خليني نهدر خليني نفرغ واش كاين في قلبي///new tragedie with anti chita//

الجزائري05

:: عضو بارز ::
أحباب اللمة
إنضم
8 فيفري 2008
المشاركات
5,654
نقاط التفاعل
133
النقاط
319
السلام عليكم يا أحلى وأغلى ناس
اليوم كي تعمر قلبي جيت نفرغ عندكم شوي مالا غير استحملوني شوي :tears::tears:المهم نبداو الحكايات اللي ما لقيتلهم حتى عنوان لأني اول مرة نسمع بيهم في حياتي:scared: نبدالكم مع أول حكاية وهي قصة حقيقية منقولة من الواقع صرات لبنت خالتي اللي راهي في حالة نفسية يرثى لها:heh: الي خانوها أقرب الناس ليها وهما صديقاتها
وين شفتو يا ناس وحدة عاقلة و زعم بنت فاميليا:closedeyes: حاشا اللي رباوها:mellow: تنصب لصحبتها اللي هي على وشك الزواج تديرلها مشاكل:scared: مع زوجها المسقبلي وتوصلت بيهم الوقاحة والسفالة انهم يراسلوه ويعيطولو فالهاتف زيعمروه على الزوجة نتاعوو كل هذا لماذا’’من أجل لا شيئ متحبش لخير لناس ولوكان كانو أقرب ليها يعني علاه عليها المنكر هذا كامل متخافش ربي الطفلة هذي لكن الله يمهل ولا يهمل

يتبع للحكاية الثانية الاكثر مرارة من هذه

جمعيةanti chita
للتضامن الاجتماعي
ومحاربة الفساد الاخلاقي
 
والله ياخويا معتز ماعاد لامان في حتى عبد راهو الوقت صعاب بزاف ويحاول الشخص انه سره يبقى في قلبه
وهذه الفتاة التي خانت صديقتها تعتبر ماش صديقة صادقة في نيتها يعني صداقتها تحمل التزيف
لوكان صديقتها تاع بلحق لوكان تكون واقفة معاها في كل شيء ماش تخونها ربي يهدي ماخلق
 
يا خويا راني متأثرة و الله

و اذا كان انت قلبك راهو معمر ايمالا بنت خالتك كيفاش راحي حالتها

ربي يصبرها بصح لازم تقنع زوجها باش ما يسمعش هاذو لحكايات من عند الناس

لان الناس قادرين على كل حاجة و ما يخافوش ربي

ربي يصبرها على محنتها ان شاء الله

 
قصتك كما قلتي واقعية وتصرا وللأسف صارت عادية في مجتمعنا ...الطفلة هادي مريضة نفسيا وتحسد الناس على النعيم لي هوما فيه ..
ماكاش لازم البنت هادي تصرح بخطيبها يعني توريه للناس ربنا والرسول قالو واقضو حوائجكم في السر والكتمان ..أمور مثل هادي لازملها الكتمان لغايةما تتم وللأسف البنت أول ما تتخطب تولي تمشي وتتكلم وتخرج عيني عينك وقدام كل الناس مع خطيبها وتهدر بأمور المفروض ما تتهدرش ..
أختي الرزانة والعاقالة مش غير في كونها بنت فاميليا لازملها تاني تكون واعرة وتعرف كفاش تحافظ على خطيبها أو زوجها من غيرة صحباتها ...انصحيها انها تخمد على شمعتها وماتهدرش بل شي كاين شي بنت نعرفها مخطوبة من سنوات والله أغلب الناس مايعرفوش حتى الأسم الحقيقي لخطيبها ..!
إن شاء الله ربي يكمللها

 
آخر تعديل:
واش تحب خويا معتز دنيا ولات تمشي با المقلوب وسرك عندك احسن شيء
 
أولا يعطيك الصحة pour الجمعية
و على بنت خالك يا خويا راهي غاضتني بزااف ربي يصبرها إن شاء الله ,انا من رايي هي تاني راهي غالطة يلزم تخير صحاباتهh bien باش ميصراولهاش des problame كيما هادو
و هادا زوجها تان راهو غالط وبلبزاف بلحق مرتو يدير فيها الكونفيونص وميآمنش اللي جات و يهدر معاها ويسقسيها
ولا على صحابتها ميخافوش gاع كاين ربي و كما تدين تدان , معلاباليش دوكا كيفاه يقدرو يرقدو
معلليش ربي يحاسبهم
وميرسي عليك
و désolé إدا طولت عليكم
bay​
 
آخر تعديل:
الخيانة كاينة خويا
وتجي دايما من القريب
المقلب الي داروه لبنت خالتك
سببها باين وهو الغيرة
ومن المفروض هذا الزوج مايسمعش
للغير مهما يكون
وانا في رأيي ان هذا الزوج
مايستاهلهاش
وممكن ان الله سبحانه وتعالى
بين لبنت خالتك ان هذا الزوج
مايليقش بيها
وان خيانة صاحبتها سبب
لمعرفة ضعف هذا الزوج
الله يشفيها
ويعطيها زوج احسن من الاول
 


جمعيةanti chita
للتضامن الاجتماعي
ومحاربة الفساد الاخلاقي


عجبتني هادي


 
الله يسترنا وربي يعينك
 
والله ياخويا غير لعرب تاعنا يعرفو غير لفساد
كاين ربي خير من ناس كل والله يجي نهار ويجيبهالهم ربي
 
اااااااااااااااه ياخويا معتز واش تحب نقولو و واش تحب نخلو:tears:
والله الانسان كل مرة راه يشوف ويسمع بحوايج الله يحفظ ويستر
ناس يا خويا معتز ماولاتش تخاف ربي خلاص ولاو يديرو حوايج و ماعلابالهمش بالعواقب مايقلك حرام مايقلك علاه ندير هاذ الشئ مايقلك نخاف من ربي
الهاذ الشئ الناس ماولاتش تخاف من ربي وتدير حوايج كيما هاكا:busted_red:
علاه يعني علاه الهاذ الدرجة الدنيا غرتهم و عينيهم نعماو:surrender: وماقدروش يفرقو بين الصح والغلط؟
كيما قلت نتا ان الله يمهل ولا يهمل
كل واحد يجيه وقتو
واش تحب يا خويا هاذي هي الدنيا
الله يهدي كل واحد هاذا مانقولو
يعطيك الصحة خويا

ملاحظة
هاذا الرد برعاية جمعية anti chita :closedeyes:
merci
 
آخر تعديل:
هادوما لبنات ماهمش صحبات
هادوما حاشاك عقربات
و لا كيما تقول أختي شريرات
و بنت خالتك ربي يعوضها .
 
كاين أختي النوع هذا بزاف ربي يهدي ما خلق
 
الله يهدي ما خلق عجب يديرو صوالح كيما هكا و متخافش ربي
 
ربي يجيبلها ضربة والف مصيبة

شكرا لموضوعك الحساس
 
مبقاش الامان في المجتمع هدا ربي يبعد الشر علينا وعلى البنات الكل
 
ايـــــــــــه
عيش تشوف في هاذ الزمان المكشوف
لامان في وقتنا عاد مكانش حتى لو أقرب الناس
بنت خالتك كان ماش غارو منها
جامي يجربو يديرو فيها مقلب كيما هكذا
والزوج نتاعها لوكان جا راجل صح وشاريها
ميسمعش لكلام الغرب
ربي يهدينا ويسترنا



 
وعليكم السلام اخي معتز
تحية عطرة اما بعد:
عيب كبير لي داراتو هاد الانسانة مع صحبتها والمشكل لكبير تفاهمت مع صحبتها عليها،حبت تخربلها دارها وهي في طور البناء علاه هادا كامل
ليس عيب فقط بل عار كبير،هادي انسانة غيارة حسودة وحقودة
رانا في وقت صعيب الامان عاد ماكانش
الناس صعاب والطفلة تتلون وتتلوى مثل الحرباية وصحبتها تدير فيها لامان حتى تطفرها فيها
تلعبها عليها بكلامها الحلو ولمعسل وتبينلها انها الكل في الكل حتى تخليها عليها
الله لاتربح الطفلة لي كيما هادي برك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top