ادا كنتو في بلاصتها واش ديرو؟؟

Amira ~

:: عضو مُشارك ::
إنضم
7 سبتمبر 2009
المشاركات
493
نقاط التفاعل
18
النقاط
17
السلام عليكم ورحمة الله و بركاته
وشراكم ؟؟ ان شاء الله تكونو ملاح
كاينة وحدة و تخرجت و راكم عارفين الطفلة كي تتخرج يولو الخطابة دايرين صف .. هي ماهي دايرة حتى واحد في بالها و قالت كي يجي واحد مليح مانقولش لالا .. و المكتوب ما تعرف كل واحد وراه مكتوبو
بصح تجي لحظة الي الواحد يحير ..هي خطبها واحد ....في حياتها شايفاته مرة ولا زوج و ادا زادت شافته ما تعقلوش علابالها بلي قاري و مكمل و خدام خدمة مليحة و تشرف و عندها احساس بلي يستاهل تعطيلو فرصة
هو بعت امه و اخته باش يهدرو عليها و ما ردولوش بالخبر
كاين زوج حوايج :

اولا هو ما حاولش ابدا يتصل بيها او يشوفها و بالتالي فملقاتش فرصة باش تتعرف عليه و تعرف عقليته

تانيا وحده عند امه وابوه لانه مربيونه برك و ميعرفش اهله الحقيقيين
انا قلتلها مفيها والو المهم هو ..بصح راكم عارفين هدرة الناس
و امها خايفة من هدرة الناس
وهي دوكا حايرة واش تقول عليه ايه ولا لا ؟؟؟؟
انتوما واش رايكم ؟؟

و ادا كنتو في بلاصتها واش ديرو ؟؟

ان شاء الله نلقى الاجابة عندكم باش نقدر نساعدها تقرر

اسمحولي ادا طولت في الهدرة
 
السؤال موجه للجنس المؤنث





 
يااختى عادى
انا خويا خطبوله وحدة جبوله صورة بتعها قبل بيها
مشفهش حت يوم عرس الحمد لله رهم عايشينى غاية لباس عليهم
وعندهم اولد
 
normal , fi plaçateha ngoul oui

w aprés , almohim howa michi sa famille
 
يااختى عادى
انا خويا خطبوله وحدة جبوله صورة بتعها قبل بيها
مشفهش حت يوم عرس الحمد لله رهم عايشينى غاية لباس عليهم
وعندهم اولد

الله يبارك ربي يسعدهم ان شاء الله
بصح هاد العقلية بدات تروح راهم يتزوجو برك بلي يعرفوهم ولا لا ؟؟
ميرسي خويا على الرد
 
الله يبارك ربي يسعدهم ان شاء الله
بصح هاد العقلية بدات تروح راهم يتزوجو برك بلي يعرفوهم ولا لا ؟؟
ميرسي خويا على الرد
اختى هنا كل عائلة وكيفش

كم وحد سلفى وعنده بنت ميحبش بنتها تعيش قصت حب
 
اختى هنا كل عائلة وكيفش

كم وحد سلفى وعنده بنت ميحبش بنتها تعيش قصت حب

لا مشي شرط قصة حب بصح على الاقل يعرفو بعضاهم ..هدرو مع بعضاهم من قبل و في حدود طبعا ... بصح يشوف الفوتو برك و هي تتزوج بيه بلا ما تشوفو حتى .. هادي لي نضن ماكانش دوكا
 
انا في رايي الي قلتيهولها صحيح مفيها والو المهم هو وتزيد تتعرف عليه وتفهم عقليتو وانشاء الله مايكون غير الخير
 
وعليكم السلام:
افضل حل تديرو هو
تصلي صلاة الاستخارة
ادا كان فيه الخير ربي سبحانه وتعالى راه يكتبهولها
وادا لا راح يبعدو عليها
والله صدقيني هده افضل الحلول
 
نعرف واحد كان خدام حتى دربوله تيليفون
قالوله صايي زوجناك غدوا ارواح تشوف خطيبتك

كلش عادي
كاين اللي مايشوفهاش حتى نهار العرس ..... اذا صبها مليحة راه قعد واذا صابها كارثة يخرج يجري ويقول
الحقوني الحقوني ...ههههههههههههههههه
 
انت تاني تقدر تقول رايك

أوكى أختى
أنا حبيت نسمع آراء البنات أولا مى معليش نقول رأيى درك

حنا عدنا فى الكرطى ( الحوما كيما تقولو انتوما ) واحد صراتلو حكاية كيما هادى و جابولو عروسة من بلدية بن مهيدى ولاية الطارف كيما قلتى انتى فى صورة
خلاص هو شافها عجباتو و تفاهم مع تاع دارو و تاع دارهم باش يروحو يعقدو فى لاميرى .
و مبعد صرات حاجة لا توقعها لا هو لا عايلتو.
واش رايك لوكان نقولك بدلولو لعروسة و جابولو التوأم تاعها و هي حولة فى عيناها ، و هو ما تولهش تم باسكو أول مرة شافها و راكى تعرفى حاشم منها شوية ما خزرش فيها بزاف

و عقد و كلش مبعد باش فاق بيها حولة و ماشى كيف لى فى الفوطو و عرف بلى لى فى الفوط متزوجة و حاكمة دارها .
بون انا حكيتلك حكاية صرات من جيهة الراجل و الغلطة لى عملها
بصح انا رانى نشوف بلى الامر ينطبق على المرأة تانى
يعنى لازم تعرف عقليتو مليح بالك ما يساعدهاش و لا ما يتوافقوش فى حوايج و هذا لمصلحتهم فى زوج .

مرسى عليك و على الطرح المميز أختى
تحياتى









 
واللي يدير على هدرت الناس عمره ولا ينجح
 
أوكى أختى

أنا حبيت نسمع آراء البنات أولا مى معليش نقول رأيى درك

حنا عدنا فى الكرطى ( الحوما كيما تقولو انتوما ) واحد صراتلو حكاية كيما هادى و جابولو عروسة من بلدية بن مهيدى ولاية الطارف كيما قلتى انتى فى صورة
خلاص هو شافها عجباتو و تفاهم مع تاع دارو و تاع دارهم باش يروحو يعقدو فى لاميرى .
و مبعد صرات حاجة لا توقعها لا هو لا عايلتو.
واش رايك لوكان نقولك بدلولو لعروسة و جابولو التوأم تاعها و هي حولة فى عيناها ، و هو ما تولهش تم باسكو أول مرة شافها و راكى تعرفى حاشم منها شوية ما خزرش فيها بزاف

و عقد و كلش مبعد باش فاق بيها حولة و ماشى كيف لى فى الفوطو و عرف بلى لى فى الفوط متزوجة و حاكمة دارها .
بون انا حكيتلك حكاية صرات من جيهة الراجل و الغلطة لى عملها
بصح انا رانى نشوف بلى الامر ينطبق على المرأة تانى
يعنى لازم تعرف عقليتو مليح بالك ما يساعدهاش و لا ما يتوافقوش فى حوايج و هذا لمصلحتهم فى زوج .

مرسى عليك و على الطرح المميز أختى
تحياتى


صح خويا سمعت بزااااف بحكايات كيما هاك بصح تصرا بك للرجال مانيش عارفة علاه هههههه جامي سمعنا امراة وراولها فوتو تاع واحد و زوجوها بوحداخر

المهم عندك الحق لازم تعرف عقليته .. بصح شوف المشكلة وين راهي .. هو يعرفها مليح و يعرف اهلها و اصلها و فصلها و هي ماتعرفوش و ماتقدرش تقولهم قولولو لازم نهدر معاه .. طايحة شوي ولا لا ؟؟ لازم هو يدير الخطوة
 
نعرف واحد كان خدام حتى دربوله تيليفون
قالوله صايي زوجناك غدوا ارواح تشوف خطيبتك

كلش عادي
كاين اللي مايشوفهاش حتى نهار العرس ..... اذا صبها مليحة راه قعد واذا صابها كارثة يخرج يجري ويقول
الحقوني الحقوني ...ههههههههههههههههه
:lol::lol::lol::lol::lol::lol::lol::lol:
 
اليسلام عليكم
يا أختي حنا عندنا وفي كامل المجتمع تاعنا نشوفو للجانب المادي أوكي وديجا انت شخضيا شوفي علاواش بازيتي (حدام خدمة شابة) يا أختي انا مازال ما سمعت بوحدين بغاو يخطبو وسقساو على هاد الشير اسكو يعامل والديه مليح ولالالا جامي حنا نبغوه خدام ويجيب الدراهم ياأختي الهنا ما يتباع ومايتشرى والاخلاق تاني
أنا نقول ربي يوفها نشالله
تعيشي أختي الكريمة
 
وعليكم السلام:
افضل حل تديرو هو
تصلي صلاة الاستخارة
ادا كان فيه الخير ربي سبحانه وتعالى راه يكتبهولها
وادا لا راح يبعدو عليها
والله صدقيني هده افضل الحلول
هدا الحل الامتل
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top