رواحو نحكيلكم على واحد العــــرس

[adnandz]

صباح الخير خووتي
غير اللي راهم نايضين علابال بلي الطايحاكثر من النايض ههههههه :yahoo:

المهم اليوم جاي نحكيلكم على عرس واحد جيرانا

اولا مبروك على مولاي السلطان الله يباك في عمرو 48 هذا وين تزوج

المهم نحكيو شوي على عرسوا
والله غير العجب ياخوتي وخواتاتي باش ما تزعفوش

المهم خونا العريس جاب وحدة من بلادهم زعما من اصلو وهي من والبلاد قريبة على بلعباس

المهم العرس عجب كبير
علابالكم شحال وهو يوكل في لافامي نتاعو
والله غير 10 ايام قبل العرس وهو غير يدير في الفطور والعشاء

الله يرحم اللي ماتلكم هذا عرس ولا وعدة هههههههه

المهم ما فهمت والو انا كل يوم يعيطلي مسكين يعرضني
ياودي سمانا ما شافونيش الدر هههههههه

هذا طعام هادي ملاقة حلوة هذا لحم

بصاح الحاجة اللي حبستلي مخي هي الغاشي اللي جاو
والله غير اكثر من 500 كل يوم يجوا هههههههههه
مستفين كي السردين في الطابلة ياكلوا بالرومبلاصو ههههه

المهم مبروك عليه والله يعطيه الذرية الصالحة

وشرايكم في هاد العراس

ياك اللي يكون عندو لافامي بزاف والله غير يحصل فيهم :yahoo:

 

[السلطانة]

صباح النور
الف مبروك على هاد السيد
الجماعة بروفيتات فيه 10ايام وهو يصرف عليهم
lol متقوليش يروحو لدارهم يشلمو معاهم القفة ويرجعو
والله كاين عباد مهابل
هو اصلا روطار 48سنة هادا وين دار الدار
وزايد يبزع في الصوارد على التفاهات كون حطهم في مسجد ماش خير ليه
منعرف وقتاه يفطن الشعب تاعنا ويحبس من الطوايش والتبدير تاع هاد العراس
:
اسراف مفرط +دنوب العرس
تقبل مروري

 

[صفحة بيضاء]

هدا عرس هندي ولا جزائري
انا نعرف الهند عندهم 10 ايام
ايه بلاك هدي عدوة من الهند​

 

[جزائرية حتى الموت]

السلام عليكم

ناس بلعباس gـاع ناس ملاح

راهم يقراو معايا :heh:

صحا

انت تاني كنت مع هادو 500 :lol::lol:

وعاجباتك الدعوة في العرس :lol::lol:

 

[@نور البيضية@]

هدا عرس ولا خلي
حل رستوروا عنده 10ايام مي بزاااااف عليه مسكين
وزيد بزيادة 48 سنة الله يبارك
على العموم مبروك عليه وربي يرزقوا بالدرية الصالحة
بصح روح وصلوا الباروك نتاعي عندك تنسى هههههههه
تقبل مروري اختك نور

 

[نسيم الربيع]

حتى قريب 50سنه باه زوج واقيلا قتلاتو الفرحه واخيرا زوج قال مالا ندير عرس ماصراش ومايصراش بصح لعرب تاعنا مايستكثروش الخير ياكل ويمنشر فمول العرس كون راح صدقهم خير مارسي خويا ... سلالام

 

[M!ss D!or]

الله يبارك ربي يهنيه
مي أنا نقول كون وكل بيها المحتاجين ولا يعمل بيهم مشروع صغيور خير من هذا التبذير وزيد راك عارف حنا الشعب ماصدق ولقاو عزيمة تسمى ماراحوش يفرحو معاه قد ماراحو يبروفيتيو و يتقرعجو
مشكووور خويا​

 

[N@riM@N]

هاد حاب يعووووض سنين لي راحو من عمرو مسكين

دوـوووو مــــــــــــــااااااجـ

​