رمضان و العيد داخل ثكنة

الحالة
مغلق ولا يسمح بالمزيد من الردود.

Adel Adel1

:: عضو بارز ::
أحباب اللمة
إنضم
18 جوان 2008
المشاركات
4,249
نقاط التفاعل
270
النقاط
163
محل الإقامة
Palastain
الجنس
ذكر
السلام عليكم علابالي بلي غيبتها عليكم

المهم شوي هدرة حاب نخرجها

الناس ووين ولات

لي ضحى بعمرو ودفع بروحو لثكنات باه يضمن مستقبلو معناها 20 سنة وقت مليح هو يفوتو بالكلاش و الريسك

لي يجري 4 ساعات فالنهار غير فوتينg و يتغدى بحفنة ماقارون بلا ملح غير بالبصلة و الكارثة يعاود يتعشاها
درجت الحرر معضم الأحيان 47 .. تدريبات قتالية مضنية مع نوم 4 ساعات فقط بالليلة يعني من 12.00 لل 4.00

في قلبو مايحبسش التدراب هادا و مايروحش لدارهم باه مايقابلشباباه ضعيف

مايقدرش يروح لدار لازم اذا روح لدار يروح راجل و صبر و كمل
مايسمعش بحبابو و هو مايخرجش من الثكنة على اللخر صحابو و بابو آبال للبورطابل ماكانش نساوه

مشاكل لداخل فالثكنة الوحدة التدريب الغير عادي الأكل القليل جدا النوم القليل لمدة 4 شهور و لا تزال 4 شهور أخرى

معناها رمضان بنفس طريقة العيش فقط تحذف وجبة الغداء و العيد لاترسل فيه لبيتك


يبقاللإنسان أنو يبعد عن بالو فكرة الإنتحار لاكن مرات يقتنع بها و يعود و يستغفر و ينحيها من بالو

وش رايكم في هادي

مشكل و لا .........


؟؟؟؟


غدا نولي للهم تاع الثكنة

مانيش نعقب فلارمي لارمي و اللهأسهل كثيرا

مي دعيولننا بالصبر قريب نخلصو سطاج

 
آخر تعديل:
عندك الحق خويا عادل هادي ماش غير صعيبة
وهنا يبان الراجل من الدراري
مايصبر ومايتحمل غير الراجل القادر على روحو
والله كشباب في هادي يعطيكم الف صحة
 
ايه واش تحب الوقت راه صعيب و الحياة صعيبة بزاف لو كان ما يكونش راجل
و يصبر راح يعيش حياة اكثر صعوبة و خاصة الولد ما يرحموهش كما البنت
يعني لازم يتحمل هذي المصاعب وحدو
ربي يفرج على ليجان كامل ........
 
هو أصلا الهدف نتاع الخدمة الوطنية تكوين الرجال وربي يكون في العون الناس قع الي نعرفهم فوتوها وصبرو والحمدلله
 
المشكل ماهيش خدمة وطنية

هادي أصعب كثيييرا

غدوة راني راجع ليها أدعيولي بالصبر معاكم
 
والله ياعادل تأثرت بزاف ، واش نقلك نبدا نهدر بلاك نزيد عليك ، أنا نقلك ندعيلك برك يارب يا كريم هون عليه وخفف عليه ماهو فيه يارب العالمين ، ان شاء الله يعقبو 4 شهور كيما فاتو لخرين ولا خير ربي يعاونك ويثبتك ويكون معاك ،كيما قلت استغفر ياسر باش ربي ينحي عليك الغمة ...وتفوت نهارات بخير.
 
يا خويا واش نقلك الله يكون في عونهم يارب
شكرا على التذكير بيهم
 
يا خويا واش نقلك الله يكون في عونهم يارب
 
ربي يكون معاك ويصبرك هنا يبان الراجل تاع الصاح معليش اصبر وربي يفرجها
 
مايصبر ويتحمل غير الراااااااجل الله غالب مي لازم خدمة الوطن مهما كاااااااااان
 
والله علابالي بكلش!
ماعليش حنا ندعيولك ربي يخفف عليــك ويسهلك ياارب
دوك يفوتو هاد شهور لولين الصعاب
ممبعد راح يتسهل الحال شوية
سلام
 
السبيكتاااااكل

أول حاجة بعد خرجت من القزارنة اليوم رحت للبوسطة هزيت مصروفة و مبعد جيت كونيكتيت هنااااااا


فرحة سبيكطاكل في رمضان مع الجو فالأغواط ليوم حلو و مليح

مممممممممم نريح هنا ساعتين مكونيكتي ومبعد نخرج ندووووور و نولي نشري تمر و لبن و زلابية و نديهم معايا للقزارنة نستنا لفطووور نفطر و ندير قارو يغاشييي


جماعة كيف حوالكم رانا طلينا عيكم زايرين
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top