ارجو دخوووووووول رانى مفوكر نحوى عليا شويا

امير الجزائر

:: عضو مُتميز ::
إنضم
27 جوان 2009
المشاركات
543
نقاط التفاعل
1
النقاط
17
سلام عليكم يا جماعة خير والله غير رانى يوم كاره حياتى حبيت نحى على روحى شويا
اليوم دخلت للبلدية نخرج زياد قلولى دير كول مع شعب جى واحد من وراى خرجوله ومين سخسيت عليه وعلاش قلولى با باه عند دراهم يا خى رانى نشوف بلى غير ولا د دراهم راهم عيشين ومساكين مكانش قاع ليهم بلاص فى بلادنا
يا خى كلشئ راه بدراهم والله غير بزاااااااااف لتحب ديرها بدرهم مكانش قاع حاجة با طل الله يهدينا ويهدى الجميع
انتما واش رايكم فى هدو ناس لكما هكدا
 
واش راح نقولك ياخويا هادي صبحت مودة في اي حاجة

وفي اي بلاصة وين تروح تلقى هك مكانش واحد يدير

حاجة على وجه ربي عندك دراهم راك تسوى ماعندك

ماتسواش دير ربي في بالك وان شاء الله تتحل

ربي يوفقك خويا
 
هادي هيا بلاد ميكي ربي يصبرنا وخلاص وان شاء الله مول الحق يربح
 
عيش تشوف في زمان المكشوف
هاذي هي بلادنا ولات تمشي بالدراهم
ربي يهدينا و ربي يهدي عبادوا
و الله وين تروح للسبيطارات للبلدية للدائئرة فكل بلاصة تلقى المعرفة و الدراهم و التشيبات خلونا من هاذ العقلية و على هذا بقينا متخلفين
ربي يهدي عبادوا وربي يستر من اللي جاي
ما تقلقش روحك يا خويا العزيز هاذي هي الدزاير؟؟؟؟؟؟؟؟؟؟؟؟؟
ربي يفرج علينا ان شاء الله و يسهللك امورك ان شاء الله اخي العزيز
 
السلام عليكم ورحمة الله وبركاته

اخي الكريم اهلا وسهلا بك ويشرفني ان اشاركك هذا الموضوع غير اني سوف اتطرق اليه من خلال جانب اخر وهو النفوس والاحساس لا تتسرع كلامي في صلب الموضوع
اخي الكريم اصحاب المال دائما محسودين وليس هذا في مجتمعنا او عصرنا بل في كل زمن وعصر وقد قص الله علينا قصة قارون ونفر من قومة الذين تمنى ان لهم مثل ما لقارون وقالوا عنه انه ذو حظ عليم فلما انتقم الله منه علموا انهم في نعمة وراحة يحسدون عليها خير من كثر مال وطول حساب
هذا من جانب ام حديث الشعب او العامة فهو يتبع المظاهر لا غير وكل يصرفه حسب نيته اين المثل الذي يقول التمس لاخاك عذر الى سبعين عذر فان لم تجد له فقل لعل لاخي عذر لا اعلمه هذا هو سد باب من ابواب الشيطان يتسرب بها الى نفسك اخي المؤمن فلو قلنا لعله مستعجل او شيء اخر حين استخرج وثائقه لكنت الان انت بنفسية طيبه لا تحل عليه وعلى امثاله رغم ان فعله هذا يدل على عدم احترامه للاخرين فمن رضي بما لا يرضاه على نفسه فهو ناقص الايمان والله اعلم
عموما هذه الظاهرة موجودة في كل مكان وتقع دائما وليس للمال دخل فيها انما تفسيرنا لها هو من صنع للمال دور فيها وهذا ميثال دخلت يوم لتسجيل في مسابقة في مدرية التربية فوجدت صف تجاوز الثلاثين متر من كلى الطرفين يعني بقلئي اكثر من 4 ساعات فقررت المغادرة والعودة في وقت اخر حينها لمحني احد الموظفين كان زميل لابي رحمه الله فسالني وقتها عن ابي فقلت انه بخير ثم قال هل لي بخدمتك فقلت اريد التسجيل فقال هات الملف ونتظرني دقائق فدخل وخرج في اقل من ربع ساعة وكنت قد سجلت
حينها ماذا قال عني كل من راني احد الحالتين عنده المعارف او عنده شكاره ولكن انا الصدفة من خدمتني لا غير لاني ببساطه كنت قررت العودة في ورقت اخر فكيف سيعلمون انها الصدفه لا غير ولا انكر اني كان الواجب عليا ان استتر او اعود في وقت اخر وصدقوني كنت دائما احترم الصفوف والتزم النظام المعمول به رغم اني قادر على تجاوزه لان الاحترام يجعلك تشعر انك فرد من المجتمع لا شخص فوقه وبهذا اعيش معه على فوقه
عموما يبدوا اني تجاوزت فكرة الموضوع فاسف اخي الكريم وانت الاعضاء الطيبين فانا كثير الثرثره ؟؟؟
السلام عليكم
 
نورمال ميش جديدة بصح لو كان جيت في بلاصتك نوض الgيرا في البلدية لازم الانسان تاني يولي قافز ويضرب على حقو​
 
الله غالب الناس تعماو عينيهم بالدراهم ربي يهدي ما خلق
ربي يعاونك خويا
 
غير مول دراهم الي راه عايش احنا تاع لاشان برك
وكي اجي تهدر على حقط يقلك بلع فمك وكول بابة برك
ربي يجيب الخير برك
 
éwi 3andek drahem 33333èsht w9dit swal7èk ma3ndeksh ra7èt 3likkkk hadi hiya dzeyer !!!!!!!!!!!!!!!!!!!!!!!!!!!!!!!!!!!!!!!!!!!!!
 
ih ya khoya wach dir hadi hia l algerie rabi yehdina
 
ايه هآي هيأ الحالة ذك عندك معرفة وسوارد تعيش
ما عندكش أحكم بلاصتك وريح يخي عجب يخي
بلاد ميكي ...؟؟
 
شكرا كتير يا احل اعضاء على الردود ومشكل انا انسا ن فيساع نتقلق وخايف نضرب واحد نجيبه فى الحبس
ربى يستر برك
 
عيش تشوف في زمان المكشوف
 
الgراد يحكم فالgراد

والشعب ياكل التراب
 
هادا واش هلك بلادنا صحاب المعرفة و البيسطو لي يديروه لي مايخافوش ربي الله غالب خويا هادي بلادنا مي مالغري هاد الشي نحبوها
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top