البعوض

[بيكهام]

مشاركة محاربة الصحراء:

واش راكم
حبيت نطرح عليكم موضوع الناموس ولا البعوض

واش في كامل ولايات ولا عندا برك""""""

الناموس تاع2010 والله غير بوحده دخلني مستشفى وضربولي ابرا واش تفش
انت تضرب فيه وهو يشوف فيك ويقرص لاموبيد ولا بنفع ولا ولوا واش مرض جديد

جنون الناموس ولا انفلوانزا الناموس راح تجي
في ال2010 ؟؟؟؟

والله غير حيرني الموضوع وحبيت نعرف راي كل واحد فيكم
في هده الحشرات المزعجة !!! او البعوض

ربي يسترنا منها
امين

سلام عليكم لحباب
واش راكم شوية مع سخانة وووووو
لراني جيت نحكي عليه
/ ناموس/​

ليجان ناموس راه خرج للعيب
هذا الوقت ولا ناموس وقح بكرى كان يجي يضربك ويروح
ياو ذرك ولا يجي يضربك ويزيد يصوني في وذنك أزززززززززززززز

ومنبعد ينوضك وتقعد ليل كامل وانتا تحك ومتسلكش
وجديدة ولا يخدم وجوه كاين لمن زهرو ميدروش بيه كامل وتصيبهم راقدين ..
البارح كنت نكسر في راسي مع ميكرو
هاذي اللمة هذا سكايب هذا فيديو
وكنت مشعل براد
ايا روحي يا منى وارواحي
بدات يدي تاكل ومنبعد رجلي وجهي
اوووووووووووووووو
واش كاين ناموس دخل
روحت علا سعدى جبت المبيد وبيدت نرش في هذاك ليل كي مهبول
ايا هنا يموت هنا يموت محبش
خرج للعيب ناموس

ولا اونتي بال ضد
المبيد ضد بيف باف
ضد رصاص
ضد كلش ​

انا راني نشوف نديرو هدنة معاه
ولا نروح نشوف كاش حداد يخدملي لبسة اونتي ناموس

واش الحـــل في رايكم
كرهت صاي :cursing::cursing:
تشاو تشاو ليجان
بيكــــــــهام​

 

[MR-REDOUANE]

ويلك من انفلونزا البعوض..بكري كان الناموس جاهل بصح اليوم ولاو ديزانجينيور
زعمة تتغطى بدرا يجو ربع ناموسات يهزوه و الخامسة تعطيك بقرصة عينك توقف
و كاين الناموسة الي تسمعها فززززززز زعمة تعسها و مبعد كي يبقالها 10 سم على الكور
تعود سيلونسيوز و تعطيك للنيف ..احححححاك

​

 

[DARINE05]

ويلك من انفلونزا البعوض..بكري كان الناموس جاهل بصح اليوم ولاو ديزانجينيور
زعمة تتغطى بدرا يجو ربع ناموسات يهزوه و الخامسة تعطيك بقرصة عينك توقف
و كاين الناموسة الي تسمعها فززززززز زعمة تعسها و مبعد كي يبقالها 10 سم على الكور
تعود سيلونسيوز و تعطيك للنيف ..احححححاك
​

ههههههههههههههههههههههههههه
وحدك يا خويا رضوان

 

[جوانا]

لا يا ختي حنا ما عناش قليل وين تصيبي وحدة تدور
أصلا حنا ناموسنا عاقل هههههههه
كي تديري موبيد يروح ما يبقاش

 

[dahbito]

والله راه غير هو راه داير فينا حالا مزية كين هاداك الكاشي بصح والله مايديرلوا حاجة يدوخوا برك ههههههههههههههههه​

 

[محاربة صحراء]

لو كان تشوف ناموس تع بسكرا فيه مكيروم او يدورا في بتنا وقرصيني نفخلي فم هههههههههههه

 

[Mr mino]

او راهم دارو فرع في الجامعة ​

وسمو ​

عالم الباعوض ​

يقراو على كيفاه الحماية من الباعوض وكيفاش

تقضي عليه ​

واللي يكن مجور دو برومو يعطوه قرعة فليطوكس ​

اختي هذا اللي ضروك ميش باعوض هذا باعوش ​

يقرصك يرفدوك للكومة 6 اشهر وانت في قيبوبة كي

يحلولك دمك يلقاوه غني لكريزيلي والصانيبو ​

تالمو رهجاتك الباعوضة اللي قرصاتك دات الدم وعطاتك ​

الكريزيلي والصانيبو ​

شكرا زنجبيلا على الموضوع ​

 

[radia yoyo]

الحمد الله ناموسنا وذبانا عاقلين
​

 

[محاربة صحراء]

او راهم دارو فرع في الجامعة ​

وسمو ​

عالم الباعوض ​

يقراو على كيفاه الحماية من الباعوض وكيفاش​

تقضي عليه ​

واللي يكن مجور دو برومو يعطوه قرعة فليطوكس ​

اختي هذا اللي ضروك ميش باعوض هذا باعوش ​

يقرصك يرفدوك للكومة 6 اشهر وانت في قيبوبة كي​

يحلولك دمك يلقاوه غني لكريزيلي والصانيبو ​

تالمو رهجاتك الباعوضة اللي قرصاتك دات الدم وعطاتك ​

الكريزيلي والصانيبو ​

شكرا زنجبيلا على الموضوع ​

عندك الحق هذا هو البعوض تع بسكرا

 

[okbas]

حنا قليل عندنا في الحي تاعنا

و اذا لقيت وحدة يا أنا يا هي

و زيد كي نشعل الكليماتيزور يبردو و يتخباو

المهم ربي يسترنا منهم

و مشكورة اختي على الطرح​

 

[sisou023]

حنا شوي ناموش عاقل ميوريش روحو بزاف هههه

 

[محاربة صحراء]

حنا قليل عندنا في الحي تاعنا​

و اذا لقيت وحدة يا أنا يا هي ​

و زيد كي نشعل الكليماتيزور يبردو و يتخباو​

المهم ربي يسترنا منهم​

و مشكورة اختي على الطرح​

الحمد لله انا نرقد فوق سطح وناموس ياهجم هههههههههههه

 

[programmeur]

ايييييه بيني وبين الناموس قصة طويلة

المهم حنا عندنا الناموس يدير formation في اثيوبيا
يعني ناموس بروفيسونال ........ يا راني نقلك تم في اثيوبيا يدربوهم كيفاش يقاومو الفليطوكس وكيفاش يديرو مناورات جوية كي تكوني حاكمة صباط وتضربي و القرصة تاعهم .... مانخبركش
تكوني راقدة كي تجيك ناموسة تحسبي الرصاص دخل في جسمك

يا راني نقولك مرة راقد حتى نسمع ناموسة جاية من البعيد .... زززززززززززززززززز
أنا قلت هادي راهي معولة
نضت وقعدت نلوح بليدي في السما من بعد نرقد ونزيد نسمع زززززززززززززززززززززززز
غطيت روحي من الراس لرجلين ماسمعت والو
أيا جاتني السخانة بعدت الغطا على روحي حتى يهجم ضربة وحدة ..... ماخلا فيا والو

علابالك دروك انا نكتب وجاتني ناموسة قاتلي ماتكتبش علينا قريب ماقرصتني

الناموس تاع دروك تبدل ..... تجيك ناموسة تقولك عطيني 1000دج ولا نقرصك هههههههههههههه

 

[محاربة صحراء]

ايييييه بيني وبين الناموس قصة طويلة

المهم حنا عندنا الناموس يدير formation في اثيوبيا
يعني ناموس بروفيسونال ........ يا راني نقلك تم في اثيوبيا يدربوهم كيفاش يقاومو الفليطوكس وكيفاش يديرو مناورات جوية كي تكوني حاكمة صباط وتضربي و القرصة تاعهم .... مانخبركش
تكوني راقدة كي تجيك ناموسة تحسبي الرصاص دخل في جسمك

يا راني نقولك مرة راقد حتى نسمع ناموسة جاية من البعيد .... زززززززززززززززززز
أنا قلت هادي راهي معولة
نضت وقعدت نلوح بليدي في السما من بعد نرقد ونزيد نسمع زززززززززززززززززززززززز
غطيت روحي من الراس لرجلين ماسمعت والو
أيا جاتني السخانة بعدت الغطا على روحي حتى يهجم ضربة وحدة ..... ماخلا فيا والو

علابالك دروك انا نكتب وجاتني ناموسة قاتلي ماتكتبش علينا قريب ماقرصتني

الناموس تاع دروك تبدل ..... تجيك ناموسة تقولك عطيني 1000دج ولا نقرصك هههههههههههههه

والله هذي مليحةهههههههههههه راك تشوف نقلش وزيد تقلش ههههههههههههه

 

[العاطفي]

إيه الناموس
ما كانش بزاف قليل
​

 

[*WOUROUD SOUF*]

هههههههههههههههه
ياو نشوف فيكم كامل تشكو من الناموس
وكل واحد عنو ايستوار معاه
ربي يكون في عونكم حنا الحمدلله رانا في نعمة
ني ناموس ني والو


​

 

[محاربة صحراء]

1- وينك وينك يا ناموسي
2- حارة ما فيها ناموس
3- اهلييييييييين باحلى شباب والله
4- هلا والله حي الله

 

[محاربة صحراء]

http://www.gazasoft.com/forum/redir...d.com/file/135972060/76557ec2/Nems_Remix.html

 

[angel_fly]

اييييييييييه جبدتولي الجراح و الالام عندنا وحد الناموس يا لطيف toute options
و كي تقرصك الدم يعود يسيح راني نكتب الرد و في نفس الوقت نحك

 

[محاربة صحراء]

اييييييييييه جبدتولي الجراح و الالام عندنا وحد الناموس يا لطيف toute options
و كي تقرصك الدم يعود يسيح راني نكتب الرد و في نفس الوقت نحك

هههههههههه معندي مانقول عليك وعلا خل