عرض خدمة

[أم بكر]

بارك الله فيك أختي عل مجهودك والله معلومات مفيدة يعطيك الصحة.
انا والله طلبي مثل طلب الأختimmy ياريت تقديميلنا أنواع حلويات و تكون مجربة
بارك الله فيك

 

[nissma34]

بارك الله فيك أختي عل مجهودك والله معلومات مفيدة يعطيك الصحة.
انا والله طلبي مثل طلب الأختimmy ياريت تقديميلنا أنواع حلويات و تكون مجربة
بارك الله فيك

اطلبي اي حلوى تحوسي وانا في الخدمة وتاكدي انا اين وصفة او نصيحة اقدمها في هذا الموضوع مجربة مني شخصيا .

 

[nissma34]

السلام عليكم

شوفي اختي بغيت اربع انواع تاع قاطو ملاح وما يتشابهوش

شكرامقدما

1-حلوى البنيون سهلة وبنينة وناجحة 100 في 100 وماطيبش

​

​

2 علب بيمو
كأس كوكاو مرحي
علبة حلوة الترك
زبدة
شكولا سوداء
شكولا بيضاء
شوكي لي زي نوتيلا مي هي تاع بلادنا ماهيش غالية
نرحي البيمو +الكوكاو مرحي +حلوة الترك
ونجمع بالزبدة المذابة حتى الحصول على عجينة
نأخذ كرية من الخليط نضع ملعقة صغيرة شوكي
ونغلق ونلفها نضعها في الثلاجة حتى تتماسك
نذيب الشوكا مع قليل من الحليب والزبدة +شوية كاكاو على حمام مريم وقطرة زيت وملعقة ماء بارد جدا
نغطس الحبات في الشكولا ونزينها بخطوط شكولا بيضاء
ملاحظة :يمكن بعد ما تغطسيها في الشكولا تزينها باي نوع من المكسرات لي عندك او شكولا فرميسال تطلع هايلة ​

2- حلوى بالعسل *زهرة الرمال *https://www.4algeria.com/vb/attachment.php?attachmentid=14199&d=1269379296هايلة ذوقها رائع جربتها شحال من مرة​

https://www.4algeria.com/vb/attachment.php?attachmentid=14199&d=1269379296
4-كيلات فرينة
كيلة مارغارين
قرصة فاني
ماء زهر
للتزيين
-باكي ديول
لماع ذهبي
-مارغارين
للحشو
-3 كيلات لوز مرحي
-كيلة سكر عادي
-مبشور ليمون
4 الى 5 بيضات
عســــــــــــــــــ ل ​

نخلط الفرينة مع المارغرين جيدا +الفاني ونلم العجينة ب ماء زهر نتركها جانبا ترتاح ثم نرقها في ماكنة العجينة 4 ثم 7
نضعها في قوالب القنيدلات
نحضر الحشو نخلط اللوز مع السكر و مبشور الليمون ثم نبلل العجينة بالبيض للحصول على حشو نوع ما ليس كثيرا طبعا.
نقطع اوراق الديول الى دوائر قطر 4 سم
ثم نملئ بالحشو 3/4 المول .
ناخذ الدوائر قطر 4 سم نطوي الدائرة على 2 ثم على 2 نحصل على وردة بواسطة عود اسنان نثقب الحشو و نثبت الوردات م 4 وردات بادخلها داخل الحشو ندهنها بالمارغرين(يجب ادخال الوردات جيدا في الحشو لان الحشو رايح يطلع عند الطهي ) ثم نطهيها في فرن لمدة 20 دقيقة حتى تأخذ اللون الذهبي و فور اخراجها من الفرن نغطسها في العسل المعطر بماء الزهر و نرش قليل من اللماع الغذائى الذهبي حواف الديول.
​

 

[ملكة زماني]

ميرسي اختي زيديلي زوج
دك نجربهم و نقولك​

 

[nissma34]

ميرسي اختي زيديلي زوج​

دك نجربهم و نقولك​

حلوى القطايف روعة

باكي قطايف رقيقة( تاع سوريا)
شوية سمن
للحشو
250 غ لوز او كاوكاو لكن باللوز الدوق يجي خير
100 غ سكر عادي
مبشور ليمون
ماء زهر
للتزيين
حبات كاملة (نواى دكاجو-بندق )
بيستاش مرحي خشين
شربات (عسل خفيف)
نضع القطايف في صحن غامق نرشو بشوية سمن
نحضر الحشو نرحي اللوز مع السكر +مبشور الليمون ونشمخ بماء الزهر .
نجيب سنيوات ندير طبقة قطايف +ملعقة كبيرة حشو ونغطي بالقطايف ثم نضع قليل من الحشو من الفوق باه نلصق المكسرات نثبت 4 نواى دكاجو واقفين و بيناتهم بندقات 4
+ قطع صغار جدا سمن من الفوق ونطهيها في الفرن عند اخراجها تتعسل ونضع في الوسط البيستاش المرحي وتترك ليلى كاملة قبل التقديم
نتمنى الشرح باين كشما حاجة je suis la​

 

[linda_girl]

اختي حبيت نسقسيك على العجينة الي يستعملوها في حلويات كما رزيمات او الياسمينية على خاطر انا كي ندير العجينة ما توقفليش والشكل ما يجيش قاع عكس الي نشوفها في المحلات ولا في الكتب نتاع الحلويات بغيت نعرف العفسة الي راهم يدروها
ربي يخليك عاونيني راني حاصلة اختي ومشكورة مسبقا

 

[sabira]

شكرا اختي الكريمة من فضلك يخصني les gateaux sec يلا عندك

 

[الهام سطيف]

جزاك الله خيرا وهنيئا لك

 

[اميرة الساحل]

السلام عليكم كامل​

اهلا اختي نسمة ان شاء الله تكوني بخير
1/حبيت نسقسيك فيما يخص ميل فاي لوكان تمديلي المقادير و طريقة عمل العجينة المورقة و قوليلي نوع الفرينة و زبدة اللي نستعملها باش تنجحلي
2/ كذلك لاجينواز كيفاش نعملوها
في انتظار الرد تقبلي احلى تحية مني

 

[nissma34]

اختي حبيت نسقسيك على العجينة الي يستعملوها في حلويات كما رزيمات او الياسمينية على خاطر انا كي ندير العجينة ما توقفليش والشكل ما يجيش قاع عكس الي نشوفها في المحلات ولا في الكتب نتاع الحلويات بغيت نعرف العفسة الي راهم يدروها
ربي يخليك عاونيني راني حاصلة اختي ومشكورة مسبقا

4 كيلات فرينة
01 كيلة مارغارين طرية
شوية فاني
ماء زهر (اذا حبيتي تلوني العجينة زيدي ملون في ماء زهر)
نضع الفرينة نزيدلها المارغرين وندخل مليح باليد +الفاني ونجمع بماء زهر نحصل على عجينة طرية نضعها في كيس بلاستيكي ونتركها ترتاح
نحل شوية العجينة و نرشها بالنشاء ونعقبها في الة العجينة (ضروري الالة باش ما جيش معجنة ) نعقبها في الرقم 4 ثم 6 مثلا لما نديرو الدزيريات نقطع دوائر وندهن بباض البيض هو لي يساعدك توقفي العجينة وتبنسيها حول العجينة جربي الطريقة بالخطوات اكيد تنجحي بالتوفيق

 

[saida07]

طلب سريع ارجو الاجابة عليه وهو
كريمة الزبدة تصنع فقط من الزبدة و السيرو الابيض
او الزبدة و الفوندو
ارجو الرد
شكر على المجهود
و ياريت يتم وضع برنامج مثبت يرد على استفسارات و طلبات الاعضاء

 

[ميسون]

مساء الخير حبيبتي
انا نطلب منك واحد الحلوة تجي على شكل مقرطات
وتترمد في الكاكاو وفي داخلها الجلجلان
يارب تكوني فهمتيني
ولك مني صالح الدعاء
​

 

[nissma34]

طلب سريع ارجو الاجابة عليه وهو
كريمة الزبدة تصنع فقط من الزبدة و السيرو الابيض
او الزبدة و الفوندو
ارجو الرد
شكر على المجهود
و ياريت يتم وضع برنامج مثبت يرد على استفسارات و طلبات الاعضاء

1-كاين عدة طرق لصناعة كريمة الزبدة وكاين طريقة لتصنع بالزبدة واليسرو
250 غ زبدة
180 غ سكر
05 صفار البيض
6 سل ماء
معطر حسب الذوق قهوة او فاني اوشكولا
نصنع السيرو بوضع السكر مع الماء فوق النار يعقد قليلا
نضرب صفار البيض
لما يعقد السيرو نضيفه الى صفار البيض ونحفق بسرعة باش ميطبش البيض ونستمر في الخفق حتى يبرد شوية الخليط و يتضاعف حجمه الى 03 مرات ثم نضع قطع الزبدة ونخفق جيدا حتى نحصل على كريمة زبدة طرية تنكه حسب الذوق.
2- وهاذي كريمة الزبدة بالشكولا جي روعة
200 غ زبدة
200 غ سكر رطب
2 مغارف كبار كاكاو او نيسكافي او قهوة تقيلة جدا
1/2 بار تاع شكولا ميزان
فاني سائل ملعقة صغيرة
4 صفار بيض
نخدم الزبدة مع السكر جيدا +صفار البيض ثم الكاكاو+الفاني +شكولا نحصل على كريمة نضعها في الثلاجة مدة باه تبرد مليح وتشد روحها مليح واطلي بها تارت جربيها وقوليلي مذاقها هايل لكن خيري شكولا ذوق مليح بالتوفيق
3- بالفوندو والزبدة
تخفق الزبدة جيدا ويضاف le fondant تخلط نفس المقدار هادي بدون بيض

 

[nissma34]

مساء الخير حبيبتي ​

انا نطلب منك واحد الحلوة تجي على شكل مقرطات
وتترمد في الكاكاو وفي داخلها الجلجلان
يارب تكوني فهمتيني
ولك مني صالح الدعاء​

بلاك اختي تقصدي حلوى القطيفة مي انا ندريها بلا جنجلان
4بيضات ؛ كاس سكر عادي ؛ 250غ زبدة طرية ؛ كاس نشاء ؛ كيس فاني ؛كيس خمارة ؛ 2ملاعق اكل عصير ليمون ؛ الفرينة حسب الخليط ؛ التزين : نوات كوكو ؛ 2 م/ك كاكو ؛ 2 م/ك سكر عادي ؛عسل +معجون. الطريقة : حكي جيدا البيض مع السكر ثم اضيفي الزبدة حتى تصبح كريما بعد ذلك اضيفي النشاء +فاني + الخمارة مع الخلط الجيد ثم نضع الليمون و نشيح بالفرينة حتى تتكون عجينة طرية نشكلها حرابيش طويلة ونقطع مقروطات نضعها في البلاطو ثم الى الفرن نخرجها ثم نمررها في في خليط العسل والمعجون ثم نزينها كالتالي : ضعي نوات كوكو في قدر صغير على نار متوسطة حتى يتحمر شوية واطفئي النار ثم اضيفي الكاكاو والسكر وحركيهم بسرعة ثم مرر الحلوة عليها .شلكها يجي كي القطيفة من الفوق
حلوى اخرى

قاطو القطيفة 02
250 غ مارغارين
2 فلان فاني
2 بيضات
1 خميرة
250 غ نشاء
كاس جنجلانية مرحية
الفرينة
خلطي جميع المقادير واجمعي بالفرينة وشكلي حرابيش واقطعي مثلثات طيبهم في فرن واغطسيهم في الشكولا ورمديهم في الشكولا لي ربيتها في لا راب تاع البصل الرقيقة


​

 

[nissma34]

السلام عليكم كامل​

اهلا اختي نسمة ان شاء الله تكوني بخير
1/حبيت نسقسيك فيما يخص ميل فاي لوكان تمديلي المقادير و طريقة عمل العجينة المورقة و قوليلي نوع الفرينة و زبدة اللي نستعملها باش تنجحلي
2/ كذلك لاجينواز كيفاش نعملوها
في انتظار الرد تقبلي احلى تحية مني

اكيد رايحة نكتبلك المقادير

 

[sabira]

اختي العزيزة نسيمة مرتين وانا اطلب منكي طلب ولم تردي عليه. وشكرا على مجهوداتكي القيمة

 

[nissma34]

شكرا اختي الكريمة من فضلك يخصني les gateaux sec يلا عندك

اسمحيلي اختي صبيرة ما تزعفيش عليا برك تقصدي قاطو simple ماش تاع لعراس اكيد عندي عدة انواع رايحة نكتبهملك انشاء الله

 

[sabira]

شكرا جزيلا لكي عزيزتي

 

[linda_girl]

ربي يحفضك اختي ويعطيك واش تتمني راكي فدتينا بزاف شكرا ليك تعبناك معنا

 

[nissma34]

ربي يحفضك اختي ويعطيك واش تتمني راكي فدتينا بزاف شكرا ليك تعبناك معنا

بلا مزيا اختي