شحال يسقام العرس في ولايتكم

[azedinm]

حنا عندنا في ولا يتنا

6 ملاين المهر
والعرس الكبير قع 10 ملاين
يعني 16 مليون

 

[Siri]

والله غير بزززززززززززززززززززاف يلزم الوحد فينا يساعف الحالة المادية للأنسان لي راح يعيش معاه

 

[aMiNa-K]

واااااااااااااااشنو 20 مليون مهر _o:
وااااااش سلعة بيع و اشري :glare: .. و الgليل مايتزوجش عندكم :busted_red:

احنا الحمد لله عندنا كسي و ادي :heh: .. و كل واحد على واش يقدر .. ادا كاينلو عندو مايجبد و ادا ماعندوش ماشي مشكل يحط اللي يقدر عليه :closedeyes:
و جينيرالمون الشرط مايفوتش 5 ملاين .. 2 خاوتي شرطولهم 3 ملاين الشرط و الدهب واش يقدرو يجيبو .. و العرس على حساب مقدورهم

***

و انا بابا راني مهبلاتو في الدار :yaw:.. علابالي اللي يجي يقولو اديها عليا و خلاص :tears: .. كابابل يشرط 10 دج :mellow:

و ماننساوش الرسول عليه الصلاة و السلام واش قال .. اقلهن مهورا اكثرهن بركة
ان شاء الله مانكونش غلطت في الحديث :shay:
​

 

[the_end]

حوس في الجزائر كاملة ومتلقاوش كيما في تنس ولاية شلف
احنا عندنا يطلبو الهناء والمهر 6 ولا 7 ملاين برك
والعروسة تدبر راسها :busted_red:هادا ماكان :tears::tears::tears:
ودوكا الي حب يتزرج يجي نخطبلو :yahoo::yahoo:
هههههههههههههههههههههههههه
تحياتي

 

[salim.022]

02 ملاين مهر
+
01 مصروف
+
03 ملاين جهاز
+
خاتم

والي قادر يزيد كي تجي مرتوا لعندوا
اذا حب ينحيلها ينحيلها
واذا حب يزيدلها يزيدلها​

 

[amel algerie]

واااااااااااااااشنو 20 مليون مهر _o:

وااااااش سلعة بيع و اشري :glare: .. و الgليل مايتزوجش عندكم :busted_red:​

احنا الحمد لله عندنا كسي و ادي :heh: .. و كل واحد على واش يقدر .. ادا كاينلو عندو مايجبد و ادا ماعندوش ماشي مشكل يحط اللي يقدر عليه :closedeyes:
و جينيرالمون الشرط مايفوتش 5 ملاين .. 2 خاوتي شرطولهم 3 ملاين الشرط و الدهب واش يقدرو يجيبو .. و العرس على حساب مقدورهم ​

***​

و انا بابا راني مهبلاتو في الدار :yaw:.. علابالي اللي يجي يقولو اديها عليا و خلاص :tears: .. كابابل يشرط 10 دج :mellow:​

و ماننساوش الرسول عليه الصلاة و السلام واش قال .. اقلهن مهورا اكثرهن بركة
ان شاء الله مانكونش غلطت في الحديث :shay:​

انا كدالك اختي ههه
مدللة في بيتنا
بالاك بابا يعملي solde هههههههههههه
باطل ​

 

[amel algerie]

حوس في الجزائر كاملة ومتلقاوش كيما في تنس ولاية شلف
احنا عندنا يطلبو الهناء والمهر 6 ولا 7 ملاين برك
والعروسة تدبر راسها :busted_red:هادا ماكان :tears::tears::tears:
ودوكا الي حب يتزرج يجي نخطبلو :yahoo::yahoo:
هههههههههههههههههههههههههه
تحياتي

مليحة يا خويا
7 ملاين كلشي
الله يبارك​

 

[amel algerie]

هنا لقبايل منشرطوش نشرطو لهنا مي هو يفهم روحو الصداق 20 مليون زيد الدهب وla rob kabyle زيد الكبش والسميد باش يفتلو السكسو والخدرة باش يطيبو وزيد الدراهم تاع الحفافة

يعني هدا كامل وزيد ماتشرطوش وااااااااااااااع:tears::scared:
وغير تشرطو شحال؟؟؟؟؟؟؟؟؟؟؟ ههههههه

وليد عمي خطب واحدة من بويرة يعني قبايلية امازيغية
لازمو كريدي تاع البنكة ومانعرف الا يفك روحو هههههههه​

 

[amel algerie]

هههههههههه وشمن عرس دوكا راه رخيص كل حاجة غالية​

الطفلة دك لازم تدفعي فيها 20 ولا اكثر ​

بلا الدهب والصوالح الي يجيبهم العريس وزيدي دير عندهم التصديرة وعند راجلها وحوايج قاوين​

ولاصال والديجي هادوا مفروغ منهم​

على حسات عرس أختي أناااا كان غالي بزااف غير عندنا مي عند الراجل ما نعرف شحال جاه هههههههههههههههه​

المهم لهنا أختيي​

ولومبيونس بيان سور تبقى​

يعني في رايك ممكن يكون يسقام عند المرأة اكثر من الرجل
ممكن
لكن احنا في جيجل نظن 55/100 راجل غالي و45/100 المراة
يعني حتي الشورة تاع العروسة تسقام ​

 

[زنوبة dz]

ana nhar nazawaj manatlab walou nkhali draham nasarfouhem ana w rajli bla3kal mech lazem nasrafham fi hwayaj mayfidouch
​

 

[Thayri]

يا ستار.... امالا عندكم واحد مايتزوج

غير اذا كان ميلياردير

حنا عندنا

في منطقة القبايل

الوالد مايحبش يشرط و لا البنت ايضا

كي يجيو يخطبو في البنت

يحطو على طابلة دراهم بصح البنات عندنا

مايديو غير

مابين 20الف سنتيم الى 300 الف سنتيم

و في كل زيارة يجيب لها حاجة خفيفة

ملابس عطور احذية

و قبل العرس بيومين يجيب لها فاليزا نسميوها " الجهاز"فيها

لباس العرس

طقم ذهب

احذية.و بعض الملابس الاخرى

هادا ماكان

كثير من الناس يقولو "في بلاد القبايل يرخسو في بناتهم"

و حنا نقولو "رانا نزوجو بناتنا مانبيعوهمش بيع"

ميرسي على الموضوع
​

 

[chiva.]

هههههههههههههههههههههههههههههههههههههههههه هدا مش زواج هدا يشري في عبد

احنا عندنا 10 ملايين مهر وكاين ميشرطوش المهم يقولولك نحوسو على الهناء ديباسي من 7 الى 10

انا حاجة واحدة محيرتني كي تدفعلها 10 ملايين واش رايحة تجيبلك لعروسة غير مطارح وزور ودرابل

المهم تكون مرا ساجية

 

[chiva.]

المشاهدات : 353

راكم خلعتو الاعضاء

 

[sam11]

ربي يكون في عونكم اخي
والله بزاف حتي يسمطولكم الزواج هادا ​

تبانلي ما نتزوج خلاص اناااااااااااااااااااااا

نشري بالبلاء بالدراهم علاه ياسيدي

 

[CHAHINAZ 16]

يا ستار.... امالا عندكم واحد مايتزوج​

غير اذا كان ميلياردير​

حنا عندنا​

في منطقة القبايل​

الوالد مايحبش يشرط و لا البنت ايضا​

كي يجيو يخطبو في البنت​

يحطو على طابلة دراهم بصح البنات عندنا​

مايديو غير​

مابين 20الف سنتيم الى 300 الف سنتيم​

و في كل زيارة يجيب لها حاجة خفيفة​

ملابس عطور احذية​

و قبل العرس بيومين يجيب لها فاليزا نسميوها " الجهاز"فيها​

لباس العرس ​

طقم ذهب​

احذية.و بعض الملابس الاخرى​

هادا ماكان​

كثير من الناس يقولو "في بلاد القبايل يرخسو في بناتهم"​

و حنا نقولو "رانا نزوجو بناتنا مانبيعوهمش بيع"​

ميرسي على الموضوع​

كي يجيو يخطبو في البنت

يحطو على طابلة دراهم بصح البنات
هادو تاع الشوفة ادا عجبتهم الطفلة يمدلها الدراهم فوق الطابلة كيما قلتي
بووووووووووووه تعزيزت
مابين 20الف سنتيم الى 300 الف سنتيم هادو واش يديرو

هادك بكري تاع لجهاز دوكا 20 15 مليون في بلاصة ما يجيبو هوما لجهاز يمدلها الدارهم هي تشري تعمر فاليزا ومبعد تمدهلهم ويسمى لجهاز باش يجيبه نهار الحنة وهديك تاع كل زيارة يجيبو حاجة هاديك لازم ويقولولها لمهيبة كل عيد ومولود وووووووو وهاديك ماشي داخلة في لجهاز و زيد طقم الدهب هي تخيرها ولا يشاورها sur هاد بلا ما يطلب بابات لعروسة لانو عيب عندنا ماراهوش يبيع في بنتو لعريس وحدو يفهم روحو اهاكداك لقبايل لانو انا ماما من بجاية و papa من تيزي يعني نعرف مليح لعوايد ​

 

[somiasahraoia]

حنا كاسن وين توصلل100مليون

 

[shahrazad]

سلام عليكم
يا لطيـــف واشنو هدااا :scared:
عندنا في تيبازة لحياة ساهلة بزاف
كل واحد يدير على قدو
يا ختي الي يقدر يدير عرس كبير يدير
والي مايقدرش ماكاش مشكل
المهم الراجل ولمرا يجمعوهم على حساب لاصول
ولاصول ماهيش فشحال راح يستقام العرس :thumb_down:
صح راني معاك الحالة غلات بلبزاف سورتو لجهاز تاع الطفلة
لحوايج نار والدهب كتر
مي الي تخمم بعقلها ماديرش لهبال
وتخلي روحها ووالديها
حنا عندنا لعريس ماكان مادخلو فلجهاز تاع الطفلة
ويمد المهر على حسابو
لجهاز والعرس على مواليها
نورمالموا لدراهم الي يروحو خسارة فالعرس
لمرا والراجل يديرو فيها فواياج
والا يستثمروهم فحاجة تنفع المستقبل تاعهم
*****
والله هبال وتمسخير
مهر 20مليون:scared: هههههه
لوكان انا راجل وجيت ساكنة في بلاصة يطلبو فيها المهر 20 مليون
ندير اضراب على الزواج حتى ينقصو فالسومة
وخليوهم يبورو:glare:
********
مرســــــــي
​

 

[anissa 13]

حنا في تلمسان يمكن يوصل العرس ل 100 مليون او اكثر
لكن كل حسب مجهوداته وطاقته المالية
وايضا كل عروس وكم تطلب
حنا البنات تاوعنا مايرضاوش بشومبرة تاع 7 او 6 ملاين
يحبو تاع 12 او 13 مليون فاكثر
والدهب قول مع 40 مليون تاع دهب
مع الصني تكون توصل ل 20 مليون
والمهر حسب ماتطلب العروس
لكن الاكثرية يطلبو 8 او 9 ملايين
ومانحكيوش على مصاريف العرس تاع الماكلة والصالة ....الخ
ربي يكون فالعون​

 

[ziad 2995]

حنا عندنا 20 مليون

 

[amel algerie]

يا ستار.... امالا عندكم واحد مايتزوج​

غير اذا كان ميلياردير​

حنا عندنا​

في منطقة القبايل​

الوالد مايحبش يشرط و لا البنت ايضا​

كي يجيو يخطبو في البنت​

يحطو على طابلة دراهم بصح البنات عندنا​

مايديو غير​

مابين 20الف سنتيم الى 300 الف سنتيم​

و في كل زيارة يجيب لها حاجة خفيفة​

ملابس عطور احذية​

و قبل العرس بيومين يجيب لها فاليزا نسميوها " الجهاز"فيها​

لباس العرس ​

طقم ذهب​

احذية.و بعض الملابس الاخرى​

هادا ماكان​

كثير من الناس يقولو "في بلاد القبايل يرخسو في بناتهم"​

و حنا نقولو "رانا نزوجو بناتنا مانبيعوهمش بيع"​

ميرسي على الموضوع​

كل هدا باش نوصلو في الاخير الي شرط وهو
و قبل العرس بيومين يجيب لها فاليزا نسميوها " الجهاز"فيها​

لباس العرس ​

طقم ذهب​

احذية.و بعض الملابس الاخرى​

يعني تروحي وترجعي الشرط فيها فيها هههه ​