للي ما ربحش bac فقط - نورمال -

[vampire02]

السلام عليكم

واش راكم

نــــــــــــورمــــــــــــــــال

ما تعمروش ريسانكم

أيه ومن بعد طاحت السماء على الارض الدنيا هادي واسعة وكبيرة
وربي اذا كان حرم علينا حاجة كونوا واثقين بلي راح يعوض علينا ان شاء الله

ما تعمروش ريسانكم عــــادي

اذا ما ربحتش تقدر تعاودو/ي

الدنيا ما فيهاش غير الباك ​

 

[** غزال الصحراء **]

يعتمد ,, نخلو الموضوع هاذا شويا كي تفوت الفترة نغلقوه //

ربي يوفق اللي ما داوش .

 

[vampire02]

يعتمد ,, نخلو الموضوع هاذا شويا كي تفوت الفترة نغلقوه //

ربي يوفق اللي ما داوش .

يعطيك الصحة
لاخاطرش كاين ناس بزاف ما ربحتش و علابالي بلي راهم هنا و راهم منسيين الله يكون معاهم ان شاء الله

 

[vampire02]

عــــــــــادي​

 

[جوانا]

أرجو الشفاء العاجل للوالدة الكريمة ان شاء الله
و لي ما داوش الباك ربي ان شاء الله يعوضهم

 

[أميرة العيون]

أكيييييييييييد كاين بزاف الي ما داوش لكن هذه ماشي نهاية العالم لانه مازال كاين امل والاهم هي الارادة والعزيمة وبربي الي ما نجحش السنا ينجح العام الجاي و نقول ألف مبروووووووك للي نجحو وبالتوفيق للي ما نجحش

 

[la_safa]

صح كاين بزاف ربي يكون في عونهم واكيد المرة الجاية ان شاء الله كلش بالمكتوب

 

[vampire02]

يعطيكم الصحة
وربي يكون معاهم ان شاء الله
​

 

[محاربة صحراء]

بالشفاء للوالدة
+1
فلنحترم مشاعر اللي ما داوش واللي دا عندو الوقت باس يعرس
والحمد لله غلي كل حال
جماعة الادب اصبروا العام هذا علوم واللي جاي ليكم

 

[noussy]

مشكووووووووو على الموضوع
أنا ماربحتــش البكــ

وش نقول لكم والله المورال 0000 ودموعي مانشفت من سمعت الخبر

مبروك على الناجحيــــن وعرسو بصحتكمـ

 

[الأستاذ مصطفى]

مستر مينو ثاني ماربحش وعادي​

 

[قَطٌر❀ الٌنَـدَى]

معليش اصبروا بلاك مافيهش الخير هذا العام وكل شيء بالمكتوووووب​

 

[DARINE05]

نورمال كيما قلت اخي او كاين العام الجاي بربي انشاء ربي يكون معاكم

 

[joubrane]

نورمال
مش نهاية العالم
العام الجاي بربي
​

 

[nina17]

لا تقل فشلت بل قل لم أنجح بعد

 

[إحســاس بــراءة]

اكيد عادي جدا
الواحد ادا ماجابش المرة الاولى رايح يجيب المرة الثانية و ماكاش مشكل
مالازمش تفقدو الامل ابدا وربي معاكم ويوفقكم ان شاء الله المرة الجاية
يعطيك الصحة خويا فؤاد على المبادرة الهايلة
ربي يحفظك

 

[9adire_alger]

هههههههه
خويا بركى ما تقنط فيهم الله يخليك

 

[نقطة حبر]

للاسف اول عام ليا وماجبتش

 

[اسماء16]

شكرا اخي على الموضوع واتمنى النجاح لاختي في العام المقبل
​

 

[برنســ اللمة ـيسة]

ايه و الله عادي اللي ماداش العام هادا جايين الايام و انشاء الله يكون معاهم الحظ خير من الاول و مش اللي ماداش الباك العام هادا معناتها طاحت السماء على الارض يا خويا كلشئ بالمكتوب
​