يااحبابي ساعدوني مافهمت اذا اخت ولا عدوة

[N°°°°RA]

هذي اختك ساعفيها تحبك علابالي كون كاش مايصرا معاك تشوفي كيفاش تحبك

 

[الاحمد1987]

للاسف حبيبتي
معنديش خواتات
و تمنيت يكونوا عندي

هذيي تبقى ختك و مانظنش تفوتك
ساعفيها برك ربي يكون معال ماعليك غير الصبر

 

[salma2010]

ربي يعينك على ما بلاكى اختى هدا ما نقولك

 

[°/°مبدعة اللمة°/°]

اختي انا نقلك
كانت عندي اختي قبل متزوج عمرها 25 وانا 13
علبالك كانت تضربني و متخلينيش نخرج المهم عملت فية لي ميتعملش مي قلبها ابيض وطول طول نتصالحو
والعام لي فات تزوجت علبالك نبكي عليها وتبكي علية والله كون منشوفهاش كل سمانة نقتل روحي
ونحبها اكثر من خواتاتي 2 لخرين والله تصدقيني امس برك فطرت عندنا اليوم توحشتها وتوحشت بنتها
نقلك اختي هدي اختك ومعندكش من غيرها والو وكون تصرالك حاجة بعيد الشر تشوفيها كيفاش تغيضيها
اختي حافظي على اختك و لزيها ليكي واختك كيمة تعسك راي لمصلحتك وهدا من حبها ليك لانها باينة متحبش حتى واحد يضحك عليك ولا يفلسك
​

 

[NaDiA.]

يا ختي انا نقولك العكس تماما اللي راكي تفكري فبه ختك هادي لازم تحطيها على راسك الشي اللي تدير فيه ماشي حقرة ولا حتى حاجة العكس تماما هذه طرقة حبها ليك و طرق من الحماية .. عادة الاخوات الكبريات يتصف و كانهم مسؤولين عليك و فمكان امك ..ماتقلقيش قاع روحك حنونة

و نصيحة مني كاخت كبيرة : انك تتقربي منها قدر الامكان و بلطافة تعبريلها شحال تحبيها و انك علابالك بلي ختك تحوس على مصلاحتك و قوليلها انك متدايقة من المقاملة لانها تكون حادة ف بعض الاحيان فقط ..و طبعا راح تخف عليك شويا و تفهم انك كبرتي ..و ماكاش كي التواصل حاولي التقرب و التواصل قدر الامكان

نتمى فدتك و تهلاي ف ختك حنونتك باسكو ماتلقايش كيفها

ربي يخيلكم لبعضاكم
​

 

[Ŝĥåĥĭйëž Ïķřăмơǖ]

ya khti hadi raha kbira 3lik w tebghi maslahtek
ma3ali rah 3andha 24ans raha 3andeha tajroba fel hayat balek raha khayfa 3lik ana 3andi khti sghira manebghiche 3liha mais mchi ace point zayer bezaf mchi raya stahamli touk yji nhar win tetzawej wetrouh tabka ghir blasetha wetebki wahdek wtendmi 3la hadi lhadra
saha ftork​

 

[نكهة مطر]

شكرا على النصائح

 

[sandybelle]

والله يا اختي انا عندي خوتاتي كامل بنات و انا الصغيرة لازم تكبري عقلك معاها

:scared:......

شوفي ياختي هدي ختك وكبيرة عليك أمالي لوكان قاع هي الظالمة لازم تحتارميها ماشي كيما قلتي تكبري عقلك معاها ...ها نعلو الشيطان هدي غير ختك يا طفلة وجامي تفوتك :angel:

 

[بسمةالحياة]

والله يا اختي انا عندي خوتاتي كامل بنات و انا الصغيرة لازم تكبري عقلك معاها و هيا ككي راهي ديرلك هكا في صلاحك بصح لوكان كشما تصرالك ضرك توقف معاك هاذو هما خوتاتنا لكبار ديما هكا و مرسي

انا رايي من رايها وكاين حوايج تشوفي روحك راكي محقورة بصح تكبري شوي تلقاي روحك غالطة واختك عندها الحق و جامي تقولي بلي راهي عدوة انا راني نشوفها تخاف عليك بزاف بصح بلاك انت ما فهمتيهاش والا هي ما عرفتش كيفاه تخاف عليك وزيدي راهو فرق 10 سنوات يعني اكيد راهي مجربة اكثر منك وفاهمة الدنيا خير منك

 

[Amine_kassoul]

الله مع المضلومين ويهدي الظالمين

 

[نسمات]

ماتقلقيش روحك حنونة هادي ختك ل كبيرة وتعرف اكثر منك
جاااااامي تفوتك ولاتفوتيها
​

 

[H o c i n e]

مزلت صغيرة ومتعرفيش مصلحتك برك
وقت الي تكبري تحسي بلي هذا كامل في مصلحتك
​

 

[نكهة مطر]

صح عبالي بلي ختي وتخاف عليا وهذا قاع باش تحميني مي راهي دارتلي عقدة

 

[مايلي الجزائرية]

اختي ليس لدي خبرة مع الأخوات لأنه ليس لدي أخت آآسفة


ربي يكون في عونك​

وانا كمان ما عنديش اخت

 

[zahira92]

انا الاخت الكبير:glare: ويا خوفي تكون ختي تهدر عليا كيفك:scared:انا كلش على صلاحها بصح انا مش كي ختك البنات في الدار ماكنش بورتابل حتى انا:laugh: . متقلقيش حنونتي راح تتزوج وتتوحشيها وتعودي ترحمي على الايامت الي كانت هي معاك. ولا واش رايك.قولي ايه ولا نجي ............ نتسمخر برك حنونتي.خلاص مديريشس في قلبك منها ياسر مهما كان تظل اختك.

 

[hichem244]

ربي يكون في عونك وكيما قالتلك ماماك هادي اختك الكبيرة لازم تطيعيها وتحترميها وما تدريش في بالك بلي راهي دايراتك في بالها ولا تكرهك..هادو هوما الخاوة هكدا

 

[riadh bba]

عيب عليك ختك تشكي منها انا تاني خويا لكبير عليا يلبس قشي يدير من ريحة تاعي يهز من دراهمي وانا مايخلينيش كامل نقرب لحوايجو نورمال والله مانقولو كلمة