إلا أنت
ناس تجي وتروح وقلبي بمحله
وناس معاها تأخذ القلب وتروح
ياسيدي بالقلب مليون عله
لامن برى جرح ٍ لفت قلبي جروح
وين انت ياللي مالك القلب كله
والنوم ماله داخل العين مصلوح
تعال واترك عادلي ارجوك خله
وأسمع كلام الروح لحبيب الروح
أرحم خفوق ٍ في يمينك تتله
مادام العمر بيديك ياشوق مطروح
إيه اعترف بالحب ولا هو مذله
وإني بهواك أصبحت مجرم ومذبوح
وإن قالوا العدال غيره تدله
قلت البلا للغير وكيف انا أبوح
هو غايتي وكل العمر فدوة له
يبقى الغلا وما همني لاراحت الروح
ياصاحبي وشلون ترخصني بزله
ومنك الخطأ لاجاني ياشوق مدموح
بيدك عقدت القلب وبيدك تحله
وانت على مافات يازين مسموح
ناسٍ تجي وتروح وقلبي بمحله
إلا أنت لاجيت تأخذ القلب وتروح
