حبيتكم تعاونوني وتقولوا ليا واش ندير

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2019
إنضم
19 أكتوبر 2013
المشاركات
677
النقاط
51
السلام عليكم اخواني اعضاء المنتدى الكرام
قبل كل شيء نحب نشكر الادارة على فتح هذا القسم ونحب نشكر كل الاعضاء اللي يساعدوا بكلمة طيبة فالكلمة الطيبة صدقة و احيانا كثيرة تٌريح طالب المساعدة
حبيت تنصحوني مانعرف لهادي مشكلة ولا لا المهم انا بنت عمري 24 سنة و مزلت نقرا تقدملي واحد وانا صراحة مرتحتلوش خلاص لا هو ولا عايلته جاء شافني وحكى معايا بصح انا مرتحتش ليه وقلبي من جهته مقبوض بزااف
طلب رقمي باه يتعرف عليا مليح نهار لي جاء شافني فيه انا مامديتلوش رقمي قتلو نخمم ايا ماما مدت رقمي لامو قبل مايروحوا ومن بعد قاتلي انا خليتلها رقمك .. وهو من بعدها بوم عيطلي كي رفدت قالي انا فلان تزير قلبي مجرد ما دكر اسمه والله العظيم غير قلبي مزير من جهته الله غالب مارتحتش ليه غرام بعد المكالمة صارحت امي قلتلها بالشيء لي حسيتو تقلبت عليا و قاتلي والله مانسمحلك كون ترفضيه عييت نشرحلها هي مبغاتش تفهمني قتلها ياماما راني ميش مريحة ليه حاولي تتفهمي قاتلي ميش مهم ترتاحيلو المهم تقولي ايه وتقبلي بيه راكي 24 سنة مبقالكش كيما درت معاها بالهدرة مبغاتش تقتنع قلتلها يعني نديه سيف قاتلي ايلا رفضتيه نقسم بربي مانزيد نهدر معاك و اللي يسقسيني عليك نقولهم ماعنديش طفلة و انسيني
صافي يعني محتم عليا نقبل بيه و لا تغضب عليا ماما
ياربي والله ماراني فاهمة واش ندير وكيفاه نتصرف بليز قولولي ولو كلمة
مع العلم اني استخرت وقلبي مزال مزير من جيهته مزير بزاف صدقوني والله العظيم
نسمع سمو يتزير قلبي و نحس روحي ميش مليحة جملة
انا لاهية بقرايتي وفقط والله العلي العظيم ماندخل مانخرج لغير قرايتي برك
خاوتي وخوتاتي ادعولي في صلاتكم ربما ربي يستجيب
 

ابوندى

:: عضو شرفي ::
إنضم
27 مارس 2009
المشاركات
4,612
النقاط
351
محل الإقامة
عنابة
رد: حبيتكم تعاونوني وتقولوا ليا واش ندير

تم الاعتماد
 

عفيفة الحبوبة

:: عضو مُتميز ::
إنضم
20 جوان 2010
المشاركات
610
النقاط
19
رد: حبيتكم تعاونوني وتقولوا ليا واش ندير

ربي يكون معاك يا اختي
ماعرفتش واش نقولك
لكن ماعطيتيناش سبب مقنع لي ماخالاكش ترتاحيلو؟؟
نقولك ادا كان هاد الراجل صح ماحبيتيهش و مش مقتنعة بيه جملة لاسباب شخصية و لا عاودي احكي مع امك اقنعيها كيما راكي مقتنعة حاولي معاها جاهدة
لانه زواجك ادا تم بدون رضايتك ماهوش زواج اصلا
و ربي يهدي بالك
 

روز

:: عضو شرفي ::
إنضم
9 نوفمبر 2008
المشاركات
7,098
النقاط
351
رد: حبيتكم تعاونوني وتقولوا ليا واش ندير

السلام عليكم
مادام صليتي الاستخارة..وزيدي داومي عليها..
فارمي حمولك على الله أكيد مش رايحة تعرفي أكثر من ربنا سبحانو
ياما بنات حسو بنفس احساسك وتزوجو وراهم مهنيات وعايشين عيشة رضية
وكاين بنات نعرفهم عملو لي راكي تفكري فيه بعد الخطبة بطلو لنفس الشعور لي راكي تحسي بيه
وصدقيني لحد الان ماتزوجوش وراهم في الثلاثينات وندمو وقالو ياريتنا ازوجنا وخممنا بعقلنا مش تسرعنا

يمكن لي تحسي بيه شيء نفسي فقط لانك مش حابة تتزوجي الان فراكي حاسة بالنفور منو
كثري من الاستخارة وأحسني الظن بالله وحتى لو كتبولك ربي اعرفي انو فيه الخير ليك..

احسني الظن بالله ضعي تحتها ثلاث خطوط حمراء
 
إنضم
9 أفريل 2009
المشاركات
5,472
النقاط
351
العمر
30
محل الإقامة
بسكرة
الجنس
ذكر
رد: حبيتكم تعاونوني وتقولوا ليا واش ندير

ربي يكون معاك اختي

بلعقل برك

و هنا رايحين نعاونك بدعاء ان شاء الله

ربي يمدلك على حساب قلبك

و نتمنى انك تعيشي مع لي يرتاح قلبك معاه

سلام
 
إنضم
9 أفريل 2009
المشاركات
5,472
النقاط
351
العمر
30
محل الإقامة
بسكرة
الجنس
ذكر
رد: حبيتكم تعاونوني وتقولوا ليا واش ندير

أختي احكي مع يماك مرة أخرى أحكيلها و فهميها


انو الزواج راه عقد الحياة و راكي انتي لي رايحة تعيشي

ما ترفعيش صوتك و ما تغضبيهاش راهي يماك

حاولي تلقى شخص يقدر يقنع يماك

المهم نصحية ما ديرش حاجة مش متقلتيها

و بإدن الله رايحة تفهمك مهما كانت قاسية

و نتمني من كل واحد يمر منا يدعيلك باه تخرجي من المحنة هدي
 

دعاء19

:: عضو فعّال ::
إنضم
18 أوت 2009
المشاركات
2,309
النقاط
83
رد: حبيتكم تعاونوني وتقولوا ليا واش ندير

الزواج تراضي بين طرفين وليس غصبا عنهما او طرف معين
وحاجة تانية اعطيه فرصة ربما تكوني واخدة فكرة عليه لهدا مرتحيلوش ولكن كنقولو احنا لي معرفك خسرك تعرفي عليه في نطاق احترام عجبك هي هاديك ماعجبك الله اعاونو فقط متسرعيش في حكم على الناس بدون السبب
 

lilia25

:: عضو منتسِب ::
إنضم
19 نوفمبر 2012
المشاركات
42
النقاط
51
رد: حبيتكم تعاونوني وتقولوا ليا واش ندير

هادي يماك و اكيد ماش راح تتمنالك الشر في حياتك و انتي ادا مرتحتيلوش لاسباب تقدري تحكي مع خالتك و لا عمتك و لا وحدة قريبة ليماك تفهمها و راح ندعيولك يفرج ربي و ادا مكانش مكتوبك هاد الانسان مراحش تديه و ادا كتبهولك ربي معليك غير تصبري
المهم مديريش لمشاكل مع يماك لي هي حابة مصلحتك هدا ماكان
 

محبة الدراسة

:: عضوية محظورة ::
إنضم
14 أوت 2013
المشاركات
102
النقاط
7
العمر
22
محبة الدراسة، تم حظره "حظر دائم". السبب: مخالفة القوانين
رد: حبيتكم تعاونوني وتقولوا ليا واش ندير

السلام عليكم

اسئلوا عليه مليح باش ما يبقاش قلبك مزير

و اذا لقيتوه انسان طيب فلا داعي للرفض
 

largo19

:: عضو مُتميز ::
إنضم
5 جوان 2008
المشاركات
803
النقاط
19
رد: حبيتكم تعاونوني وتقولوا ليا واش ندير

ربي يوفقك اختي ,,, الحل ساها ,, مادام عندو النيميرو تاعك كي يعيطلك قوليلو و صارحيه بلّي راكي ماكيش قابلة بيه و بلي يمّاك حابّة تفورسيك باش تقبلي بيه ,, أكيد يجبد روحو
 

راضية حامدة

*أستاذة* عضو شرفي
إنضم
30 أفريل 2010
المشاركات
1,281
النقاط
71
رد: حبيتكم تعاونوني وتقولوا ليا واش ندير

الاستخاااااااااارة ثم الاستخارة
 

ام براءة2014

:: عضو منتسِب ::
إنضم
27 مارس 2014
المشاركات
86
النقاط
3
رد: حبيتكم تعاونوني وتقولوا ليا واش ندير

حبيبتي الله يكون في عونك
اذا كنت تمشي علي خطي الرحمان فاعلمي ان هذا الاحساس الذي ينتابك ماهو الا وساوس الشيطان ليبعدك عن الصواب ويوقعك فيما حرم الله
انا واخواتي 6بنات لم تتزوج واحدة برضاها بل ابي يختار الزوج اقبلي ولادبري راسك والحمد لله ما عصناش والدينا وتوكلتا علي ربي وكلنا سعداء مع ازواجنا وانجبنا البنين والبنات.اول شئ واصلي دراستك ولا تكثري معه الكلام في الهاتف واصبري لعل الله يوقع حبه في قلبك ولا ترينه الا الرجل المناسب .
 
الحالة
مغلق ولا يسمح بالمزيد من الردود.
Top