لبنات ولولاد أختكم محتاجة مساعدتكم

[MĺŹǾ žĕĥÔŖ]

السلام عليكم

حبيت نصقصيكم وترايو عليااا الراي الصحيح

قولولي انا نقرى 1 ثانوي وباصيت ل2eme
دوكا انا اخترت تسيير وإقتصاد وهوما قبلولي لخطراكش المواد الأساسية دايا معدل مليح بزاف الحمد لله
ودوكا قالولي لالا علوم تجريبية خير
والله راني حيرانة بزاف

قولولي انتوما وش دايريين وينها لمليحة والساهلة
وش ندير تسيير وإقتصاد ولا علوم تجريبية ووش قادرة ندير بيهم كامل

ساعدوني​

 

[روز]

علوم تجريبية ماعلاباليش بيها بصح اختي شوفي التخصص لي يساعدك باش تكمليه في الجامعة وتلقاي بيه خدمة يعني اختصاص كي تكمليه في الجامعة وتكملي القراية تقدري تلقاي خدمة مش اختصاص عقيم ولا جديد ممكن مستقبلو يكون مجهول ولا مايستعرفوش بيه امبعد ونظن تسيير واقتصاد احسن تخصص والله أعلم

 

[بنت الجسور]

اختي حسب رايي علوم تجريبية خير ساهلة خاصة انتي الله يبارك لمعدل ديالك مليح و فيها مستقبل مليح

 

[selma déco]

أنا نقلك تسيير وإقتصاد ساهلة خييييييير على علوم
بصح شوفي إنتي على حساب واش يخرج عليك

 

[اسماء16]

ختي تسير واقتصاد احسن علوم واعرة واري الاخير ليك وشوفي انتي ادا تعرفي مليح مواد علمية روحي علوم تجربيبة موفقة
​

 

[ندى الجزائرية]

انا من رايي علوم تجريبية احسن,لانو تكون عندك خيارات متعددة فالجامعة,خصوصا اذا عندك ميول للطب والصيدلة ....اما التسيير والاقتصاد مايكونش عندك خيارات بزاف الا اذا انتي حابة هاد التخصص.
بالتوفيق.

 

[nassim007]

ديري تسيير خير

اخطاك من العلوم وعلى كل حال يبقى الراي رايك

 

[sabra1]

انا في رايي العلوم التجريبية خير حتى و لو كانت شوية صعيبة لكن في المستقبل راح اتكون عندك خيارات كثيرة في الجامعة لكن الراي الاول و الاخير لك انت وش من مواد اتحبي.وش راكي حابة اديري في المستقبل.بالتوفيق

 

[ماكانش]

واش راح نقلك ختي
انا قريت تسير واقتصاد برنامج قديم وديت بيه الباك وقريت الجامعة وكملت
ديري علوم خير
العلوم تقدري اديري بيها كلش
وواش تحبي
اما تسير واقتصاد تقدري اديري فروع محدودة فقط
وراهم يقولولك العلوم صعيبة لالا والله ساهلة
مادامك خدمتي مليح وتقري في المواد الأساسية
العلوم خير وتوكلي على الله​

 

[SOFIANE BATNA]

إلى كانت ميولاتك تقراي صيدلة وطب وغيرها راكي ديري علوم
بصح انا ننصحك بتسيير وإقتصاد ولكن حسب تفكيرك​

 

[MĺŹǾ žĕĥÔŖ]

صحااا اعطوني راي نيشان بليييز

وينها لمليحة تاع الصاح ووش نقدر ندير بيهم​

 

[ourida17]

شوفي اختي واش راكي حابة ديري كي تجيبي الباك انا نفضل علوم تجريبية لانو تقدري ديري واش تحبي بيها اذا كان معدلك مليح موفقة باذن الله والراي الاخير لوالديك زيدي سقسيهم وشوفي ربي يعاونك

 

[etoo14]

انا كنت كيفك مي كانت عندي 2 اختيارات وانا حبيت نروح رياضيات يعني علوم دقيقة ونتاع الدار قالولي دير علوم تجريبية واتا القدر وبعثوني هندسة الطرائق مي مع شوية تمرميد بدلت ورجعت علوت تجريبية والحمد لله لقيتها فور وهي الميور والعام الجاي نجوز الباك فادعيلي معاك وانا من جهتي اقرايها وبربي انشاء الله تلقاي روحك بيان و انا راني هنا اذا احتاجتي كاش حاجة ابعثيلي على الخاص اكي وربي يوفق انشاء الله​

 

[نسيم الربيع]

اختي ديري اللي تساعدك وتضمني بيها الباك تاعك مترشايش فالليسي انا فرايي العلوم التجريبيه خير من التسيير كيعاد ديري واش تحبي بيها فالجامعه بصح مشكلتها انها اصعب من التسيير يعني اللي قادر على شقاه العلوم التجريبيه خير يعني شوفي روحك على حساب معدلك يلا شفتي روحك مليحه فالعلوم والفيزيا والرياضيات ديريها بصح يلا شفتي روحك ضعيفه فيهم خطاك منها وربي يجيب اللي فيه الخير مارسي ختي ... سلالام

 

[قَطٌر❀ الٌنَـدَى]

اختى احسن شعبة في نظري العلوم التجريبية

 

[salma2010]

انا نسمع انه اسهل شعبة هى تسيير واقتصاد..........وبالتوفيق

 

[يسرى 2008]

والله الخيار ليك انت وانت الي لازم تقرري
انا نشتي علوم مي منعرف انت واش تحبي بالتفصييييييييل

 

[mimi75]

سواء كانت علوم او تسيير و اقتصاد الدراسة هي الدراسة الشيء الصعب هو هو دائما نبحت عن مادا نختار مادا يلائمنا.
ماهي طموحك.. اي مهنة تريدينا ان تزاوليها.. هدا ما يجب ان تسالي نفسكي
الدراسة سهلة جدا ادا عرفت كيف تدرسين و تقسمي و قتك لا يوجد شيء صعب صدقيني
الخوف من الدراسة و الحفظ هو ما يجعلنا نفشل .
انصحكي يا اختي العزيزة بالتفكير جيدا تم الاختيار.وفقكي الله و اعانكي في دراستكي انشاء الله اتمنى لكي النجاح اميييييين

 

[lalochka]

الأفضل علوم تجريبية​

 

[* تسنيم *]

السلام عليكم
اختي من راي تسيير واقتصاد انا راني مدايرتها وراهي مليحة بزااف وان شاء الله تلقاي روحك فيها
والقرار لك ...ربي يوفقك