس تزوج وأنا نشطش ونتهيبل
غير هدي حمي تدخل لراسي​

ياخي طفلة ياخي​

ظد عليها الحال وعادت تخرف برك​

شوفي ميتي لروحك خير من تهبلي تاني ونعودو حاصلين​

ههههههههههههههههههههه
و الله والو الماكلة تاع الاعراس ما عندي حاجة فيها
و الله راهو عندنا عرس الاربعاء هادي تقول عليه في دارنا تاع ولد عم بابا
و جاية السهرات و l'ambiance
فوووووووووووووووووور الاعراس بصح تاع الدار برك مش تاع البراني ​

 

[برنســ اللمة ـيسة]

وش من عروس آآآ طفلة .. ما ندورش ليها طوول​

نقعد نقصر شوي ... و كاش ما نقرعج و نمنشر يااسر
و هاذو هوما عراسي
لعرايس ما يهمونيش​

wèèè bien sur التقرعيج فيها فيها ​

 

[SOFIANE BATNA]

مساء الأنوار
نشكرك على الطرح المميز في الموضوع ديالك
بالنسبة للإجابة على موضوعك أهل مكى أدرى بشعابها
نستناو رأي البنات كاشما نستفادوا ههههههه
مي انا نحب في الأعراس السهرات والقصرات و الطوايش ولمة العايلة بلا ماننساو الكفتة وماجاورها:yahoo:​

 

[shahra]

هههههههههههه
عندي انا نروح باش نرقــــص مكان لا عروسة لا والو

 

[برنســ اللمة ـيسة]

هههههههههههه
عندي انا نروح باش نرقــــص مكان لا عروسة لا والو

ايه راني نسيت الرقص خليها على ربي برك
ههههههههه
​

 

[BeSt GlAdiAtOr]

ههههههههههههههههههههه

و الله والو الماكلة تاع الاعراس ما عندي حاجة فيها
و الله راهو عندنا عرس الاربعاء هادي تقول عليه في دارنا تاع ولد عم بابا
و جاية السهرات و l'ambiance

فوووووووووووووووووور الاعراس بصح تاع الدار برك مش تاع البراني ​

ربي يدوم فرحكم وفاااااااااااااااااااا
:closedeyes: مي أنا مانحبش السهرات تا جوايهكم هدوك
علابالكـ.....
خلي شبعتو سهرات هد الصيف​

 

[برنســ اللمة ـيسة]

ربي يدوم فرحكم وفاااااااااااااااااااا

:closedeyes: مي أنا مانحبش السهرات تا جوايهكم هدوك
علابالكـ.....

خلي شبعتو سهرات هد الصيف​

ااااامين يا رب العالمين مازالت الفرحة الكبيرة تاع الباكالوريا انشاء الله و نديرو فيها التاويل
بصح انا نظن ما شفتش السهرات تاوعنا خلاص ​

 

[A-MIRA]

لازم نشوفو لعروس باش نعلقو شويا قصيرة كحلة و نقارنوها مع العريس و ادا كان من لافامي نتاعنا نقولو خسارة هو خيرمنها

 

[BeSt GlAdiAtOr]

ااااامين يا رب العالمين مازالت الفرحة الكبيرة تاع الباكالوريا انشاء الله و نديرو فيها التاويل


بصح انا نظن ما شفتش السهرات تاوعنا خلاص ​

بخخخخخخخخخخخخخخخخخ
على العراس راني كونتر العراس والعروسة هدي نشوف فيها غير
كبة بيضا تمشي وتتكركر
والناس تصور فيها ​

 

[nina bonoise]

انا نروح باه ندير الطوايش و نبدا نعلق هههههههههه انا الاولى
تاني نحب نصور كل لبسة نصور بيها 10 بوزات هههههه
نموت على ليفوطوا
بلا ما ننسى الشطيح
اما الماكلة لا علاقة بيها على خاطر معيافة الله غالب​

 

[AnGeL*dZ]

انا هذا العام برك وليت نشتي لعرآس وراهم لاحظو عليا في الدار هههههه
انا نشتي نروح للعراس باش نقرعج ههههههه لعروسة ماتهمنيش وماندورش جيهتها
والله لعراس المكان الوحيد اللي نتلاقى فيه بعايلتي
صحيتي وفاء
​

 

[aniso]

هههههههههههههههههههههههههههههههههه

 

[برنســ اللمة ـيسة]

بخخخخخخخخخخخخخخخخخ
على العراس راني كونتر العراس والعروسة هدي نشوف فيها غير
كبة بيضا تمشي وتتكركر

والناس تصور فيها ​

هههههههههه
و علاش العريس تاني قاعد كيما البومة
راني قلتلك يا وائل راك ما شفتش اعراسنا مالا راهو قريب عرس خالي و نعرضك تجي و تشوف الحطة كيفاه
و هاداك الكورتاج كيفاه و العروسة كيفاه
اصبر برك العروسة راها جارتكم ​

 

[برنســ اللمة ـيسة]

انا نروح باه ندير الطوايش و نبدا نعلق هههههههههه انا الاولى

تاني نحب نصور كل لبسة نصور بيها 10 بوزات هههههه
نموت على ليفوطوا
بلا ما ننسى الشطيح

اما الماكلة لا علاقة بيها على خاطر معيافة الله غالب​

بربي انشاء الله الصيف هادي نرفد استقالتي و علاش انا ديما نصور في اعراسنا و نصور الغاشي كامل و انا ما نحكمش mème pas photo و لا كشما سوفنير من هاداك العرس​

 

[nina bonoise]

بربي انشاء الله الصيف هادي نرفد استقالتي و علاش انا ديما نصور في اعراسنا و نصور الغاشي كامل و انا ما نحكمش mème pas photo و لا كشما سوفنير من هاداك العرس​

راكي كيفي و الله الكاميرا ديما في يدي
ماما لصقتهالي بالسيف لينة كاميري لينة ديري لينة صوري هبلتني
بصح لازم انا تاني نصور سي نون راني نبان مروحتش للعرس خلاه​

 

[تسنيم الهناء]

انا عموما لعراس ما نخدمهمش قليل وين نروح, و كي نروح نبقى غير نقابر كشما خياطة جديدة, كشما دي مودال انتاع قاطو جدد, نشوف الناس وين واصلة, و شوي تقصار و صايي
مرسي
​