دبرو عليا مجبتش الباك

[سارة عبير]

اختي انتي مازلت صغيرة انا نظن انك نورمالمو راكي تدرسي الثانية ثانوي المهم تقراي العام الجاي و تديه وباحسن معدل انشاء الله ربي يوفقك​

 

[naGam]

اختي انتي صاريلك نفس حالتي احترت وثاني قلت مانزيدش نفوت لباك بكل لاني كنت واثقة من روحي ومن خدمتي وتفجأت كي ماجبتش ماصدقتش روحي وزيد تاني كرهت لقرايا مع انوا كانت القراية كي عينيا وكنت من الأوائل في المدرسة ودوك حايرة واش ندير وزيد تاني ماعنديش لااخت لاوالوا والله العظيم ماعرفتش واش ندير تصدمت تربطت ماعرفتش كيفاه نتصرف لمهيم لقرايا درت عليها خط احمر مانزيدش نعاود جربت زهري مرة وقريت ليل مع نهار كي الدابة وماديتوش وكاينين ناس غير لعب وتمسخير وداوها
​

 

[عازفة الاحزان]

سلام حنونة أنا زايدة في 1990 و جبت المعدل 9.89 كنت واثقة نجيبو كيما قلتي
و لكن الحمد لله تقبلتها و لم أفكر مثلك
لا تنهزمي بل فكري في أنه بامكانك أن تتحصلي على معدل أفضل العام المقبل و هذا ما أفكر به أنا
أتمنى لك التوفيق
و لا تكوني انهزامية بل فكري بايجابية و عليكي أن تكوني أكثر قوة
أختك في الله أمينة
​

 

[رانا]

معليش مزلتي صغيرة و مزال طريق قدامك ربي يصبرك

 

[فراشة الايمان]

مازالك صغيرة و الطريق قدامك .

 

[mina009]

يا اختي و الله غير راني كيما انتي انا من مواليد 92 و ماجبتوش بمعدل 9.95 و الله غير راني رايحة نهبل

 

[عبد الجبار الجزائري]

الباك واش دار فيكم مخلى ما بقى هدا غير امتحان صغير والدنيا في حد داتها امتحان ان كان مجرد فشل في اجتياز امتحان والحصول على نتيجة جيدة يفعل بكم هدا فلو انكن فقدتن غالي فما تفعلن
فلتحمدو الله تعالى ولتعلمن دائما ان الدنيا صمود وهي سقوط ونهوض لدا عندما تسقطن الان قمن بسرعة ولا تلتفتن الى الوراء بل صوبا عينيكما الى العام القادم وانتن واتم مومنون ومؤمنات بانكم جميعا ستنالون نتيجة جيدة في الباك

فالنجاح في الحياة لا يعني بالضرورة نيل شهادة الباكالوريا بل بالعكس فالنجاح الاساسي هو الخروج من هده الدنيا والرب راضي عنكن اليس كدلك
ادن تمعنو ستجدو ان الباك لاشيء وهو اسهل الامور

انا لما قرات العنوان تبسمت ​

 

[نقطة حبر]

شكرا على التفاعل والتواصل اختكم الشحرورة متعرفش صوالحها ههه

 

[جزائرية كوول]

عادي عاوديه مازالكي صغيرة

انا عاودت مرتين وهادا التالت باش جبتو عادي

وقريت في الليسي ونورمال
​

 

[قَطٌر❀ الٌنَـدَى]

لا اختى ابدا متحبسيش الباك تجربة وعادى ماهوش نهاية العالم واصبري وشدي في ربي
وتفكري
عسي ان تكرهوا شيئا وهو خير لكم​

 

[سيرتا]

حنونة ماتفقديش الامل انا كنت كيفك مصممة على عدم اعادة السنة لو ما نجحتشلكن قبل ضهور النتيجة تراجعت في قراري وكانت المفاجاة نجحت من اول سنة ديري هذا العام تجربة تعينك للعام الجاي و9ولي 9التها سيرتا ونباركولك ان شاء الله:yahoo:

 

[نقطة حبر]

شكرا على التشجيخ يا خاوتي واخوتاتي

 

[مجنون البرصة]

يا اختي الكريم أظن ان هذا ضعف وخوف وجبن منك
قدر الله وما شاء فعل
انت درتي اللي عليك ووربي ما كتبوش
انا ثاني عاودتو العام الاول تاعي
يعني ما شي نهاية العالم واحد يعاود الباك
ياك اينشتاين عاودو شعال من مرة
المهم يا اختي نصحية لك فقط
اتقي والله وارجعي الى رشدك
ليس من العيب أن نفشل ولكن العيب ان فشلنا توقفنا
يعني انها تجربة وفقط بالزيادة انت ما زلت صغيرة ولا تتوقفي عند هذا الحد
مازال حلمك بالوصول الى الجامعة واختيار تخصص تحلمين به ةمن صغرك
وهل عدم نجاحك في شهادة الباكالوريا يعيق تطور حلمك
لا يجب ان تفكري هذا التفكير
اقسم انك ستندمين مستقبلا
اتق الله وارجعي الى رشدك
واصبري يا اختي وليست هذه نهاية العالم
وان شاء الله العام القادم تحققين تفوقك بمعدل رائع باذن الله
هذا ما نتمناه للجميع
ولا تفكري في عطلة الصيف فبسرعة مر قرابة شهرين من العطلة يا اختي
والله سيمر الوقت عليك كالسهم
انا جربت مثل هذا الشعور صحيح تالمت في البداية لكن سرعان ما اقتنعت ان هذا قدر الله
وعسى ان تكرهوا شيئا وهو خير لكم وعسى ان تحبوا شيئا وهو شر لكم
لربما احرزت شهادة الباكالرويا هذا العام وذهبت الى الجامعة وحدث لك امر تندمي عليه
يعني هذه حكمة الله يا اختي
لا تياسي وثابري واثبتي لنفسك وللجميع انك اقوى من ان يحطمك شيء مثل هذا
هذا ما عهدناه في بعض البنات فاسبتي لنا هذا
واتمنى لك وللجميع التوفيق ولانجاح يا رب
وفقنا الله واياكم الى ما يحبه ويرضاه وسسد خطى االجميع باذن الله

 

[@R@ZIK]

وعلاش تقلقي روحك حنونة مازلتي صغيرة والعام الجاي تجيبيه نشاء الله
واحنا وين روحنا احنا اهلك واخواتك وصديقاتك كل ما تحتاجي حاجة رانا هنا جوزي الصيف مع اللمة وانتي تكوني هانية


تحياتي​

 

[مجنون البرصة]

قدر الله وما شاء فعل

 

[tarek 09]

زايدة في 1992
راكي مازلتي صغيرة
ايه واش مازال قدامك
أنا نعرف واحد زايد في 1988وماجابوش +قالي كون يردوني نقرا نزيد نعاود نولي العام الجاي
وانت راكي تقولي نحبس
ربي يهديك​

 

[إشراقة حب]

اتخذي من فشلك سلما للنجاح
اكملي مشوراك الدراسي والفشل ليس عيب وانما درجة ترفعنا الى النجاح
ساكون اختك وصديقتك اذا رغبتي في ذلك
اتمنى لك التوفيق اختي

 

[the summer]

عادي يااختي انا راني استاذة نصحك نصيحة اخوية
العام الجاي تجيبيه كوني متادكة
لازم درك تنساي كامل وش فات وتبداي من جديد لازم تفكري فالقدام والخير فيما اختاره الله بلاك كون جبتيه كون كاشما صرالك بعيد الشر كيما يقولو كل تاخيرة فيها خيرة
ماتتقلقيش هاذا عذر اقبح من ذنب واش ماديتيش بلاك الهوا يحبس عليك ولا الماء
عادي اختي لصغيرة والله درك تولي عندك شجاعة وتتحداي نفسك باه العام الجاي تجيبيه بمعدل مليح لان التخصصات الفور يتطلبو معدل فووووووووووووووووووووووور
ديري على روحك شوفي نقاط ضعفك وحاولي تتغلبي عليهم وابدا ماتتعقديش كي ماجبتيهش
تاكدي بلي تقدري تكسري الدنيا بمعدلك اللي رح تجيبيه العام الجاي وتذكري كلامي تعاودي تكتبيلنا باركولي جبت معدل فور برك حبسي ما تزوخيش بزااااااااف هههه
نقصر برك
​

 

[bibaa]

ما تقلقيش روحك يا أختي عاوديه وعلاش كل واحد عندو عثرة في حياتو

نغطيك مثال حي
انا شخصيا ما نجحتش المرة الأولى و تحصلت على معدل 9.92
بصح هذيك الحرقة تحولت لعزيمة و ارادة و عاودت الباك و نجحت بمعدل 13.28 و الحمد لله راني فالجامعة في سنة خامسة

ما تتقلقيش
أنا نقولك سجلي عادي و تبعي و اتمنى لك النجاح العام المقبل

تقبلي مروري

 

[هدولة]

أختي الشدة في ربي ودعي و عوديه بربي تديه فرح والديك و نفرحوا بك إنشاء الله