كيف أختارها

[barca_barcha]

أنا نفضل العمل على الزوج تعرف علاش الوقت إلي رانا فيه صعيب خوك مديرش فيه لمان

يا سيدي انا راني خدامة وبشهرية لباس بها ونروح نبطل لخاطر تزوجت براجل خدام ولباس عليه هو عندو مستقبل بصح انا مستقبل نتاعي ضايع تعرف علاه
إحتمال إني منتفاهمش مع هاذ السيد وخدعني ولا جات سبة طلقني مشي قعدت ضحكة ونندم طول حياتي لالا الخدمة اولا ومباعد الزواج.
وهذي راهي صرات لجارتنا كانت خدامة لباس عليها تزوجت عامين وإطلقت وقعدت تبكي في الدار ماهي لا بخدمة لا براجل
​

أنا لم أقل تبطل عملها بل انا ضد من يفعل دلك أنا قلت قبل أن تبدأ العمل أصلا أما ان كانت عاملة فلا بد على من تقدم لخطبتها أن يرضى بها على حالها وبعملها + شكرا لك على المرور الكريم

 

[barca_barcha]

صحيح ان المراة تسعى من وراء العمل الى اثبات وجودها و الاعتماد على نفسها ........لكن بما انها تحمل شهادة تمكنها من العمل .....فانا براي ان المراة ادا كان زوجها قادر يلبي احتياجاتها فلا داعي للعمل و ادا كانت تفكر في الاستقلالية و في انها تعتمد على نفسها و حتى ما تطلب منو مصروفها الخاص فهدا الزواج لا داعي منه ...لان من واجبات الزوج الانفاق على اهل بيته و زيادة على هدا في وقتنا الحالي المراة تجد صعوبة باغلة في التوفيق بين عملها و بيتها و اولادها .............فانا شخصيا افضل انا تكون عندي شهادتي كسلاح اواجه به مصاعب الحياة في حال احتجتها و لا ارفض بالطبع الرجل المثقف المتدين شرط انا يكون هناك تفاهم و انسجام لان الزواج في الاخير ليس ميدان للمصارعة يسعى كل طرف فيه الى اثبات وجوده و استقلاليته بل هي علاقة مقدسة مبنية على الالفة و المحبة و الصدق .........و في مجتمعاتنا الحالية المراة لازم تكون بجانب اولادها و ترعى مصالحهم و احتياجاتهم............. هدا راي ممكن يكون صح ممكن خطا تقبل مروري.

رأي محترم شكرا لك كل شييء مبني على التفاهم .لا المصارعة لأنها لا تؤدي لا لغالب ولا لمغلوب بل الخاسر الوحيد هم الاولاد..

 

[barca_barcha]

tatawor mahouch ano la femme tdhal bara désolée


vive la femme au foyer

oui Anti 3ala Hak .....merci

 

[barca_barcha]

والله ماني عارفة علاش لبنات راهم يشترطو الخدمة انا جامعية وعاملة ولكن ان رزقت بزوج صالح قادر على المسؤولية والله لن ولن أفكر في العمل مطلقا

رأيك وهو محترم لكن لا أنصحك بالتوقف عن العمل ..فمن ارادك زوجة فلا بد أن يرضى بما انت عليه..وأنا لا أناقض رأيي الاول بل قلت قبل عمل المرأة... شكرا جزيلا على مرورك العطر

 

[barca_barcha]

انا شخصيا نحب نكمل قرايتي في الجامعة طب 5 سنوات و تخصص 7 سنوات و مبعدها ادا لقيت ولد الحلال و طلب مني منخدمش و كانن متكفل بمصاريفي و مصاريف البيت منخدمش

يعني نلقا الراحة و نقول لالا

و ادا مقدرش يتكفل بالمصاريف نعاونو

المهم يكون ولد خلال و الباقي امور تافهة ​

اولا: الله ينجحك في قرايتك .
ثانيا: الله يلاقيك مع ولد الحلال.
ثالثا:شكرا لك ...رأي محترم يؤخد بعين الاعتبار..

 

[سارة 196]

الصراحة انا طالبة جامعية
انا وانا اضيع الوقت فقط
لاني لا اريد العمل لان امي عاملة وانا ضد فكرة العمل للمراة
وكل واحدة وفكرتها في الحياة

 

[barca_barcha]

الصراحة انا طالبة جامعية
انا وانا اضيع الوقت فقط
لاني لا اريد العمل لان امي عاملة وانا ضد فكرة العمل للمراة
وكل واحدة وفكرتها في الحياة

شكرا لك على المرور أود ان أعقب على قولك (تضيعين الوقت) لا والف لا فالمتعلمة أفضل بكثير من غيرها أما عن رأيك بخصوص العمل فالحمد لله أنت عشتي التجربة من خلال الوالدة الله يحفظها .
وأضنك تعرفين جيدا أهم السلبيات والمصاعب التي تواجه المرأة العاملة ..(راني ندير في بحث بخصوصها ..والإكسبوزي نديرو هنا ونتوما خيرو لجنة التحكيم )

 

[نيهال]

السلام عليكم أخي الكريم

حبيت نقولك ان هاد العقلية اصبحت منتشرة كثيرا في بلادنا والسبب حسب رايي الشخصي يعود ل:
1/المرأة أصبحت تبحث في وقتنا الحالي عن الاستقلال وهذا ما يؤمنه لها العمل =الاستقلال المادي لان في الاصل الراجل هو اللي يحكم وهو اللي شاد الدراهم ويصرف لكن اذا كانت المرا تعمل راح تنقص من السلطة تاعو عليها لان دراهمها في جيبها ما تستناش واحد يصرف عليها وانما تتصرف من تلقاء نفسها وعلى هواها

2/اسمحلي وبكل صراحة الشباب في وقتنا الحالي اصبح لا يعول عليه كثيرا يعني تقولك نتكل على روحي خير وكاين واحد المثل كان يقول( ظل راجل ولا ظل حيط) لكن الآن اصبح يقول (ظل وظيفة ولا ظل راجل)

3/كاين بنات تقولك واش قريت وجبت الباك بالمعدل الفلاني وتعبت في الجامعة 3/4/5/7.....سنين من بعد نقعد في الدار؟ ....امبوسيبل

4/أنا مع ها الرأي 100"% الزمان غدار والدنيا دوارة ...غدوة غير غدوة هاد المخلوقة تطلقها (الى قدر الله) وترجعها لدارهم بدزينة ولاد ..هي كيفاش تدير من بعد؟ تستنى النفقة لي تبعتهالها ولا تستنى دارهم يصرفوا عليها وعلى ولادها..وهادي الا قبلوها وقبلوهم معاها (راك عايش في الدزاير وتعرف العقلية) ....
ولا ياسيدي ما تطلقهاش لكن الموت حق ....كان يموت راجلها وتترمل منين تصرف على أولادها؟

....وفي الأخير هادي تبقى مجرد وجهة نظر وعذار على الاطالة


هذا هو راي ايضا
واضن هاذا الراي الصحيح ومعضم النساء تقول نفس الشيء ماعدا الاقلية
ولكن الرجل الجزائري ما قتنعش بهذه الفكرة
ايا يديه جاهلة وهي فرات وعلاش يحوس عليها متعلمة ويقوللها ما تخدميش .......

 

[iT@liAnO]

انا رايي الشخصي انفضل العمل على الراحة خاطاك العمل يبدل شويااا الجوو على الانسان والراحة ماتجيب غير البلا
وزيد با الزيادة مصروف زايد لدار خاطاك المعيشه ولات غااليه
تحيااااااااااااااااتي

 

[nour mary]

السبب هو انها تقول كيفاش قريت وتعبت وسهرت باش مع الخر نقعد في الدارمالا مانزوجش خير هادي هي العقلية خويا

 

[الزوجة الصالحة]

السلام عليكم
يا اخي انا نعطيك راي و الراي الاخير يعود ليك راك حاب تزوج و تبني اسرة و الاسرة ما تتبناش الا اذا كانت المراة صالحة و مولات راي صالح و انا في راي كي المتعلمة كي الماشي متعلمة و المشكل شوف الي مثقفة و مطالعة و ثقافتها واسعة وكي تقعد في مجمع تلقى روحها و تناقش وهي عارفة و الوقت الي رانا فيه راهو ما شاء الله الانترنيت التلفاز الكتب المجلات عليك غير تخير و انا في نظري انو المراة الي في اليبت خير من الي تعمل علا خاطر الزوج محتاج للمراة و االاكثر الاولاد يحتاجوا الام الي توكلهم ترضعهم تلبسهم تلعب معاهم يجي الزوج يلقى الدار مظيفة المطلوع ماكلة سخونة وهي مظيفة و لابسة ومتريحة ما شاء الله و الراجل راهوا عمروا مايكون قاسي على الزوجة الي تكون مليحة معاه بالعكس يقدرها و يحترمها و نقلك توكل على ربي سبحانوا و خير بنت الاصل و تفاهم معاها على شروطك و راك تلقى مازالوا بنات الفاميلا ربي يطيحك في قسم مليح و يهنيك بالتوفيق

 

[barca_barcha]

السلام عليكم أخي الكريم

حبيت نقولك ان هاد العقلية اصبحت منتشرة كثيرا في بلادنا والسبب حسب رايي الشخصي يعود ل:
1/المرأة أصبحت تبحث في وقتنا الحالي عن الاستقلال وهذا ما يؤمنه لها العمل =الاستقلال المادي لان في الاصل الراجل هو اللي يحكم وهو اللي شاد الدراهم ويصرف لكن اذا كانت المرا تعمل راح تنقص من السلطة تاعو عليها لان دراهمها في جيبها ما تستناش واحد يصرف عليها وانما تتصرف من تلقاء نفسها وعلى هواها 2/اسمحلي وبكل صراحة الشباب في وقتنا الحالي اصبح لا يعول عليه كثيرا يعني تقولك نتكل على روحي خير وكاين واحد المثل كان يقول( ظل راجل ولا ظل حيط) لكن الآن اصبح يقول (ظل وظيفة ولا ظل راجل) 3/كاين بنات تقولك واش قريت وجبت الباك بالمعدل الفلاني وتعبت في الجامعة 3/4/5/7.....سنين من بعد نقعد في الدار؟ ....امبوسيبل 4/أنا مع ها الرأي 100"% الزمان غدار والدنيا دوارة ...غدوة غير غدوة هاد المخلوقة تطلقها (الى قدر الله) وترجعها لدارهم بدزينة ولاد ..هي كيفاش تدير من بعد؟ تستنى النفقة لي تبعتهالها ولا تستنى دارهم يصرفوا عليها وعلى ولادها..وهادي الا قبلوها وقبلوهم معاها (راك عايش في الدزاير وتعرف العقلية) ..ولا ياسيدي ما تطلقهاش لكن الموت حق ....كان يموت راجلها وتترمل منين تصرف على أولادها؟ ....وفي الأخير هادي تبقى مجرد وجهة نظر وعذار على الاطالة
هذا هو راي ايضا
واضن هاذا الراي الصحيح ومعضم النساء تقول نفس الشيء ماعدا الاقلية
ولكن الرجل الجزائري ما قتنعش بهذه الفكرة
ايا يديه جاهلة وهي فرات وعلاش يحوس عليها متعلمة ويقوللها ما تخدميش .......

الجاهلة تاني مرأة حتى امهاتنا ما همش قاريات.وحتى هوما يديروا الدار الله يبارك لكن فارق المستوى هو المشكل شكرا لك

 

[barca_barcha]

انا رايي الشخصي انفضل العمل على الراحة خاطاك العمل يبدل شويااا الجوو على الانسان والراحة ماتجيب غير البلا
وزيد با الزيادة مصروف زايد لدار خاطاك المعيشه ولات غااليه
تحيااااااااااااااااتي

حقيقة العمل يبدل شوية الجو لكن تربية الاولاد عند الجوارين او عند الحاضنات حتى يصبح الابن يحب الحاضنة اكثر من امه ولما يصير يدرس يعود الى البيت فلا يجد امه مشكل على العموم شكرا جزيلا لك

 

[barca_barcha]

السبب هو انها تقول كيفاش قريت وتعبت وسهرت باش مع الخر نقعد في الدارمالا مانزوجش خير هادي هي العقلية خويا

حقيقة انا معاك بصح عقلية مقلية. شكرا لك

 

[barca_barcha]

السلام عليكم
يا اخي انا نعطيك راي و الراي الاخير يعود ليك راك حاب تزوج و تبني اسرة و الاسرة ما تتبناش الا اذا كانت المراة صالحة و مولات راي صالح و انا في راي كي المتعلمة كي الماشي متعلمة و المشكل شوف الي مثقفة و مطالعة و ثقافتها واسعة وكي تقعد في مجمع تلقى روحها و تناقش وهي عارفة و الوقت الي رانا فيه راهو ما شاء الله الانترنيت التلفاز الكتب المجلات عليك غير تخير و انا في نظري انو المراة الي في اليبت خير من الي تعمل علا خاطر الزوج محتاج للمراة و االاكثر الاولاد يحتاجوا الام الي توكلهم ترضعهم تلبسهم تلعب معاهم يجي الزوج يلقى الدار مظيفة المطلوع ماكلة سخونة وهي مظيفة و لابسة ومتريحة ما شاء الله و الراجل راهوا عمروا مايكون قاسي على الزوجة الي تكون مليحة معاه بالعكس يقدرها و يحترمها و نقلك توكل على ربي سبحانوا و خير بنت الاصل و تفاهم معاها على شروطك و راك تلقى مازالوا بنات الفاميلا ربي يطيحك في قسم مليح و يهنيك بالتوفيق

بارك الله فيك اختي لكن كيفاش نعرف باللي المرأة مثقفة
(حنا قلنا على الاقل متعلمة فيها هدة الخصلة) على العموم شكرا جزيلا لك وعلى مررورك العطر رسالتك وصلت.

 

[عبد الجبار الجزائري]

اخي اتركها تعمل احسن وانا اعي ما اقول تريدها جامعية اتركها تعمل فهي تعبت ودرست فاتركها تجني ثمار تعبها

 

[asm@a]

السبب فى ان المراة تريد العمل هو تحقيق ذاتها واثبات جدارتها

 

[barca_barcha]

اخي اتركها تعمل احسن وانا اعي ما اقول تريدها جامعية اتركها تعمل فهي تعبت ودرست فاتركها تجني ثمار تعبها

:no_no:للأسف.

 

[barca_barcha]

السبب فى ان المراة تريد العمل هو تحقيق ذاتها واثبات جدارتها

رانا معترفين بجدارتها بلا عمل عليها (رانا حابينلها الراحة والتقلاش حنا اللي نتعبوا ماعليناش)

 

[سماح4]

راني نشوف أغلب الردود تايد المرأة انها تعمل ، انا شخصيا كنت قبل فترة مع عمل المراة وأقتنعت بهذي الفكرة لكن الفترة الأخيرة عرفت بلي قلال هما النساء العاملات الي يوفقو بين الدار والعمل ، انا درست أبتدائي وكان هناك بعض التلاميذ الي امهاتهم عاملات والله بصراحة فاقدين الحنان كليا ، ومعتبريني أمهم بالأضافة للاكل السيء والله ما يتغداوش كي خلق ربي يشرو فرماج وكاشير وخبز هما بانفسهم يحكولي ، مقارنة ببعض الاطفال الي أمهاتهم الله يبارك فالدار وخصوصا لي الام نتاعو مثقفة.
أما عن نفسي نجي تعبانة للدار والله مانخدم والو تقريبا فالدار غير في أيام العطل...
بصراحة التجربة خلاتني نقتنع بلي ماشي دايما العمل تاع المراة مليح مع انو اي وحدة قرات تتمنى أنها تعمل ...وزيد سبب العنوسة تقريبا هو العمل وأكثر الرجال لي يحوسو على العاملة يكونو طامعين باش تعاونهم ،واش فايدة العمل إذا ماكنتش نلقى شريك حياتي لي يحسسني بالأمان واش فايدة العمل لي يحرمني أني نكون أم ، واش فايدة العمل لي يخلي ولادي يتمرمدوا في أصعب مراحل طفولتهم ،واش فايدة العمل إذا ماكنتش نلقى الوقت باش نتزين لزوجي ونحس بأنوثتي لأني نوصل تعبانة ، واش فايدة العمل إذا ماكنتش نلقى الوقت باش نطيب ماكلة بنينة لزوجي وأولادي ....