• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

هل جميل المصارحة للاصدقاء

ي

يسرى 2008

:: عضو متألق ::
أوفياء اللمة
السلام عليكم ورحمة الله تعالى وبركاته
ايا السخانة عاملة حالا عنا في عنابة والدبان يدور :busted_red::busted_red::busted_red::busted_red:
جا في بالي نطرح موضوع على الصداقة
باسكو نعرف كاين صداقات تختلف ياسر كاين الي جرب صداقات مش مليحة كاين الي خانوه صحابو كاين الي صحابو مخلصين
هل انتم مع او ضد الطفلة تصاحب شلة ومعاهم دكورة وتعتبرهم كي خواتاتها وهوما تاني كي اختهم وينصحوها هي والشلة الكل ونصائح سليمة والشلة هاديك معروفة باللي راهي محترمة او ضد
حبيت نسقسي سورتو تقبل تمشي وتلقا اختك اي مع الشلة هاديك تاع 2 بنات و3 دكورة وتروح معاهم وتجي معاهم ولالا بصح بشرط بالتربية تحكي معاهم
وشكرا
 
أنا بالنسبة ليا أبدا باش ندير الذكورة صحابي
بلاك أيامات لقراية ok زعمة مروحة مع شلة تاع بنات و ذكور محترمين أيه نورمال
مشكورة بنت بلادي​
 
لالالالالالالا أصدقاء بنات ممكن ذكورا لالالالا
 
لا لا انا صحابي ذكورة الصح يوقال


 
أنا بالنسبة ليا أبدا باش ندير البنات صحابي ​
 
نشكركم على الرد مي والله وقت القراية الدكورة خرمن البنات
البنات تلقاهم يغيرو منك بصح الدكورة يجيبولك كلش لليدك مش كيف كيف
 
انا عندي صحاباتي بنات دكورة لالالالا
الدكورة تاع القسم ديالنا نصهم ما نعرفوش
النص لاخر قرا معايا
وبيناتنا غير الهدرة في لقراية وبس
مرسي موضوع هايل
 
انا الغاشي تاع القسم منحكيش معاه سورتو الدكورة حتى البنات لا نمشي وحدي في القسم ههه
 
نقولك الصح لبنات ولينا نشوفو منهم لعجب ديريها حبيبتك ترجع عدوتك تخبي عندها سرك تلقايهم منشور وناس تهدر عليك لافيريتي انا وحدة من ناس نحب نصاحب لولاد لمربيين تلقايهم يعزوك كما خواتاتهم واحد مايغلط فيك وفي الشدة تلقايه يوقف معاك خير من الف طفلة ديما بيناتنا الاحترام
مرسي حنونة ع الطرح ​
 
انا تاني وليت كيفك اختي قداه من طفلة لعبت بيا هكا حتى كرهت البنات خلاه ونصاحب في الدكورة القارين والمتربين ويشتيوك كي اختهم وبيانسير باحترامهم نحكي معاهم
 
الاختلاط بين الجنسين حرام مهما كانت الثقة
 
مرسي يسرى اختي على الموضوع
واش نقولك واش تحبي دوكا عادت مكان حتى صداقة لا بين الطفلة والطفلة
لا بين الاولاد في بعضهم
ولينا في زمن انا عندي صحباتي شوية ماشي بزاف يختي عندي زوج بنات برك
با النسبة للاولاد للالا معنديش اصلا احنا في باتنة شوية مناش كيما الولايات الساحلية عندنا وحدة كي تصاحب طفل شوية مزالنا منفهموهاش
مي في هذا الزمان صحبي طفل ومديريش طفلة
البنات ام والو واعرين
 
شفتي يا اختي
والله غير الغضرة الي عملوهالي البنات اي مننساهاش
بصح الدكورة مهما كان كاين من النوع مش مليح ربي يبعدهم
 
وعليكم السلاام,,

انا الصحاب اعتزلتهم دوليا(بنات,ذكورا)

مـرسي عـ الميـــــضوع​
 
مالا كيفاه عايشة اختي بلا صحاب
 
صراحة ختيـ ما نكذبشـ عليكـ،،،
رانا علابالنـا الطفلـ في الجزائر كي يقدمـ لطفلة وشـ يحوسـ الا من رحمـ ربيـ،،،
و ما يهفونا لا بالحبـ لا بالاحترامـ لا والو،،
اذا ما نخليش ختي تدير هاذ الحوايجـ و تدخلـ لواحد المجالاتـ لي ما تخرجشـ على خير،،،
كونـ شفنا زملاء الدراسة الذكور يقعدو زملاء صح كون معليش بصحـ غير لي تلقايه فازد كيف الاخرين راني طفل و علابالي مجتمع الرجال وش فيه،،،​
 
والله عندك حق خويا احنا البنات نشوفو واحد قالنا كلمة مليحة ومتربي شوي سيبو
وهوما ينصبو خططهم مي انا نحكي في ميدان الدراسة والزمالة برك وممكن مفيدة في مشاركة الاراء خصوصا في ناس تحب تقرا كيفي
 
رانا في وقت صعيب ومكاش ثقة لا في البنت ولا في الولد
وكامل لي يحبوك يحبوك علاجال صوالحهم
في وقت لقرايا نقصر مع لولاد مي غير في ليكول
اما لبنات عند 2 صحاباتي برك
مرسي حنونة على الموضوع
تحياتي
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom