تقدروا تعاونوني؟؟

[الطالبة نهلة]

السلام عليكم هاد العام ان شاء الله رايحة نعدي الباك وانا من الابتدائي ندي 8/10 كي طلعت للسيام كيف كيف ندي 16 /20 حتى جبت 17 و 18 وكي طلعت لليسي قعدت في 16 ساعات نفقد الثقة في روحي نحس روحي مانفهم واااالو مع انو الباك لازم تكون عندك ثقة كبيرة وارادة باه تجيب معدل مليح مي معلاباليش كيفاه نسترجعها عاونوني تعيشو راني ماحكيتلكم غير لاني علابالي بلي رايحين تنصحوني svp

 

[sisou023]

يا أختي الباك ماهوش غول يخوف عادي كي ابلباك كي السنة أولى إبتدائي أبقاي على المنوال لي موالفة تقراي بيه عادي لي ديروها اليوم عاودي راجعيها هذا مكان و راح يجيك كأي إمتحان ميخلعش

 

[assoma]

ماتخافي والو حنونتي
هاني انا هذا العام اديت الباك وانتي بربي العام الجاي
اقراي برك وكلش ساهل
وربي يوفقك يا الغالية​

 

[loca]

تعرفي حاجة مليحة في موضوعك يا زينة انو راكي حاسة بروحك وراكي قلتي انت ارداة في موضوعك هادا مفتاحها يا خيتي ارادة وقراية وخلي ربي في قلبك ومتقوليش مستحيل لانو مستحيل موطنها احلام عاجز وديري ثقة في روحك انو تقدري وتولي وتحقي وانت كيفهم ولاد تسعة قاع ان شاء الله يوفقك ربي حنونة .

 

[lynaa]

normal okhti sa arrive edjina kamel hakeda ya3eni machi kame generalement eli ya3arefo ya9eraw bzf keter pasq yekhamo bzf besah nchalah khir a9eray el coran w nchalah khir lina w lik fel bac

 

[sam11]

شوفي الباك ما يخوف ما والو لازم تقراي من اول العام وتحطي راسك

كوني واثقة في روحك وتكون عندك عزيمة وارادة وتركزي مليح

في دراستك وربي يكون في عونك

 

[TAREK DZ]

اختي ما تخافي ما والو خلي ثيقة في نفسك قوية وما تخميش فيه كل حاجة في وقتها اقراي قرايتك ولي فيها الخير هديك هيا
بالتوفيق

​

 

[Sami_Dz]

نشالله يا ربي

 

[الطالبة نهلة]

شكرا ربي يحفظكم والله فرحتني ردودكم وادعيولي في رمضان ماتنساونيش تعيشوا خاوتي

 

[الحاج الطيف]

ماتضخميش الأمور
كوني انتي جهاز التحكم بيدي الأمر ومتهونيش شكرا
​

 

[Toufik.dz]

هاو نهلة اختي نعرف ناسات مسكرين و أغبياء بأتم معنى الكلمة واداو الباك بمعدل فور
ومن خلال كلامك باين عليك لاباس بيك وما يخصك والو.. زيري روحك وكونسونطري مليح برك
وبربي ما يكون غير الخير ​

ربي يوفقك​

في لامان​

 

[رنيم الصمت]

هاو نهلة اختي نعرف ناسات مسكرين و أغبياء بأتم معنى الكلمة واداو الباك بمعدل فور

ومن خلال كلامك باين عليك لاباس بيك وما يخصك والو.. زيري روحك وكونسونطري مليح برك
وبربي ما يكون غير الخير ​

ربي يوفقك​

في لامان​

وانا وحدة منهم :no_1:..... تقول راك تشرشي :sneaky2:
الله يبارك عليك اختي ما شاء الله 17 18 و تخمي أناعام الباك اديت 9 في الفصول و المورال طالع و حطيت راسي في الفصل لاخير برك و جبتو بخدمتي
متخافيش كثري من صلاة الليل و الدعاء و كي يبدا العام نظمي وقتك بلا ما تعبي روحك
حسيتك دايرا الباك وحش ،، راه كي الباك كي الاعوام لوخرة ما كاين والو ...
و ربي يجيبهالك زينة و تطلعي من الأوائل ان شالله​

 

[mimitweety]

انا مانقدرش انصبرك باسكو انا تاني اني كيفك
ميتة بالخلعة

 

[الطالبة نهلة]

شكرااااا والله فرحتوني وعلى ميمي هههه تبعي النصائح اللي عطاوهالي وليت انا نصبر فيك درك *ربي يجيب اللي فيه الخير ان شاء الله*

 

[إحسَانْ]

احمدي ربي ختي كاينين عباااااااااااااااااااااد كيما حالتي هههههههههههههههههههههههههههههههه مانكملش خير

 

[Amir nini]

يااختي نوصيييييييك...ماتفورصيش رووك من الأول في عام الباكالوريا .

 

[abc.imane2009]

ربي ينجاحك يا اختى متخميش بزاااف ربي يفرجهلك.......

 

[somiasahraoia]

ما تخافي مال والو عادي

 

[الطالبة نهلة]

Meeeeeeeeeerci bcp

 

[tear of angel]

انا تانى هدا العام نعقب ومعدلى اقل من معدلك بصح علابالى كى نقرا نجيب انت اقراى بارك وربي يعين