بركا ماهبطتلي المورال!!

[@@simo@@]

السلام عليكم ورحمة الله وبركاته

واش راكم اليوم

ان شاء الله لباس

واش ليفاكونس سافا..علابالي اكم كامل قاعدين فاكونس

وماديرو في والو

اي مالا حبيت نفكركم في واحد الحاجة مهمة بزاف

بلي احنا سعات تجينا واحد الافكار مليحة بزاف(فووور)

وهاذيك الافكار لوكان نطبقوها رايحة تدير حوايج ملاح بزاف :scared:

وjust انت رايح تنفذها خلاص

يخرج كاش واحد فايق :santa_1:

يدير كل الافكار الشريرة والماشي شريرة لي عندو باش يفزدلك هذي الحاجة

هذاك العبد الفايق نهار كامل وهو

علاش انت حبيت تولي فوندام:tears:

ولا رايح تحكم بلاست ابن باديس

اه رايح توليلي بريسلي مالا

وفي الاخر تلقى الفكرة تاعك راحت

والله كاين شي ناس يعرفو غير يهبطولك المورال

في الاخر تخرج انت وهوما بوااااااااالو

يعني عشت في الدنيا وااااااالو

وعلاش هذا ابن باديس ماكانش عبد كيفنا؟

وعلاش انا مانكونش احسن ؟

وانا حبيت نخلص الموضوع بوحد المقولة

حطوها دايمن معاكم

إذا كنت ذا رأي فكن ذا عزيمة فإن فساد الرأي أن تترددا​

 

[حفيد هواري بومدين]

وافقت على الموضوع

 

[هيبة الجزائرية]

ما فهمتكش قااع​

 

[papillon rose]

عندك الصح اختي كاين شي ناس حرفتهم يصيحوا المورال للعبد خاتش هما زيرو حابين قاع الناس يولوا كما هوما زيرو كما الناس اللي كي يشوفوا واحد داير القلب وباغي يقرا يجي يقوله الماقولة الشهيرة "اللي قرا قرا بكري" يفشله والمورال يولي فالزيرو
صحيت اختي على موضوعك الجميل

 

[etoo14]

بارك الله فيك اختي لازم ديما تدير برايك وما تسمعش للناس كامل الغيرة تهدر وتفسد كلش

 

[بنـ MaPa ـت]

مشكورة عالوضوع​

 

[etoo14]

مشكورة عالوضوع​

الله يسلمك ختو​

 

[@@simo@@]

وافقت على الموضوع

مرسي خويا....

 

[@@simo@@]

ما فهمتكش قااع​

اقراي مليح ان شاء الله تفهمي

وانا اني نهدر على الناس لي كل ماتجي ديري حاجة مليحة في حياتك

يفزدوهالك ويهبطولك المرورال​

 

[@@simo@@]

عندك الصح اختي كاين شي ناس حرفتهم يصيحوا المورال للعبد خاتش هما زيرو حابين قاع الناس يولوا كما هوما زيرو كما الناس اللي كي يشوفوا واحد داير القلب وباغي يقرا يجي يقوله الماقولة الشهيرة "اللي قرا قرا بكري" يفشله والمورال يولي فالزيرو
صحيت اختي على موضوعك الجميل

بصح في االاخر انا نقرى وخلي لي قرى قرى بكري على روحو

مرسي على المرور​

 

[@@simo@@]

بارك الله فيك اختي لازم ديما تدير برايك وما تسمعش للناس كامل الغيرة تهدر وتفسد كلش

ايه وماش غير الغيرة كاين عباد مخدودين باه يهبطولك المورال وخلاص​

 

[جوانا]

مشكورة على الموضوع

 

[rofaida_c.k.o.a]

والله عندك الحق شكرا على الموضوع

 

[الجندية]

ايه منها كاين العباد اللي تطيح المورال خلاص

​

 

[Sârsoùra L'mkàlChà]

هههههههههه
صح داايمن مهبطينلي الموورال انا

يعطيك الصحة حبووبة عالموضووع هايل كيما مولاااتو
​

 

[aMiNa-K]

ايه اختي بزاف اللي يهبطو المورال :glare:

كما انا يقولولي
وشنو وشنو .. اواه سبيسياليتي واعرة بزاف .. ماتقدريلهاش ماتقدريلهاش .. خير اخطيك
نمرض نهار واحد .. ايه مسكينة صغيرة صغيرة و تمرض .. ممراضة بزاف
:busted_red:

ديفوا لوكان نصيب نسويسيدي و نتهنى :surrender:
رها وحو اخطونا و خلونا نعيشو كما كان الحال :closedeyes:​

 

[jiji 94]

عندك الصح اختي ........​

 

[نبض الحياة]

ايه صح حنونة كاين منهم بزاف
والله يطول البال
مرسي على الموضوع
​

 

[ميسومة الدلوعة]

و الله عندك حق حنونة و شكرا على النصيحة لازم كل واحد تكون عندو عزيمة باه يحقق واش في بالو

 

[dark angel]

rabi yahdihom hada makan​