دبرو عليا مجبتش الباك

[azoula]

ختي ما خلصتش الدنيا خممي مليح راكي مازلتي صغيرة وماعندك مادري في الدار عندك تغلطي والله جرانا ممتاز في الدراسة و 7 سنين وهو يفوت في الباك وما فقدش الامل حتى داه

 

[abidou 20081]

سلام أختي نقطة حبر ونتمنى راكي ديما لاباس *

قبل كل شي نقولك مسألة الباك هذي لي على بالي
بلي عمرك تغيضك تاع الصح منين يطلعو النتائج وماتلقايش روحك
ناجحة على بالي بلي صعيبة بزاف وأنا مارايحش نقولك بلي مازالكي صغيرة
وتقدري تعاودي بصح رايح نقولك لازمك أول حاجا تقوي العزيمة تاعك
وتعرفي بلي الحاجا لي تفوت مجرد تجربة تتعلمي منها
ولازمك تحدي مع نفسك قبل يعني ماشي الواحد يخسر حاجا يحسب بلي البيبان
كامل تغلقت عليه كيما تفكري فلي ربحو الباك فكري تاني فلي خسروه
أنت كتبلك ربي هذا العام ماتربحيهش ماشي معنتها ماتستاهليهش
أنت درتي لي عليك والباقي على مولانا كاين ناس ماقراتش دات الباك
وعلاش الواحد هكذا يجهل بصح كاين ظروف كانت السبب طاح في أستاد
بايع الضمير تاعو ورالهم كلش ولا خلاهم يكوبو على بعضهم منهم
كاينين لي يحلولهم كامل الأجوبة فالسبورة وهذي كاينة في بلايص
بصح نقولك هذا ماشي باك كامل ومايجيش حلو وكاين لي قراو وماداوش الباك
ثاني لظروف جاوبو وراحتلهم في حوايج بسيطة من القلقة ولا الضغط على خاطرش
مخصوصين تجربة برك ودخلو للإمتحانات ناقصين الثقة برواحهم برك
وعلى هذي ماعليك إلا تتوكلي على ربي
وتقوي العزيمة تاعك وبربي إن شاء الله رايحة تربحيه ويجي حلو ثاني
ماعليك غير تتوكلي على ربي وإن شاء الله مايكون غير الخير
دمتي بألف خير وسعادة إن شاء الله​

 

[HICHAMBECKHAM]

انا تاني مجبتش الباك اروحي نحزنو مع بعضان
ههههههههههه
عادي ان موشخاشني نورمال

 

[chamse121919]

معليش كلش يعدي العام لي جاي يجيبلك ربي الخير نشالله

 

[eya.mariya]

شوفي اختي ماديري والوا في بالك انا تاني مجبتش الباك بصح جبت تاع ufc همالة ديري كيما انا عاوديه فاللسي او في ليافسي او اي معلومة تخصك راني هنا

 

[radia yoyo]

الباراكة في العام الجاي
​

 

[اللمة alg]

عاودي الباك مزالك صغيرة اللي قدك العام الجاي يعقبو توكلي على ربي وعاودي وباذن الله تديه

 

[@@simo@@]

ياختي عادي جدا جدا جدا

حبيت نقولك حاجة ماشي غير لي ميعرفش يقرى لي مايجيبش لباك

قادر يقرى ومايجيبش عادي

ونقولك انا عندي ختي ماداتش المرا الاولى وكي عاودت دات ب 12

وبابا ماداش من المرا الاولى وضك راهو استاذ جامعي

ماهيش نهاية العالم عادي جدا

ضكا سجلي وعاودي

وان شاء الله ربي يوفقك المرا الجاية

تحياتي​

 

[souhila_95]

ما عليش حنونتي لازم ديري الثقة في ربي وزيد بالزيادة الفشل هو بداية النجاح والاستسلام هو البقاء في الفشل ماشي عيب كي ما جبتيهش ديجا مازالك صغيرة والعام الجاي تجيبيه انشاء الله بمعدل مليح عندك تغلطي وتبطلي على خاطر نبصملك بالمئة انك رايحا تندمي +الظاهر راكي بادية على 5 سنين على خاطر اختي زايدة في 92 العام جاي تعقب شفتي مازالك صغيرة وما هيش نهاية العالم.........تقبلي مروري اختي

 

[shahra]

معلش راكي مازلتي صغيرة باش تعاوديه شحال من مرة مش غير مرة
ومامتفكريش خلاص في انك تبطلي
رضاي بلي كتبولك ربي وان شاء الله تفرحي العام الجاي

 

[N°°°°RA]

والله كلشي بلمكتوب وديري عليا مازلتي صغيرة ومازالت الدنيا قدامك عاوديه نشاء الله العام الجاي تجيبيه

 

[نقطة حبر]

شكرا شكرا للجميع والله فرحت بهده التشجيعات منكم وربي يخليكم ويحقق امانيكم

 

[ابتسام جزائريه]

وعسى ان تحب شيئا وهو شر لكم وعسى أن تكرهو شيئا وهو خير لكم
ربي يحفظك وينجحك ​

 

[amineworld25]

batli w khlass

 

[بياديق الشطرنج]

واش بيك ختي المرة هذي ماديتيهش كاين العام الجاي بربي ان شاء الله .-وراكي مازلتي صغيرة ديري روحك كي شغل حا تفوتيه لاول مرة والمستقبل قدامك وكل واحد واش يكتبلو ربي

 

[لؤلؤة القرآن]

السلام اختي
تعرفي انتي مزلتي صغيره ننصحك تعاوديه العام الجاي انشاء الله
و تجيبيه بمعدل مليح و انشاء الله تتخصي واش تمنيتي و نقلك ربي يوفقك و انساي
مكلاه تمرضي روحك برك
العام الجاي نفوتو مع بعض انا 4 و انتي باك
و نعملو حفله مع بعضانا اوكي
صحا اختيييييييييي
​

 

[رموش الحب]

لالا اختي مفضتش الدنيا

نعرف وحدة قريبة ليا مداتوش العام الاول و العام الثاني عاودت و دارت ميدسين و انت مازلتي صغيرة 1992 يعني مازالت قدامك الفرصة

ارتاحي في الصيف و ان شاء الله العام الجاي تجيبي معدل مليح مادام ربي مكتبلك تعاودي الباك سير مخبيلك حاجة تفرحك

ان شاء الله العام الجاي نفرحو g ااااااااااااااع

 

[zineb-setif]

قدر الله وماشاء فعل
معليش يا لحبيبة ما صرى والو
العام الجاي جيبيه وجيبينا الباروك إنشاء الله
وخلي ثقتك بالله كبيرة
راني حاسة بيك وبشعورك بصح صدقيني
غمضي عينيك وحليهم تلقاي الصيف خلاص وابديتوا تقراو
وربي يجيب ألي فيه الخير

 

[زنوبة dz]

نوؤمال اختي
انا تاني مجبتوش وراني اكبر منك انا من مواليد 1991 وكنت متاكدة اني نجيبو بمعدل اكبر من 14 لكن شاء القدر اني لقيتوا 9,99 ومعليش العام الجاي ان شاء الله نعاودوا ونجيبو بمعدل مليح وان شاء الله ندخل التخصص لي حابتوا
اختي اعملي كيفي وشوفيه من الناحية الحسنة كي ما جبتيهش عندك فرصة اخرى وزيد مازالك صغيرة
ربي ينجحنا العام الجاي ان شاء الله​

 

[sasa09]

السلام عليكم
مرحبا اختي ** عسى ان تكرهو شيئا وهو خير لكم **
ياختي ماديريش قع هكدا في روحك جوزي الصيف نورمال وروبوزي بيان
وديري يالوكان ساعة في النهار وريفيزي فيهها الحاجات الي علا جالهم مانجحتيش مي ريحي ختي وماتخمي في والو
وختي انقلك حاجة اختي جوزاتو وعاودت وجوزت وعاودت وجامي قطعهت لياس
لاخاتاش السيجي دارو ان سان وانتي راكي ان سان قادرة تتفوقي اعليه مالا
وانقلك تاني حاجة اختي جوزاتو ثلاث خطرات وهي من موالد 1991 وجابتو السنة والحمد لله ختي
وفرحنا ونسات قع دوك لعوام لاخاتش القراية نتاع الصح تبدا مور الباك كي تجيبيه
ونتي كي تقطعي لياس دك مالا من بعد كيفاش راح ديري لاخاتش راح تتعرضي صعوبات كبيرة اكبر كثير من هادي
ولازم تستفادي من كل تجربة تديريها
ختي مسحي دموعك وعاودي رجعي الثقة في روحك
وعاوديه ختي اللبمرة الزاوجة ادا ماتجبتيهش بعيد الشرر زيدي عاوديه موراه موراه حتى تجيبيه كيما قتلك السيجي دارو انسان كيما انت ديري في بالك تحدي بينك وبينو وان شاءء الله تجيبيه ختي ونفرحو بيك خيتو
​