........راسي حبس.....حبيت نفرغ برك

[ماكانش]

ماتعمريش راسك ختي بيهم
هاد العباد وين تروحي تلقايهم
ناس حاشاك رخاس​

 

[Mr.Tahar]

ربي كبير وايخلص

ممكن معندهم حتى غاية غير ايشوفوك بهذا الحالة لي راك في ها ضرك
مي انضن مدام انت واثقة من نفسك بلي مدرتي اي حاجة
لازم تكون ثيقتك ظاهرية اي عليك بمواجهة اي واحد
يعاود واش قالو عليك
هكدا تقطعي لساناتهم
ربي يهدي ان شاء الله​

 

[الاميرة ريان]

الله يهدي ما خلق وش راح نديرو هذا هو مجتمعنا الظالم مظلوم والمظلوم ظالم

 

[7ora for ever]

حنونتي غير ماتتقلقيش مايهدرو فيك غير لانهم غارو منك و ولانك احسن منهم
وكلي ربي و هو كفيل باش ينصفك
هدو لعباد شغلهم الشاغل يتحدتو عن لوخرين و ناسيين روحهم
ماتتقلقيش مايستاهلوش تعمري راسك بيهم
الانسان مليح معروف و الفايح معروف و الكل واضحين

 

[touffik]

ركى شرطية تعرفى وحدك
قولى ربى يهديهم
وكلى عليهم ربى
حسبي الله ونعم الوكيل.

 

[شجـ الروح ـون]

وعليك السلام
متقلقيش يالغالية
" فادا اتتك مذمتي من جاهل فهي الشهادة لي باني اعظم ":yahoo:
المهم انتي واثقة في روحك
والاهم حنا واثقين فيك:wink:
كلام الناس ما يدي مايجيب
واللي ظلمك ربي وكيلو
"المسيء لا يظن بالناس الا اسوء الظن لانه يراهم بعين طبعه"
اللي قال فيك حاجة مذا بيه يحاسب روحو قبل:busted_red:
تحياتي ليك يالغالية ربي يحفظك و يبعد عليك ولاد الحرام.
ربي يهدينا الكل ان شاء الله
​

 

[إحســاس بــراءة]

اهلا بعيشوشتي
شوفي خيتي نقلك حاجة وكيما اللي قالوهالك قبلي
نتي يا اختي راكي عارفة روحك كيفاه دايرة وعارفة روحك الحمد لله متربية وماكيش تاع حوايج كيما هاذو
يا اختي الانسان المليح ديما الناس تتبلاه بصح ماعليهش الانسان مابيدو حيلة كاين ربي وحدو هو اللي يخلص
ان الله يمهل ولا يهمل
اي حاجة اي حاجة في الدنيا رايحة تفوت وماينفع غير وقت الصح
الحق يبان يبان يطول ولا يقصر
المهم راك فيك نتي خيتو
ماتقلقيش روحك وماتعمريش راسك بحوايج كيما هادو اذا سمعتي هدرة كيما هاذي فوتيها وكملي طريقك خيتو و مالازمش تحبسي خلاص عندك نقطة كيما هاكا
كوني قوية وصابرة وشجاعة كيما عرفناك اوكي
الله يسهلك ودايمن رانا معاك
الله يحفظك عيشوشتي

 

[malaki_aya]

ختي ما تقلقي روحك ما تخمي ف حتى حاجة توجعلك راسك ..............مادام بريئة ملي ركي تقوليه ....
غير صبري و قولي حسبنا الله و نعم الوكيل
و ربي يزيح عليك الهم

 

[DARINE05]

ايه صح يا شيشو واعرة بزااف يضلموك ونتي جابدة مي لازم حتى نتي ذافعي على روحك حتى بحاجة صغييييرة راهم لعباد هادو مايمرقوش من نقيل لخبار من زيد فيه شوي وبعث من وكلي ربي

 

[angel_fly]

وكلي ربي عليهم برك لكان انت مظلومة ربي ينصفك و يجيبلك حقك ما تقلقيش روحك

 

[عبد الجبار الجزائري]

اه يا شرطية حطيتي الموس على اجرح خليها لربي العلي القدير انا الي راه مقلقني هدا هو يا شرطية العباد خدمتهم التقطاع والتمنشير
شوفي كاين واحد سقر بيضة بدات تمشي الهدرة من واحد لواحد لحقوها لميات بيضة او نقلك متراعيش لهدرة لعرب وخليهم يقطعو ميقضيو والو العكس راكي تقطي في الحسنات عى ظهورهم
ايحب احدكم ان ياكل لحم اخيه فكرهتموه

ربي يكون معاك ووكلي ربي وخليهم

 

[kojak]

السلام عليكم
اختي اسمحيلي ننصحك نصيحة اخ لاخته
ماتعمريش راسك بلكلام الفارغ تاع الشعب
كيما يقولو .القافلة تسير والكلاب تنبح
وهادو معدا كلاب في الطريق تنبح في الخرطي
ماتحوسيش عليهم مدامك عارفة روحك شريفة وبنت فاميلا وبنت اصل
والله ولي التوفيق

​

 

[الامل الضائع75]

يا اختي وكلي عليهم ربي المهم انت ما درتي والو خلاص ماتخافي حتي حاجة

 

[sami19280]

والله الانسان يعجز عن الحكم بين بني البشر

واهم حاجة انو ربي سبحانو هو القادر باش يحكم بين عبادو وهذي احسن شي.
​

 

[tear of angel]

رانا فى الهوى سوى ربي يعينك ويعينى ويهديهم

 

[نهلة21]

ما تتقلقيش اختى راهو ربى وكيلهم ربى قاعد ع كرسى الحق

 

[NICHA03]

ربي يهديهم متعمريش راسك خلاص بيهم هاذ الناس لازم متقيميهمش خلاص ميستاهلوش حتى خزرة من عندك و انتي عمبالك بروحك الله يبارك مكانش كيفك فالاخلاق و التربية و كل شي مالا هاذذوك الناس حطيهم فالثقيل اوكي بنت بلادي راكي قالمية و مكانش كيفك

 

[asm@a]

وكلى عليهم ربي هو الاكبر

 

[Moha le sage]

سامحونا

فاصل اشهاري لا بد منه


جديد التواقيع والصور الرمزية للاعضاء

​

 

[BARCA232]

السلام عليكم ورحمة اله تعالى وبركاته
والله شيء مؤسف أن يطعن الفرد في ظهره ومن اعز الناس عنمده
انا نقولك غير حاجة اللي في كرشه التبن يخاف من النار
نعرفوك باللي قوية وحاجة ماتهزكش
بالتوفيق وربي يهدينا
وماتقلقيش روحك برشا برشا
​