الي جابو 18 في الباك عملهم بوتفليقة رحلة الى تركيا ايا الى جابوه والي مجابوهوش ادخلو

[يسرى 2008]

السلام عليكم
وشراكم يا اعضاء اللمة
بدون مقدمات سمعتو بالي السنة جا نظام جديد قالك الي يدي 18 ولا 17 في الباك يروح للرحلة انا سمعت 18 يروحو لتركيا و17 داوهم لسوريا
والغاشي او فارح ومسكين الي دا 13 ولا 12 ولا 11 ولا 15 مشو عبدد هدا مخدمش كي الناس ولا يمدو الاولويات لل18 و17
المهم ماشو موضوعنا هادي هي الدولة
انا نحب نعرف برك التفريق بين المعدلات الي في بلادنا تلقا واحد يقلك اني ديت الباك ب 10 تقلو مبروك عليك يجي واحد يقلك اني ديتو ب 14 تولي تشوف فيه حاجا كبيرة وتاع 10 هاداك اونديري حجرة قدامك
وادا جا واحد اوخر يقلك اني ديتو ب 16 الله اكبر تنسا تاع 10 وتاع 14 ويجيوك نورمال والى ...
علاه التفريق بين النقاط هدا لاه الي مداوش 18 ز17 مشهم عباد مخدموش ومتعبوش عليه ومبكاوش ومصهروش الليل
يقولو ناس بكري الباك كود شونس
وهو صح كود شونس انا نعرف ناس قارية ومداتوش
باسكو مكانش الزهر
متقلقوش يا ناس الباك اني مشني من الباك ومازال بكري عليا مي اني عاملتكم فواياج لتونس الله غالب اني زوالية ههه صواردي على قدي ايا ازربو سجلو قبل ما يروح الوقت اني نقبل غير 10 والي حاب يحط صوارد لله في سبيل الله يتفضل وتزيد العدد هههههههههههههههه
سؤالي هو على التفريق وشكرا

 

[هــــيلدا]

وعليكم السلام
والله متفهمي سرسورة،،
ياك كامل عباد وكامل قراو باش وصلو، تبقا علا كل واحد وعقلو وكل واحد وذكاءو،
بصح للي دا ب 10 ولا ب 18 بانتلي لزوج تعبو وقراو،
هاذي هي حالة المجتمع نتاعنا، يخرجولك بتصرفات متفهمي والو،
ايا راني سمعت بيك حليتي وكالة للسياحة والسفر، اختك باباها مزال حاشرها في الدار، والباك عندي سنين مللي ديتو،
بيناتنا سجليني ومنقول لحتا واحد:yahoo:​

 

[مروى ي]

واش راح نديري يا اختي رانا في بلاد ميكي
ربي يصلح الامور هدا ما نقدر نقولك
ومرسي لك خيتو
​

 

[AnGeL*dZ]

صاحبتها تاع اختي جابت الباك 17 ونص
نهار الثلاتاء ان شاء الله تروح للترك
هو اللي تعب وقرا نجح
وشوفي النسبة قداه اللي داو ايماجيني كامل يبعتهم للترك ماشي يعود الرئيس خاسر في لافار هههههههههههههه
ايا سجليني عندك ههههه
​

 

[TOUTA32]

نقولك حاجة برك راهو دا ب 17 مبعد يتخلط كيفو كيف نتاع 12 13
انا قراو معايا اخرين داو الباك ب 16 قسما بالله ذرك راهم يلقفو بالراتراباج

 

[رموش الحب]

بلاد ميكي

و مابقاش باك

كلش مفابريكي​

 

[nassim007]

و الله مابقى باك
لا باك لا قراية
​

 

[DARINE05]

والله الباك عاه هذا ولا شيفون كي عطهم الباك وهردهم في التخصوصات تسما ناس بزاف راح تعودو

 

[أسماء الجزائر]

لا باك لا والو صحبتي كانت تقعد معايا تجيب في الفصول 13 وانا نجيب خير منها 14 وفي الباك طارت لل15
واش هذا الباك والقلق نتاعو ومن بعد ولى ساهل بززززززاف على الفصول
والارى كانت تدي 12 وجابت الباك ب15
والله تحير وتدوخ
و المشكل راهم مخلوعين برواحهم وقالوا نديروا طب وهوما والو في français حسبو الطب conjugaison ولا orthographe

 

[47yassin]

نقولك حاجة برك راهو دا ب 17 مبعد يتخلط كيفو كيف نتاع 12 13
انا قراو معايا اخرين داو الباك ب 16 قسما بالله ذرك راهم يلقفو بالراتراباج

هذي الى مدوختني داو 16 ومنباعد يطيحو في الجامعة
​

 

[47yassin]

لا باك لا والو صحبتي كانت تقعد معايا تجيب في الفصول 13 وانا نجيب خير منها 14 وفي الباك طارت لل15
واش هذا الباك والقلق نتاعو ومن بعد ولى ساهل بززززززاف على الفصول
والارى كانت تدي 12 وجابت الباك ب15
والله تحير وتدوخ
و المشكل راهم مخلوعين برواحهم وقالوا نديروا طب وهوما والو في français حسبو الطب conjugaison ولا orthographe

ههههههههههههههههههه
عندك حق ختي معظمهم مخلوعين من رواحم قراو زوج كلمات في اللغات قالك نديرو طب ونروحو للخارج
​

 

[chemssou007]

انا نقولك كلمة ،،،
حاشا البعضـ تاع 18 ما بقاوش تاع 18
تلقا Niveau تاعو ما يتعداش الكراس و المعلومات لي يعطيهملو الأستاذ يعني مستوى ثقافي 0
قولي للرئيس تاعك السي بوتفليقة يسقم الحال تاع الثقافة في بلادنـا و يسقمـ النظامت الدراسي و الترك نقدرو نروحولها بجيوبنـا!!!​

 

[chemssou007]

نزيد نقولك معلومة على العباقرة لي يبعثوهمـ يقراو في الخــارجــ
نصهم راهم يرجعو و نصهمـ يعقبو العامـ بـ4 عوامــ
النـ Niveau الي ثم مش أستاذ عيشك سهلنا الامتحانـــ،،،
المهمـ اللي نعرفو انا قاري و عبقري و هذو الحوايج هو الانسان المثقف مش عباد يبقا يحفظ وش قرا كي الببغاء و يكتبو في الامتحان غدوا،،،
مولا 18 تقولو أكتبلي رسالة طلب عمل بشكل رسمي ما يعرفشـ،،،
يحلفلنا الاستاذ تاعنا قالنا جماعة في الماجيستار تاع التسويقـ
عطالهم سؤالـ ما هو التسويقــ..
حصلو ما عرفوش Pourtant يقراو تخصص تسويق منذ 4 سنينـ،،،​

 

[47yassin]

انا نقولك كلمة ،،،
حاشا البعضـ تاع 18 ما بقاوش تاع 18
تلقا niveau تاعو ما يتعداش الكراس و المعلومات لي يعطيهملو الأستاذ يعني مستوى ثقافي 0
قولي للرئيس تاعك السي بوتفليقة يسقم الحال تاع الثقافة في بلادنـا و يسقمـ النظامت الدراسي و الترك نقدرو نروحولها بجيوبنـا!!!​

نزيد نقولك معلومة على العباقرة لي يبعثوهمـ يقراو في الخــارجــ
نصهم راهم يرجعو و نصهمـ يعقبو العامـ بـ4 عوامــ
النـ niveau الي ثم مش أستاذ عيشك سهلنا الامتحانـــ،،،
المهمـ اللي نعرفو انا قاري و عبقري و هذو الحوايج هو الانسان المثقف مش عباد يبقا يحفظ وش قرا كي الببغاء و يكتبو في الامتحان غدوا،،،
مولا 18 تقولو أكتبلي رسالة طلب عمل بشكل رسمي ما يعرفشـ،،،
يحلفلنا الاستاذ تاعنا قالنا جماعة في الماجيستار تاع التسويقـ
عطالهم سؤالـ ما هو التسويقــ..
حصلو ما عرفوش pourtant يقراو تخصص تسويق منذ 4 سنينـ،،،​

والله ياخويا فرحت كي شوفت واحد مشاء الله كيما نتا يفهم ويعقل على خاطر راني نعاني من جهل والغرور نتاع الناس
مشكور جدا ومتشرف ياسر بناس كيما نتا
​

 

[chemssou007]

والله ياخويا فرحت كي شوفت واحد مشاء الله كيما نتا يفهم ويعقل على خاطر راني نعاني من جهل والغرور نتاع الناس

مشكور جدا ومتشرف ياسر بناس كيما نتا
​

بارك الله فيك شعور متبادلـــ،،،
تحيـــاتيـ،،​

 

[miriama]

يا حسراه على باك زمان
اعلى معدل 13 او 14
وضرك قالك17 و18 وقريب من 19 بجزء صغير
وين رانا رايحين
هاذو عباقرة في رأيي الدولة
مي معليهش يبانو في الجامعات
شكرا عزيزتي على الطرح​

 

[sami19280]

بالتوفـــــــــــــيق للجميع ان شاء الله

 

[THE GNAWIE]

انا صحبت اختي جابت 17
و راي رايحة لسوريا
امممممممممم
قلتها ساليلي برك على مكسيم خليل

​

 

[يسرى 2008]

وعليكم السلام
والله متفهمي سرسورة،،
ياك كامل عباد وكامل قراو باش وصلو، تبقا علا كل واحد وعقلو وكل واحد وذكاءو،
بصح للي دا ب 10 ولا ب 18 بانتلي لزوج تعبو وقراو،
هاذي هي حالة المجتمع نتاعنا، يخرجولك بتصرفات متفهمي والو،
ايا راني سمعت بيك حليتي وكالة للسياحة والسفر، اختك باباها مزال حاشرها في الدار، والباك عندي سنين مللي ديتو،
بيناتنا سجليني ومنقول لحتا واحد:yahoo:​

يا هيلدا اي كان مقبلتكش الوكالة نقبلك انا وندخلك بالبيستو اي البلاد راحت وش فيها كان نعملو بيستو مخساراش في هيلدا ههههه
ايا مرحبا بيك سجلتك اكي السنة ديتي الباك وب 16 اسكتي برك قدام الناس هههه

 

[يسرى 2008]

واش راح نديري يا اختي رانا في بلاد ميكي
ربي يصلح الامور هدا ما نقدر نقولك
ومرسي لك خيتو
​

وي صح اختي مشكورة على ردك منورة