لأول مرة *المسمن* مع انيسة

[anissa 13]

بسم الله الرحمن الرحيم


المكونات

500 غ فرينة
200 غ سميد رقيق
1 معيلقة تاع الاكل من خميرة الخبز
ملح
ماء دافيء حوالي كوب يعني باه نلمو العجينة
زيت

الطريقة
رايحين نلمو المكونات فرينة و سميد و خميرة وملح وماء
نبقاو ندلكو لمدة 20 دقيقة باه العجينة تتماسك مع بعضها





من بعد نقطعو العجينة على شكل أجزاء صغيرة كل جزء نعملوه في طاس مع الزبدة المدوبة حوالي ملعقتين من الزبدة ونخلوه على هاد الحالة لمدة 30 دقيقة اي نصف ساعة



بعد 30 دقيقة ناخذو بالجزء ونورقوه مليح
حرزي غير يتقطعلك وخليه مشمخ بالزبدة الدايبة
ونبقاو نطويو بالجزء كيما موضح فالصور وكل جزء نطووه ندهموه ايضا بالزبدة الدايبة
الطوي كيما طريقة طوي المحاجب نفس الشي




هكدا حتى نتوصلو لشكل مربع
ناخدو بالحبة نطيبوها
ماتوضعوهاش فالمقلاة لا لا
لازم تطيب في فرن او طاجين تقيل
تخلوها حتى تتحمر
وهاهو الشكل النهائي




تقدموها مع الشاي والعسل
وبصحة وعافية
من انتاج أنيسة
​

 

[حنان13]

مممممم جاك هااايل يعطيك الصحة انيسة
​

 

[MIMICHA1977]

تبارك الله عليك هااااااايل
ماننحرم فيض ابداعاتك .
تسلم يدك

 

[حكيك]

رائع انيسة
يعطيك الصحة

 

[HAMOUDI2000]

​

 

[HAMOUDI2000]

يعطييييييييييييييييييييك الصحة على النقل الحي هههههههههههه مشكورة الصور مباشرة من مطبخ انيسة

 

[نبض الحياة]

يعطيك الصحة حبيبتي
نموووووت عليه
شكرااااااااا

 

[هــــيلدا]

يعطيك الصحة انوسة،
حنا نديروهم بصح بعجينة الشخشوخة عادي، ونحطوهم حتا في العراس بالعسل الحر،
سلمت يداك
​

 

[زهرة الندى]

اممممممممممممممممممممممم تشهي

تســـــــــــــــــــــــــلم ايدك اختــــــي انيسة

يعطيـــــــــــك الصــــــــــــــحة ​

 

[ibtesem]

هايل يعطيك الصحة وينو الشاي
باش تكمل البنة

 

[merieme hassi]

 

[nissma34]

شكرا نتمنالك الشفاء باذن الله

 

[merieme hassi]

 

[اميرة المنتدى]

يعطيك الصحة​

 

[بيكهام]

اسكتي برك راه جاي رمضان ربي يستر
تحياتي لك ​

 

[المتفائلة_91]

مليحة بصح malheureusement مابانوليش الصور


مشكورة

 

[ام بشورة]

مسيمنات هايلين:thumb_up2: ومحمرين ومجمرين كيما نحبهم :heh::tongue_2:خسارة ما جيتش قريبة :crying_1:مشكوووووووووووووووورة اخيتي ومزيد من الاكلات الظريفة كيما انت:luve_1:

 

[mizora]

الحق انا ما نحبوش
بصح حنا نسموها معروكة و نديروها بالدقيق و ندلكوه مليح و نزيدولو ملح بعد ما ندلكو
و نتبعو نفس طريقتك ونديرو زيت في بلاصة الزبدة و ما نخلوهش في الزبدة كيما راكي تقولي و نطيبوها في الطاوة كما الكسرة

 

[اميرة وهران]

يعطيك الصحة

مسمن رائع

 

[nawal1980]

جاك هايل ما شاء الله
يعطيك الصحة اختي:wink: