يااحبابي ساعدوني مافهمت اذا اخت ولا عدوة

[lyrics]

السلام عليكم

يا اختي ما ديري والو في بالك هادي غيرة بين الخواتات عادي وممكن هي شايفة انك في سن المراهقة وخايفة عليك

لكن كوني متاكدة انه في وقت الصح ما تلقاي غير اختك لي واقفة معاك

 

[نكهة مطر]

مشكورين على المساعدة وقفتكم معايا

 

[سماح4]

ساعفيها وأن شاء الله تتزوج وتعودي تشوفيها ضيفة عندكم ، ادعيلها ربي يهديها ، حاولي تعامليها مليح وماتشاحنيهاش وكي تدي من عندك صوالح ماتتغاضيش منها بينيلها بلي حوايجك هما حوايجها وان شاء الله الحالة تتسقم بيناتكم وتعودي تضحكي على روحك كيفاش درتي هذا الموضوع .تاكدي من حاجة وحدة أنها تحبك وما تحبلكش الشر أبدا.​

 

[ريفال]

شوفى حنونة اختك مدام راهي تديرلك هك راهي تحبلك الخير وتحوس عل المصلحة تاعك هيا تعرف بلي انتى صغيرة واللي يجي يلعبها عليك وراكى تعرفي الوقت لي رانى فيه صعيب بزااااف معليه تحملي كلشى راح يفوت وقتو

 

[نكهة مطر]

مشكورة على النصائح احبابي

 

[DADY23]

نفس المشكلة مع خويا
مي مشكلتنا أكبر شوية أنا راني في العامين ما نحكيش معاه لتجنب المشاكل علاجال الوالدين
بصح ما ننصحكش تخاصميها
شوفي وحاولي افهمي عقليتها بالاك تلقاي حل​

 

[منال السطايفية]

 

[°~Kenza_02~°]

بالاك هاذا هو الاهتمام والمحبة تاعها هكا دايرة .......ممكن
بالاك تخاف عليك بزاف على هكذا قاسية معاك
وممكن انت كاشما راكي دايرتلها وماكيش منتبهة بالاك انت تزعفيها ولا حاجة
وديجا صارحيها وهدري معاها بصراحة ............قلها مالكي معايا شا درتلك انااااااااااا .............ممكن تكون عندها وجهة نظر
​

 

[نكهة مطر]

ضكرا على النصيحة لكن ياخوتي راهي تزيد يوم عن يوم صحابتي تتحك فيا معمن نهدر ومعمن منهدرش

 

[loca]

ختي نقولك ختك هادي كبيرة عليك ملازمش ترديلها كلام بصح من تزعف عليك وانت مدرتي والو رديلها نقولك ريحي معاها وقولها انا ختك ماشي عدوتك راكي كبيرة عليا مانيش قدك علاش ديريلي هكدا شوفي بنات لي قدك كيفاه يتعاملو مع خواتهم فهميها بالعقلية ومتزعفيش روحك خليك منها يجي نهار وتفهم واش راهي دير ربي يهنيك ختي ​

 

[لؤلؤة المحيط]

بلاكي تعاودي تقولي كلمة عدوة هذيك راهي اختك
هاو اانا تاني عندي اختي صغيرة عليا يسما فرق السن بيناتنا كيفكم وغير من خوفي عليها تلقايني
ننصحها نزقي عليها كل يوم التنقريش وتقولي باللي ماتحبينيش لمهم مانحكيلكش وراهي غابت شهر رمضان والله تقول حاجة ناقصة عليا وكي نقولها ليما تقولي تهنات منك كي كانت هنا كنتي مهبلتها بالصح والله والوا نحبها وماشي ممكن تلقايها منا وفات وننصحك باه تصاحبي اختك أحسن
ايا سلااامو
​

 

[*amina*]

والله يا اختي معنديش خبرة
انا الكبيرة في الدار بصح ختي نحبها
انا عندي 20 سنة وختى عندها 5 سنين خطرات نضربها مي على حوايج غلط
ربي يهدي ختك وربي يطيب بيناتكم

 

[مروة MARWA]

نقولك اختي حاولي تتقربي منها اكتر انا نظن بلي العلاقة بيناتكم ماشي مليحة
رغم كل واش تقولك قولها انتي اختي لكبيرة نحبك ونحترمك بزاااااااف حاولي تكوني انتي الاخت المثالية رغم انك الصغرى هك تبينيلها بلي راكي خيرمنها وكي تشوف روحها بلي غالطة نظن بلي تندم على واش دارت معاك وتشوف ليك بنظرة جديدة ان شاء الله
***
ربي يكون في عونك
​

 

[نكهة مطر]

راكم قاع ضدي ومعاها عبالي بلي ختي وتحبني
مي راهي مرقتها بزاف كون ماتخفش بابا وتحشم منو لوكان راهي حاوزتني مدار كون جو نهار واحد وتشوفو كفاش تعاملني تتخلعو انا وايها منتهدروش كفاش تحبو نهدر معها هيا في جهة وانا في جهة وذرك رانا متقاسمين كل وحدة في شمبرة ومانيش قاع نخرج منها باش منتلقاش بفيقورتها

 

[lynaa]

اختي ليس لدي خبرة مع الأخوات لأنه ليس لدي أخت آآسفة
ربي يكون في عونك​

la mém reponse okhti elah ghaleb tefela waheda

 

[قساوة الماضي]

ساعفيها حنونة ومنبعد تتزوج
وتتمناي يرجعو هذو ليام
انا اختي كاينة مدايرتلي كتر من هك
هذي راهي ختك الكبيرة وتخاف عليك​

 

[maria13]

راكم قاع ضدي ومعاها عبالي بلي ختي وتحبني
مي راهي مرقتها بزاف كون ماتخفش بابا وتحشم منو لوكان راهي حاوزتني مدار كون جو نهار واحد وتشوفو كفاش تعاملني تتخلعو انا وايها منتهدروش كفاش تحبو نهدر معها هيا في جهة وانا في جهة وذرك رانا متقاسمين كل وحدة في شمبرة ومانيش قاع نخرج منها باش منتلقاش بفيقورتها

ههههه والله ختي ضحكتيني
كون تشوفيني أنا ختي كيما ختك ولا كتر وتاني نتي راه عندك غير وحدة دايرتلك وأنا اللي 3 واش تقولي
حنا دايرين القيرة في الدار
نقولك حاجة كبري عقلك وخلاص عامليها على قدها وخلاص
سلام
ونحي من بالك هادي كلمة عدوة :scared: قتلك كبري عقلك ادا هيا صغيرة
أديها على عقلها وخلاص :heh:

 

[khalil hip hop]

بسمـ الله الرحمنـ الرحيمـ

السلامـ عليكمـ


واش راح نقلك اختي ربي يهدي كل شيئ وربي يهنيك مكن كل حاجة

تخصك اختي وان شاء الله تهدى الامور " امين " ثانيا عنما يكون

امك وباباك خارج التغطية تأتي في محل امك وباباك اختك واخوك

الكبير المهم الكبير فيكم الكل ثالثا اختك هي اختك مراح تشتي ليك

الشر يأختي الفاضلة يعني تحبك في قلبها وتكون معاك كلي راهي

ماهيش اختك باه كون ديما تتمسخروا وتلعبوا معا بعضاكم يجي نهار

وتولو متعاركين يعني كي تدان تدين اذا الاخت اخت والاخ اخ والاب

اب والام ام هاذم مايحربهم ولو واحد اختي الكريمة انا عندي خويا

لكبير كل مايقلي حاجة نقدره حتى لو يضربني نقول راهوا على مصلحتي

ويعيط عليا كل شيئ وانا مقدره لأن الاخ اخ والاخت اخت الكبيران

لهم مكان خاص وحدهوما والاب والام لهم مكان خاص ايضا والاصدقاء

اصدقاء لهم مكان وحدهم وارجوا انكي قد فهمتيني اختي الفاضلة

والسلام عليكم
​

 

[بنت الـ25]

أنا تاني كنت نعاني مع ختي، كرهتلي حياتي ودرك راهي تزوجت ووليت نتوحشها
اختك راها تخاف عليك وتخاف بالاك تكرري غلطاتها اللي ندمت عليهم
ومن جهة اخرى قادرة تكون تحب تفرض رايها عليك بارسكو انت ختها الصغيرة وتحب تحقرك
مثلا أنا ساعات نقول بيني وبين روحي "كون غير جات عندي ختي صغيرة نحقرها"
ههههههههه
اصبري وخلاص...وحاولي تهدري معاها وتفهمي علاه اديرلك هك
بلاك تغير منك كي عدتي صغيرة ومدللة...
جربي قربي ليها... هدا وش نقدر نقولك
صح فطورك​

 

[أسير كوكب الحزن]

اختك متفوتكش
دوك تزوج وتفرحى بيها