وحسبتوا رواحكم وانتم شكون ؟؟؟ مكمش غي انتم في هذي الدنيا ........

Mr mino

:: عضو بارز ::
أحباب اللمة
إنضم
20 ديسمبر 2007
المشاركات
4,790
نقاط التفاعل
4,931
النقاط
351
الجنس
ذكر
بسم الله الرحمن الرحيم




sـــــلاحــف النينجا ...




الـــتقــــــ
473234.jpg
ــــــــلاش


مداير حــــــــــالة



9o9i35bc9464f6.jpg
9o9i35bc9464f6.jpg


بمناسبة الحمان الذي ياتي في صيف كل عام هاك

تتبرد يا زوالي بالبرادة تع لعراس


او كي راكم دايرين ؟؟؟؟


ان شاء الله ماتكونوش ملاح



ايا ليوم راني طليت بموضوع خرطي برطي كي العادة

مي من الواقع اللي رانا عايشينا وكل يوم

نعيشوه ومزال نعيشوه راح نحكي فيه على

ليفامي هذوك البوكو باي تع التيكي




ابنعمي وراهم رايحين ؟؟؟؟


راهم غي في اللرض مراهمش في السماء طايرين




هذوك اللي بناتهم يلبسوا غير السراويل الضيقين

ومطلسين بالماكياج والحواجب ملقطين

وليدهم كثر من اختو عقلية بابا فين

صحابو غير من هذوك لمحلبين

ينوض على 12 الوحدة والساعتين

وباباهم يدور بالشورت ويعوم في لابيسين

ومرتو وسمها فطيمة ويعيطولها جوزيفين

انوشة وبناتها مقلشين

كي تهدر معاهم يقولولك احنا عايلة المثقفين



ابنعمي وراكم رايحين ؟؟؟؟

راكم غي في اللرض مراكمش في السماء طايرين



كي ينوضوا الصباح يلقاوا الماكلة في لاكويزين

يفتحوا الفريجيدار فيه كلش مخبيين

هذا كومومبار هذا كشير ومعاهم الفرماج الزين

والفاكية على كل الانواع كيوي اناناس ومعاهم تفاح السلاطين

لا ميناج لا شغل الدار يضلوا قاعدين

مايطيبو حريرة مايطيبوا كسرة لعجين

ياكلوا غير البيتزا وديما دايرين ريجيم

الماكلة يطيشوها في لابوبال والله مايضوقها الزوالي مسكين



ابنعمي وراكم رايحين ؟؟؟؟

راكم غي في اللرض مراكمش في السماء طايرين



الا دارو العرس مايكثروش الحاظرين


راكم تعرفوا عراس المخلوعين



بنتهم الا مدوها يطلبو 40 مليون يكونوا واجدين



والراجل لازم يكون بوgـــوس ومايكونش من الزواولة والمحتاجين



بنتهم لازمها طاكسي وكل يوم عند الحفافات والحفافين



وفيلا ليها وحدها وراجلها مايجيبش معاه الوالدين



شهر العسل ديما في روما كيما الطاليانين



شوفوا ذيك لفامي كي دايرين




ابنعمي وراكم رايحين ؟؟؟؟



راكم غي في اللرض مراكمش في السماء طايرين






يتفرجوا غي فيM6 TF1 والقنوات لمشفرين

يتفرجوا غي الحوايج الشابة وافلام الهنديين

لغنى يبغوا غير شاكيرا والفنانات الامريكيين

مايسمعو ني راي ني شرقي وخاطيهم Dj Nassim


كي تشوفهم تقول ديزارتيست وفنانين


يحكوا على كلش غي على الدين



ابنعمي وراكم رايحين ؟؟؟؟


راكم غي في اللرض مراكمش في السماء طايرين




كي يقلولهم اتقيو الله يقلولهم انتم منا غيارين

كي تدابز مع واحد منهم يرفدوك الجدارميين

تلقى روحك غير مع المحابيس والمباصيين

تولي فيها دار الشرع قاضي ومحاميين

وتولي انت الظالم وهوما المظلومين

يصدر الحكم وفيه سجن عشر سنين

تطفرت فيك غي انت يا مسكين



ابنعمي وراكم رايحين ؟؟؟؟

راكم غي في اللرض مراكمش في السماء طايرين



هذوا هوما لفامي المتنعمين

اللي ماخلاو للزوالي والو مسكين

كي يشوفهم يقول يا حسراه وراه الوقت الزين

بصح انا تبالي كيما هوما كيما الكافرين

الا من رحم ربي وقلال ماشي كاثرين




ابنعمي وراهم رايحين ؟؟؟؟


راهم غي في اللرض مراهمش في السما طايرين طايرين






ان شاء الله ماتكونوش من هذو العباد وربي يهدي الناس الظالين


مالا انا نقلكم في لمان


4algeria.com-392e704aac.jpg

تربحوا



648414506.jpg

made by Mino
 
آخر تعديل:
السلام عليكم أمينو
واش دير هذا نصيبهم
ياو يقولو اللي يحب الدنيا تجيه ساهلة ماهلة وكيما يشتهي
لكن العاقبة واعرة بزااااااف
لايوجد أحسن من الحياة البسيطة
شكرا لك
بارك الله فيك

 
موضوع رائع يعطيك الصحة تصلح غنية
تقيم تستهل
 
موضوع ..........................................
يستهل التقييم
 
السلام عليكم
يعطيك الصحة موضوع باهي بالبزاف
الحمد لله منا منهم ماهمنا الغني ربي و لكبير ربي
ربي يهديهم و يهدينا ان شاء الله
بارك الله فيك لبلاد خويا
 
آ بنعمى وين راكم رايحين ؟؟؟

خويا الزين موضوع كيما هذا بنين يستاهل تقييم و ما يهمكش أمر الفنيانين و لا العيانين هادوك الناس المخلوعين يجى نهار و ما يلقاو بيها وين .
نشوفك على خير شريكى





 
موضوع فووووور
خلينا نعيشوا ونشفوا وربي يهدي الجميع
 
موضوعك شباااااااااااااااب راك جبتها فووور
وهاد ناس جاي نهار وين تنقلب عليهم الحالة
ربي هديهم
وتستاهل التقييم
 
و الله يا امينووو موضوعك فوووووووور و حطة
تستاهل تقييم عليه
 
موضوع شباب بزاف يعطيك الصحة الحمد لله مراناش من هادوك الناس ربي يهديهم و يكبرنا في طاعتو شكراااا
 
السلام عليكم
والله كيما تقول
راهم بزاف منتشريننننننننن
وربي يهديهم اجمعين
واش راح ديري يا مينو
ربي يبعدهم علينا ومن شرهم
ويرزقنا الناس الزينة والعاقليين
ايه يا مينو
راك عايش الواقع تع الصح
والله فور
موضوع في المستوى ويستحق المناقشة

شكرا حبيبي
ربي يجازيك ويعافيك
ويعطيك ما تتمنى

السلام عليكم
 
هدوما صحاب الهف صحاب الموني موني مونييييييييييي
صحاب الكتف زعمة شوفونش ويني ويني

صحاب المعارف اللي يلعبوها ديما ستيل غير الفوخ غير الزوخ غير

المظهر و لافريم
 
عيــش تشوف في هاذ الزمان المكشوف
ربي يهدي ما خلق

يعطيك الصحة امين موضوع فووور
+ تقيـم:music_whistling:

 
هده غنية لازم تعطيها للطفي دوبل كانو يغنيها
يعطيك الصحة مينو عندك الحق في كلامك
 
السلام عليكم أمينو

واش دير هذا نصيبهم
ياو يقولو اللي يحب الدنيا تجيه ساهلة ماهلة وكيما يشتهي
لكن العاقبة واعرة بزااااااف
لايوجد أحسن من الحياة البسيطة
شكرا لك
بارك الله فيك


اهلا خويا الموح كي راك حبيبي

والله كلامك كبير خويا الموح

ربي يبارك فيك

تحياتي ليك

صحيت
 
و الله راه مؤلف و حنا ماعلابالناش بيك علاه ما خبرتناش من بكري
ههههههههههه لكن موضوع جيد و ممتاز
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top