يابنتي راك نتي لقديمة ماشي هيا ...

ماكانش

:: عضو بارز ::
أحباب اللمة
إنضم
15 جوان 2010
المشاركات
7,712
نقاط التفاعل
2,463
النقاط
351
السلام عليكم ورحمة الله وبركاته
واش راكم خاوتي لاباس بخير
كنت نسمع بكري بلي راهم يقولو على وحدة ساترة روحها، وماشي متبرجة ...
وماتمشيش وماديرش صاحبها وماديرش علاقات وماتمدش النيميرو تاعها
بلي قديمة ومعقدة ووو ...
من بعد حسبت هاد العقلية راحت والناس تعلمو وولاو يعرفو الصح ...
حتى لقيت قبل ب3 أيام وحدة شكات وفرغت قلبها من خرين قالو عليها بلي معقدة وقديمة لاخاطر ماشي كيفهم هيا مستورة ووو ...
وتعجبت يا خاوتي كيفاه تعكست الأمورن وولات المتبرجة هيا الي ماشي قديمةن والمستورة هيا لقديمة ؟؟؟
والله حيرة ...
وربي سبحانو في القران الكريم قال على المتبرجات بلي راهم هوما لقدم وهوما ألي راهم يديرو في فعل النساء لقدم نساء الجاهلية ...
ووصاهم ربي باه مايديروش كيما النساء لقدم ...
قال تعالى في سورة الأحزاب:
"ولا تبرجن تبرج الجاهلية الأولى ..."
من هاد الأية نعرفو بلي المتبرجات هوما ألي راهم قدم، والمستورات راهم متحضرين
لأنو ربي هكدا قال وواحد مايعرف كيفو
الفكرة راهي وصلت والسلام عليكم
 
وعليكم السلام ورحمة الله تعالى وبركاتــه

والله كلامك في الصميم
في وقتنا معدناش نعرفو الصح من الغالط
المستورة يضيع حقها وتتسمى هي الغالطة
والمتبرجة فور ومكانش كيفها
ويقولو :: علاش النساء يتبرجو ؟ ::
والله تحير
ربي يهدينا
يعطيك الصحة خويا


 

اي وي خويا هذي هي الحال في هذا الوقت

وحدة مين تكون ساترة روحها و ماتمشيش مع الاولاد يقوللها كاvــية

ربي يهدي اللي خلق ، سبحان الله و الله غير الواحد يحير مع العقليات هاذوا

مرسي خويا على الموضوع

دمت


 
وعليكم السلام
كل واحد يتحاسب على فعالو
شكرا على الموضوع
 
اي وي خويا هذي هي الحال في هذا الوقت
 
قال تعالى في سورة الأحزاب:
"ولا تبرجن تبرج الجاهلية الأولى ..."

من هاد الأية نعرفو بلي المتبرجات هوما ألي راهم قدم، والمستورات راهم متحضرين
لأنو ربي هكدا قال وواحد مايعرف كيفو
الفكرة راهي وصلت والسلام عليكم


يعطـــــــــيك الصحة راك جبتها في الصميم+1
 
صح يا خويا الباتني كاين منها هذي تع معقدة
رانا وصلنا لوحد الوقت ربي يلطف بينا
مرسي موضوع فور
 
والله يا خويا كاين ناس هبلت كيفي ملي تروح تسمع كلمة معقدة
قالك علاه متحكيش مع دكورة نورمال برك هدرنا قالك معقدة
قالك علاه تحبي القراية ياسر وتحكي عليها موليناش نحكيو عليها قالك معقدة
قاللك علاه متمشيش مع الدكورة الا هادي لا
وعرفت انو الناس تعرف غير تحكي وانا الي الصح
مع اني غلطت فترة ولمو عليا شلة مش مليحة وعلى طول عرفت الصح من الغلط ومغلطش في حياتي وهدا كلو لاني رجعت للتربية والدين
 
اول خطرة نعرف بلي راك باتني :yahoo::yahoo:
لالا هيا مش قديمة:closedeyes:
و حتى الي راهي تصاحب مش قديمة:closedeyes:
نقلك شكون القديمة..
حنونتي الي مدايرتها كبيرة في حياتها و من 15 سنة و هيا مصاحبة
و تجيك فاللمة تقلك اقراي سورة النور :music_whistling: و انا لا اعلم عن الحب شيئا :glare:
 
المشكلـ في التصرفــاتــ،،
ولاتـ الطفلة ما تتصرفشـ بشكلـ لبقـ و متخلقـ راكمـ شفتو الشارعـ كيفاه،،،
و نظنـ بلي الطفلة بشخصيتهـا تقدر تخير بينـ التبرج و الستر و لكنـ أكثر من هذا تخير التصرفاتـ تاعها،،،
و زيد حنا الشبابـ نتحملو مسؤولية اذا كنـا و رانا شفنا بعضا من ابنـ جلدتنا يجرو كي الكلابـ ورا البنـات و يطيحو بقيمتهم قدامهم غير علاجالـ حاجا راكمـ علابالكمـ وش هيــ،،،
 
وعليك السلام
في وقتنا هدا لازم الحشمة تطير:blushing:
واللبسة تنقص في الطول وفالعرض
واللسان يتعوج
والعينين ميهفتوش
باش تولي الطفلة متحضرة
وتواكب تطورات العصر
والا فراهي من العالم المتخلف
هدا في نظر الناس الناقصة بالطبع:busted_red:
اخر وقت و صلنا ليه
ربي يهدينا ويصلح الاحوال
بوركت اخي على الموضوع:re_gards:
تقبل مروري

 
آخر تعديل:
وعليكم السلام ورحمة الله تعالى وبركاتــه


والله كلامك في الصميم
في وقتنا معدناش نعرفو الصح من الغالط
المستورة يضيع حقها وتتسمى هي الغالطة
والمتبرجة فور ومكانش كيفها
ويقولو :: علاش النساء يتبرجو ؟ ::
والله تحير
ربي يهدينا
يعطيك الصحة خويا
ربي يحفظك
ختي
وربي يهدينا
 
سلام
ايه والله كيما راكي تقول
مي غير شياطين وراكي تعرفي اغراء الشيطان
الحمدلله على كل النعم
والفاهمة تفهم
شكرا على الموضوع
ربي يوفقك
 
شكرا على الموضوع المميز
وهذا هو الواقع الي رانا فيه
 
ولا نساء من نساء عسى ان يكن خير منهن
 
بــآرك الله فيـــــك
 
وعليكم السلام ورحمة الله وبركاته

شكرا على الموضوع
 
القران صالح لكل مكان وزمان
كيفاه حاجة يقولها ربي في القران يقولو عليها قديمة ؟؟؟؟؟؟؟
ربي يهديهم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top