الهدرة تدور تدور وتطبطب على البيبان

ي

يسرى 2008

:: عضو متألق ::
أوفياء اللمة
السلام عليكم
واشكم يا اعضاء اللمة ان شاء الله بخير
منطولش بزاف تعرفوني نحب الاختصار
كاين ظاهرة في اللالجيري الكل تعرفوها وغالب الاحيان عند النساء مي درك ولاو رجالة وسي منعرف وين تعملوها العفسة هادي تلقا مرا تخرج زعما تقضي ساعتين باش ترجع وين كانة اي تحكي مع الجيران على الجارة لخرة وا
ادا سمعو عياط يروحو يجيو يطلو ويحكيو في البالكو والي عندهم صطح يروحو نشرو قش وهوما ام ينشرو في حكاية لفوق قول عليهم يخدمو في ميدان تاع الشرطة على طول النهار وهوما يتجسسو في الطواقي والبيبان
ونحكي على الرجالة والله واجهني موقف في الاول خرجت نروح نشري حاجا ونرجع وكي رحت نلقا جماعة تاع الرجالة عدات عليهم طفلة يحكيو عليها قال واحد والله مشها متربية هادي راني سمعت راهي تخطبت قالو لوخر ارواح ارواح نشكيلك اي متخطبتش ام يحكيو عليها برك هكاك باش يسترو شوي اي الطفلة مسيبة وامها خرجت من الدار رحت لقيتهم يحكيو فيها وكي رجعت وصلت على باباها الشهر هدا دا 10 ملاين
وش رايكم في التجسس هدا الي في البلاد يعني هكاك مكاين حتى انسان يعيش بحرية في الدنيا
وانتوما واش رايكم
 
شكراااااا يسرى على الموضوع
موضوع ف القمة
احنا بكل عندنا الظاهرة هادي
مي الله غالب هادوهوما لعرب
شكرااااااا على الموضوع
 
الله غالب ياختي هدي هيا حالتنا
بصح انا لي تقلقني ونحير فيها الرجال كي كون يحكو على الناس ومنشرو والله عجب
ادا المراة الله غالب طبيعة فيها بصح الرجال شوي بيزار
المهم واش نقولك ربي يهدينا والهدرة في عرض ناس واعرة
 
شكرا ليييييييييييك
​
 
كاينة منها و الله
 
تقرعيج وتعمار لقرع ولقيل ولقال وتوقاب عسان ناس هدا دار وهادي دارة.........ولله كرهنا.......شكرا ليك اخت​
 
ههههههههههههههههه
قاع رهم كيف كيف
 
اوبليجي العباد يقرعجو راهي عادة راحت فينا كاين ناس لي يكرهولك حياتك بتقطاع ديالهم يبداو يدخلو فيك طبيعة عيانة الله غالب راهي لاصقة فينا ماعنداش كفاش نبدلوها ربي يهدينا
يعطيك الصحة حنونة ​
 
تقرعيج وقيل و قال وكثرة السؤال .............شحال نكره هادي الظاهرة
ماعلابلهمش بلي راهي ذنوب عليهم
ربي يهدي ما خلق
موضوع هايل شكرا
 
التقرعيج يمشي فالدم الله غالب .. لواحد لوكان مايقرعجش ولا مايحوسش يفهم ماعلاباليش واش يصرالو .. و تانيك كيما قلتي مام الرجال عادوا يقرجوا بزاف ميبصح سون سمير ماشي كيما النسا نهار كامل و هوما يمنشروا ​
 
نيشان عندك الحق
 
في هاذ الحاجة انا نظن يكون الكيد تاعها اكبر كي تكون من عند الرجال لخاطر هدرة الرجال يصدقها الكبيروالصغير

زعما راجل
​
 
التقرعيج يمشي فالدم الله غالب .. لواحد لوكان مايقرعجش ولا مايحوسش يفهم ماعلاباليش واش يصرالو .. و تانيك كيما قلتي مام الرجال عادوا يقرجوا بزاف ميبصح سون سمير ماشي كيما النسا نهار كامل و هوما يمنشروا

كيما قالت نانا
​

 
هادي هي الدنيا
 
التقرعيج هذا بزاف معليش قالك الطبيعة في الكلاب ماشي في العباد
نحكيلكم قصة صغيرة سمعتها قالك وحد النهار واحد المراة وزوجها رحلت لدار جديد قالك كل انهار اطل من النافذة وتقولوا ياراجل ارواح اشوف جارتنا غسلت الملابس مخرجوللهاش مليح باين اشرات الاومو لرخيص كامل قالك دايما تقرعج عليها اومبعد غدوا مع الصباح نهضت وراحت باش اطل قاتلك شافت هادوك الحوايج شابين راهم انقايا اليوم قالها زوجها ارواحي يامراة زجاجك هو الي كان موسخ انا نهضت بكري مع الصباح باش غسلتوا...هههههه..

العبارة المستخلصة هي :"اصلح عيوبك قبل عيوبالناس"
 
التقرعيج او عامر الدنيا
نشكركم على الرد
نورتو الصفحة بردودكم المنورة
 
شكرا لك اختي الكريمة على الموضوع.
الفراغ واش يدير في لعباد.
انا جوارينا نقل وحد 6 رجالة كل عشية يتلمو عند الحيط ويقعد يقطعو في الغاشي .
خاصة هذوك الشيوخ الي داو التقاعد.
 
ايه صح عندك حق ميرسي منورة اختي
 
التجسس من علامات الرضى؟؟؟؟

مليح الواحد يقرعج شوي سيرتو في بنيات الحومة

هههههههههههههههه

هيه وهي وشداها تخرج يخي نورمالمو كانت خارجة صارة في بلاصتها

وعلاه خرجت هي ؟؟؟؟


​
 
والله ربي يسترنا من هذا التمنشير

و رجالة عادت فاضيا شعل ماش لقيين واش يحكيو جياحة تاع الصح والله يحشموا

ربي يهدينا وخلاص واش راح دير

و شكرا لك على الموضوع المميز

معا تحياتي
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom