شحال يسقام العرس في ولايتكم

[amel algerie]

احنا الراجل في جيجل يعطي للمرأة حوالي 20 مليون
هما كلشي ولايتدخل في عرسها
يعني مايشري لاخروف ولا صوف ولا حلوي ولا لاصال ولاشئ
هي تشور وتشري كلشي
وتكري لاصال بصوارديها
يعني باختصار احنا مانشوروش علي ظهر الراجل
ومانبروفيطيوش عليه مسكين ههههههههه​

 

[ماكانش]

20 مليوم وتقولي الجيجليات هوما الرخاس في المهر ههههههه
مانزوج احكمودياركم هههههههه
ساعدونا نجيو لجيجل
التربية والعقالة ربي بارك هههههههه​

 

[amel algerie]

انا والله ما علابالي عندنا في قسنطينة قداه يطلبوا

عندي بنت عمي زوجت العام لي فات طلبت 20 مليون في الشرط ومطلبتش الحوايج لوخرين على خاطر راحت تسكن في دبي وطلبت تاني 6ملاين حق لاصال دارت فيها الجرية هادا ما علابالي
بصح احنا en générale في قسنطينة من فوق الشرط لازم الدهب ولازم الصوف ولازم الفرقاني بيها بالدهب تاعها و الدهب تاني في الحنة ولاشومبر وحوايج بزاف يعني كون ميتعاونوش اهل العريس والعروسة ما يكملش العرس نضن لازم البنات ينقصوا شوي والله بزاف​

كما راكي تحكي يعني الراجل لازمو يخدم 10 سنين باش يصدر الدراهم ويتزوج
اكيد القسنطينين راهم كلهم قاعدين مساكن بلازواج ههههه​

 

[amel algerie]

20 مليوم وتقولي الجيجليات هوما الرخاس في المهر ههههههه

مانزوج احكمودياركم هههههههه
ساعدونا نجيو لجيجل

التربية والعقالة ربي بارك هههههههه​

لالالا خويا لعزيز احنا كل شئ ب 20 مليون يعني تدفع 20 وتزوج مايشرطو لاكباش ولا حلويات ولا صوف
البنات الي يجيبو الصوف وكل شئ​

 

[amel algerie]

عند احنا 10 ملايين وتقولك جيب معاك 3 خوارف و انواع القاطوات و الذهب كما راك تعرف​

ومزال العرس يفرغلك جيبك​

يعني يسقام اكثر من 30 مليون والله بزاف
ربي يكون في العون​

 

[amel algerie]

المرة الأولى يجيبلها مليون برك لأنها قبلاتو ، هذا نهار الشوفة
في الأعياد لازم يجيبلها قش وروائح وعطور..
نجيو للمهر
10 ملاين بلا الذهب وخاتم الخطبة
والذهب عادة ماجيب
2 سلاسل وحدة كبيرة والأخرى صغيرة
2 خواتم
مقايس
فلايك
او
يجيبلها محزمة فقط... وهاذي ماعادش.. المحزمة عاد يديرهالها باباها



وزيد تكاليف العرس والشومبرة
والفاليزة نتاع نهار الحنة
وكبش نهار الدخول
وتكاليف الكوافيرة والتزيين نتاع 3 ايام عرس



ساااالطيف
كلاوه المخلوق وما رحموهش

علي حساب كلامك اختي يعني اكثر من 100 مليون مسكين ههههههه

تشرطو بزافففففففف يا اختي هبطو في السومة شوية
وراح تلاحظي البنات كامل يتزوجو​

 

[amel algerie]

والله ماعــــــــــلبــــــالي بصح يقـــــولو
2مـــــــلاين مايفـــــوتوشـ:lol:
ايــــــا بلاكـ تصـــــدقو:glare:

علي حساب هده السومة ماعندكمش العزاب والعازبات هههههههه​

 

[amel algerie]

عندنا في تلمسان المهر من 5 لــ 20 سنة و ايلا بغيتوا تزيدوا ماشي بروبلام :tongue_2: ​

والدهب و التفـgـيدة و يعاونوا لعروسة في الجهاز مثلا يديرو كراكو ولا قسنطينية ولا ,,,, ولا شومبر و دراهم لا سال

المهم كل واحد يدير على حسابه ​

تسقامو بزاف يا ختي هههههههه
والمراة ماتعاونش الراجل ؟؟؟؟؟؟​

 

[amel algerie]

احنا ياسيدي عندك من نهار تخطب وانت تصرف

نعطيك مثال اذا قعد عام خاطب قبل ما يتزوج نهار يخطب

يجيب الخاتم ولواز الخطبة يعني حوالي 5ملاين ويبقى يجبد في

كل مناسبة هدا عيد هادي عاشوراء المهم المناسبات الكل ولازم كل مرة حاجة دهب

وكي يجي العرس المهر من 5ملاين وانت طالع وكيماي قولو الحنة تاعها عندك من 20مليون وانت طالع

ومن غير الحوايج لخرين والدبايح وما تبعهم من كل شيء وزيد غرفة النوم وباقي حوايج الدار

وزيد من فوق شهر العسل يعني الواحد لازم حوالي 100 مليون ولا اكثر باه يتزوج

ربي يكون في عونكم اخي
والله بزاف حتي يسمطولكم الزواج هادا ​

 

[himina]

في الطوطال حوالي 100مليون والتباريك قيمة بقرة كبيرة ههههههههههههههه والله من نهار تخطب وانت تصرف ومانعرف يقتانعو ولا

 

[amel algerie]

هههههههههههههههه
لو كنت أنا ما نزوجش
كيفاه هادا يسموه تبذير و هوش
الحوايج اللي ما عندهاش لازمة الكل مش لازمه
ارضاء الناس غاية لا تدرك .

هدا مصير الي يتبع العادات والشئ الي مايلزمش
الفشرة والفوخة قتلت الناس​

 

[adnandz]

لالا والله ما يسوى عندنا المهم يكون عندك سطح كبير شوي
المرا وحدها تجي نتاع غير نوي الزواج
الجيران عليهم الماكلة
اما الدفوع فالزوجة والله ما تتشرط
لخاطرش الزمان صعيب ويليق دير اتاويل

 

[amel algerie]

لالا والله ما يسوى عندنا المهم يكون عندك سطح كبير شوي
المرا وحدها تجي نتاع غير نوي الزواج
الجيران عليهم الماكلة
اما الدفوع فالزوجة والله ما تتشرط
لخاطرش الزمان صعيب ويليق دير اتاويل

لااوافقك الرأي اخي العزيز
المادة تغلبت علي كلشي حتي علي المابدئ والدين
والجيران والله مايعانوك مهما تكون هاديكم بكري في السبعينات
الان يحسدوك ويبغظوك برك
والمرأة قد ماتجيبلها تقولك زيد يا بوزيد
باش تفتخر امام صديقاتها وجيرانها وعائلتها​

 

[adnandz]

سمحيلي اختي
انتي راك تقولي هاد الهدرةعلى طفلة عاد جاية لدنيا يعني 18 19 20 عام عندما
مي المراة اللي عندها 25 26 27 فما فوق يكون عنها تفكير اخر
مانيش نحكي على امرات اللي قاريين ويحلموا بالرجال
راني على اللي عايشين الواقع
اما عن مساعدة الجيران راكي غالطة اختي
والله مازال كاين ولاد الحلال

 

[amel algerie]

ننتظر اراء الاخرين
هدا واقع وحقيقة راني نحكيو فيه
شكرا لك علي المرور​

 

[stsmat]

ايه واش نحكيلك
دراهم الدنيا ندفعها
على جال خطيبتي​

 

[CHAHINAZ 16]

هنا لقبايل منشرطوش نشرطو لهنا مي هو يفهم روحو الصداق 20 مليون زيد الدهب وla rob kabyle زيد الكبش والسميد باش يفتلو السكسو والخدرة باش يطيبو وزيد الدراهم تاع الحفافة

 

[MĺŹǾ žĕĥÔŖ]

هههههههههه وشمن عرس دوكا راه رخيص كل حاجة غالية

الطفلة دك لازم تدفعي فيها 20 ولا اكثر

بلا الدهب والصوالح الي يجيبهم العريس وزيدي دير عندهم التصديرة وعند راجلها وحوايج قاوين

ولاصال والديجي هادوا مفروغ منهم

على حسات عرس أختي أناااا كان غالي بزااف غير عندنا مي عند الراجل ما نعرف شحال جاه هههههههههههههههه

المهم لهنا أختيي


ولومبيونس بيان سور تبقى​

 

[nabil 09]

ايـــــــــــــــــــه ميزانية دولــة برك
وتتزوج هدا مكان حاجة قليلة وحد 80 مليون ولا تفوت شويا وانت درت الدار

​

 

[nabil 09]

حنا عندنا كسي وادي
ومبرووووو ك عليـــــــــــــك
بصح بشرط شهر العسل اما في جربا ولا حمامات
ولا في جيبولي
وخمم انت ؟
​