الدراسة وقت العطل

[b.bouchra]

صباح الخير
حبابي كامل تاع اللمة
اليوم حبيت اناقش معاكم موضوع او بالاحرى فكرة
لازم الكل يوافق عليها او يتقبلها
والي هي الدراسة وقت العطلة
بزاف ناس ضعاف في بعض المواد علمية كانت
او ادبية او مايلقاوش روحم
فيها وقت لقراية
حتى مايلقاولهاش حل وقت الفروض و الامتحانات
و النتائج فيها...... ربي ايجيب
ليسونسيال انا اليوم جبتلكم فكرة وعلاه كل واحد
فينا مايستغلش العطل اووو ايكون روحوا فيهم
ايشوف واش هوما المواد الي راهم ناقص فيهم ويحال
ايجيب روحو فيهم شوية
و اكيد رايح يلقى فايدة كبيرة
كي يرجع للدراسة
معضم الناس يرفضو هاد الفكرة على اسلس
ان العطل وقت للراحةو الاستجمام
مي انا نقوللكم
لا .لا.لا
جربوا الفكرة واكيد رايحين تلقاو روحكم
اجاوزتوا الخطر
بالتوفيق و سلام

:re_gards:من يزرع يحصد:re_gards:​

 

[amouna.dz]

بالنسبة ليا نحب دائما نرتاح برك في العطلة هاداك ماكان هاذا في الشهر لاول نتاع العطلة
ومباعد في الشهر الثاني نبدا نتعلم كاش حاجة كروشي ولا خياطة و مباعد الشهر الثالث نبدا شوي نقرا سيرتو كي عدت رح نعدي البيام لازم نزير شويا
هاذا هو لبرو9رام نتاعي في هاذ الصيف
شكرا على الموضوع والفكرة نتاعك وصلت ميرسي اختي ربي يهنيك
​

 

[السلطانة]

وعليكم السلام
فكرة مليحة

ربي يعينكم

 

[touffik]

اكيد الدراسة وقت عطلة هي تنشيط للذاكرة واستفاده
بارك الله فيك اختى​

​

 

[فراشة الايمان]

أنا ما نحبش نقرا نحمد ربي انتهت الدراسة
مي نعمل نشاطات أخرى .
مشكوووووورة .

 

[Jagwar]

صباح الخير اختى بشرى
جمعة مباركة
و الله فكرة مليحة للناس لى تحب توصل و تنجح
و انا نقولك عندك الحق علاه :
باسكو الجماعة كل راها غير قاعدة يعنى وقت الفراغ عندهم أكثر من الوقت لى يشعلو بيه انفسهم ، بمعنى آخر عوض الواحد نهار كامل و هو قاعد يتفرج و لا مقابل الميكرو ما فيها والو لوكان ينحى ساعة و لا ساعتينى يطالع فيها و يحاول يتقف روحو .
موفقة أختى و دمتى بود
تقبلى مرورى المتواضع​

 

[ماكانش]

جامي قريت في حياتي في العطلة
وقت قرايا ومانقراش هههههههه​

 

[الجندية]

بالنسبة ليا نحب دائما نرتاح برك في العطلة هاداك ماكان هاذا في الشهر لاول نتاع العطلة
ومباعد في الشهر الثاني نبدا نتعلم كاش حاجة كروشي ولا خياطة و مباعد الشهر الثالث نبدا شوي نقرا سيرتو كي عدت رح نعدي البيام لازم نزير شويا
هاذا هو لبرو9رام نتاعي في هاذ الصيف
شكرا على الموضوع والفكرة نتاعك وصلت ميرسي اختي ربي يهنيك
​

انشالله انا واختي نديو البيام
وصحيتي على الموضوع خيتو
وانشالله نبدلو البروgرام نتاع النت والتحواس
ونقلبو الفيستا في الصيف ونقراو على رواحيتنا
ربي يجازيك
​

 

[Jagwar]

أنا ما نحبش نقرا نحمد ربي انتهت الدراسة
مي نعمل نشاطات أخرى .
مشكوووووورة .

ههههه باين عليك كرهتى جد لقراية هاذى هههه
بالتوفيق اختى







​

 

[صفوة الوفاء]

السلآم عليكم و رحمة االله وبركآتهـ
/
اممم مليح علآه لآ ... بصح شكون قآدر يثبت و يقرآ في السخآنــة و خآوتك يبحرو ؟
تحياتي​

 

[SaRa MosTa]

فكرة مليحة اختي

واكيد القراية في لي فاكونس حاجة مفيدة وثقافة زيادة
انا واحدة من الناس في هاذ العطلة راني نتعلم الفرونسي **لونgاج** اش منقعدووش متخلفين شوية

وكاين حوايج واحدخرين نخدمهم راني نتعلم الخياطة نصنع لي بوكي لي نابخو

 

[sami19280]

فريمون موضوع مليح

لازم علينا نتعلموا ونستغلوا وقتنا احسن استغلال مي المشكل كون جاو عندنا مدارس خاصة يديرو دورات احسن تكون منظم خيررررررر وخير.

+ تقييم من عند خوك سامي على الموضوع الجميل.
​

 

[برنســ اللمة ـيسة]

اوااااااااااااااااااه يا بشرى
ياخي تعرفيني ضعيفة في مواد صح
مي ما نقدرش نقرا في العطلة خلاااااص انا العطلة نديفولي فيها شويا مش نزيد نكسر راسي بالقراية
وقت قراية قراية وقت راحة راااااااحة
​

 

[سلافة.]

والله العام الجاي عندي باك ..وماما كل يوم تقولي
اجبدي تقراي وانا حاستها ثقيلة عليا
جبل ربي يعيني برك علابالي هاذ العام نهبل خاصة مع ماما

علابالي تهبلني ..

مشكورين لطرح الموضوع

ننتظر جديدك
​

 

[@@simo@@]

انا والله ديجا اني كل يوم نجبد نريفيزي

بقالي هدا العام تاعي اللخر ونخلص لقراية لازمني نفورسي شوية

مرسي على الفكرة ان شاء الله كامل يطبقوها​

 

[nina bonoise]

وقت لقراية قراية و وقت الراحة راحة
انا الوقت هذا منقدرش باسكو السخانة قاتلتني

 

[b.bouchra]

مساء الخير
شكرا لكم جميعا على الردود العطرة
برك الله فيكم​

 

[nina bonoise]

بربي ان شاء الله ندي الباك او مبقالوش ياسر و يخرجوا النقاط
نولي غير نريفيزي باه ننجح في الجامعة باسكو مشني رايحة نلعب تم

 

[MARIA_4algeria]

هههههههه ان شاء الله نجربها
شكرا لكـ​

 

[JSK 14 CH]

في وقت القراية مانحبش نقرا خليا في العطلة ماتهدلرليش عليها كامل