أمثال شعبية جزائرية هايلة كلماتها بسيطة، بصح المعنى كبير
العمل والجهد:- أخدم باطل ولا تقعد عاطل
- ازرع ينبت
- يفنى مال الجدين و تبقى حرفة اليدين
- في النهار تطوف و في الليل تنسج الصوف
- يعرف الاوقات كي الفروج وما يصليش
الكبرياء والمظاهر:- الحمار حماري و أنا راكب من اللور
- الكبش ينباع بجزته
- قد ماتكبر العين الحاجب فوقها
- لقاه راكب خشبة قالو مبروك العود
- واش من مرقة حرقت شواربك
الجيرة والعلاقات:- الجار قبل الدار
- اقصد الدار الكبيرة لا ماتعشيتش تبات دافي
- حماري ولاعود الناس
- دير كيما دار جارك و لا بدل باب دارك
- صاحبك هو جيبك
الحكمة والكلام:- الزعاف يخرج السر
- الفم المزموم ما يدخله الذبان
- الي ماهوليك يعييك
- انا نوصيك ياسعيد و انت في العمى تزيد
- اهدر على السبع يهدف
الغدر والخيانة:- الجرب حكاك و الخائن شكاك
- ياكل من الشجرة ويقطع عروقها
- خرج من الحبس طاح في بابه
- دعوة زوج ولا دعوة عجوز
الحكمة والبصيرة:- فوت على الواد الهايج وماتفوتش على الواد الساكت
- كم من قبة تنزار ومولاها في النار
- لي فيه طبة ماتتخبه
- الذهت يغير المذهب
- لي يتبع الاولاد داه الواد
أخرى متنوعة:- ماناكل البصل ما نحصل
- حج وزاير بير زمزم و جاء للبلاء يتحزم
- اقنع راس تزول الخصومه
- هو في الموت وعينيه في الحوت
- هم العرس ولاهم الضرس
- بيضة اليوم و لا جاجة غدوة
- اتهلاي يا عصاتي على كساتي
آخر تعديل بواسطة المشرف:
