أعضاء اللمة أرواحو عند barca232 راكم معروضين لعرسي

[BARCA232]

السلام عليكم ورحمة الله تعالى
اليوم راني معمر مارانيش محمد
راني في قمة الغضب
جبت ليكم اليوم وحد الصاروخ ان شاء الله كلامي يوصل مليح:busted_red:
المهم انا شايف باللي وحد الظاهرة جديدة وتظهر بزاااااااف في المنتديات
وهي تقول الناس كامل ملائكة اللي تسأله على موضوع أو تناقشه
يقولك لا انا خويا خاطيني وهاذي حاجة جامي نديرها
تسمى رانا كامل داخلين للجنة أظن ماراناناش معصومين من الخطأ،المهم الاعتراف لأنه يوصلك للحقيقة،
لكن المهم الانسان يتعلم
رانا في منتدى اللمة الغالي ماشاء الله الناس تفهم وكاين :music_whistling::music_whistling:
واش دير كل واحد وعقليته أنا المهم كيما طبلي نرقصلك
حاجة حاب نوصلها لازم نعترفو بأخطائنا ومانلعبوهاش ملائكة
ومحدثكم هو الاول في هاته الحكاية
ان شاء الله الجميع يبفهم
واللي مافهمش:busted_red:
يقارع العام اللي فات
بالتوفيق
​

 

[** غزال الصحراء **]

تمت مراقبة الموضوع , و الموافقة عليه //

شكرا لصبركم .

 

[بنـ MaPa ـت]

شكرااااااااااااااااااااااااا يا محمد المعمر​

 

[السلطانة]

وعليكم السلام
يديرو لعجب ويهفوك بواحد لكلام
كي نسمعو يضربوني الجنون

 

[dana1993]

هههههههههه عولت صح لعرس خلعت من لماعن ههه
عندك الحق خويا رانا في اللمة يعني حنا في حنا و رانا هنا باه نتعلمو
يعطيك الصحة مشكور ++بالتوفيق

 

[mouna1]

يعطيك الصحة وبالنسبة ليا موضوع وصل 100%
ان شاء الله يوصل لكامل الاعضاء
انا سمعت عرس جيت نجري :yahoo:
راني معروضة من درك خويا هههه نقصر برك
بارك الله فيك على الموضوع
​

 

[amouna.dz]

علابالك كي شفت التيتر ولقيت بللي فيها عرس دخلت نجري والله توحشت لعراس :tears:
معليناش نولي لموضوعك
والله عندك الحق في كل واش راك تقول الواحد لازم يعترف بأخطاؤو راه ماكانش واحد ما يغلطش كيما قلت انت ماناش ملائكة الواحد ديما ديما فيه سلبيات وايجابيات فيه لمليح والحاير ولازم علينا نهدرو على الاخطاء والسلبيات كيما نهدرو على الحوايج لملاح اللي فينا
وشكرا على الموضوع يعطيك الصحة وبارك الله فيك
واشفى عليها طمعتني بالعرس
ههههههههه نقسر برك
​

 

[شجـ الروح ـون]

والله يعطيك الصحة موح
موضوع في بلاصتو
حتى انا نقلق كي نشوف التنوفيق نتاع الغاشي
كيما قلت مناش ملائكة والناس الكل تغلط
والاعتراف بالخطا فضيلة
مش عيب انةو الانسان يغلط العيب انو عارف روحو غالط ويكمل فوش راه يدير
شكرا على الموضوع
لي عودة

 

[Sârsoùra L'mkàlChà]

ونــــــــا عمباالي صح فيها عرس
كنت حنخرج بلا رد ومبعد قلت ماعلينااش ما نخرجش يديا فارغيــن

صح خوويا هاذي كينة يااسر
و كيما قلت كاين اللي يتقبل و كاين اللي لالا

كيما انا هاذاك النهار صح غلطت و ما كنتش علابالي
و قتلي و تقبلتها بكـــــــل بسااطة

بالصح وجهي برك ولا طومااطيشة
ههههههههه
​

 

[نجـStarــمة]

ههههه والله كي شفت العنوان ولقيت فيه بلي عرسك قلت ندخل ونبارك لمحمد يا سيدي ومباعد ظهرتلي حاجة خرى خلاه والله موضوعك فووووور وتستاهل الشكر....
مرسي ليك بزاااااااف
والله وش راح نقول كاين ناس بزاف يحبو يلعبوها ناس ملاح وعاقلين خاطيهم المشاكل والعفايس ملائكة كيما قلت وما يحبوش يقرو بفعايلهم ويروحو ديراكت للكذب......
بنية الخوف أنهم يتكشفو ..ولا ...وبنتية يخبو وش عملوا ...ولا لأسباب اخرى ..المهم ما علينا حنا
كل واحد وضميرو و وش تكتبلو من عمايل عند ربي
لازم حنا برك ما نديروش حاجة كيما هادي ونكونو وا قعيين وصادقين الناس اكل تغلط وكاين الي يسامح ياك
....وش نقولك ...دائم الغبداع ...دائم التميز...
دمت بود.
لك مني ارق واجمل التحيات ...

نجمة الفؤاد **













​

 

[Lonely Girl]

فيفا لافيريتي والله عندك الحق لكان هكدا كامل رانا داخلين للجنة وحدة تقلك لباسي محترم منسمعش الغني منديرش لمكياج جامي حكيت مع واحد بفففففففففف والطفل منيش تاع دخان جامي كدبت خاطيني العفايس دوك.....عكــــــــــــــــــــــــــــــــــــــــــس تماما وش تشوف فاالحياة تاعنا عادي (الواقع) مراناش نشوفو فيهم وين راهم .........المهم والمهم راهم يكدبو على رواحهم هادي هي
موضوع قمة ويستاهل نقيموه ​

 

[chemssou007]

صحيح،،،،،
هنا تقول راك في المدينة الفاضلة،،،
كامل محترمين و محترمات،،،،
و تخرج الواقع تقول هذوك تاع المنتديات علاه 40000 وحدا محترم في الانترنت
و تلقاهم غير ذلك في الواقع،،،
من أكثر الصفات لي لازم نحوها على الشعب تاعنا هي النفاقـ،،،​

 

[Rahal Oualid]

{ .. ههههـ خويـــآ [ كلــآمكـ صحــــيحـ ]

العنـــوآنـ مجرد تمويـــهـ ,, ـأو جذبـ ـالــأعضــآء

تحيـــآتيــ ~​

 

[hind*alg-]

امممممم عندك لحق يا موح :closedeyes:بزاافة ناس تبين روحة مالايكة ومنهم حدة مي كي تشوفهم تتخلع......انا حمد لله كي هنا كي فدار عقلية وحدة
.......امممممممم انا كن عمبالي حتزوج :yahoo:جيت نجريييييي:glare:اني حابة نروح لعرس

 

[Mr mino]

ياودي انا مافهمتش وخايف يفوتني العام اللي فات

ها انا نحير علاه تقلق روحك خويا الموح

غاشي اللمة وراك تعرفو اخويا اعطيهم قوسطوهم وكيما

يكونو كون انت

كاين غاشي بيريمي وراك تعرف انت علاه هذي جديدة

دير كي خوك يدخل يقصر منين ندير تسجيل الخروج والله

مابقيت نخمم في حاجة حتى نعاود نرجع

والله تهبل مع الغاشي هذا والحمد لله كاينة تسجيل الخروج

​

 

[chemssou007]

المهمـ برك باه نقولو للغاشي هذاك ما نهف في حتى واحد كامل نعرفو العقلية،،
كامل مهابلــــ،،،،
و الغلطة ديرها خطرا مش زوجــــ،،،
كونـ نزيد نأمن عربيـ،ـ​

 

[DARINE05]

ااااا تبلي انا عرس صح وعرضتنا قلت منعرف وش نلبس ههههه

وش دير كل واحد ووعقليتو واحد تبالو نورمال واحد لا وخريين يكثروو بزاااف يمرقولك النقاش معاهم

 

[chemssou007]

ااااا تبلي انا عرس صح وعرضتنا قلت منعرف وش نلبس ههههه

وش دير كل واحد ووعقليتو واحد تبالو نورمال واحد لا وخريين يكثروو بزاااف يمرقولك النقاش معاهم

صح كل واحد و عقليتو بصح الطفلة مش محترمة مافيها لا ستيل لا فوور لا والو عندها اسم واحد سافلة،،،،
و الطفل مش محترم عندو اسم واحد ما يغرك بتطور لا والو اسمو سافل،،،

ما تنسايش تسلمينا على راجل لي راهو في التوقيع،،،
حرامـ عليك شينتيه يضال يخمم فيك
​

 

[يسرى 2008]

وش راح نقولك يا اخ
والله كي شفت التيتر بريباريت باش نقولك مبروك عليك
عندك الحق مشنا ملائكة كاين ناس تعمل اخطاء وقدام الناس تعمل روحها ملاك

 

[mimi.dz]

الانسان مهما كان ملتزم
مكانش اللي معصوم من الخطأ
و النت بصفة عامة عالم آآآآآخـــر
كل واحد يحب يبيّن الجانب الاجابي نتاعو

ولكن المشكل انو اللمة مثلا فيها نصف شباب الجزائر
كي ميكونوش هاذو هوما اللي نشوفوهم في المجتمع
اللي يدروgــي واللي يسرق واللي .......... *--*
وين راحو امالا ؟؟
كل واحد يحكي واش يحب
والصح غير هنا متلقاهش

ربي يهديـــنا برك
ميرسي خويا محمد
​