• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

دخوووول سريع رجاءا ؟؟

ق

قالمية ونصف

:: عضو مُشارك ::
السلام عليكم...
انا اليوم مشني رح نطول عليكم ونقوللكم.....ديركت
عندي وحدة مقلقتها حاجة بزاف وتخمم فيها طول مسكينة وحايرة واش ادير .........و حابة تعاونوهالي فاتخاذ قرارها النهائي
البروبلام هو .....
وشرايكم فالجلباب وفالاخ لي يفرض رايوا على اختوا باه اديروا
رغم ان لبستها محترمة 100 بالمية ومتحجبة والحمد الله قايمة بيه
مي خوها مشكاك بزاف وغيار وموسوس روحوا فالباطل :santa_1: علاديك مش عاجبوا الحال :busted_red:
وخطرماكش تحتارموا وتحبوا بزاف مش حابة تردلوا الهدرة وتقولوا بلي مش عجبها الحال خلاص
ولاكن تقولوا يفهمها تطيحة لكلمتوا وحوايج خلاف هي في غنى عنها
يرحم باباكم حطوا رواحكم في بلاصتها وقولولها واش ادير فالبروبلام لي طاح على راسها
 
الجلباب مليح بصح مش لكل البنات يعني اللي تقرا ولا تخدم تبانلي الحجاب العادي خيرلها
 
تديروا وهي مقتنعة بيه
اذا حبت تفرح خوها وتبينلو بلي تحبوا توافق
 
هاااااااا قلها تدير عرس هدي خوها قايم بيها ويشوف لمصلحتهاااااااا
 

اذا هي مهيش حابة تخسرخوها ديروا خير ​
 
شكرا على الطرح حبيبتي
انا في رايي صعيب بزاف مي تحاول تقنعوا ولا تديرلو رايو
والله حيرتيني
​
 
واش نقولك هاديك حاجتو وعندو الحق هادا ماكان نورمال حاجة فور باش ترجع العادات نتاع بكري​
 
كي ماراهيش مقتنعة جامي تقدر تلبسو وهي فرحانة او مرتاحة
​
قولها تزيد تخمم ولا تهدر مع خوها ...
 
صعيب أنك تديري حاجة ماكيش مقتنعة بيها تشوف واحد يفهم يتوسطلها عندو ويقنعو بلي ماشي شرط تدير جلباب كاين حجاب مستور وزيد الى كان مش واثق في اختو الجلباب ماهوش رايح يمنعها تدير لي في راسها ...نضن تقول لباباها ولا يماها وإذا عرفت بلي كاين مشاكل ممكن تحدث فالبيت نقوللها خوذي راي خوك وديري الجلباب وزيد الجلباب مليح ماهوش حاجة ماشي مليحة بالعكس يبعد عليها المعاكسات والمضايقات المهم خوها يخليها تخرج وتقرا وتخدم ما يسكرش عليها فالدار هذاك هو المشكل ...راهي تتعود عليه ...ربي يوفقها ويقدملها لي فيها الخير.
 
نتي قلتي لباسها مليح 100%
خلاص مالا .....تشوف كيفاه تحاول تقنعو ....خوها هدا باين متشدد
 
اذا كانت دايرة حجاب اعلاه يفرض عليها الجلباب
لكانت ماشي راضيا ماديرش و لازم هي تقنع خوها بطريقة ليفهم ان لباسها شرعي لا عيب و لا اثم عليها
 
باه تتفادى النش لازمها تدير كيما قال خوها
باه كي تخرج تروح لسوق مايخممش أعليها خلاص ...
وعلى كل حار وش تقول هي هذاك هو ...
​
 
يا ختي انا فالشتاء نقول نورمال :yahoo:
هو يجي الصيف خماري نعود مش حاملتو
غير ربي يعطينا الصبر مع الغمة هادي :no_1::no_1:
ما نقدرش ننصح فالصيف :no_1::no_1:​
 
ديرو و هي مقتانعا احسن من ديرو فوق القلب
و طبعا خوها يخمم عليها و حابلها غير الخير
الحجاب صح سترة و مليح بصح مادام لباسها مستور 100/100 لوكان انا في بلاصتها الحق مانديروش
شكرا هي لي تقرر خيرتلها
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom