╣۩╠....دولة البيومتري ╣۩╠....: من وحي قلمي...

[sami19280]

╣۩╠....:دولة البيوتري╣۩╠....:

مما لاشك فيه ان عبقرية الشعوب ونهضة الامم تكمن في دقة وشمولية وعمق وعيها المادي والروحي.
في الجزائر الوعي من نوع طافر لايعرف سره الا مسؤولونا اخرها طفرة** البيومتري** او التسجيل الالكتروني للهويات الذي وفرت له دولتنا الكريمة بطبعها امكانات مالية هائلة مستفيدة من الريع البترولي وعبر شريك اجنبي كالعادة ممثلة في شركة(اوباثير تكنولوجيز) الفرنسية التي تستفيد حسب بعض المصادر من 10 اورو عن كل شريحة بيومترية زادت من ارباحها ومن عمق التساؤلات معها عن مااذا كانت المعلومات الشخصية للجزائريين تسرب استخباراتيا الى جهات خارجية تحت غطاء مكافحة الارهاب وتزوير الهويات !!!! لكن التساؤل الاعظم هو لماذا يحاول مسؤولونا ايهام الراي العام الجزائري بأن الوثائق البيومترية هي مواكبة للعصر والتكنولوجيات في حين يؤكد خبراء انها ومن دون شك تشكل خطرا على حياة المواطن وحريته الشخصية.

بعيدا عن السياسة//
بعيدا عن مد المسؤولين وجزر السياسيين يتساءل المواطن البسيط عن جدوى الجدل الحاصل في حين هناك ملفات اهم واكبر تخصه وتنغص حياته.فماذا لو رصدت تلك الاموال والاهتمامات لتطوير اعلامنا وتحديث منظومتنا العلمية واستثمار المواهب والعقول التي تعاني البطالة والتهميش في عز الريع المالي وماذا لو تم استثمارها في تحسين صورة الجزائر الخارجية عبر دعم السياحة وجلب الاستثمار الاجنبي والتفتح على الاسواق الدولية والمنظمات التجارية العالمية. حين يتحقق ذلك بالكاد سيفخر المواطن وتزيد المواطنة ونصبح بالفعل دولة تحترف البيومتري…​

 

[sami19280]

في انتظار نقاشاتكم

 

[karim073]

يا سامي الدولة تسعى للالتحاق بركب الدول المتطورة و المتحضرة هاكذا يشترط ( في مايخص البيومتري )

اوافقك الراي بان الدولة تبذر اموال طائلة في امور باطلة كالمهرجانات و الولائم و الحفلات ... الخ من الافعال التي لا تسر المولى ولا ترضيه .

 

[MR-REDOUANE]

هذي ماهي عفسة مليحة ماهو وقتها كيفاش يرحم باباك تجيب زوج كانو معاك في لارمي باه يشهدوا معاك وين نلقاهم

 

[sami19280]

يا سامي الدولة تسعى للالتحاق بركب الدول المتطورة و المتحضرة هاكذا يشترط ( في مايخص البيومتري )

اوافقك الراي بان الدولة تبذر اموال طائلة في امور باطلة كالمهرجانات و الولائم و الحفلات ... الخ من الافعال التي لا تسر المولى ولا ترضيه .

نعم هي حاجة مليحة مي لازمتكون في فايدة المواطن ماشي نجيبو تقنية تستفز المواطنين تاعنا.

ونزيدك التقنية هذي عندها بزاف وعلاه ماحبوش يجيبوها من قبل حاجة تحير.

 

[abdou23]

خويا هاذي هي جزائر العزة و الكرامة حبيتي ولا كرهتي و اللي ما عجبوش الحال يحرg

 

[sami19280]

خويا هاذي هي جزائر العزة و الكرامة حبيتي ولا كرهتي و اللي ما عجبوش الحال يحرg

اول شي مشكور على مرورك

ثاني شي حنا فتحنا الموضوع باش نتناقشو في امور تخص بلادنا ومذا بينا نفيدو بعضانا ونخرجو بحوايج تخص لبلاد وتفيدها.

مي اللي مافهمتوش لهجتك في الحديث ماعطيتناش على الاقل رايك بوضوح.

علاه راح نلقاو بلاد خير من الجزائر . ولا الجزايري لازم يعيش وفمو مكمم .لالا ياخويا يحقلنا نهدرو على واش راه صاري في بلادنا.​

 

[abdou23]

اول شي مشكور على مرورك

ثاني شي حنا فتحنا الموضوع باش نتناقشو في امور تخص بلادنا ومذا بينا نفيدو بعضانا ونخرجو بحوايج تخص لبلاد وتفيدها.

مي اللي مافهمتوش لهجتك في الحديث ماعطيتناش على الاقل رايك بوضوح.

علاه راح نلقاو بلاد خير من الجزائر . ولا الجزايري لازم يعيش وفمو مكمم .لالا ياخويا يحقلنا نهدرو على واش راه صاري في بلادنا.​

كنت عارف بلي متفهمنيش خويا راني محتار في حاجة انت استعملتي مفردات ما قدرتش نفهم واش تقصد من وراهم و اللي هم الدولة و البلاد وش تقصد بيهم الأرض أو الحكومة أو الشعب اذا كنت تقصد الحكومة فالكل يعلم ان أي مسؤول جزائري يقدم مصلحته الخاصة على مصلحة كل ما هو متعلق بالجزائر و يقدم مصلحة فرنسا على مصلحته الخاصة و ان كنت تقصد الشعب فهو مغلوب على أمره و اذا تقصد الأرض صحيح ما نلقاوش خير منها بصح كاين فيها اللي يسلب حقك حتى في الكلام أنا نسكن في منطقة من عنابة قامت الأسبوع الماضي بتجمع احتجاجا على الأوضاع المزرية اللي يعيشها السكان وسرعان ما تحولت إلى مشادات عنيفة بين السكان و الشرطة بأمر من الوالي اللي طلب باستعمال القوة لتفريق المحتجين أيا ما قدروش يسيطرو على الوضع وش دار خرجو اشاعة بلي حرقنا العلم الوطني و بدات جرائد النفاق و الفتنة في حبك خيوط المؤامرة و تبدلت القضية من مطالبة بالحقوق إلى المساس برمز السيادة الوطنية ولات الناس الكل تلوم فينا على شيء ما درناهوش . المسؤولين في هاذ البلاد عباقرة لكن في ؟؟؟؟؟؟؟؟؟؟؟؟؟؟؟؟؟؟؟
وش من قوم قاعد تقاوم يا حبيبي وش من نتيجة حاب تخرج بيها كي يعود المسؤول غبي ما يعرفش بلي حرق العلم اهانة ليه هو أكثر من الشعب و كيما قتلك هادي هي جزائر العزة و الكرامة اللي حب حب و اللي كره كره
سلام

 

[sami19280]

الدولة :
إنها كيان سياسي و قانوني منظم يتمثل من مجموعة من الأفراد الذين يقيمون على ارض محددة و يخضعون لتنظيم سياسي و قانوني و اجتماعي تفرضه سلطة عليها تتمتع بحق استخدام القوة *الدعاية : محاولة منظمة للتأثير على عواطف وسلوك جماعة معينة تحقيقا لهدف عام معين ، فهي نشاط كلامي توجه الى شعوب الدول الاخرى لا الى حكوماتها ، سميت بأسماء مختلفة بالحرب السياسية و الحرب الثقافية و بالحرب النفسي


+ الرابط

https://www.4algeria.com/vb/showthread.php?t=246411

 

[sami19280]

الدولة :
إنها كيان سياسي و قانوني منظم يتمثل من مجموعة من الأفراد الذين يقيمون على ارض محددة و يخضعون لتنظيم سياسي و قانوني و اجتماعي تفرضه سلطة عليها تتمتع بحق استخدام القوة *الدعاية : محاولة منظمة للتأثير على عواطف وسلوك جماعة معينة تحقيقا لهدف عام معين ، فهي نشاط كلامي توجه الى شعوب الدول الاخرى لا الى حكوماتها ، سميت بأسماء مختلفة بالحرب السياسية و الحرب الثقافية و بالحرب النفسي


+ الرابط

https://www.4algeria.com/vb/showthread.php?t=246411

 

[hell men]

لا حياة لمن تنادي !!!
​

 

[إحسَانْ]

ياو البيومتري هاذا ماينفعش معايا ونهار لي نروح نربي اللحية ننولي ماتتصوروش كيفاه ونروح نتصور

لاه هاذا حرموا لي حلل ربي عيب عليهم وخسااااااارة عليهم
​

 

[فراشة الايمان]

ما عندي ما نقول