التقرعيج

[مرام التيبازية]

السلام عليكم ورحمة الله تعالى وبركاته

كيف الاحوال ان شاء الله تكونوا ملاح انا راني مع السخانة ودراسة القران ادعولنا بانجاح فقط

المهم هذا الموضوع درتوا ولاحظت بزاف ناس ميحشموش اليوم كنت قاعدة في الشارع مع صديقتي وكنا فايتين حتى شفت جيرانا ايطلوا من البالكون ويضحكوا مي هذي ماشي تربية حتى امهم اطل معاهم مي لازم تنصحهم

الله يهدي ماخلق هذي ماشي عقلية تع يطلوا على الجيران هاذي الظاهرة تسمى بالتقرعيج اعطوني رايكم اذا كنتم انتم مكانهم

• انتظر الرد
• دمتم بخير

 

[EL General]

لا أفهم قصدك تماما ؟؟؟
يعني هذه القضية التي تنتشر غير في الباطيمات الجزائرية ههه
لأن البيوت الأرضية ماتلقاش منين تقرعج ـ
ظاهرة لا فائدة منها ، بصح عندها فائدة في المنتدى ، ههه
شكرا لكم على طرح الموضوع بالتوفيق ...
​

 

[alnosratv]

الحمد لله فيلا 600 متر غي حنا والسما فوقنا حد ميشوفنا

صح خي الله يهدي برك

 

[amuno]

الحمد لله

بيت وحدنا حد ما يقرعج علينا

مي شفتها في القراية والشوارع صح

وماشي مليحة

ناتجة عن الغيرة والحسد
هادي الحوايج ماعندها دواء

تقبلي مروري وتحياتي

​

 

[assoma]

اهلا حنونتي مرامو
واش راه عندك مشكل ماتديهاش فيهم
والله صح هاذي الظاهرة انتشرت
تلقاي العيون تطل من الباب من التاقة
من كل بلاصة
واش نقول الله يهدي ماخلق
واقراي القران
واتهلاي في روحك وربي ينجحك حنونتي
سلااااام​

 

[NICHA03]

الحمد لله فيلا 600 متر غي حنا والسما فوقنا حد ميشوفنا

صح خي الله يهدي برك

زعما حنا جماعة تاع الفيلات واحد ميطل علينا كي نكونو فاليلا بصح كي نروح لدارنا تاع الباطيمات الله الله قرعج و زيد تشوف انواع اترقعيج كامل السمعي .و البصري . و السمعي البصري :blink: و مرسي اختي امينة على المضوع الرائع:ax_flw:

 

[خولة الجزايرية]

والله غير عندك ياختي
الحق التقرعيج راهو داير حالا
هادي هي العقلية الدزيرية
واش تحبي​

 

[alnosratv]

زعما حنا جماعة تاع الفيلات واحد ميطل علينا كي نكونو فاليلا بصح كي نروح لدارنا تاع الباطيمات الله الله قرعج و زيد تشوف انواع اترقعيج كامل السمعي .و البصري . و السمعي البصري :blink: و مرسي اختي امينة على المضوع الرائع:ax_flw:

الحمد لله وسع ربي الله يوسعها على كل واحد
ويأختي هذا نصيب كل واحد في الدنيا وحد في في علبة واحد في صندوق

 

[احلام ضائعة]

واش راح ديري فارغين شغل هادي بلادنا بلاد الميكي نعرفو غير التقرعيج

 

[يسرى 2008]

التقرعيج مش غير في الباطيما
الشوارع
النيت
المدرسة
في كل بلاصة بلا التقرعيج مشنا عايشين
انا تاني نكره التقرعيج ياسر
ياك مرة طفلة جبدت دفتر تيعها الخاص شافوها دكورة راحو جبدوه وداوه فضحوها في الجامع
وش نقولو ربي يهدي

 

[amuno]

بصح نوصيكم على حاجة


ليكم هادا البيت الشعري


لا تنهى عن خلق وتأتي مثله**** عار عليك إذا فعلت عظيم

لأبو العتاهية نظن

أدو منه العبرة

تحياتي

​

 

[همسات خجولة]

الله يهدي ماخلق اختي
مشكورة على الموضوع

 

[إيمي88]

فارغين شغل يطلو على عباد الله i-o:​

 

[N@riM@N]

قرعجو عليكم قرعجو عليهم وهي رايحه

يخي جيران؟

​

 

[kojak]

ربي يهدي ماخلق
​

 

[souhila_95]

جامي صراتلي هذه ساكنين في دار بصح واش حابيتيني نقول ربي يهديهم

 

[the_end]

و عليكم السلام ورحمة الله وبركاته
ربي يعونك حنونة في حفظ القرآن
واش نقلك هاذي ولات عادة في الجزائرين مي من قلة الادب
الله يهديهم
مرسي على الموضوع حنونة
تحياتي

 

[the_end]

بصح نوصيكم على حاجة ​

ليكم هادا البيت الشعري ​

لا تنهى عن خلق وتأتي مثله**** عار عليك إذا فعلت عظيم​

لأبو العتاهية نظن ​

أدو منه العبرة ​

تحياتي​

صح عندك الحق خويا
بصح هديك خدمة تع لي فارغين شغل

 

[مرام التيبازية]

صحيتوا خاوتي فهمتوني بلي هذه الظاهرة راهي منتشرة بزاف يخي حالة غير ايقرعجوا وصحيتوا انشاء الله نحفظ القران ونفرحكم وانتما تاني تفرحونا بحاجات وداخرين

 

[touffik]

عندك صح اختى ربى يهديهم