أنا خاطيني ........... خاصة لبنات

[أماني2]

السلام عليكم ورحمة الله وبركاته

واش راكم كامل؟ إن شاء الله بخير
جا في بالي هذا الموضوع على خاطر كل مانتصفح مواضيع اللمة

في بعض المواضيع اللي فيها أسئلة ولاموضوع يهدر على حوايج مشي ملاح في الواقع
اللي راهي شايعة في وقتنا هذا

أغلبية الناس كي تسقسيهم حاجة يقولك أنا خاطيني
وخاصة لبنات

انا خاطيني مانديرش ماكياج ومانرفدوش معايا في الصاك :surrender:
أنا خاطيني مانتشاشيش:surrender:
أنا خاطيني مانخلطش:surrender:
أنا خاطيني مانصاحبش ولاد:surrender:
أنا خاطيني مانهدرش فالتيليفون:surrender:

انا خاطيني ........ أنا عاقلة

:music_whistling:أنا خاطيني .........أنا خاطيني........أنا خاطيني :music_whistling:

:glare:بصح وين ندورو نصيبوا النسبة الكبيرة فيها كامل هاذو الأمور:glare:!!!!!!!!

نادرا وين تصيب العكس

:heh:شكون أملا اللي يدير هاذو الحوايج:heh:
ولا رانا غالطين في التقييم

وأعتقد بل أكيد كاين أدلة بزاف من المواضيع اندارت هنا فاللمة
تصيب جميع الصفحات

يتسمى كامل الله يبارك!!!!

وواش هو المعنى من ورا هاذي الردود يابنات؟ :mellow:
بالنسبة لولاد كاين فئة تدير هكذا بصح لبنات كثر

ربي يهدي الجميع

ولا واش رايكم؟

 

[حفيد هواري بومدين]

وافقت على الموضوع

 

[رقيقة المشاعر]

انا خاطيني أنا عاقلة :surrender:
الله ماني نزعق صح صح

 

[Iman89]

اهلا اماني واش حوالك
هادي هي كل وحدة تحب تبين بلي بنت فامي وخاطيها كلشي :heh:
هاد لحوايج اللي ذكرتيهم نديرهم صح مي في حدود كيما مثلا مانقولكش مانديرش الماكياج ندير مي خفيف حاجة لكحل مانكذبش عليك مانقدرش نستغنى عليه ههههه.رانا في عالم افتراضي صعيب تلقاي اللي يمشي معاك بالنية ولا يعطيك الرسمي والثيقة تقدري تقولي ماكانش ...ربي يهدي ماخلق...سلمي على ايمان

 

[THE GNAWIE]

انا خاطيني مانديرش ماكياج ومانرفدوش معايا في الصاك :surrender:
ماما ممنوع معاها الماكياج و زيد انا تشكيكونة
أنا خاطيني مانتشاشيش:surrender:
ما نحبش التشاش .............خاطيني صراحة
أنا خاطيني مانخلطش:surrender:
اختك وحدانية اختي هي صاحبتي و الليسي شاهد عليا
و هاذ العام ربحت الباك و الله العام الجاي راح نجوزو وحدي
أنا خاطيني مانصاحبش ولاد:surrender:
جامي مشيت مع ولد....اللي نحبو و خسرتو باسكو انا ما نمشيش
..........الله غالب .....ما كاش الثقة
أنا خاطيني مانهدرش فالتيليفون:surrender:
لابوس تاعي دايمن عند ياما.............هذاك ما خصني
لقيت الوقت لكلش ما بقالي غير نتمسخر فالتيليفون

انا خاطيني ........ أنا عاقلة
صدقي او لا تصدقي..........عاقلة 200 بالمئة حتى انا مرات نمل
من كثرة العقالة ههههههههههه/بشهادة الجميع/

مرسي عالسوجي اختي
و صح كاين اللي يقولو خاطيني و خاطيني
صح انا فيا عفايس عيانين كامل رانا بشر
مي من ناحية النقاط اللي ذكرتيها
انا خاطيني
سلام​

 

[أماني2]

وافقت على الموضوع

شكرا ليك على الموافقة
​

 

[أماني2]

انا خاطيني أنا عاقلة :surrender:
الله ماني نزعق صح صح

انا ماقلتش مكاش العاقلات بالعكس كاين بصح أغلبيتهم ما يبانوش
مي ماعلاباليش
ايلا انتي عاقلة أكيد راح تبان عليك

بصح اللي عارفة روحها
هي اللي تبغي كامل الناس يعرفوها بلي عاقلة تقول أنا أنا

يعطيك الصحة على المشاركة
وربي يدومها عقل ان شاء الله

ميرسي ليك حنونة
​

 

[أماني2]

اهلا اماني واش حوالك
هادي هي كل وحدة تحب تبين بلي بنت فامي وخاطيها كلشي :heh:
هاد لحوايج اللي ذكرتيهم نديرهم صح مي في حدود كيما مثلا مانقولكش مانديرش الماكياج ندير مي خفيف حاجة لكحل مانكذبش عليك مانقدرش نستغنى عليه ههههه.رانا في عالم افتراضي صعيب تلقاي اللي يمشي معاك بالنية ولا يعطيك الرسمي والثيقة تقدري تقولي ماكانش ...ربي يهدي ماخلق...سلمي على ايمان

اهلا بيك أختي
االأحوال الحمد لله

يعطيك الصحة على المشاركة

هاذيك هي واش قلتي
شكون فينا ماتحبش الماكياج شكون اللي ماتحبش تكون شابة مي كيما قلتي خفيف مشي ....
بصح كي تجي تسقسيهم كامل كامل يقولولك انا مانديروش... واله تحيري

ان شاء الله يبلغ سلامك

ربي يحفظك

​

 

[أماني2]

انا خاطيني مانديرش ماكياج ومانرفدوش معايا في الصاك :surrender:
ماما ممنوع معاها الماكياج و زيد انا تشكيكونة
أنا خاطيني مانتشاشيش:surrender:
ما نحبش التشاش .............خاطيني صراحة
أنا خاطيني مانخلطش:surrender:
اختك وحدانية اختي هي صاحبتي و الليسي شاهد عليا
و هاذ العام ربحت الباك و الله العام الجاي راح نجوزو وحدي
أنا خاطيني مانصاحبش ولاد:surrender:
جامي مشيت مع ولد....اللي نحبو و خسرتو باسكو انا ما نمشيش
..........الله غالب .....ما كاش الثقة
أنا خاطيني مانهدرش فالتيليفون:surrender:
لابوس تاعي دايمن عند ياما.............هذاك ما خصني
لقيت الوقت لكلش ما بقالي غير نتمسخر فالتيليفون

انا خاطيني ........ أنا عاقلة
صدقي او لا تصدقي..........عاقلة 200 بالمئة حتى انا مرات نمل
من كثرة العقالة ههههههههههه/بشهادة الجميع/

مرسي عالسوجي اختي
و صح كاين اللي يقولو خاطيني و خاطيني
صح انا فيا عفايس عيانين كامل رانا بشر
مي من ناحية النقاط اللي ذكرتيها
انا خاطيني
سلام​

ههههه

ربي يحفظك اختي
وان شاء الله تمي ديما عاقلة
وربي يرزقك بولد لحلال اللي كيفك

وكيما قلتي كاين مانيش نقول كامل كاين والله الله يبارك عليهم

يعطيك الصحة
​

 

[racha.]

اختي هادول الحوايج قاع ممنوعين في الدار ني بورتابل ني مكياج ني صحبة ولاد ني والو

 

[أماني2]

اختي هادول الحوايج قاع ممنوعين في الدار ني بورتابل ني مكياج ني صحبة ولاد ني والو

يعطيك الصحة على المشاركة

بالتوفيق ان شاء الله
​

 

[جوانا]

أنا خاطيني
امالي شكون؟؟؟؟؟؟؟؟؟؟؟؟؟؟؟
هههههههههه
باينا نتي ترفدي ماكياج في صاك فقت بيك
نزعق برك
واه ختي هادي نيشان كاينا منها و يبقى السؤال مطروح
من اذن من قلوووووووووووووووونا

 

[أماني2]

أنا خاطيني
امالي شكون؟؟؟؟؟؟؟؟؟؟؟؟؟؟؟
هههههههههه
باينا نتي ترفدي ماكياج في صاك فقت بيك
نزعق برك
واه ختي هادي نيشان كاينا منها و يبقى السؤال مطروح
من اذن من قلوووووووووووووووونا

هههه
يسمى انتي ماترفديش حتى أنا فقت بيك
لا انا مانرفدوش مكاش البلاصة للماكياج..... في صوالح وحدوخرين اكثر من الماكياج هههه

راكي تشوفي
شكون املا؟؟؟
ويبقى السؤال مطروح

يعطيك الصحة أختي

ربي يحفظك
​

 

[إحســاس بــراءة]

السلام عليكم
يعطيك الصحة اختي اماني على الموضوع
ايه كيما قلتي عندك الحق وكل واحد وكيفاه يخمم
الواحد يقول الصح اذا كانو فيه حوايج يقولهم واذا ماكاش يقول خاطيني
الصح هو الصح
ونتي اختي راكي تعرفيني خاطيني انا ولا لالا هههه
نضحك برك
شكرا ليك
بارك الله فيك

 

[ĜąМę ǒVĕŗ]

خلي برك ماندير حتى تعليق

ختي عندك الحق في هدا ​

 

[أماني2]

السلام عليكم
يعطيك الصحة اختي اماني على الموضوع
ايه كيما قلتي عندك الحق وكل واحد وكيفاه يخمم
الواحد يقول الصح اذا كانو فيه حوايج يقولهم واذا ماكاش يقول خاطيني
الصح هو الصح
ونتي اختي راكي تعرفيني خاطيني انا ولا لالا هههه
نضحك برك
شكرا ليك
بارك الله فيك

أهلا بشرى أختي
واش راكي؟ ان شاء الله بخير

حتى أنا كي شفتك كنت راح نخبر عليك:music_whistling:
نقولهم بلي ترفدي معاك قنطار ولا كثر تاع ماكياج من كل الألون....هههه نزعق

انتي عاقلة بشرى ولا خاطيك.... قولي الصح

ربي يحفظك ان شاء الله
شكرا ليك على المشاركة
​

 

[أماني2]

أوكي
​

اهلا بيك
يا اختي احنا وعلاش نبغوا ولا نكرهوا

ياخي انتي راكي حرة وعارفة صلاحك
وأكيد أنتي أدرى و راكي عارفة
يعني ممكن تتعاملي بحدود

وبالتوفيق إن شاء الله
ربي يحفظك
​

 

[الخيزران]

الجهر بالمعصية ماشي مليح
ومن هنا نعرفو بلي الانسان لي يقول خاطيني ماهوش راضي على هذا الاشياء ولو كان يديرها ,ولا يتمنى ما يديرهاش
ويحب دائما يبان بصورة مليحة ولو في المنتدى برك ’

 

[أماني2]

خلي برك ماندير حتى تعليق

ختي عندك الحق في هدا ​

إن شاء الله الهداية للجميع
​

 

[إحســاس بــراءة]

أهلا بشرى أختي​

واش راكي؟ ان شاء الله بخير​

حتى أنا كي شفتك كنت راح نخبر عليك:music_whistling:
نقولهم بلي ترفدي معاك قنطار ولا كثر تاع ماكياج من كل الألون....هههه نزعق​

انتي عاقلة بشرى ولا خاطيك.... قولي الصح​

ربي يحفظك ان شاء الله
شكرا ليك على المشاركة ​

الحمد لله لاباس ونتي واش راكي اختي
ههههه ياحي الماكياج خاطيني والله:tears:
نتي قولي انا خاطيني ولا عاقلة ؟:music_whistling:
يعطيك الصحة
شكرا ليك