ربي حللي ربعة ماش وحدة

[رقة الاحساس]

يا خويا ربي صح حلل ربعة لكن طلب المساواة بينهم
أنا راني نشوف في متزوج بزوج و لا تلاثة قليل منهم إلي راح يعدلو ​

 

[عبد الجبار الجزائري]

السلام عليكم ورحمة الله وبركاته​

اولا شكرا جزيلا على الموضوع​

الكل يعرف انه يستطيع الرجل ان يتزوج اربعة​

فهو شرع الله​

ولكن​

متى يتزوج​

هنا السؤال​

يستطيع الرجل الزواج مرة اخرى في اسباب عديدة
واهم هذه الاسباب
1- عندما تكون زوجته لا تستطيع الانجاب
2- عندما تكون سيئة الاخلاق
3- عندما تكون مصابة بالجنون ولا تستطيع الشفاء منه
4- عندما لا تقوم بواجباتها تجاه زوجها واولادها وبيتها ..​

هذه اهم الحالات
ولكن هل يستطيع الرجل الزواج فقط لانه يريد ان يتمتع
نعم يستطيع​

ولكن​

على حساب مشاعر واحاسيس الزوجة الاولى
عندها سوف يرتكب عمل مخالف للشرع والانسانية
لانه قد فرط في انسانة من الممكن تكون جوهرة وهو لا يعلم فقط لانه يريد اشباع رغابته
والله سبحانه وتعالى يوصينا بالعدل
في حالة الشخص تزوج اكثر من واحدة​

وربي يهدي ماخلق​

شكرا لك دكرتي الاسباب التي يستطيع من خلالها الرجل الزواج كدلك ربما تكون اسبابا للطلاق

وربي يهدي ماخلق

 

[عبد الجبار الجزائري]

تعرفو الحلال غير في الزواج


وديجا شكون قال بلي البنات يطايشو التقرير لنسبة عدد الذكور والاناث في الجزائر ل 2010 يقول بلي راكم


اكثر منا بنسبة 1.04 نتوما 50.52 واحنا 49.48 وتقولو رانا نطايشو:busted_red:

مقالوش راكم تطايشو انا هدي الهدرة ومنرضهاش لاختي الموضوع للنقاش يا بنت العلمة
العنوسية كثرت ونقلك كي نكون قاعد الي فوتو علي من البنات اضعاف المضاعفة على الرجال

طبعا هو حر يزوج 15 الا بغا و جاب فتوى شرعية :glare::glare:

مي مش وانا عندو​

يطلقني و يصيب راحتو :no_1::no_1:
[/QUOT
يا اختي تعدد الزوجات هو حلال محلل لدا لا ارى ضرورة للقسوة اتخيلي نفسك تزوجي راجلك بوحدة اخرى تكوني سببا لسترتها وتربحي الاجر مع رب العالمين خير من تروح للطريق الاعوج

اذا قبلت بيك وحدة راك مخير انت تحكي على اربعة هههههههههههههههههههه ياحسراه 70 مليون للعرس واحد يعني هذه اضربها في 4 مانيش قادرة نحسب شكون هذا الجزائري اللي قادر عليها بوتفليقة وماتزوجش على جال هههههههه الدفوع ياخي مهبول ياخي يحسب روحو في عهد الدولة العباسية
​

لاه هدا سبعين مليون واش رايحة تقلبيهم سلعة تباع

لا سبعين لا والو كاين المهر عندنا في منطقتنا 5 ملايين يعني اربع ب20 مليون

او العهد العباسي يحبلك باه تعيشيه اوموان كانو يطبقو شرع ربي

​

 

[mizora]

بالنسبة ليا ما كانش حاجة اسمها عنوسة او امرأة عانس
لانو كل شي بالمكتوب

 

[هداية الروح]

بارك الله فيك هدا هو الصح

 

[MR-REDOUANE]

الزواج بأربعة ..هذا الامر يتعلق بالراجل و مش المرأة توافق و لا ماتوافقش مايهمش بصح المهم الاسباب و الطريقة اللي تخلي هذا الراجل حاب يزيد يتزوج و كاين واحد نعرفو تزوج المرة الثانية بدون علم الاولى..الاولى عندها اولاد شوفو واش دار بعد ما ماتت مرتو الاولى بعد شهرين من وفاتها جاب الزوجة الثانية وقال لولادو هذي مرتي و عندي معاها 2 اولاد تولي غدر و خدعة في حق زوجتو المتوفية و في حق اولادو

 

[عبد الجبار الجزائري]

اليوم راه القانون نتاعنا خرج على العادة وهي لازم لمرة توافق باه يقدر يجيب وحدة اخرى
عندهم صح خويا على اقل يكون هنا سبب بش يزوج تانى

او يقدر يزوج كاينة ثغرة في القانون يضرب دورة ويعقد

يا خويا ربي صح حلل ربعة لكن طلب المساواة بينهم


أنا راني نشوف في متزوج بزوج و لا تلاثة قليل منهم إلي راح يعدلو ​

العدل صعب حقيقة لكن هو يدير الي عليه باه يعدل بيناتهم

بالنسبة ليا ما كانش حاجة اسمها عنوسة او امرأة عانس
لانو كل شي بالمكتوب

اعلم دلك كل شيء بالمكتوب بصح بكري ودك ماش كيف كيف

 

[kamou]

ادا قعدت كيما هكا عمرك ماراح تفهم
صح الراجل حللو ربعة
بصح ماشي ف 2010


الزواج ماولاش للسترة برك
زمان كانو يتزوجو مش بهدف تعداد الزوجات وفقط
بل كانو قادرين على شقاهم

احنا اليوم تلقاه متزوج واحدة ومعيشة معيشة اخر طيراز
ميزيرية وهموم وبروبلام

الواحد يتزوج اليوم يطلق غدوة
شهر تع قاطو وشهر لاخر عند بوgادو

الدين حلل تعدد الزوجات بصح حرم انعدام العدل بينهم .......
​

روح درك شوف واحد ناوي يتزوج
ههه
يخاف غير ينوي
بسكو مرتو ماخلتلوش الوقت حتى يخمم فيها
​

 

[naGam]

شوف الرجل احل 4صحيح
مي المرأة تغير تحب يكون راجلها لها هيا بوحدها ماتحب حتى وحدا تشاركها فيه وهي مش معارضة حكم ربي لا استغفر الله مي حاجة انتاع غيرة وكرامة و......
وزيد تاني الرجال كي يتزوجوا يتهلاوا في الزوجة2والاولى لا يهملوها ومايعدلوش بيناتهم هذاك علاه مايحبوش
​

 

[ماكانش]

بارك الله فيكم على الطرح المميز

لكني اريد التنويه فقط الى امر وهو لما يتكلم الانسان على انه يريد التعدد للنقص من العنوسة فنقول له يا اخي لك طريقة لتنقص العنوسة من الطرفين وذلك
بتزويجك احد الشباب الذي لايملك النقود او القدرة المادية على الزواج فتزوجه وبذلك حققت هدف اكبر واجر اعظم

وبارك الله فيك مرة اخرى​

اهلا زاكي راك هنا

 

[عبد الجبار الجزائري]

بارك الله فيك هدا هو الصح

وفيك بارك الله

الزواج بأربعة ..هذا الامر يتعلق بالراجل و مش المرأة توافق و لا ماتوافقش مايهمش بصح المهم الاسباب و الطريقة اللي تخلي هذا الراجل حاب يزيد يتزوج و كاين واحد نعرفو تزوج المرة الثانية بدون علم الاولى..الاولى عندها اولاد شوفو واش دار بعد ما ماتت مرتو الاولى بعد شهرين من وفاتها جاب الزوجة الثانية وقال لولادو هذي مرتي و عندي معاها 2 اولاد تولي غدر و خدعة في حق زوجتو المتوفية و في حق اولادو

تزوج درقة الله غالب الموافقة علابالي بلي متمدهالوش المراة المتوفية وهو راه غمل شيء في الحلال يعني تزوج بالحلال وهو امر عادي لان هناك ضرورات تجعل الرجل يعيد الزواج ربما الاسباب عديدة ولا داعي لدكرها

ادا قعدت كيما هكا عمرك ماراح تفهم
صح الراجل حللو ربعة
بصح ماشي ف 2010​

الزواج ماولاش للسترة برك
زمان كانو يتزوجو مش بهدف تعداد الزوجات وفقط
بل كانو قادرين على شقاهم​

احنا اليوم تلقاه متزوج واحدة ومعيشة معيشة اخر طيراز
ميزيرية وهموم وبروبلام​

الواحد يتزوج اليوم يطلق غدوة
شهر تع قاطو وشهر لاخر عند بوgادو​

الدين حلل تعدد الزوجات بصح حرم انعدام العدل بينهم .......​

روح درك شوف واحد ناوي يتزوج
ههه
يخاف غير ينوي
بسكو مرتو ماخلتلوش الوقت حتى يخمم فيها​

ياو يا سيدي كايف الي تكفيه امراة واحدة ومتقلبيهاش على 2010 لا فرق يدكر بين الماضي والحاضر الي حرمها ربي ميحللهاش 2010 والي حللها ربي ميحرمهاش 2010 لخطراش الدين صالح لكل زمان ومكان

شوف الرجل احل 4صحيح

مي المرأة تغير تحب يكون راجلها لها هيا بوحدها ماتحب حتى وحدا تشاركها فيه وهي مش معارضة حكم ربي لا استغفر الله مي حاجة انتاع غيرة وكرامة و......
وزيد تاني الرجال كي يتزوجوا يتهلاوا في الزوجة2والاولى لا يهملوها ومايعدلوش بيناتهم هذاك علاه مايحبوش​

انا على علم بان المراة تغير صح وتحب الراجل ليها واحدها وميشاركها حتى واحد فيه بصح الغيرة عندها حدود الرجال ماش كيف كيف وزيد الي زوج بالثانية ماش رايح يهمل الاولى ادا عاد يخاف ربي

 

[القلب الابيض]

عندك الحق اخي في كل ماقلته بصح صعيبة شويا باش الوحدة تقبل راجلها يتزوج عليها و انا نشوف كلما تعددت الزوجات كثرت المشاكل بين الزوجات و الراجل راح يزيد عليه الهم برك على كل حال ربي يهدينا شكرا لك

 

[MR-REDOUANE]

تزوج درقة الله غالب الموافقة علابالي بلي متمدهالوش المراة المتوفية وهو راه غمل شيء في الحلال يعني تزوج بالحلال وهو امر عادي لان هناك ضرورات تجعل الرجل يعيد الزواج ربما الاسباب عديدة ولا داعي لدكرها

تزوج عليها درقة و هي حية فنات عمرها معاه و قاللها باللي راني متزوج بوحدة اخرى و عندي زوج ولاد قتلها بلاطونسيون في صبحة عيد انا راني فاهمك افهمني انت
​

 

[عبد الجبار الجزائري]

عندك الحق اخي في كل ماقلته بصح صعيبة شويا باش الوحدة تقبل راجلها يتزوج عليها و انا نشوف كلما تعددت الزوجات كثرت المشاكل بين الزوجات و الراجل راح يزيد عليه الهم برك على كل حال ربي يهدينا شكرا لك

الانسان لما يكون يخاف ربي منظنش رايحيين يصراولو مشاكل
شوف كاين واحد تزوج بامراة متدينة واش صرا زوجاتو بوحدة اخرى المهم كل وحدة تزوجو اكتمل الى اربع مادا يعمل في رايك عندو طتبلة نتاع خضرة يصح نسيت ان ادكرك ان الاربع نساء متدينات

مشكور على المرور

 

[عبد الجبار الجزائري]

تزوج عليها درقة و هي حية فنات عمرها معاه و قاللها باللي راني متزوج بوحدة اخرى و عندي زوج ولاد قتلها بلاطونسيون في صبحة عيد انا راني فاهمك افهمني انت​

وصلت فكرتك بصح راه في الحلال المحلل كي قلها يتسمى طلعت لاطانسيون وماتت وهل في رايك هو سبب الوفاة

 

[nina bonoise]

ana manakbalch
yhab hata yzawaz b 10
mais mech w ana m3ah
ytalakni w yzawaz kima yhab
hada rayi

 

[souhila_95]

لاه هدا سبعين مليون واش رايحة تقلبيهم سلعة تباع

لا سبعين لا والو كاين المهر عندنا في منطقتنا 5 ملايين يعني اربع ب20 مليون

او العهد العباسي يحبلك باه تعيشيه اوموان كانو يطبقو شرع ربي

هههههههههههههههههههههههههه ضحكتني 5 ملاين قولي هذه المنطقة الرحمة على باباك ..راه منك بالصح..في لغواط 18 مليون ومتاقبلش بيك.. اما 70 مليون قصدي بيها تكاليف عرس كامل ماشي دفوع برك يا ذكي..والعهد العباسي فات خلاص اكل عليه الدهر وشرب عيش عصرك انت ههههههههههه قالك 5 ملاين راكم تسمعو نوصي الشباب اللي ماشي متزوج يروح الى منطقة عبد الجبار باش يتزوجو ههههههههه
​

 

[شهنوزة]

انا راني نشوف بلي الزواج رجع لامود في هدا الوقت
بصح ماكانش الي ماتزوجش وماندمش
انا جيرانا كانو عائلة هايلة باباهم تزوج ضاعت حياتهم الطفل كان باقيلو سمانة ويفوت الباك علاجال باباه ماجابوش ودرك راه ضايع هذه مسؤولية الاب رغم انو كان ممتاز
الزواج التاني مايخلف غير المشاكل بارسكو حنا مستحيل باه يعدلو يزوج الزاوجة والاولى قاع مايديرهاش في الحساب

 

[TAHAR4U2]

ياووو كي كي تتزوج المرا الثانية في الجامع
و امبعد تروح تثبتو في المحكمة
يقولولك الزواج هذا مكانش منو
الا اذا جبت موافقة الزوجة السابقة
و هنا قادرة الزوجة السابقة ترفع عليك قضية تطليق
حسب المادة 53/فقرة 8 من قانون الاسرة
و في الاخير تعود
معلق بين السما و الارض
​

 

[souhila_95]

ياووو كي كي تتزوج المرا الثانية في الجامع
و امبعد تروح تثبتو في المحكمة
يقولولك الزواج هذا مكانش منو
الا اذا جبت موافقة الزوجة السابقة
و هنا قادرة الزوجة السابقة ترفع عليك قضية تطليق
حسب المادة 53/فقرة 8 من قانون الاسرة
و في الاخير تعود
معلق بين السما و الارض
​

هذا كلام الصح بالصح السيد ماهوش عايش الواقع نتاعو يدبر راسو حنا درنا الواجب وفهمناه حاب يفهم بها ونعمة مايفهمش الله لافهم
​